#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
❇️ قصائد استشهاد الامام محمد الجواد عليه السلام




الك يبن الرضا دمعي تفجر ** وهتف ناعي المصاب الله أكبر
-------------
الك يبن الرضا گلبي تصدّع * ابسهم الفاجعة نصاب وتگطّع
وبجمر الحزن ذاب وتلوّع * اويظل للموت مهضوم ايتحسّر
-------------
يحگ للگلب تتمزّگ خلاياه * اويحگ للدمع لو دم سال مجراه
مصابك صبح كل الكون ينعاه * جن وإنس واملاك او هوه او ذر
-------------
مو عِجبه الگلب لو صوّبه الهم * مصابك لو على طود ايتهدّم
گبل ما چبدك يذوب بلظى السم * چبد الدين بالمحنة تفطّر
--------------
الحزن بالروح لجلك يظل سرمد * او يِظَل الجفن بغيابك مسهَّد
وجهك صورة من جدّك محمد * وفگد المصطفى بفگدك تكرّر
-------------
چبد المصطفى بآلامك نصاب * ويومك عاد يوم الضلع والباب
بضلع امك الزهره ماضي الصواب * لچن بمصيبتك أكثر تأثر
-------------
جرحك زاد من لوعة البسمار * اوعلينه جدد مصيبة الكرار
انطبر راس ابو الحملة بسيف غدار * وبسيف المآسي گلبك انطر
-------------
علينه اتجدّدت أحزان وهموم * وسمّ البيه طفت شمعتك هاليوم
گضه سبط النبوه بيه مسموم * الحسن وبمهجته الآلام تسعر
----------------
سهم فگدك وفگد الحسن سهمين * صارن سهم واحد صاب الحسين
المثلث طر دليل حسين نصين * وبسيوف الدهر جسمه توذّر
-----------------
يومك عاد أحزانه او رزاياه * اوذِكَرنه بلوعة ايتامك يتاماه
وألم زين العباد وجمرة احشاه * وسمّ البيه جمُر چبده تسجّر
----------------
مصاب اللي فجعنه بزين العباد * على الباقر وشبله الصادق انعاد
ومصايبكم صفت كل يوم تزداد * وكلهه اجتمعت بسجن ابن جعفر
----------------
گضه راهب العتره بسجن هارون * وخلص عمره بظلام السجن مرهون
وحين اعلى الحكم سيطر المأمون * لچتل عودك بده ايخطّط ويسهر
---------------
وحقّق غايته بأفكار شيطان * وفِجَع گلبك بعودك بدر الايمان
اورِحْت بحزن مهضوم لخراسان * دفنته وجمر آهاتك توجّر
---------------
دفنته ولأرض بغداد رديت * اوّنات اليتامه اعليه ونّيت
اوتقاسي مِن عگب عيناه ظليت * مثل ما قاسَه منّ اعداه واكثر
----------------
بجور المعتصم چم سهم صابك * يخمد نار أحقاده بعذابك
اوطُفَت بآخر سهم شمعة شبابك * اوّجه الكون لمصابك تغيّر
---------------
واغتالك وحيد بغير أنصار * واغتالك غريب بوحشة الدار
ولو بيده رماك بسهم غدار * مثل الصاب مهجة شبل حيدر
----------------
ومشه السم ابوريدك ويّه الاحزان * ومثل حسين جدك متت عطشان
ومثل حسين جرحك عاش أزمان * يتاني المنتظر لدماك يثأر
---------------
عقيل الكاظمي / بغداد


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_محمد_الجواد_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
#شهادة الإمام محمد الجواد عليه
.
.
.
3 ليالي اعله السطح ظل جسمك الطاهر
بيد الهظم والنايبه والسم الك حاظر
.
إمامي... ياخيرت العباد
إمامي.... محمد الجواد
.
.

بگلبك السم ارتمه
بها الليــالي المظلمه
المنــيه ســائله ادگ اعله بــابك
زلزلت عرش السمه
نزفت اعيونه دمه
من تصدقت الهه كل زهرة شبابك
.
بعيونك انظــر قافله يرمـــوها بسّــهام
يطفح على خدك جمر من نـــار الخيام
شفت الشريعه بدمعتك ومراكض ايتام
بنفاسك اسمع سيدي چن كسـر العظام
.
ياكلمة الله المنزله يالتــطلب النــاصر
بيد الهظم والنايبه والسم الك حاظر.
سلامي ... ياكعبةَ السداد
إمامي .... محمد الجواد
.
.
.
بيك اشوفن كربله
وشّجـره بالعـايله
عايشت درب السبي وي كل سبيه
صار سمّك سنسله
گوه جدمك تحمله
هذا حالك چن عليــل الغاضريه
.
نبظك ثگل يعــــني عشت فگد الحبايب
عودك ذبل جسمك نحل من هالمصايب
شاب وشبـت ياســـــيدي مــــن النوايب
من سم غدر أم الفضل شـــفت العجايب
.
بين أثر فوگ الجلد چن سحگة الحافر
بيد الهظم والنايبه والسم الك حاظر.
ودادي ... ياقبلةَ المراد
إمامي ... محمد الجواد
.
.
.
جسمك بهذا المسه
يچوي كلمن يلمسه
چن مخـــيم ابوريدك مشتعل نار
الهظم يمك رسه
بالنواظر تحّرسه
والدموع اترجم أنه بكربله اشصار
.
يالظامي من جمر الألم خلصت دموعك
السم لبس حافر واجه يهـــــشم ضلوعك
فصل الخريف ابلا خجل سلب ربوعك
اعظم هظيمه ابهالعـمر تطفى شموعك

هاي الزچيه اتقبـــلك بالمدمع الشاجر
بيد الهظم والنايبه والسم الك حاظر.
بلادي .... تلبس إلك سواد
إمامي ..... محمد الجواد
.
.
.
فكري يمك من سرح
ينظر أجبينك نضح
ياسفير وگمت أشوف ابوجهك آيات
مو دمه منك طفح
بل كتـاب الله انذبح
والسور عنك مشن كلهن سبيات
.
السجده والحــــج رتلن آيـات الاحزان
القـــارعه و الـــزلزله يقــــراها لقمان
يتلوا عليك الـــــواقعه وآل عمـــران
والكوثرُ والجاثيه والعصرِ والدُخان
.
ناحت عليك البسمله وي الضُحى وغافر
بيد الهظم والنايبه والسم الك حاظر.
يقيني .... والكهفُ والعماد
إمامي .... محمد الجــــواد
.
.
.
ساجد ودمعك جره
شنهي تنظر ياترى
نزلت آخـــر دمعه تندب بالمنيه
هايشبل الطاهره
منبر بفكرك قره
استمع من رتلت غــربة رقيه
.
وياهه تنـــعى سيـــدي حلو المحـــــاچي
تنظر أبــــوها عالارض ظل دمه زاجي
كالساع اشــــوفـــك تختنگ من البواچي
شفت الشمر يسطــرها ويسلب التراچي
.
المن تنادي وتلتـــــفت والوالد امسافر
بيد الهظم والنايبه والسم الك حاظر
.
ولائــــي ..... يامنهجَ الرشاد
إمامــــي ..... محمد الجواد
.
.
.
كملت آخر فرض
من حياتك عالارض
هالمسيه أم الحــسن ينزف جرحها
اليوم عالرب تنعرض
كل اساليب الرفض
خلها بيك أم الفضل يكمل فرحها
.
وسفه على تراب السطح خلصت حياتك
اثلث ليــالـي ترجمن كــل نـــايبـــاتك
لمن نــــزف چبـــدك اله تفـــرش عباتك
ريته علي الهادي يجي ويحــــظر وفاتك
.
الرحمه طشت عالارض من گلبك الصابر
بيد الهظم والنايبه والسم الك حاظر.
بكائي .... الك حتى المعاد
إمامي ..... محمد الجــــواد
.
انتهت ولله الحمد
لا تنسوني ووالدي من فضل دعائكم المبارك
.
حسن الموالي الفاطمي
.

.

ُ


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_محمد_الجواد_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴مٌصِاَْبهً گٍلّفُ اَْبو اَْلّهًاَْديِ
💔 وسمٌوهً يِاَْويِلّيِ اَْلّاَْعاَْديِ 😭🥀
ـــــــــــــــــــــــــــــــــــــــــــــ


ثلث تيـــــــــام ظل مطروح مسمـــوم ابسطح داره
عطشان وذكــــــر الحسين لجله دموعــــه تتجاره
**
جواد العتره مــــن انصاب بالسم أنمــــــــــــرد چبده
وحــــــــــــده تركته ابداره أم الفضـــــــــــــل لتضدّه
ضل ايعانـــــــــي من سمه أبسطح الــــــدار وبوحده
ماكوا واحــــــــــــــد أيعينه ولا كــــوا اليمسح أجبينه
هــــــــذا حــــــــــــال والينه
من كثر الأذيــــــــه أيلوج ومحد يعــــــــرف أخباره
***
عمره نـــــــــيّـــف وعشرين تجوي جمــــــرة مصابه
يعني زغيـــــــــــر لمّن مات سمّــــــه المعتصم صابه
إمام اوّاجــــــــــــــب الطاعه لكن أبـــــــــــــد ما هابه
خــــــــــــط الخطته الملعون الحاقــــــــد بالغدر مفتون
ونفّـــــــــــــــــــذ بنته للمأمون
الطاعــــــة منهــج الأشرار الدوم اتكـــــــون غدّاره
****
يحس چبـــــده أنفطر نصين ونــــــــار أبچبده متوجره
وضامي يشعــــــــر ولهفان مثل جــــــــــده أبو العتره
الرحل عـــن دنيته عطشان مــــا ضاك وشرب قطره
مثله والـــــــــــــــد الهادي على وجهــه العطش بادي
وحزنـــــــــــــــــــه تارس بلادي
مآتـــــــــــــم لجله مو مأتم نصبـــــــــت لجله أنصاره
****
صعد فـــــــوگ السطح عالدار راد مـــــــن الهوه نسمه
يحس ابريتـــــــــــــــه مخنوكه خنكـــــــها الظالم أبسمه
ومن كثـــــــــــــــر الأذيه البي ابوجهه غابـــــت ألبسمه
امــــــــــــــدد بالسطح مقهور دمعه عالجـــره ابعاشور
وذكـــــــــر لمصيبة المنحور
جدّه حسين أبــــــــــــــواليمه أبموتــــــــه شاغل أفكاره
****
بچت لجلــــه السمه وتنوح وأمـــــــــلاك السمه تنعه
من شافــــــت علي الهادي حاضـــــــر عنده ويودعه
وحضرت عنــــد بالتوديع بعض احبابـــــــه دتشيعه
أبنه أتكفـــــــــــــــل بأمره بيده وسّـــــــــده أبگبره
وگلبــــــــــــــــه يستعر جمره
عالراح وتــــــــــــــرك دنيا وخلدت بعــــــده أثاره
**
أحنه أنصبنــــــــــــه مأتمنه على مصيبة أبــــو الهادي
وسواد أنشرنه مـــــــن أجله وعم الحـــــــزن كل وادي
نواسي الطاهـــــــره الزهره الدوم أتصيـــــــــح أولادي
اليلطم والحضر يـــــــــــقره واليخــــــــدم على الفطره
واليكتب صــــــــــور شعره
تشفـــــــــــــع الهم أم حسين بيوم الحشـــــــــر وأگداره
***
خل ندعيلـــــــــــــــه للمهدي أبعزانه وهــــذا مأتمنه
الطالـــــــــــت غربته وطوّل غيابه وبـــــــــي تعذبنه
ينهــــــــــــــي الغيبته ويعود النه ويجلــــي كل همنه
نسأل يرجــــــــــــــع بيا يوم وينصر كل فرد مظلوم
ندري أمقــــــــــــدّر ومحتوم
يمليهــــــــــــا الأرض عدله بعد ميصفّي كـــــل ثاره





الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_محمد_الجواد_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴مٌصِاَْبهً گٍلّفُ اَْبو اَْلّهًاَْديِ
💔 وسمٌوهً يِاَْويِلّيِ اَْلّاَْعاَْديِ 😭🥀
ـــــــــــــــــــــــــــــــــــــــــــــ
قصيدة مجلس رئيسية للجواد ع
****
صوت الملايك بالسمه..... مات
بالغربه إبنچ فاطمه...........مات

نعش الجواد الليله
ماصحله من يشيله

بالغربه إبنچ فاطمه...مات
****

الملايك رسمت بجنحانها
لوحه حمرة والدماء ألوانها
وبيده جبرائيل خط عنوانها
(فاطمه ما تنتهي أحزانها)

لوحه بدماء و حمرة اللون
ولدچ يفاطم خلصو شلون؟

روحي لعلي وگليله
ماصحله من يشيله
بالغربه إبنچ فاطمه مات
****
نادو أعلى الزهره بالدمع اليهل
چنها نيتهم يگطعولج نسل
يالزچيه هالخبر ما ينحمل
جعده ردت بس بسم أم الفضل

تاسع الايمه ضاك الامرين
سم و عطش هم مثل الحسين

ومايمه من يشكيله
ماصحله من يشيله
بالغربه إبنچ فاطمه مات
****
الجنه صار أبابها موكب عزاء
وشترك بالدمعه كل ألانبياء
وإرتفع من الملا هذا النداء
شگد شفت يبن الرضا هم وعناء

يبن الاطائب واجب الموت
بس الهضيمه ماكو تابوت

دم مودمع نبچيله
ماصحله من يشيله
بالغربه إبنچ فاطمه مات
****
وياچ يا أم النبي نلبس .سواد
وعلى مصاب الي جره نعلن حداد
وخل صوت يزلزل السبع الشداد
الكل وداعآ يا حبيبي ياجواد

مات الجواد بغربه وهموم
ومن الشرب ياويلي محروم

آيا عظم هالليله
ماصحله من يشيله
بالغربه إبنچ فاطمه مات
****
للجواد بهالمسه إهتز المله
يا غريب رويحتك متعلعله
بس اليهوَّن بأمان العايله
بعاد مومثل الجرى في كربله

زينب وحيده وشبو النار
وماتدري يم الوالي شصار

وبالخيمه ضل إعليله
ماصحله من يشيله
بالغربه إبنچ فاطمه مات
****
ضلت أعلى التل تلوج محيره
خويه من كونك عدل شوف الجره
لو تودي بساع سبع الگنطره
لنها تسمع بالشمر حز منحره

صاحت يجدي الوالي مذبوح
ومن لطعن بي ما بكت روح

محتاره شتسويله
ماصحله من يشيله
بالغربه إبنچ فاطمه مات
****
خادم الجواد ع
جهاد البصيراوي



ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_محمد_الجواد_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴مٌصِاَْبهً گٍلّفُ اَْبو اَْلّهًاَْديِ
💔 وسمٌوهً يِاَْويِلّيِ اَْلّاَْعاَْديِ 😭🥀
ـــــــــــــــــــــــــــــــــــــــــــــ

تجري ظلــــت عينه بموته واسه حسينه
كربله عاشت بروحه وابد ماناسيهه
****
رغم مأساته وجراحـــــاته بحـــياته
الجواد بعصـــــــره عانه من طغاته
جان كلما يوكف ويدعـــــي بصلاته
ادموعه تجري ايكوم يمسحه ابعباته
صوره جن جدامه يشوف حرك اخيامه
صورة الايتام تنعه وهوه يبجي اعليهه
****
جان يتحمل ألـــــــــم ظلمه وعذابه
ايواسي راد القاســم بعمـره وشبابه
لاجن العريس متحنــــــي بخضابه
والجروح انطمت ابملـــــح الترابه
ينعه لأجل اجروحه لمن فاضت روحه
والجواد ابعز شبابه امصيبته ايواسيهه
****
وابد ماناسي علــــي الأكـــــبر يذكره
ايكول الله يساعد حســـــين اشيصبره
ايشاهد اوليده الجسم طبره اعله طبره
اتمدد اوياه ويضــم بيهه اعله صدره
نام يــــــــم اوليده فوكَه داير ايده
ايكَوم مايكَدر يعوفه وجثته ايخليهه
****
الجواد بروحـــه عاش الغاضــــريه
كل تفاصيل وحزن ذيــج الــــرزيه
هواي ينظر جفه واعيونه جــــــريه
وينحب اعله المشرعه وعمه الشفيه
يبجي ينعه اهوايه على راعي الرايه
عالنهر طاحن اجفوفه والعده امكطعيهه
****
هواي كسـرت كَلبه دمعات العقـيله
من مشت مســبيه زينب عالهــزيله
ياهظيمـه تنضرب هـــــاي الجلـيله
وهيه من بيت النبي ومبغى الوسيله
تجري دم دمعاته لو ذكــــــــر عماته
ينشد ابيات العزيه وزينب ايمر بيهه
***
آخر انفاسه صعد فوك اعله داره
للحســين اتوجهه ودمعه ايتجاره
بالمنيه اينازع ويقــــــره الزياره
سلم اعله المنذبح واللــي بجواره
موته واستشــــهاده عالتــــــــرايب راده
وهم ثلث تيام جثته محد يواريهه






ابو علي الركابي

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_الامام_الجواد_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ


يحيـــــــى النبي نقــــارنه
وي الجـــواد ابـﭼـم سنــه
رغم البُعد بالسنين .. متشابهين الأثنين
 
طفل يحيى ويسبّح ربـــــــه ويمجـــــــــــد
وابو الهادي طفل ويرتـــــــل ويسجــــــــد
أنـــولــد يحيى حكيــــم امن الله وامســــدد
الجواد أعلومـــــه من أجـــداده متولـــــــد
رب العرش ما أبــدعك
ابنص البطون وتركعك
ويستغفروك ابكل حيــــن .. متشابهين الأثنين
 
نبي وهم والـــده مثلــــه نبـــي الرحمن
النكرهم نعلم أحنــه امرافـﭻ الشيــطـان
الجواد ووالده اتعرفـــــه الأنس والجان
النكرهم آخــــره ودنيا قسم خســـــــران
من الزغر تاج العلم
لاﮔ ابعقلهم مرســــم
للأمه صاروا هادييـــن .. متشابهين الأثنين
ر
يجادل لو يحـــاور يحيـى ويناقـــــــــش
بني اسرائيل بهرهـــــه ودمـــر الفاحش
الجواد وصوتــــه ضل ابكل زمن عايش
بني العباس جحظهـــــم مثله أبد مامش
منهم تعلــــم البـــشر
اخترعوا افنون الفكر
هزوا عرش سلاطيــــن .. متشابهين الأثنين
ر
وﮔــف يحيى ابوجه كل ظالـــم وعاذل
وأخذ حتفه انـﮔـطع راسه بأمر باطـــل
اعترض حكم الظلم ابن الرضا عـــادل
تسمــــــــم وبأمر من طاغية وجاهــــل
متألمين أشـــــــــد ألم
يعجز وصفهم كل قلم
عاشوا دهر متعذبين .. متشابهين الأثنين
ر
1/7/ 2019 الخميس
لخادم اهل البيت:- كرار الحسينات الكربلائي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://hottg.com/+Dw92Dj9pmspR5uHfACGjlA

▪️كروب الالحان رقم 2
https://hottg.com/+Dw92DkJZ4tvb4YIzJWBWrg