آخر أعوامك   ودّع صيامك  
         ياعلي وداع المنيّه    من جرح هامك
                          ***    
    من گرب جرّاح هامك ياعلي وعــــــنّه  كشف
    بحسره دگ چفّين ادينه وناده ياحـــيدر وسف
    صوابك الأيّس طبيبه جرحه ماشـــــوفه نشف
    ويّه دم هامك الينزف عُمـــــــرك الطّاهر نزف
             ياعلي دخيلك   ياحزن ليلك
          هاي آخر ليله هيّه   راحت أيّامك
                          ***
    إعهد بعـــــهدك يحــــــــــيدر هذا آخر ليل الك
    تزوّد من أحباب گلبك هالمســـــه او ودّع هلك
    الموت لو يرضــــــــــــه بدالك بالأرواح نبدّلك
 
    و لا يظل بيت المواجــــــــــع و النّوايح منزلك
             خلّك ؛؛؛ ويانه   وحشه دنيانه
         لورحت هاي المسيّه   شيجرع آلامك 
                          ***
    خلّك ويانه يحـــــيدر و الله فگـــــدك مو سهل
    خــــــلافك بعـــــــين اليتامى لا تظن يحله نزل
    ياهو من بعدك يلمــــها و يمسح الدّمعه التّهل
    والد و ماكـــــــو بحنانك خيمـــــه وتلم الشّمل
          من وصل عَطفَك   و طيبك و لُطفَك  
         فدوه لتراب الوطيّه   الدّاسته جدامك
                          ***
    يالچنت ينكسر گلبك لو شفت دمعـــــــــة هظم
    بخد يتيم من اليتامى فاگــــــــد أب لو فگده أُم
 
    تنحني تمسح دموعـــــه و بيدك الصّدرك تظم
    اللـــــيله كل منهُم تشــــوفه من حنانك منحُرم
           يصرخ بنوحه   بمُهجه مجروحه 
           يازمــان شهالرّزيّه   الها مادامك
                          ***
    غَمُّضت عينك يحـــــيدر والحزن عم المــــــله
    و الحسين بدمع عينه جرح هامـــــــــك غسّله
    شيّعوك ونوح زينب بچّــــــــه أمـــــــلاك الفله
    و الحسن للدفن بيده بهــــــــــــيده نعشك نزّله 
             وبدمــع عينه   ودمعة حسينه   
         عالگبر نصبوا عزيّه   ياعلي أيتامك 
                          ***  
       الشّاعر// أبو سجّاد الجعفري 3 رمضان 1444هـ          

 
       تنوح اليتامـــــه   وتودع بسلامه  
       المشه الليله عنها   ولاتم صيامه
        علي الماكـــو منّه   رحل شخصه عنّه
                          ***                           
         ليلـــــة واحـد و عشرين من رُمضان       
         ليلـــــة فاجعـــــــــه وموادع وأحزان
         ليلـــــه أجــــرت دمع كل آيه بالقرآن
         مابين اليتامه و شَـــــــــيبة الرحمان
      علـي الكل حياته   فـــــريد بصفاته
      عله الفُقره ينشد   گضــاها المماته        
     خلص عُمره چَنّه   رحل شخصه عنّه
                       ***
 
 
         علي الأوّل علي الآخر علي الصّدّيق
         علي درع الإمامــه وبس عليه تليق                   
     علي الخصّه الإلـــــــه بآية التّصديق
     علي الواضـح بيانه بدون كل تحقيق
     علي الباري راده   أمير العــــــــباده   
     علي ذكره واجب   وتمام الشّــــهاده
    علي الحُــــبّه جَنّه   رحل شخصه عنّه
                      ***      
     علي الخلّص حياته بخدمة الأســـلام
     علي سـاعد مُحـــمّد بالحرب مِقـــدام
     علي الطُّهر الطَّهور الماسجد لأصنام
     علي حامـي حماها و ليثها الضّرغام
 
 
       علي البالحرايب   تهـــابه الكتايب
    علي ومن تندبه   تشوف العجائب                    
     الشّددنه و مِحَــنّه   رحل شخصه عنّه
                       ***                             
     علي الما مثلـــــه واحد بالعدل شفناه         
     علي وحـــــــــده علي أقسم بذاتِ الله
     علي الماغَرّه منصب لاحكُم لاجـــــاه
     علي الطَّلّگها كلــــــها و زاهد بدنياه     
    علي الحق شـعاره   يدور بمــــــــداره         
    علي الكلـــها باچر   تلوذ بجــــــــواره
    علي الشّافـــع إلنّه   رحل شخصه عنّه
                       ***
 
 
     علي راعي اللوه المنصور بالمحشر         
     علي الودّه رُبح و الضّد علي يخسر
     علي البولايته شــــــــيعة علي تفخر 
     علي السّاقي غــــــداً وبيمنته الكوثر
    علي نشـوفه باچر   المُحبّينه حاظــــر
    علي البسمه تلهج   قلوب و حناجــــر    
    دماه شــــيبه حَنّه   ورحل شخصه عنّه
                      ***
     علي الأملاك بســــمه اتسَبّح و تقره          
     علي النبأ العظيم وآية الكُــــــــــبرى
     علي الما فاته فرض بيوم من عُمره
علي العامــر مضيفه و ما يرد فُقره
          
 
       علي الليله داره   مـــلاذ الحيارى 
        بعد ياهــو الها   وتنادي بمراره       
     يراعي المَحَـــــنّه   رحل شخصه عنّه
                  ولا تم صيامه
                       ***
 
 
 
 
                                الشّاعر                      
                         أبو سجّاد الجعفري
                        5 رمضان 1443هـ

نعي ليلة جرح الامام أمير المؤمنين عليه السلام

         مدري شحال زينب من لفاهـا الصّوت  (تجليبه)
         أبوچ انطبر هامه بسيف طــبرة موت
         گومي بساع حَضري الچّفن والتّابوت
         وعلـــــــيه خلّي يزينب ونّتچ بسكوت
                           ***
         لا يســـــمع نحيبچ لمّــــــــن تنوحين
         بعد أكــــثر يزينب مُهجــــــــته تأذّين
         ومسحي دمــــوع عينچ يَمّه لاتبچين
         مايحــــــمل يشـــــوفچ دمعتچ بالعين
                           ***
         عله اچتاف الحسن وحسين رد للدّار
         مابي عله الگومـــه الحيل منّه انهار
         گومــي اتلگّي أبوچ وصيحي ياستار
 
         طر سيف ابن مُلجم هام حامي الجار
                          ***
         گرب من باب داره و أومـــه لأولاده
         نزلــــوني بوسطكُم أمشـي عالعــاده
         أخاف أتشّوف أبوها وديعـــة السّاده
         محـــــمول و علي مــــو هذا معتاده
                          ***
           ما متعـــوّده يا والـــــــدي أعليك  ( نصّاري )
           بهذا الحال أشــــوفنّك وأصد ليك
           محمول وتخــــط بالأرض رجليك  
           يريته الموت ياخــــــذني ويخلّيك
                           ***
           المن هاليتامـــــــه تروح بعـــــدك
 
           يبويه لوفجــــــر باچـــــــر تفگدك
           وبيّه شلون يابو حســين أنشـــدك
           لو ضمّـــــاك عنّي تراب لحــــــدك
                          ***
           فك عينه اعلــه زينب و أومه ليها
           ضمّي  دمـــوعچ و لا تهلّــــــــيها
           الجثة حســـــــين لمّن تشــــوفيها
           عله الغـــــبره وتدوس الخيل بيها       
                          ***   
           يبويه الكــــــــربله ضمّي ادموعچ
           وعوفي صواب أبوچ وكُفّي نوحچ
           چن اعلـــه الهزل محنيه ضلوعچ
           وســــــياط اليســـــر تاكل بروحچ  
             الشّاعر // أبو سجّاد الجعفري
 

نعي


      اجه وكت الغروب وانته مــــــاجيت
      يالچـــــنت بحـــــــنانك تارس البيت
      تظل ســــــالم يبويه شـــــگد تمنّيت
      خـــــــذاك المـــــوت منّي وماتهنّيت
                      ***
      أمس جدّامي أشوفن شخصك الغالي
      وتمسح فــــوگ راس وتنشد بحالي
      هسّــــه الدّار مــــوحش منّك وخالي
      رحت عنّي وعفتني بعــــازت الوالي
                      ***
     غفت للمـــوت عينك يغلــــه الاحباب
     برض المگــــبره وغاطــــيك التراب
     تغيير لوني بعــــــــــدك والگلب ذاب  
     تعـــــال وشــــوف دمع العين سچّاب 
                      ***
     ياهـــــــي المثلي ياحـــــــــيدر أذوها
     ومن أمـــــــها وأبوهـــــــا يتّمــــوها
     بعــــــــــــد شتنتظر زينب يبـــــــوها
     سم چـــــبد الحسن لو نحر أخــــوها
                      ***       
 
                                 الشّاعر
                          أبو سجّاد الجعفري
                       20 رمضان 1441هـ

نعي ليلة الوفاة



   لمّا قضى أمير المؤمنين علي ( عليه السّلام ) نحبهُ مظلوماً شهيداً غسّلهُ أولادهُ   
   وكفنوه ثُمَّ بعد ذلك حملوا نعشـهُ الى مثواه الأخير وكانت زينب  (عليها السّلام )        
   تودّع نعشَ أبيها بتلك الدّموع الجاريه كأنّي بها ؛؛
       يشــــيّال النّعــــش ريض ببونه
   بعلـــي بهداي يامن تشــــيعونه
   أخاف صواب هامه تلچـــــمونه
   ابحد السّيف راسـه انطبر ونطر
                 ***
   أناديكم وأصــــيح ابرفع صوتي
   بنعش المُرتضى ريضوا يخوتي
   گبل مــــوته يريته گــرب موتي
   ولا شـوفه خضيب الشّيب حيدر
ثُمَّ بعد ذلك أخذت تخاطب نعش أبيها الذي كان لها السّلوى بعد شهادة
أمها الزّهراء ( عليها السّلام )
   كل ساعه اعله شــوفك علّمتني
   وحنان أمّـــي بحنانك عوّضتني
   أشوفك شو رحت عنّي وعفتني
   وعله فرگاك بيّه اشلون مگـدر
                 ***
     ثّمَّ أخذت تحن في أرجاء الدّار الخاليه من أبيها أمير المؤمنين (عليه السّلام) تارةً
     تنظرُ مكان جلوسه وتارةً تنظرُ محرابهُ الخالي ؛
         
         الأبو مابين أهل بيته يمحـــــلاه
          ويامحـــله الليالي الرّاحت وياه
          مشه ولا بطّلت دمعـــــة يتاماه
          الوي كل ليل چان يمـرها لومر
                       ***
         بعد المـــن أصيحــن بويه لوريد
  أشوف البيت خالي وشوفك بعيد 
  أعايدمن بعـد من يجـــبل العـــيد
   يالحـدر التُّرب خـــــدّك تعـــــفر         
                 ***
   وبعد أن دفنَ الحسنان (عليهما السّلام) نعشَ أبيهما علي (عليه السّلام) رجعوا الى
   الدّار وجلسوا للعزاء مع اختهما زينب وأم البنين (عليهما السّلام)
       ويه الحســـــــنين زينب وأم البنين             
       گعدن للبواچي ودمعـــــــة العــــين
       يتامه أصبحنه من بعدك يبو حسين        
       وعلينه الدّهـــــر بالأحزان يفــــــتر
                  ***                    
    أبو سجّاد الجعفري 15 رمضان 1439هـ      

       هاي آخر مسيّه   بوداع  المــــنيّه    
                   نودع الرّاح
                       ****
      كل  عزيز   بليلــــــة  التّحضر  وفـــاته
      يدير  عينه   ويلتفت   سـاعة   مماته
      نوبه    لولاده   يصد   نوبه      البناته   
      الرّاح عنها  يروح  و تظل  ذكرياته
    الكل عُمره وزمانه   تغــــذّت من حنانه 
                  أرواح وأرواح  
                       ****
     اللـــيله من دار الوصي صوت المناحه  
     ارتفع من جرّاحه صد هامـــه وجراحه
     حل شداده وصفگ بالرّاحه اعله راحه
 
                علي الرّاح يروح يفجــــــــعنه برواحه
         راحت تفغه عينه   ويروح من ادينه
                  فجره لو لاح
                       ****
     و اعلــــــــيّا   كل   يتيم   بعالي   صوته
     ينادي ومصاب الوصي فجّـــــر سكوته
     ويّه أبو الفقــــره  يتمـــــنّه الليله موته
     علي يبات بجوعـــــه و يغــــذّيها قوته
    يشوفه أيّس طبيبه   وينعاه  بنحـــــــيبه
                  وبالحزن ناح
                       ****
     اعهد بعهـــدك يحـــــيدر هــــــاي هيّه
     طبرتك  مسمومه  ياحامـي  الحمـــــــيّه
        مابقت  من عمرك الطّاهر  بقــــيّه
        بين أيتامك و أهل بيتك عشـــــيّه
         و  يتيتّم  آذانك   والعاش بأمانك
                  ياعلي صاح
                       ****
        وين  رايح عنّه  ياحــــيدر دخيلك
        يالچنت  بين اليتامه  تگضي  ليلك
        وين من بعدك يصح  واحد مثيلك
        يالجبت  كل  عُمرك  بطاعة  خليلك  
    ريته الموت أخذنه   ولا منّك حرمــــنه             
                  ياعلي وراح
                       ***
       الشّاعر // أبو سجّاد الجعفري 1 رمضان 1445هـ                                                    

   رُكنُ الهِدايَةِ وَالتُّقى   لِلعــــالَمِ العُلوي رَقا
      والرّوحُ رَدَدَ ناعياً غَربَاً يُعزّي وَمَشرِقا
                        ***
  بانت علامات الحزن وتراوت أشــــــباح القدر
  ولا مثل كل  ليلـــه المضت ليلتك  ياتاسع عشر
  بيك العــــــــلايم بيّنت وللمُرتضى لاحت صور        
  بمحرابه تنطر هامــــته  والمُلتقى وكت السّحر
   قَدْ شاءَ رَبُّكَ ياعَلي   لُقياهُ  في الحَقِّ  الجَلي
      عِندَ الصّلاةِ بِوقتِها وَبِفَجرِها يَحلو اللقا
                        ***
  الوجه السّمه عينك تصد وتسترجع بكلمة هيه
  اللــيله اللي بيها تواعدت وبيها الرّزايه الآتيه
 
  وبصحن دارك رفرفت طيور الأوز وباكـــــيه
  تتوسّلك يمــــــــــها تظل  چنها برحيلك داريه 
   فيكَ  الطّيورُ  تَعَلّقَتْ   وَدُموعُ فَقدِكَ رَقرَقَتْ
        وَالبابُ حَلَّ لِمئزَركْ وَبِهِ تَراهُ تَعَلَّقا
                       ***
  كل هالشّـواهد بيّنت وانته بحيازيمـــك تشـــد  
  لا رجف گلــبك لا ضعف  لا عن أمر ربّك ترد
  عالموت عــــازم  نيّتك  ومن  نيّتك بان القصد
  في رضا الله وطاعــــته للموت دومك مستعد
     يا آيةَ الكُبرى وَلَكْ   كَمْ آيَةٍ فـــي مَقتَلكْ  
       العَدلُ والحَقُّ مَعَاً يَومَ الرّزيَةِ أُزهِقا
                       ***
 
   كَبّرت  وآذانك دخــــل  كل بيت لمّـــــن كَبّرت
   وحَيَّ على  خير العمل ياحـــــيدر الها تمثّلت
   خاشـــع  وآيات  الحــــمد  للباري بيهن رتّلت
   وبيدك الفرضك قدّمت روحك  وچفّيك أسبلت
    ما إن رَفَعتَ لِهامَتَكْ   وَلَها  بِصُمصامٍ  فَتَكْ         
      ابنُ المُرادي بِحِقدِهِ وَبِحَدّهِ لَكَ أرهَقا
                        ***
  وانته بسجودك  ياعلي (  البارئك  شخصك لبّه )
  عالموت طفت بمُهجتك ( بلا خوف  وبلا رهبه)
  أهــــــلاً يموت بجيّتك  ( تخاطبه بكلمه العَذبه )
  وبلحظة صوابك  صحت    ( فُزتُ وَرَبِّ الكعــبه )
    ماقالَها مِنْ قبلُ حَد   للخالقِ الفردِ الصّمدْ
 
        إلّا فتاها حيدرٍ بِلِسان صِدقٍ ناطِقا
                         ***
  دم هامتك شيبك صبغ من ضربته المسمومه
  الهدت قواك و خلّتك ماتگــــدر اعله الگومه
  يمجدّل  أبطال  العرب تشـــــــهد الدّنيا علومه
  تدري اليتامه بعازتك يومك بعــــــد مو يومه
   في بابِ دارِكَ تَندِبُ   لا طابَ بَعدَكَ مَشربُ
    يارِحمَته اللهِ الوداعْ وَالحَشرِ يَومَ المُلتَقى 
                        ***
                        الشّاعر
                  أبو سجّاد الجعفري
                2 رمضان 1445هـ
           

             وداعاً علي ياسور الحمه
                       *
   علي المعروف بكمالــــه علي ياسر هالأتى
   علي دين الله  وكتابه علي علمــــه وحكمته
   علي البيه النّص تنزّل علي حلمـــــه وآيته
   علي سيف الله ورسوله علي الماغيره فتى
             وداعاً يابطل كل موزمه
                       *
   علي الكل عمره معاجز علي الما مثلــه أحد
   علي رب السّمه اختاره علي وبكلــها انفرد
   علي بي  طلگت الكعــــبه علي بالبيت انولد
   علي عالي  الرّاس  دومه علي بس لله سجد
            وداعاً الباري وجها مكَرِّمه
   علي  تيجان  الفضائل  علي  نور  السّاطع
   علي البدور العـــــباده علي ســاجد راكـــع
   علي البسوح الحرايب علي  ســـيفه القامع   
   علي هوّه أوّل خليفـــــه علي موش الرّابع
            وداعاً ياحبيب  أهل السّمه
                       *
   علي شاطر سيفه مرحب علي يوم أكوانها
   علي قالـــــع باب  خيبر علي الرّج  ميدانها
   علي  التّخشاه  الكتايب  علي  الذّل  فرسانها
   علي  الما  أدبر  ولا  فر  علي  الشّل  أبدانها
              وداعاً ياحليف الغانمه
                       *
     علي گلب الماكو مــــنّه علي البس أيتامه
   علي التّعرف  شنهو هوّه  علي الكل أيّامه
   علي ينگط  چفّه   غيره علي الشّهر صيامه
   علي  بالمحراب خاشـــع علي صابوا هامه   
             وداعاً ياجرح ينزف دمه   
                       *          
    علي مد  للموت  باعه  علي  غُمضت  عينه
    علي للقـــــبله  توجّه علي و مد چفّـــــينه
    علي لا ينزف  صـــــــوابه علي يمغسلينه
    علي لا ينلّچم  جرحــــــــه علي  يمشيعينه
             وداعاً وره نعشك لاطمه
                       *
     
       الشّاعر // أبو سجّاد الجعفري 5 رمضان 1445هـ                                   
   

             وداعاً علي ياسور الحمه
                       *
   علي المعروف بكمالــــه علي ياسر هالأتى
   علي دين الله  وكتابه علي علمــــه وحكمته
   علي البيه النّص تنزّل علي حلمـــــه وآيته
   علي سيف الله ورسوله علي الماغيره فتى
             وداعاً يابطل كل موزمه
                       *
   علي الكل عمره معاجز علي الما مثلــه أحد
   علي رب السّمه اختاره علي وبكلــها انفرد
   علي بي  طلگت الكعــــبه علي بالبيت انولد
   علي عالي  الرّاس  دومه علي بس لله سجد
            وداعاً الباري وجها مكَرِّمه
   علي  تيجان  الفضائل  علي  نور  السّاطع
   علي البدور العـــــباده علي ســاجد راكـــع
   علي البسوح الحرايب علي  ســـيفه القامع   
   علي هوّه أوّل خليفـــــه علي موش الرّابع
            وداعاً ياحبيب  أهل السّمه
                       *
   علي شاطر سيفه مرحب علي يوم أكوانها
   علي قالـــــع باب  خيبر علي الرّج  ميدانها
   علي  التّخشاه  الكتايب  علي  الذّل  فرسانها
   علي  الما  أدبر  ولا  فر  علي  الشّل  أبدانها
              وداعاً ياحليف الغانمه
                       *
     علي گلب الماكو مــــنّه علي البس أيتامه
   علي التّعرف  شنهو هوّه  علي الكل أيّامه
   علي ينگط  چفّه   غيره علي الشّهر صيامه
   علي  بالمحراب خاشـــع علي صابوا هامه   
             وداعاً ياجرح ينزف دمه   
                       *          
    علي مد  للموت  باعه  علي  غُمضت  عينه
    علي للقـــــبله  توجّه علي و مد چفّـــــينه
    علي لا ينزف  صـــــــوابه علي يمغسلينه
    علي لا ينلّچم  جرحــــــــه علي  يمشيعينه
             وداعاً وره نعشك لاطمه
                       *
     
       الشّاعر // أبو سجّاد الجعفري 5 رمضان 1445هـ                                   
   

           باچر أصـوات المآذن جعفريّه
           والبقيع ايصير مثل الغاضريّه
   او يعتلي هـذا النّداء    يالله حَيَّ اعله العزاء
                       *
       باچر ابن الزّهره والصّــــفوه الغوالب
       يسل سيفه او يگطع چفوف النّواصب
       يعتني لرض البقـــــــيع اويه المواكب
       يبني بچفــــــوفه مراقــــــدها الأطايب
        وبطلعـته ايداوي الگلوب الجريحه
        وكل گبر مهدوم اله ايشيّد ضريحه
   يرفع ابصحنه الدّعاء   يالله حَيَّ اعله العزاء
                        *
        بيده فــــــوگ اگبورهم يبني المناير
        والمواكب تنّصب للخــــــــدمه باچر
         ياهلا او ميّة هلا أصوات الحناجر
         او بعد مانســمعها لاتشــرك يزاير
       او زاد أبو محمد سفرته اتمدها ادينه
       من مضيف حسين لگــــــبور المدينه
    تنطي للعالم شــفاء   يالله حَيَّ اعله العزاء
                       *
      باچر ابن العسكري او مُحيي الشَّريعه
      كربلائه الثّانيّه يصــــــبح بقيــــــــــعه
      يســـود عدله العـــــالم او ينعم جميعه
      او كل حجيج البيت تهتف شيعه شيعه               
          قادم ابن العسكري الثّاراته قادم
          رافع أعـــــلام المواكب والمآتم
   جاءَ وعـــدُ اللهِ جاء    يالله حَيَّ اعله العزاء
                       *
       يجي الگبر المجتبى او گـبر ابن اخيّه
       زين العباد او يشــــــــيد الهــــــم بنيّه
       يعلي صــــرحين العــــــــلوم الجعفريّه
       او يظهر بعلـــــمه گـبر أمّـــــه الزّچيّه
        مخفي عن وجه الأرض فاطم گبرها
        فوگ خدها يلگـه أثر چف السّطرها
  او ينحب ابذاك البكاء    يالله حَيَّ اعله العزاء
                        *                 
       من بني العباس وأشـــــــرار آل أميّه
       باچر ابمحكمته ترفـــع چم قضــــــيّه
       يبدي من ظُلم السّـــــقيفه النّاصـــبيّه
       والشّـــهود المحسن او ضلع الزّچـيّه
          والحرگ للباب باچر يلگه ناره
          للقصاص اموجّـــره وبأنتظاره
   وَسَيَصلاها جـــــزاء    يالله حَيَّ اعله العزاء
                       *
      او من بعد يتعـــــنّه للمگطوع نحــــره
      يلگـــه چم حافر فرس مغروس صدره
      للمـــله يرفع رضـــيعه او عينه عـبره
      بالسّهم مذبوح ست اشــــــهور عمـره
        اتلگّـــه أبو السّجّاد دم اوليده بيده
        ازغير نحره والسّهم ضك ابوريده
  مخضّب ابفيض الدّماء   يالله حّيَّ اعله العزاء         
           والبقيع يصير مثل الغاضريّه
                        *
                                                           الشّاعر
                                                أبو سجّاد الجعفري
                                                7 شوّال 1438هـ    
                

   يناعي الطّف    الك مــــاكف     دمع لمصاب أبو اليمّه               
                              ***
  بس ما فتّشــــــــــت عينك    عله الدّنيا ومصــــــــــايبها
  يصادق عــــــترة آل البيت    درّتلك ؛؛؛ محـــــــــــــالبها
  مواجع من ثره العــــــاشر    الك يرويهــــــــــــــا كاتبها
  أبوك وغــــــــرست بگلبك    مآســـــــــي الطّف مخالبها
    بحزن دهرك    خلص عُمرك    علــه المتغسّل بدمّه                 
                              ***
   يبو الكـــــاظم حزن نوحك    فلا بطّل عله الضّامــــــــي
   غريب الغاضــــــريّه الظّل    ليالي اعله التُّرب دامـــــي
   ونّك كل وكت يحســـــــين    يبن البالشّـــــدد حامـــــــي
   طحت من صوّب الگلـــبك    ياجـــــــد بالسّهم رامــــــي
    غطـه الذّاري    جسد عاري    وذر عالگـــاع شيلمّه                  
                               ***          
    بصلب عودك چنت والطّف    ضگت لوعــــــــــاته وآلامه
    شفت جـــــدّك شلون الخيل    ترفس حـــــــــــــيل بعظامه
    وشفت تحت السّــياط تلوع    يبن الباقـــــــــــــــــر أيتامه
    الفـــرّوا من ســـــعير النّار    حين الحـــــــــــرگوا اخيامه 
          وبعد بالبر    شفت خدّر    علـيها النّاس ملتمّه
                               ****
    شفت اخيام محــــــــــروگه    وشفت فــوگ الجمر رضّع
    وشفت المالهن نغّـــــــــــار    الهن يلحـــــــــــگ ويفزع
    صهــــــــيل الخيل أرعبهن    وصرخات الحــــــرم تسمع
    العاشت بالخـــــــــدر والعز    شـــــلون ويه الغُرب تطلع
         بمدامعهن     مواجعهن     يصيحن وين ياعمّه
                               ****
     ينخن زينب وتركــــــــض    عليهن بت علي بســـــرعه
     اهنا واهنا تدوّرهــــــــــن    عله كل صوت التســــــمعه
     تلم أيتام بين الخــــــــــيل     بين اســـــــــــياط متروعه
     والصّــــوب النّهر الهـــــا     شفت چم روحه چم رجـعه
         بدمع هامل    يبو فاضل    تحشّم صاحب الهمّه
                                ****
     بقت هالصّور مرســــومه    يبو الكـــــاظم عله جفونك
     بكل ســــاعه تشـــــاهدها    وتهل دمعــــــــاتها عيونك
     ويه أهل بيتك عله العطشان    تبچي ويه اليعــــــزّونك
     لحد ما بالسّم القـــــــــاتل    بني العباس يســــــــگونك
      طبگ جفنك    وأثر حزنك    اعله جدّك تنعه تنعه أمّه
                               ****
 
 
 
 
                                                    الشّاعر
                                             أبو سجّاد الجعفري