عطرچ بي سكر للشم

مو بهدوم ، بشفافي النهد ينظم

الما ضايگ خدر بوسات

خل يندم

عبدالله العبدلي

لا يبقى في الذاكرة سوى ما نريد نسيانه.

اعظم جملة للوفاء گالها قحطان العطار بصوته :

حته لو عاشرت غيري ، ابقه ذاك آنه و أحبك !

من تحب شخص ومحتفظ بهل حب بگلبك وبلحظة ضعف گدام صورته تگله أحبك وجوابه يكون بارد وما يهتم للگلته !!

(هنا ماكو رد غير الي غناه حسين نعمه بصوته)

يا حريمه .. نباگت الچلمات من فوگ الشفايف !

ما يستاهل نحبه
المزعل حبيبه ونام

ولا نسهرله ونضحي
دامه إعله البعد محتام

عبدالله العبدلي

تجين نتريگ سويه 💕🎶

الهوه الينجاس بعيونك يطش حزني
ويفيض الگيض

ويرسمني الصده دخان يم جيدك
شحلات العافيه من ايدك

عبدالله العبدلي

تذكـر الليلة النمت بيها إعله صوتي

كلشي بيها إحساسه ناصي

وبس علو انفاسك أسمعه

إمن أختتگ منك حبيبي

كلشي يم ليلتنا أطلعه

عبدالله العبدلي

مخنوگ افز لليل مخنوگ
مبيوگ مني الفرح مبيوگ
جا يمته اعيشن عيشة الشوگ

طبگة باب بيت بحزني مطبوگ

عبدالله العبدلي

من تالي صاير ما تحن
مشغول بالك دومك

مافززك عطي اللذي
شابگ إخيوط إهدومك

من تالي لابسلك وجه
ما يشبه الحاچيته

معقولة هذا انت الصدگ
كل هل وكت حبيته


شمغير إعيونك گبل
مو هي هاي إعيونك

معقولة تگدر تبتعد
ولا امر عشگ بظنوك


عبدالله العبدلي

إشبعد بينه

ونعيش الغربه مگفه إهلال

طيح إعليه

من يطيح ، يشبگ بالنهر شلال

وإستنگيني شَم دنيـه

يل بعينك شفت روحي هلا إغنيـه

عبدالله العبدلي

اقرالك وما أنقره
شثگل الرساله البارده

فاتحلك بعيني الهوه
وبوجهي بابك ساده

عبدالله العبدلي

ليش دنيت المحطه لشوگنه

وجبت التذاكر

ليش من گتلك احبك

گتلي طبع الريح نفخه

وگتلي طبع الريل طبعي وراح اسافر


عبدالله العبدلي

مدري إمنين اجت عينك

وفز بيه العشگ حولين

للجـنه

إشبعد من العمر وأگضيه أتمنه

باچر للشـلب خطار نفزع ماي

باچر غيم يشبگ غيم

من تتگاود إنت إوياي

عبدالله العبدلي

زِلـفت ..

والكحل مشـوار

لمباوس إعيون الشوگ

وإلتميـنه عيـن بعيـن

چـن لـمة شعـرها بـطـوگ

اليـنضاگ بالسرعـة

چـنه إفلـوس مالت بوگ

شحلات الليـة من تخلـص

ساعـة إمغازل من العيـن

ساعـه إحـلـوگ

عبدالله العبدلي

يمر ريل العمر بسكوت
ومامش عين تحچينه

اليحب ماعنده حچيي لسان
هو اليعشگ بعينه

عبدالله العبدلي

خل تتعقد ، شما صعبة هم تنحل

طعم العشگ ، دمعه ، وضحكتك تنسل

إخذ طبع الگصايب من تشدها إتطير

وتتونس لمن بأحظانك وتنفل

عبدالله العبدلي

منين ما يچهبني حزني

الگاگ انتَ


عبدالله العبدلي