إسمك گايد إجروحي
ونسيمك ينتشل گلبي ، من كل خوف مر بيه
حظرتك منبع القداح ، وشريان الحياة إيعيش
من شباچك إعليه
لگيتك تندل البيه ..
ولگيتك تاخذ إعيوني ، وتحققلي شكو إمنيه
يكبر كل ظلامي وياي ، وبسكته أگول إسمك
اليحبك من گلب ولسان
فوگ البال ..
عـ الحيطان ..
بالصفنات ..
تلگاه يشبگ برسمك
اللـه إختارك إتضوي ..
لهفة شبگة البيبان ، بالحظره عشگ تچوي
واطيح من التعب والگاگ ، تندلني ، وتخط ظلي
بياضك ألمع من السيف والمطـره
گالو للحرب مخلوق !!
بس منك عرفت الشوگ ، أعظم حب على التاريخ
حُبك إنت والزهره ..
اللون الأخضر إنعد لون ، من حطيته إلك غتره
شگد صحراء بيه إتعيش ..
بس اتعنه للمرقد ، ترد إمورده وخضره
مبارك لنا ولكم ذكرى ولادة أمير النحل ، أمير الإنسانيه ، أمير الحب ، امير المؤمنين عليه افضل الصلاة والسلام
>>Click here to continue<<