Hurmatli do'stlar!
Bugun Xurmo kanalida PREMYERA:

Pravoslavlar va Katoliklar: Nega Xristianlik Ikkiga Bo‘lindi?

Xristian cherkovining pravoslavlar va katoliklarga bo‘linishi tarixi - Buyuk sxizma - bu bevosita cherkov tarixi, Rim sivilizatsiyasi tarixi va Rimning Konstantinopol bilan munosabatlari tarixidir. Bu bir vaqtning o‘zida diniy aqidalar va siyosiy kurashlar, madaniy o‘zgarishlar va ko‘p asrlik davr haqidagi suhbatdir. Xullas, mavzu zo‘r, voqealarga boy va o‘zingiz uchun xulosa qilish jihatidan qiziqarli.

Videoga havola:
https://youtu.be/mFa2JutMqPk?si=sh_RirPeS3wzyb6a

Amerikalik bloger Styropyro, o‘ta quvvatli qo‘l lazerini yasagan! Bloger lazer uchun barcha kerakli narsalarni oddiy internet-do‘konlardan va xo‘jalik do‘konlaridan xarid qilgan bo‘lsa-da, natijada juda jiddiy qurilma paydo bo‘lgan.

250 vattli bu lazer qurilmasi tangalarni eritadi, shishalarni portlatadi va hatto titanni teshib o‘tadi! Bundan tashqari, bu lazer kuyish va ko‘rlikka olib kelishi mumkin bo‘lgan o‘ta xavfli qurilma hisoblanadi

Xurmo

Ikki tomonlama mimikriya – har qanday vaziyatda omon qolish uchun!

Bu orqa tarafdan, qurib qolgan bargga o‘xshaydigan beshik tebratar. U kichikroq hasharotlarga ov qilayotganda aynan shu bargga o‘xshab yashirinadi. Ammo agar uni kimdir payqab, unga xavf solsa, u darhol strategiyasini o‘zgartirib, oldingi oyoqlari bilan go‘yoki katta tishli og‘izni taqlid qilib, dushmanini qo‘rqitadi.

Xurmo

Hurmatli do'stlar!
Bugun Xurmo kanalida PREMYERA:

Nima Uchun Birinchi Kompyuterlar Lampochkalardan Yasalgan?

Zamonaviy kompyuterlar boshlangan nuqta oddiy yorug‘lik lampalari bo‘lganini bilasizmi? Veritasium bu safar eng birinchi kompyuterlarda nima uchun lampalar ishlatilganini, ular qanday qilib ma’lumotni qayta ishlaganini va nega bu texnologiya revolyutsiya bo‘lgani haqida tushunarli va kutilmagan tarzda ochib beradi. Ilm-fanga qiziqasizmi yoki shunchaki “kompyuterlar aslida qanday boshlangan?” degan savol qiynayaptimi – bu video sizni befarq qoldirmaydi.

Videoga havola:
https://youtu.be/7i_wsiju9VA

San-Xose — bu Ispaniya flotiga tegishli bo‘lgan 60 zambarak bilan qurollangan galeon bo‘lib, 1708-yilda Kolumbiya qirg‘oqlari yaqinida cho‘kkan. Uni ba’zilar “cho‘kkan kemalarning muqaddas graali” deb atashadi.

San-Xose bortida 200 tonna kumush va oltin tangalar, zumradlar va boshqa qimmatbaho xazinalar bo‘lgan. Ular hozirgacha 600 metr chuqurlikda yotibdi. Ayrimlar bu xazinalarning qiymatini 17 milliard dollarga baholashmoqda!

Albatta, bunday boylik atrofida katta tortishuvlar yuzaga kelgan. Kolumbiya hukumati: “Agar bizning hududimizda yotsa, demak bu bizniki”, — deb da’vo qilmoqda. Ispaniya esa bu kema o‘shanda ham, hozir ham ularga tegishli bo‘lganini eslatmoqda. Bu orada YUNESKO esa umuman uni ko‘tarishni tavsiya qilmayapti. Xullas, xohlasangiz, o‘zingiz xazina izlab yo‘l olavering — ehtimol sizga ham bir bo‘lagi tegib qolar!

Xurmo

Hurmatli do'stlar!
Bugun Xurmo kanalida PREMYERA:

Hamma bilimlar ham bir xil darajada foydali emas. Ularning ko‘pchiligi zarar yetkazadi - ularni "info-tahdidlar" deb atashadi. Eng beozorlari sizni yo‘q narsani ko‘rishga majbur qiladi. Xavfliroqlari haqiqiy "jodugar ovi"ga olib keladi. Aysbergning eng chuqur qismida yashiringan axborot tahdidlari esa butun insoniyatni yo‘q qilishi mumkin.
Infotahdidlar tuzog'iga tushib qolmaslik uchun ushbu videoni tomosha qiling!

Videoga havola:
https://youtu.be/boBHj7mY8HQ

Stenografiya uchun qurilma shunday ko‘rinishga ega. Agar siz kinoda sud zalida o‘tirgan va ishtirokchilarning barcha gaplarini yozib olayotgan ayolni ko‘rgan bo‘lsangiz, bilingki, u katta ehtimol bilan shunga o‘xshash mashinadan foydalanadi.

Bunday qurilmalar so‘zlardagi barcha harflarni chop etmaydi, chunki bu juda qiyin jarayon. Buning o‘rniga so‘zlar yoki hatto keng tarqalgan iboralar uchun maxsus belgilar mavjud. Bir vaqtning o‘zida bir nechta tugmalar bosiladi, bu deyarli musiqiy akkordga o‘xshaydi.

Xurmo

Bu pilla ichidan chiqqan — Saturniya Luna deb ataluvchi nihoyatda chiroyli kapalak. Ammo uning hayoti juda qisqa.

Pilladan chiqqan katta Saturniyalar atigi taxminan 7 kun yashaydi. Ular hech qanday ovqat yemaydi — faqatgina g‘oza (gusenitsa) bo‘lgan davrida yig‘ilgan yog‘ zaxiralari evaziga yashab turadi.

Ularning urg‘ochilari shunchaki daraxtga o‘tirib olib, havo orqali feromon tarqatadi — bu modda erkaklarni jalb qilish uchun xizmat qiladi. Erkaklar ularni topadi va juftlashadi — hayotlari shundan iborat.

Shu bilan bu go‘zal kapalakning butun hayoti tugaydi.

Xurmo

Biz ko'rdik, kompyuter shaxmat o'yinida insonni yengdi. Keyinchalik kompyuter "go" o‘yinida ham insondan ustun keldi. Bundan keyin-chi?

Bundan keyin esa kompyuter uchun ancha oson bo'lgan g‘alaba - kvadrokopterlar musobaqasi. Bitta dronni inson boshqaradi, ikkinchisi esa avtomatik tarzda harakatlanadi. Va tarixda ilk bor avtomatik dron inson ustidan g‘alaba qozondi!

Xurmo

Hurmatli do'stlar!
Bugun Xurmo kanalida PREMYERA:

Alifbo, Matbuot Va Internet Dunyoni Qanday O‘zgartirdi?

Yozuv insoniyat tarixini qanday o‘zgartirdi? Qadimgi shumerlarning mixxatidan tortib zamonaviy neyron tarmoqlarigacha - yozuv va axborot evolyutsiyasining har bir bosqichi sivilizatsiyalar rivojiga kuchli ta’sir ko‘rsatgan. Ushbu videoda yozuvning ixtiro qilinishi dastlabki davlatlarni yaratishga qanday yordam berganini, alifbo qanday qilib demokratiya vositasiga aylanganini va Gutenbergning bosma dastgohi ixtirosi Reformatsiyani keltirib chiqarganini va dunyoni butunlay o‘zgartirganini bilib oling.

Videoga havola:
https://youtu.be/8GUZsEKuzXA

Hurmatli do'stlar!
Bugun Xurmo kanalida PREMYERA:

Tana Hech Narsani Unutmaydi | Bessel Van Der Kolk

Bessel Van Der Kolkning "Tana hech narsani unutmaydi" kitobining tavsifi:
Ruhiy travma oqibatlarini sezilarli darajada kamaytirish va hatto butunlay bartaraf etish mumkin. Bessel Van der Kolkning tadqiqoti psixologik travmani boshdan kechirgan odamlar bilan ishlash bo‘yicha 30 yillik tajribaga asoslangan. Muallif uni davolashning turli usullarini, jumladan, neyrobiologiya vositalarini, shuningdek, sport va yoga - ya’ni miyaning neyroplastikligini tiklashga imkon beradigan barcha narsalarni taklif qiladi. Ushbu kitob nima uchun bir-birimizni bir vaqtning o‘zida ham jarohatlashimiz, ham davolashimiz mumkinligini tushunishga yordam beradi va yangi hayotga umid beradi.

Videoga havola:
https://youtu.be/Wzqe66efy_8

Hurmatli do'stlar!
Bugun Xurmo kanalida PREMYERA:

Sakrovchi O‘rgimchaklar Va Ularning “Dunyoqarashi”

Bu video sizni tabiatning eng noodatiy tirik mavjudotlaridan biri — "sakrovchi o‘rgimchaklar" bilan tanishtiradi. Ularni oddiy o‘rgimchak deb o‘ylaysizmi? Aslo unday emas. Ularning ko‘zlari ranglarni ko‘rishda va ma’lumotni tahlil qilishda hatto zamonaviy texnologiyalarni ham lol qoldiradi.
Qanday qilib ular harakat va rangni alohida-alohida ko‘ra oladi? Qanday qilib ular biz sezmaydigan to‘lqin uzunliklarini ajrata oladi va ranglar asosida qaror chiqarishni o‘rganadi?
Bu savollarning javobi — sizni hayratda qoldiradigan ilmiy tajribalarda. Biz sizga Veritasium’ning ajoyib ilmiy materialini o‘zbek tilida tushunarli va chuqur talqinda yetkazamiz.

Videoga havola:
https://youtu.be/qDOS-vUFbPk?si=nQWAK5Ko2EvA8_jW

Shaxboks bilan shug‘ullanmasangiz, demak haqiqiy ko‘p vazifalilik nima ekanligini bilmaysiz.

Shaxboks - shaxmat va boksning bolachasi desa ham bo'ladi. Jang 11 raunddan iborat bo‘ladi. Toq raundlarda raqibni mot qilishingiz, juft raundlarda esa nokautga uchratishingiz kerak.

Xurmo

Bu qora bo‘yinli turna, oldidagi qushcha esa uning bolasi. Bunday qushlar Tibet botqoqlarida yashaydi.

(Kichik qushchani yugurib yurishini qarang☺️)

Xurmo

Hurmatli do'stlar!
Bugun Xurmo kanalida PREMYERA:

Tugunlar Nazariyasining Ajoyib Matematikasi

Siz har kuni bog‘laydigan oddiy oyoq kiyim ipi orqasida… murakkab matematika va hayotni saqlab qoluvchi ilm yotganini bilganmisiz? Bu video sizni eng befoyda ko‘ringan matematik yo‘nalish — tugun nazariyasi — aslida qanday qilib biologiyada, DNKda, va texnologiyalarda inqilob qilayotganiga guvoh qiladi. Birgina tugun – to‘g‘ri yoki noto‘g‘ri bog‘langan bo‘lishi – farzandingiz xavfsizligidan tortib, sun’iy yo‘ldoshlar harakatigacha ta’sir qilishi mumkin! Siz ko‘rgan har bir ip, har bir tugun – bu shunchaki tasodif emas. Bu matematik sir. Tayyor bo‘ling, siz oyoq kiyimingiz bog'ichiga endi boshqacha qaraydigan bo'lasiz!

Videoga havola:
https://youtu.be/74-__wAbkTA?si=-r1OYSuJEovOeLn8