ውብ ታሪኮች ® Webview Telegram

ራቢዓና እናቷ ከመሃል ኸው

ለትና ሲሃም ደግሞ ከኋላ ሆነው መንገድ እየጠቆማቸው ወደ ቤት ሲሄዱ ኢልያስ ስለ ሲሃም አባት ያስባል። ሁለ ነገራቸው ይገርመዋል። ሁልጊዜ ባገኙት ቁጥር አስተቃቀፋቸው እንደ አባት ነው። ተቀምጦ እስከሚነሱ ድረስ እንቅስቃሴውን ይከታተላሉ። ከሳቸው ጋር ያለው ቅርርብ ያን ያክል ቢሆንም እንክብካቤያቸው፣ የሚያሳዩት ትህትና፣ አቀራረባቸው፣ ፈገግታቸው ግን እንዳሳደጉትና ለረዥም ጊዜ እንደሚያውቁት ዓይነት ነው። የምግብ አጎራረሱን ጭምር ስለሚከታተሉት በተደጋጋሚ አይን ለአይን ሲጋጩ ባዶ ፈገግታ ለማሳየት ተገዷል።

" ከኔ የፈለጉት የሆነ ነገርማ አለ።" እያለ ሲያስብ አንድ ሰው ከፊት ለፊቱ ተመለከተ። ለመጓጓዣ የሚጠቀምባትን አህያውን ከመጠን በላይ ጭኗት ታቃስታለች። የጋለባት ፈረስም እንደደካማት ከአፏ የሚወጣው የበዛ ምራቅ ያስታውቃል። ኢልያስ የአህያዋንና የፈረሱን ድካም አይቶ ከልቡ አዘነ። እንዴት በእንስሣት ይጨክናሉ።

ለራሳቸው ተደላድለው እንዴት እንስሶቹን ይጎዳሉ በማለት ከራሱ ጋር ማውራት ጀመረ። ይህንኑ ለሰውዬው ለመንገር በማመንታት ላይ ሳለ ሰውዬው አልፈውት ሄዱ። ኢልያስ ሰውዬውን ባለመናገሩ ና በእንስሣቶቹ ላይ የደረሰውን በደል እያብሰለሰለ በራሱ መቆጨት ጨመረ። ቁጭቱ እያብከነከነው #ሁለተኛ በኸይር ሥራ ላይ ለደቂቃ ወደ ኋላ ላለማለት ለራሱ ቃል ገባ።

ሲሃም ኢልያስን በፍቅር እየተመለከተችው ነበር። ሲሃም አጅነቢ የሆነ ወንድን መመልከት ሐራም መሆኑን ብታውቅም ኢልያስ ጋር ስትሆን ግን ትረሳዋለች። አታስታውሰውም።
እሱ ሲሄድ ነው " አስተግፊሩላህ" የምትለው።
ጓዟቸውን ቀጥለው በመሀል " እንዴት አይነት ወንድም ነው ያለሽ?" አለቻት።
" እንዳየሽው አይነት" አለች ኸውለት እየሳቀች።
" እድለኛ ነሽ።" አለቻት በፈገግታ
" አይዞሽ አንቺም እድለኛ ነሽ ያንቺስ ወንድም አይደል እንዴ?" ስትላት ፈገግታዋ በቅፅበት ጠፍቶ መሬት መሬት እያየች ዝም አለች።

.
ወደ ቤት ሲገባ የሲሃም አባትና እናት ከትንንሽ ልጆቻቸው ጋር ቆመው እየጠበቋቸው ነበር። ሰላም ከተባባሉ በኋላ ወደ አዲሱ ቤት በዱዓ ገቡ፤ ገና ከበር ሲገቡ እጃቸውን እየታጠቡ ነበር የገቡት። ሴቶች ጓዳ፣ ወንዶቹ ሳሎን ሆነው ምግብ ተመገቡ። ሸህ ዐብዱ ከሚያውቁት ምግብ የማያውቁት ምግብ በዝቶባቸው ስለነበር በሲሃም አባት ገላፃ ነበር የሚጣፍጠውን ምግብ የበሉት።
" ኢልያስ እየበላህ።" ትለዋለችው ሲሃም በተደጋጋሚ በፍርሃት ድምፅ

" አብሽር እየበላሁ ነው።" ይላታል። ሲሃም ጓደኛዋ ኸውለት መሆኗን የረሳች እስኪመስልባት ድረስ የጎደለውን ነገር በላይ በላይ እየጨመረችለት አስተናገደችው።

ከምግብ በኋላ ቡና እየጠጡ ስለልጆች አስተዳደግ፣ ስለ ቁርዐን፣ ስለ ነብዩ [ሰ.ዐ.ወ] ስለተለያዩ የዓለም ሀገራት፣ ስለ ትምህርት፣ ስለ ትዳር፣ ስለ ዘካ፣ ስለ ብዙ ነገር እየተቀባበሉ ሲያወሩ አመሹ።

የሲሃም አባት ኢልያስን እንደተለመደው በአትኩሮት እየተከታተሉት ነው። በንግግር አደቡ፣ ለቤተሰቦቹ በሚያሳየው ትህትናና በፍቅሩ ስለሚገረሙ ለሱ አጸፋዊ የሀፍረት እይታ ሳይጨነቁ ያጤኑታል። ምግብ ሲበላ ከአቀማመጡ እስከ አነሳሱ ያዩታል። በተለይ በተለይ በጣም ያስደነቃቸው ሲሃም ሽር ጉድ እያለች ስታስተናግደው ቀና ብሎ እሷን ያለማየቱ ነው።
" የጨዋነትን ትርጉም ዛሬ ገና አየሁት።" አሉ በሃሳባቸው።
በሳቸው ተደጋጋሚ እይታ የተነሳ አንገቱን ለመድፋት ለተገደደው ኢልያስ
" አይዞህ ልጄ! ሁሉ ነገርህን ተደንቄበት ነው! ለጥሩ ነገርም እያሰብኩህ ስለሆነ ነው።" ይሉታል በሃሳባቸው።
ስለ አምስት የኢስላም ማዕዘናትና ስለስድስቱ የኢማን ማዕዘናት የነሱን ጥያቄ እየመለሱ ሸህ ዐብዱ በቂ ገለጻ አደረጉላቸው። ቀጥለው
" እናንተ በአላህ አምናችኋል፤ ሶላት እየሰገዳችሁ ነው፤ ትፆማላችሁ፤ ሁለት ነገር ግን ይቀራችኋል፤ ዘካ መስጠት እና ሀጅ ማድረግ።"

" እንደነገራችሁኝ ዘካ አውጥታችሁ አታውቁም፤ ቅድም በሰፊው እንደነገርኳችሁ ዘካ ገንዘብን ያበዛል። ይጠብቃል። ድሆች ለኛ ጥሩ ስሜት እንዲኖራቸው ያደርጋል፤ ብዙ እህት ወንድሞቻችንን ከጭንቀት ይገላግላል፤ ዘካ ገንዘብን ከማጥራቱ ጋር ለአላህ ርህራሄና ችሮታ ምክንያት ነው። በተጨማሪም ምፅዋት የሚሰጥ ሰው በትንሳኤ ቀን ከመልካም ጥላው ስር አላህ ያስጠልለዋል።"

" ዘካ የማይሰጥ ሰው ነገ የራሱ ገንዘብ እሳትና የሚናደፍ እባብ ሆኖበት አላህ ይቀጣዋል።" አላህ ይጠብቀንና አሉ ሸህ ዐብዱ።
የሲሃም እናትና አባት አንገታቸውን ደፍተው ያዳምጣሉ። በተለይ አባቷ ስሜታቸው ተለውጦ በትካዜ ነበር የሚያዳምጡት።

" ለማንኛውም ከዚህ በፊት ዘካ ሰጥታችሁ ባታውቁም በጥሩ ሁኔታ ዘካን አስልተው የሚያቀርቡ የሂሳብ ባላሙያዎች አሉ እነሱን አስተዋውቃችኋለሁ" አሏቸው። የሲሃም አባት ቀና ሳይሉ " ዱኒያን እንዲህ አሳምሬያት አኼራዬን አበላሽቻት ነበር። ይኼ ሁሉ ሀብት የራሴ ሁኖ በኋላ በራሴ ላይ ሊመሰክርብኝ?" አሉ በጣም በደከመ ድምፅ።
" አሁን ይኼን ሁሉ ወንጀል ይዤ ብሞትስ?"
ቀና ብለው " ያ አላህ ሞት አልፈራም ነበር፤ አሁን ግን ፈራሁ። ምክንያቱም ያስቀደምኩት ምንም ኸይር ሥራ የለምና ነው"
" አሁን እንዴት ነው ዘካ የምሰጠው? ማለት ከመቼ ጀምሮ?" አሉ። ሂሳቡ አስቸጋሪ መሆኑን እያሰቡ
" አንተ ቅድም በነገርኩህ መስፈርት መሰረት ግዴታ ይሆንብሻል ብለህ የምታስበውን ጊዜ አስታውስ" አሉት
" እረ ይከብዳል?" አሉ።
" ለሂሳቡ አትጨነቅ! ልጆቹ ከዚህ በላይ ውስብስብ የሆነ ሥራም ይሰራሉ ብቻ አንተ ዓመቱን አስታውስ"
" ኢንሻአላህ" አሉ።
ሲጨዋወቱ አምሽተው በስተመጨረሻ ሊሄዱ ሲሉ የሲሃም አባት " እኔ አንድ ሀሳብ አለኝ?" አሉ፤ ሁሉም ወደሳቸው ሲዞሩ
" እናንተ ሀጅ ዋጅብ ሁኖባችኋል ብላችሁናል። እኔ ደግሞ በመጭው ረመዳን ይሄው የሁለታችንንም ቤተሰብ ሀጅ ማስደረግ እፈልጋለሁ እላችኋለሁ።" አሉ።
ሁሉም ተገርመው አዩዋቸው!
" አላህ ሰዎችን የሚያገኛቸው ለበጎ ነው ብላችኋል። ስለዚህ ፍላጎቴን እንዳትቃረኑ። የኔንም የናንተንም ቤተሰብ በአንድ ጠቅልለን ወደ አላህ ቤት እንሄዳለን።" አሏቸው።

የኢልያስ ቤተሰቦች በደስታ " ኢንሻአላህ" ሲሉ ሲሃም ደስ አላት። ማትሪክ ያለፈች ነበር የመሰላት። ከኢልያስ አጠገብ ሁና ሀጅ ማድረግን ስታስብ ደስታ ወረራት። ብቻውን የምታገኝበት አጋጣሚ መሆኑን ስታስብ ደግሞ እዛው አግብታው የምትመለስ መሰላት። ደስታዋ ገደብ አልነበረውም። ኢልያስም ደስ አለው። ሁሉም ተነስተው በደስታ እርስ በርስ ተቃቀፉ። ሲሃም ሃውለትንም ራቢዓንም በደስታ ስማቸው ዘወር ስትል ኢልያስን አባቷ ግንባሩን ስመውት ወደሷ ሲዞር ተገጣጠሙ። ሲሃም ላቧ ግጥም አለ። ለማቀፍ ያነሳችውን እጇን ቀስ ብላ አወረድችው። ኢልያስም ፈገግታዋን ሲያይ የጠዋት ፀሀይ ፊት ለፊቱ የወጣች ነበር የመሰለው። ለምን እንደሆነ ሳያውቀው አንገቱን ሰበረ።

ሲሃም አገጩን ይዛ ቀና ማድረግ አማራት።
በዝምታ ኢልያስ መሬቱን ሲሃም እሱን እያዩ ቆሙ።
" ይሄ ነገርህ እኮ ነው የሚገለኝ። አንድ የፍቅር ቃል እንኳን ቢወጣህ ምን አለበት?" አለች በ

ምሬት ለራሷ። በቤተሰቦቹ መሀል እሷን ማናገር ያልፈለገው ኢልያስም " ሲሃምዬ ያለመደብኝን በሰው መሀል እንዴት ላናግርሽ?" እያለ ሲያስብ እናቱ መጥተው በደስታ ሲያቅፉት ሲሃም በንዴት ወደጓዳ ገባች። በአይኑ እየሸኛት
" ስሜትሽ ስሜቴ መሆ

4.6K views04:21