انا أكبر من الطيحه انا اكرم عن التبرير
وانا الشايّف العارف ولو كنت متغاضي .

‏اللي غيابه برى حالي ودمرني
‏وشلون يقسى وانا ادري ماهو بقاسي

‏اذهلني بـ غيبته قفى .. وحيرني
‏تكفون تكفون ... ياربعي وياناسي

‏على الحياه بـ غيابه وش يصبرني ؟
‏استغفرالله .... من نفسي و وسواسي

‏كسر مجاديفي بـ صده وكسرني
‏والهم طاولني وشيب شعر راسي

‏قمت اسهر الليل .. مدري الليل يسهرني
‏" الحاصل " انه حرمني لذة انعاسي

‏بنساه عله عقب ما انساه .. يذكرني
‏واليا نساني بسيطه دامني ناسي

‏ماهو بـ ودي ولكن بعده اجبرني
‏وسياسته لـ الهوى تبغي لها سياسي

‏وانا على خبره اللي كان خابرني
‏مثل الجبل لو يدور به الزمن راسي

"يارقبة غزيّلٍ غِرّ ياحَقْو الفهَد
فيك من صبحك بياضٍ ومن ليلك سواد

ياغضيض الطَّرف ابو حرفْ ياغضّ النهِد
يا جمالٍ ما ذكر في البلاد وفي العباد

من يشوفك عن حسن غيركم صدّ وزهد
وكل من مرّك تمرّه ذعاذيع البراد

لو لمح زينك رضيعٍ تكلّم في المهد
ويتحرّك لو يشوفك حصا الارض الجماد

ولو يشوفك فرخ طيرٍ بلا ريش استهدّ
يا جمالٍ ينقلب منه حرف السين صاد".

"عشت في فرقاك عِيْش الشِّريد المضطهد
لين صار الهم مني على راس الشَّداد

آه من قصر الأيادي ومن قلّ الجهَد
وآه من كذب الأماني ومن بعد المراد

بين من يرعى نياقه ومن يرعى القهَد
قمت اقصّ جْريرتك من بلاد اليا بلاد

يا كثر ما سقت عشواي واشتلت الوهَد
من وراك وقدت خيلٍ تِقْاد بلا قِيْاد".

"وش ينوبك من عيونٍ تعرمشها السهَد
وش ينوبك لا تطاير من العين الرَّقاد

ومن عنا راعي فؤادٍ تعذَب وانلهَد
امسي فْوادي معي واصبح بليّا فؤاد

في شتا ليلٍ خلا برْد وامطار ورهَد
زدتني فوق الغبينه غبن والهم زاد

كان ما ربُّوك ربعك على حفظ العهَد
ابذل الوصل صْدِقه تنفعك يوم المعاد

يا قراح الماء البويرد ويا طعم الشَّهد
لا متى وعروق قلبي عليكم في حداد".

-ناصر الفراعنه.

‏” شلتك بصدري يوم ضاقت لياليك
‏و أشعلت لك نار كوتها ضلوعي

‏أخطيت في حقي ولازلت أناديك
‏ عندي أمل بكره تحن لرجوعي

‏ أنا الأمان اللي قتلته بـ أياديك
‏ و أنا ضياك شلون تطفي شموعي

‏ بالأمس توعدني وعد ما أخليك
‏واليوم أحارب بالمفارق دموعي “

"‏ماهقيت أن الليالي الهاديه تنوي الجريمه
‏لين جتني بعد هذا الصمت توجع عاصفتها

‏كنت أقول أني سمحت وصرت عادي والهزيمه
‏يوم مر العيد جاب مْن الطواري هفهفتها".

‏كيف صارت سيرته لـ الحزن عايق
‏يوم حزني ما خبرت أحدٍ يعيقه ؟

‏كيف لا منِّي زهمت و قلت ضايق
‏يقتل بكفْه الحنون الفين ضيقة ؟

‏ما -هويت - إلَّاه من بدَّ الخلايق
‏كنّه أعظم ما خلق ربَّ الخليقة !

‏ في غيابه : باهتٍ طعم الدقايق
‏وفي وجوده : يا ملذَّات الدقيقة .

‏اي والله ان قلبي من الوقت والرفقه عيوف
‏ونفسي اللي صوب . . الابعاد قدهي صامله .

تدور الخرايط كلها و الأراضي السبع
‏" يمرونك اغلبهم و شرواي ما مَرك "

‏من اللي يشوف بوحدته فيك عزوه ربع
‏و من يزهد بخير البشر في رجا شرك

‏تدابير بقعا تفرز الناس سبع وضبع
‏أذا ابكاك حظكَ عندي تشوف ماسرك

‏يموتون ما لاثوا صفا طيبين النبع
‏انا اللي ولو يقدر على الضّر ماضرك

‏مابين الاوادم ما يعوض طبوعي طبع
‏لو ان الشكل تلقى بقاياه بصورك .

"والزحول العصاه أهل الفعول السمان
‏كلبوهم تحت سيف الغرام ضعفا"
-سعود بن مبارك.
Vs
"‏كبار وننطح القاله ولكن فالغرام صغار
تزعزعنا رهيفات الخصور ان هب طارقها"
-عامر بن مبشّر.

ترانا والفضل لله على بعض الزعل راضين
‏ولا فينا من يدور على ناسٍ يراضونه

‏بكينا لين قلنا بس فوق أمواتنا الغالين
‏قبل نضحك على عمّيا تمشط شعر مجنونه .

أنتي أول من سمع صمته وصفّق لاحتجاجه
‏وأنتي أول من سعى في رجعته ماقال وينه؟

‏وأنتي أول من شرب بيرّه ولاعذرب هماجه
‏وأنتي أول من ترك قصره وفضّل بيت طينه

‏وأنتي أول من وطى برَّه وهيجن به وداجه
‏وأنتي أول من سبح بحره ونهّم به كنينه

‏وأنتي أول من تعب لرضاه لو كنتي علاجه
‏وأنتي أول من أعانه يوم قيل (الله يعينه)

‏وأنتي أول ، وأنتي أول كل حاجة
يكفي إنّك لو نساه الكون كلّه؛ تذكرينه

‏عندي أمل أن اللقى ماهو بعيد
‏رغم الجفا رغم المصايب والزعل

‏عندي أمل أنك بترجع من جديد
‏وأشوف قلبك ليه عن قلبي رحل

‏عندي أمل أني بسولف لك قصيد
‏وأشبع أسماعك قصايد من غزل

‏عندي أمل لكـنّ خوفي لو يزيد
‏هذا الغياب ويقتل أحلام الامل

"‏مابين جرحٍ عطيب، وجرح ليته يطيب
‏أزريت وجروحي أزرت والمعالج زرا

‏ماعاد فادت معي وصفة علاج وطبيب
‏ومطوعٍ كل ماجيته نفث لا قرا

‏كله سبايب حبيبٍ كنت أشوفه نصيب
‏وأشوف فـ عيونه لـ قلب الشقاوي ذرا

‏ومن يوم غاب ليا من جات حزة مغيب
‏العد مثنات صدري والطواري سرا

‏ضحيت فالحب وأثري من ضحايا الحبيب
‏ما ألوم من قال ليت العافيه تشترى".

لو يكشف الله ستره عن .. مخاليقه
‏ما كان صلّى احد منهم على الثاني .