الله على الصدر الوسيع ودامح الزلّات
‏مخيّب ظن نقّال الهروج وراعي الفتنه

‏الى جته العلوم التافهه راحت ماكنّها جات
‏و اذا جته الحمول الكايده عرّض لها متنه .

لاتحاتين الضما والجوع في رحلة جهادي
الحظوظ مقسمه والذيب ماياكل وليده

شاعرك لاهامو أصحاب الشعر في كل وادي
مستعد يوقف الدنيا على مطلع قصيده .

شجاعٍ حذف لك بندقه والرصاص يثور
ولا تذبحينه .. عقب ماسلم سلاحه .

الفقير السنافي جعل ربي يعزه
ماتثنا عزومه لـ الزمن المزاجل

كثروا اللي يسبون الفقر كل حزه
والفقر مايرد الطيّب من المراجل .

أنت تحسب مكانك من بغاه استحلّه
والله لك بصدري مثل نجد ابن هادي

أسمه ورمحّه وسيفه حما نجد كلّه
من بغى يستحله قلت وين أنت غادي .

ماهو ضروري أحبك تنقرا بالحروف
عيون الأحباب تغني عن .. تعابيرها .

‏لا تنادي للمقفي ، ولا تهيم بـ كل وادي
القلوب اللي تحبك ماهي بحاجة عزيمة .

ماهو غريب ليا حكمت شوطها نجد
أهلها حكموا في نجد تسعين عامي ..

تبور المعادن، والذهب مستحيل يبور
و من يضمن إن عنده ذهب يضمن أرباحه

لا مات الغصن فالواحه أثّر على العصفور
مع ان موتة العصفور، ماضرت الواحه .

البل هواية كل طيّب ورجال
‏الله ذكرها فالكتاب وجعلها

‏موروثنا اللي يربط اجيال باجيال
‏وحضارةٍ ما حن ندور بدلها .

بنت الاجاويد ماتقصر اياديها
منهاجها من تراث العود وارثته

بالعز والطيب معروفه مباديها
من خالها وعمها الجود أنثته .

العام من شان عينه نزعل احباب
ونقوم ونطيح يوم الشان شانه

واليوم صرنا بعينه مثل الاجناب
حتى سلامه علينا فيه اهانه ..