﴿لَا تَحْزَنُوا ﴾
﴿لا تَقْنَطوْا ﴾
﴿لَا تَيْأَسُوا﴾
﴿أَلَّا تَخَافُوا﴾

🤍.

‏أن نعانق دعواتنا
التي همست بها قلوبنا
قبل ألسنتنا

-آمين🤍.

ديما في مكان لجوي المليح في زحمة الحاجات الاخخي من هلبا سنين لتوا، حصيلة التجارب كانت تعلم فيا إني ومزاجي فوق كل شي، حاجة بدت تكلف فيا هلبا لكن عمري ما فكرت نغيرها ولا نتغير.

اليوم ما كانش ساهل عليا لكن آملي بالله كبير 🤍.

﴿يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ ﴾🤍.

الدنيا على قد ما حاتتعب فيها و تنظلم فيها و تنصدم و تنكسر و تنهان و تتوجع و تشوف فيها من حاجات صعبه!، على قد ما حاترضيك باللي تتمناه و تستاهله بس قول يا رب وكمل.

القصة كُلها بدت من لما اخترنا الشخص الغلط؛ كنا ناس عاديين، علي حالنا، لاهيين في دنيتنا، متقربين من ربنا، عندنا طاقة ونشاط وأمل في غدوة،!
لعند ما جي اليوم اللي قابلنا فيه شخص لطيف، كلامه حلو، اسلوبه جذاب، قنين روحيًا و شكليًا،و انجذبنا معاه وحبيناه وعشنا معاه فترة جميلة جدًا، و نسينا كل اولوياتنا و المهم في يومنا و حياتنا و عبينا وقتنا بيه اكثر من الاشياء التانيه،!
فجأة اللُطف اتحوّل لقسوة، والكلام الحلو بدي من غير نية و اغلبه اهانة، والاسلوب الجذاب بدي اسلوب ضغط و انهيار، و القنانه بدت بشاعه!، و بعد وقت من هالصرعات و بعد ما جينا علي نفسنا كم مرة و ضحينا كم مرة و اعطيناه فرصة كم مرة و عبرنا علي مشاعرنا كم مرة!، اكتشفنا إنه هو الاختيار الغلط! واللي من بعدها اتحوّلنا لنُسخة باهتة، مطفية، حزينه، كئيبة، من ابسط كلمة تنهار دموعنا!

و اللي صار كله كان من لما القصة بدت بإختيار غلط.

فختاروا الصح باش ما تفقدوش لمعانكم و تنسوا مبادئكم و تحتلكم العتمة 🤍.

بوست قديم كاتباته من قناتي الاولى فيه اللي حيتفكره و فيه اللي لا حبيت نعاود ننشره لان مرت فتره طويله علي المشاعر هادي!

ممكن فيه حد قاعد يمر بيها توا و نتمنى لاي حد قاعد يعيش في التجارب هادي التخطي في وقت قريب 🤍…

نعيم الدنيا الناس الطيبين على فكرة♥️🫂

ممكن اليوم يكون في اعتقادك ان هذا مش يومك لان مزاجك معكر من اول ما فقت الصبح و الدنيا كلها جاية عليك!، بس ما تعلمش ان نهايته ممكن تكون بالحاجة اللي كنت ديما تستنى فيها!، فلذلك ديما ارضى و احمد الله علي كل شيء يصيرلك سوى كان حلو او شين، و عسى اليوم كلنا انالوا اللي نتمنوه و تطمئِن قلوبنَا، فاللهم يسر ولا تُعسر 🤍.

اليوم ما كانش ساهل عليا لكن آملي بالله كبير 🤍.

محاولتك وتعبك وشغفك المستمر اللي كنت وحدة من الناس شاهده عليه ،صح الكترونياً فقط لكن شي يخليني واتقه ومتأكدة انه مش حيمشي ع الفاضي وربي ح يعوضك احلا عوض واللي تستاهليه وحنكون فخورة بيك زي كل مرة 🫶🏻💞.

(إنَّ مع العُسرِ يُسْرا🤍).

يااااااااه شن هالجمال و هالكلام الحلو هذا؟
و علاش اني هذا وين شوفت البوست وين كنت ها ؟🥹🤍🤍🤍

بارك الله فيك علي كل حرف كتبتيه هذا بجد شرف ليا كبير ان تكوني من احد الاشخاص اللطيفين في دائرة الناس اللي نعزها و دعمك و تشجيعك ليا عدة مرات هذا شيء نعتبره كبير و يعنيلي هلبا كل الوِد و التقدير و الشكر من قلبي ليك و لكل الناس اللي حاولت انها تسعدني فالفترة الصعبه هادي 🤍
ربي يجبر بخاطرك و يسعدك و نشوفك وين ما تتمني و شكرًا من قلبي كلامك هلبا اسعدني و سَرْ خاطري جدًا ، دائمًا لطيفة و جميلة قلبًا و قالبًا صغيرتي المبدعه 🤍🫶🏻.

‏ونَسألك بُكاء الإجَابة، آمين 🤍.

وَأَلقِ السَّكِينةَ عَلَيّ أنا وقلبي، آمين🤍.

يا صَاحبة القَلب الذي بِرقته يهزم قَسوة العالم. 💛

- قاعدة هالأيام تمشي، الصفحات تنطوى، والناس تتغير، قاعدين نفارقوا في يلي نحبوهم، وقاعدين نتلاقو مع أشخاص غيرهم، قاعدين ماشين في هالطريق اللي مش عارفين وين حتوصلنا بس علي يقين ان نهايتها خير لينا، قاعدين نتقلبّوا مع حال الدنيا، مرة فرحانين لين خلاص، ومرة مش قاعدلنا منها الا شوية دمعات، قاعدين بنفس البرائة رغم بشاعة المواقف اللي تعرضنالها، قاعدين بنفس الخير داخلنا والأصل السابق في كل افعالنا، قاعدين علي مبدأ ان يمشي الشر ويجي الخير وان طول ما احني نتعبوا الراحة نحسوا بيها وسط انجازاتنا، قاعدين نكابروا ونسايروا ونجوا علي نفسنا باش نرسموا ابتسامة جبر لغيرنا رغم كل كسرة وخيبة محفورة في ذكرياتنا، قاعدين متمنين الخير لغيرنا في وقت الإساءة ظلمت هلبا قلوب!.

مُريحة هي فكرة أن نستودع اللّٰه شِتات
أمورنا ونمضي مُبتسمين🤍.