بين غالب ومغلوب عليه

تسنيم عبدون
-4-
حامد بتي ي حامد الليله يومين م ظاهرة حامد بتي ماكله ي ربي شاربة متغطية حامد:ي مرا هاا عليك طيري من وشي ده امنه:حامد ليه م عندك رحمة زي باقي الابهات بحبو ابناءهم بضموهم عشان دي نعمه ادخل مركز ادم وحواء ده شوف الناس دي بتطلع مليارات كيف عشان طفل يقول ليهم بابا وماما ربنا رزقك بالساهل كده وانت ترفس نعمتو حامد:(فناها بالسفنجه)قومي طيري من خلقتي دي ي امنه عشان م اقتلك اجيب اجلك
امنه دخلت الغرفه وبقت تصلي وتدعي لبتها وعيونها غرقو لي جوة بكترت البكى وعدم النوم وجسمها نحف وحلقها نشف طول الليالي بتدعي لبتها وحامد حاميها الطلعه مقفلة جوة البيت

فلاش باك:
مريم بكترت المشاكل يين امها وابوها قررت تطلع الشارع وتقعد وهي قاعدة بقت تبكي لقتها عصابه واستغلوها لانها طفله قالت ليهم امي وابوي متشكلين ساقوها وغشوها
بعد الخطف بي ساعات:
مريم:وهي بتبكي عمو رجعني لماما عليك الله عمو انا عايزة ماما
رامز:عمر نحنا الليله لازم نطلع كليتين البت دي
عمر.....
رامز:عمر بتكلم معاك انا
عمر:م عارف اقول شنو بس البت من يوم جبتها كل م اقرب عليها حاجه بتجزبني ورا جسمي بعرق بدون سبب وبرجف والسكين بتقع مني لي خمسه سنه انا بقطع بطون العيال كده م قابلتني زي البت دي(دعوة امها)
رامز:عمر بطل كلام الناس الباطلين ده وقوم شوف شغلك
..................من جانب آخر
......:امي
خير ي بت مالك جايه مهجومه كده فشنو
امي دقيقه ادوني كرسي اقعد م قادر نفسي
يبت اجري جيبي لاختك دي كرسي كدي اها يبت فشنووو طلعتي راسي ....امي وانا جاية في الطريق بتاع موتر خطف تلفوني وجرا
لا إله إلا الله محمد رسول الله حسبي الله ع دي بلد ي بتي الحمد لله الجات على التلفون التلفون م جاتك حاجه حسبي الله ونعم الوكيل
سمر:امي برضو الليله م شفتي
ناهد:اها تاني ف شنو الليله عايزين تجننوني انتي وسارة اختك
سمر:امي انتي عشان في البيت م شايفه البلاوي الحاصله برة انتي عارفة متزكرة عرفة صحبتي
ناهد...ااي بعرفها مالها
سمر.....اخوها ماشي في امان الله لمو فيهو عصابة ضربوهو لمن هسه راقد في العنايه
ناهد.....لا إله إلا أنت سبحانك إني كنت من الظالمين بالله يعني الحاجات دي م بتحصل في الافلام بس؟؟يعني السودان ضاع؟؟البشر بقو اسود في غابة؟؟حسبي الله ونعم الوكيل على حق اي ظالم
سارة.....امي اتحسبني ساي على بلد بقى مافيها امان طفل يشرب شاي الصباح مع امو المساء تبكي عليهو شاب طلع يفتش رزقو ورزق بيتو المساء يرجع بيتو جثه وعايزين السودان يتغير؟؟؟بتغير بشنو بطمعنا ولا وحشيتنا ولا اكل حق غيرنا ولا نهبنا يتغير كيف في زمن انتشر فيهو الفساد اكتر من الاصلاح؟؟؟
ناهد....ربنا يعين ي بتي وربنا يحفظكم ان شاءالله من شرور اخر الزمن يلا ي بنات قومو غيرو ع بال اجهز الغداء دي مواعيد ابوكم بعد ده..

لمتين ي وطن؟لي وين ي وطن؟
يتبعع....

بين غالب ومغلوب عليه

تسنيم عبدون

-5-

طبعا اي زول حاليا بقرأ بكون مشوش وشبه م فاهم حاجه في كل حلقه بتظهر اسامي جديده قصص جديدة بس اتذكر في بداية الرواية قلت شنو؟من وحي الخيال بترجم واقع ميؤوس منه بس ده واقعنا المافاهمين فيهو حاجه ده واقعنا البمثلنا......



بتاع البقاله حرقو بقالتو!بتاع الترزي نهبوهو!ده كتلوهو وداك خطفوهو وده ماشي في أمان الله سرقو تلفونو!



يعني خلاص قررت تسافر الليله ي عوض
ااي ي أمي دعواتك
دعواتي معاك بس حتمشي بشنوو بعربيتك
ايوه اكيد
.....................

عوض في طريقو في الخلاء لمو فيهو عصابه بي أسلحه ي تجيب العندك ي بنقتلك؟
عوض القروش التعب فيها ولماها وماشي لأنو زوجتو منتظراهو ويفرح بثمرتهم عوض باع الوراهو والقدامو عشان قروش الولاده ولأنها طارت السماء بس طلع قروشو كلها واداها ليهم بعداك مرروهو

يمشي تاني كم كيلو الا رشاوي حتى يمر م تعرف نفسك ماشي في خلاء في بلدك ولا في غابة والغابة في كوكب آخر؟؟


قدر الله ماشاء فعل!الجاتك في مالك سامحتك! وغيرها من العبارات البجد بنسمعها كتيييير كتييرر رغم حاجه محزنه تسمع مواقفها بس بتديك بصيص أمل لشعب متيقن بإنو الجاي كلو خير ....



هتاف الشعب ....

الدم قصاد الدم م بنقبل الديه......

صوت الاسعافات والرصاص جري كاميرات الإعلام من شارع لشارع

هل دي دولة محتله؟لا هل ديل ناس غريبين بعملو كده مع الشعب؟برضو لا طيب ده شنو؟ده شعب بحتل في نفسو....


يا يمه ما تبكي خلي الوطنن يبكي.....

حرقة حشاي فيك ياجناي مشيت وين خليتني وراك انا كنت سانده فيك حيلي يعلم الله حسبي الله ونعم الوكيل لله ما أعطى ولله ما أخذ.......

يتبعع.....

بين غالب ومغلوب عليه

تسنيم عبدون

-6-


📞عاين ي فردة والله العظيم دي م حاله والله ولا دي بلد يعيشو فيهو ياخ انا زول جايب نسبه كبيرة دخلتني هندسه وبقيت مهندس بس اشتغل وين؟كل مره زي الكورة يشوتوني بحجج تافهه؟ياخ زول مهندس يشتغل سواق ركشه حتقول لي أي كان الشغل ما عيب فعلا ماعيب بس وتعبي التعبتو عشان حلم معين؟ياخ خليك من تعبي قروش الركشه البطلعها بدخلها في البنزين فااشنوو انا قررت اركب السمبك والله ي حاتم

حمزة كدي قول بسم الله سمبك شنو ياخ السمبك ده ماعارفو خطر هسه لو لا قدر الله غرقت ولا حصلت ليك حاجه ي حمزة فكر بس في أمك دي حتكون حالتها كيف انا ما بكتر معاك الكلام بس فكر

والله ياحاتم خلاص الوضع بقى ما بتجازف نهائي

ي حمزه البشوف مصيبة غيرو بتهون عليهو مصيبتو انت بس أحمِد ربنا على نعمة اسرتك ورزقك اليوم باليوم وع قدر لقمة العيش كلنا مجازفين حياتنا في السودان ده كده بنشوف غيرنا وبنحمد ربنا على خيرنا ولو قليل

قلت كده
ايوه
خير ي زول

.................................♡

ياأمي انا بطني وجعتني كل يوم كِسره بي موية اعملي لينا ان شاءالله عدس

فاطمه وهي سرحت:(ااااخ ي ولدي لو عرفت المجازفات الجبت ليك بيها الكِسره دي كان حمدت ربنا بس ربنا يكبرك لي وتعقل وتسندني) اااا خالد حبيبي قول الحمد لله في ناس قدر الكِسره دي مالاقينها ورابطين بطنهم بالجوع قول الحمد لله طيب وادعي ربنا يرزقنا

الحمد لله ي امي ي رب تدينا أكل كتير يا رب بكره لمن اصحى القى امي حشت لي سندوتش الروضه بي دجاج زي سندوتش صحبي عماد

......................................♡
غالب.......


ماما انا زهجت من أكل البيت ياخ عايزين نتغدا بره الليله

حاضر ياسر حبيب ماما وبابا هسه حيختار المطعم العايزو ونمشي نتغدا نكلم السواق يودينا


ماما انا عايز بعدين تطلبو لي بيتزا وهوت دوغ

حاضر حبيب أموو

لمتين ياوطن؟لي وين يا وطن؟

يتبعع.........

بين غالب ومغلوب عليه

تسنيم عبدون

-7-

في نص الشوارع والجوطه والعربات طارق وفادي شفع عمرهم مابتجاوز ال١٠سنه كل واحد شايل كرتونة لبان ويركبو البصات والمواصلات ويمرقو بحق لبانتين تلاته

لبان لبان يلا علينا الجاي يااا

في مقعدين كانو قاعدين بت وامها
امي عايزه لبان
هديل انتي جنيتي الصباح م اشتريت ليك قبل نركب البص
امي انا عارفه اشتريتي بس ي امي لمن يجوك عيال زي ديل بباقي الفكه الفي شنطتك وورا جراب التلفون اشتري منهم حتى لو عندك ماتشوفي كميه الفرحه البتدخل فيهو لمن يلقى نفسو باع لبانو كلو وخلص احتمال تبقي سبب لفطورو

الله يكملك بي عقلك يا بتي عمري ما فكرت فيها طيب هاك
هاك ي حلو اللبانه بي كم
طارق:اللبانه بي عشرين جنيه
هاك اديني خمسه لبانات
طارق:هاك الكرتونه اصلا فضل فيها خمسه


طارق نزل من البص فرحان عايز يطير جرا لفادي تحت اللافته الكبيره البقعدوا فيها ليل ونهار فادي فادي شوف كملت الكرتونه بس لقى فادي منهار
طارق:مالك ي فادي
فادي وهو بتنهد:ركبت لي بص عايز أبيع بتاع البص جراني من قميصي لزاني في الأرض انا ذنبي شنو ي طارق لو بمشي يومي باللبان ده انا ذنبي شنو لو من قمت ووعيت لقيت نفسي تحت لافته لاعندي ام لا عندي اب لا زول يعيني والناس بقولو عننا مشردين أيوه نحنا مشردين بس عايزين زول يجبر خاطرنا ويحسسنا بالآمان ولو بي كلمه

طارق حضن صحبو شديد م تنهزم لموقف زي ده يا فادي نحنا هنا عشان نساعد بعض فعلا نحنا قاعدين في بلدنا ومشردين لا تعليم ولا بيت يضمنا ولا على الأقل ناس يجبرو خاطرنا لكن نحنا أقوياء
فكاهو وقال ليهو بفرحه م شفت الليله في بت في البص قالت لي ياحلو يعني بجد انا حلو يافادي انا م حصل زول قال لي انت حلو ولا كلمه حلوه والله فرحت اكتر من فرحة كرتونتني البعتها كلها هسه خلينا من ده ارح نمشي نفطر الليله عازمك سندوتش طعميه ظابط طيب
موافق لكن على شرط يا طارق بكره انا حأعزمك لمن أبيع لباني كلو
م مشكله ي فادي نحنا هنا لبعض ووقت م زول يحتاج للتاني يلقاهو تمام
تمام




لمتين يا وطن؟لي وين يا وطن؟



يتبعع.........

بين غالب ومغلوب عليه

تسنيم_عبدون

-8-والاخيرة


حقك تحرسو ولا بجيك حقك تلاوي وتقلعو.....


متذكرين مودة مودة نفسيتها اتصلحت واي حاجه بس بقت عندها عُقده انها تطلع الشارع براها بقت تخاف حتى من ضلها

ونحنا الكنا عايزين شعب قوي؟


متذكرين أم محمد بقت تحاول تخلي حياتها عاديه بس كل تفاضيل محمد راسخه في راسها وكل ركن في البيت تعاين ليهو تبكي تتذكر ولدها حتى بناتها وقفتهم من القرايه تقول ليهم ما يطلعو من البيت نهائي بتهيأ ليها بحصل ليهم زي اخوهم حدهم بيوت الجيران بس ولا هي تطلع معاهم لكن الجامعه لا والمدرسه لا



عايشين حرب نفسيه قبل تكون حرب بأسلحه وبمبان ورصاص؟



عمر ما زال بي تحت العربات وبعاين للعيال القدرو الصباح وهم ماشين المدرسه وبشنطهم ومبسوطين قلبو بتقطع لانو اتحرم من لحظات زي دي

مريم رجعوها لأمها لأنو م قدرو يهبشوها الدعوات غيرت مسار القدر الصباح بدري قبل باقي العصابه يصحو عمر شالها سريع سريع وجابها جنب بيتهم ورجع قبل زول يشوفها أينعم مريم رجعت لكن تاني رجعت لحرب الأسره الكان أرحم ليها منو مع العصابه مريم رجعت بس منو الحيرجع ليها فرحة طفولتها ونفسيتها وبراءتها الحلوه؟مين حيرجع ليها الآمان عشان تطمن وهي بتلعب في الشارع عادي زكوكيه وحجلا ونط الحبل؟

عوض مشى لزوجتو بس اضطر انو يبيع عربيتو عشان يتم رسوم الولاده بس مابين ضحكتو وفرحتو بالمولود بشغلو التفكير في ممتلكاتو البين ثانيه فقدها؟


حمزة وحاتم عايشين وجارين من شغله لشغله حازم اتخرج من إدارة أعمال وأول الدفعه بس اشتغل كمساري ماعيب يكون كمساري وليهو الشرف يكون كده بس والخريطه الرسمها في مخيلتو وهو بدرس في الجامعه وشكلو وشخصيتو الرسمها وهو رجل أعمال ناجح ورافع راس البلد؟

خالد مازال بياكل الكِسره بالموية وكبر وفرحان أكتر بيها وعرف قدر شنو دي نعمة كبيرة

طارق وفادي فرحانين بحياتهم أكتر برغم المواقف السيئه البتلاقيهم واي حاجه بس كل واحد كان باقي للتاني السند الفاقدو

..................♡

الرواية خلصت بس ياترى هل المعاناة حتخلص برضو؟؟

الرواية خلصت بس مافيها زي باقي الروايات نهاية سعيدة لأنو دي حياتنا وبيدنا حنرسمها لو سعيدة ولا لأ
بتمنى من كل قارئ قرأ الروايه دي يكتب نهاية سعيدة لواقعنا♡

كنت معكم محبتكم تسنيم عبدون
في رواية بين غالب ومغلوب عليه
بدأت في يوم 3/4/2022
خلصت4/4/2022
ابقو عافيه♡

أرآكم بتهمني شديد😍💛
@tsnima

يجماعه انا لمن بنزل معرفي ده عشان الكومنتات فقط🙂🙂م كل يوم ناطين لي خمسه سته ممكن نتعرف🙂🙂عليكم الله العواليق خلوها عايزين تعلقو بحاجه بخصوص القناة او رواياتي اهلا وسهلا غير كده لا تعارف ولا بتع حظر وإبلاغ بسس🙂🙂🙂🙂🙂

حبيت ❤️

الأيام الساخنه علي الجيب والجبين دي مقضنها كيف برامجكم كيف
فقره فضفضة
@M17017

تفاصيل البيت وجوطة أمك نايمه لحد الساعه 10😂في حين انو الساعه بتكون 7ولا8 وشاي البيت الليهو نكهة براهو وخبيز ولقيمات البيت💛تفاصيل نضافة البيت والشكل مع اخواتك في توزيع المهام وريحة البخور البتخليك مبسوطه شديد تفاصيل بسيطه م بتعرف قيمتها الا البتقرأ بعيد من أهلها!
الأمان البتحسي بيهو في سريرك♡اللمة والجوطه المابتفهمي فيها حاجه غير جايطين وبس♡
أينعم مرات بنجوط متين وقت السفر يجي ومتين نمشي الداخليه ونرتاح من البيت بس حرفيا مافي أمّر من آخر ليله في بيتكم م اظن بتقضي ليل فيهو سهر وتفكير كتير اكتر من آخر ليل في بيتكم والصباح حتسافري وصايا أهلنا وخوفهم الظاهر في عيونهم وترتيبهم معاك لحاجاتك ناقصك حاجه؟محتاجه حاجه؟نفسك في شنو؟
وأختك الكانت بتقول ليك متين يجي وقت سفرك😂ظاهر في عيونها الزعل على الفراق رغم كل يوم شكله بس في اخر ليله ليك بتجاهد بقدر الامكان مهما عملتي تمسك خشمها عليها عشان حتشتاق ليكِ متذكره التشيرت الحمتو ليك بدري وقالت ليك م تمشي جنب دولابي ده تاني؟يلا هي اللحظه ديك موش مستعدة تديك ليهو لا دي مستعدة تديك قلبها معاهو هدية♡
تفاصيل صغيرة بتحصل في البيت بنجي نتذكرها ونضحك♡
وانتِ بتاكلي السندوتش بتاعك وقاعده بتتذكري صينية أمك اللونها بالفضي ديك وحرف أمك المعمول بالمنكير ورا الصينيه♡
وانتِ بتقومي بواجباتك براكِ ومتحمله مسؤلية نفسك والقروش في يدك وانتِ أدرى حتصرفيها وين وكيف بتتذكري وانتي راقده مرتاحه حاجاتك بتصلك في البيت♡
المكالمات بالصباح والمساء والجوطه البتسمعيها في التلفون وكل زول عايز يحكي ليك حاجه وكل وحدة من أخواتك عايزه تحكي ليك حصل ليها شنو وفي نهاية المكالمة الوصايا المعتادة(صليتي،اتحصني ونومي،قعد تقري قران؟م تهملي في اكلك اشتري واكلي النفسك فيهو،استودعتك الله الذي لا تضيع ودائعه♡)
نحنا كبنات بنقرأ بعيد من أهلنا وعايشين مرارة الداخلية ومتحملين مسؤلية نفسنا وعرفنا قدر شنو المسؤلية صعبه وم الا المسؤلية تكون كونك بتصرفي على نفسك وبس لا مسؤلية اننا كيف نقدر م نتأثر بالمجتمع الجديد النحنا وسطو؟كيف نحن نقدر نحافظ على تربيتنا الجينا بيها من البيت بدون م حاجه تأثر علينا؟والأهم والأهم كل سبل الغلط مفروش فيها ورود لا جنبك أمك توقفك ولا جنبك أبوك عشان تخافي ولا جنبك اخوك الكبير البتخافي منو بعد ده أنتِ ومسؤليتك ومدى قوة إيمانك دي كلها مسؤليه على حسب قوتك وتقديرك لثقة اهلك فيك بتقدري تتحمليها♡
وأخيرا وليس آخراً البيت وناسة والخمسة ستة النحنا منهم♡
#جوطة البيت نعمة م بتعرف قيمتها إلا البتقرأ بعيد من أهلها
#تسنيم_عبدون✏️

السلام عليكم عندي قروب لطلاب الشهاده السودانيه مساق علمي شرح لكل المواد

لوجه الله

https://hottg.com/sudandash1

يلا ورجعنالكم بعد غياب💛🔥💃بالنسبه للناس البتسألني لسه كتبتي روايه جديده🔥رواية ن_أ_م_آيس قيد الكتابه قريبا حتتنشر ان شاءالله خليكم قراب💃💃

الروايه جاهزه😍😍💛💥💥

ن_أ_م_آيس

تسنيم عبدون
-1-

الحمدُللهِ على لطفهِ المتجلّي في كل تفاصيل الحياة💛



كلكم نفسكم تعرفوا عنوان الروايه ن_أ_م_ آيس؟

خلونا نخت خط تحت كلمة آيس دي أولا كلنا سمعنا عن مخدر الآيس السوشيال ميديا القنوات الفضائيه في المواصلات في اي ركن بتكلمو عن الآيس خلونا بداية قبل ندخل للروايه ناخد جوله ونبذه بسيطه عن المخدر دا أما الرموز دي( ن_أ_م) حنعرفها نهاية الرواية ان شاءالله.......

الآيس هو مخدر مكون من حمض الكلورديك_الفسفور_الكبريت_كبريتات النحاس_الليثيوم.
ممكن تعاطيها من خلال التدخين او طعنها او ممكن يحولو الحبوب بتاعتها لبودره ويتم استنشاقها او ممكن تناولها بالفم.
مخدر الآيس عنده اضرار كتيره جسديه ونفسيه وغير ممكن يضر بالقلب والكبد والكلى والمخ وغير الحمى والأرق والجلطات




انا طاهر محمد عبد الله الأخ الكبير وخريج السنه دي هندسة إتصالات وعندي أختين طيبه وهبه أبوي مدير أعمال كبير معروف وكل أوقاته سفريات واجتماعات وأمي مريم ربة منزل أخواتي طيبه في الجامعه وهبه في الثانوي


انا طاهر دا معروف في كل الحله زول دُغري وإنطوائي ومعندي شي غير صلاتي وقرآني وقرايتي واللابتوب والتلفون أينعم نحن أسره وبنحب بعض وأي حاجه ولاقين الدفء والحمد لله على كل حال بس م عندنا لمة اسره ونحكي لبعض يومنا أبوي وقته كلو في الشغل وأمي في النت طوالي بتحضر وتشوف وصفات اكلات ومن قروب لقروب في الفيس وعده وملابس وانا واخواتي بنجي من دوامنا بس متين نحصل السرير الجمعه والسبت بنقول عطله ونقضيهم نوم حنكون جزء من الروايه دي ن_أ_م_آيس


أما أنا حسام كمال معتصم ابوي منفصل عن أمي وعندي أخت اسمها زينب أما باقي التفاصيل حتعرفوها قدام لأننا جزء من رواية ن_أ_م_آيس



خلونا ندخل لتفاصيل الروايه
نبداها بلسان طاهر:
في يوم من الصباح صحيت وخلاص ماشي الجامعه وزول خريج وبتاع نزلت تحت لقيت الشاي جاهز شربت وطوالي على جامعتي كان الدوام عادي جاني صحبي حسام قال لي ياخ عندي شلتي من زمن الثانوي جوني الجامعه سلموا علي وما قصروا وانا عازمهم فطور رأيك شنو قلت ليهو ي زول قدام بس انا اصلا جعان زاتو ارح عليهم مشينا وسلمنا عليهم صراحة في البدايه شكلهم ما عجبني خالص وانا سرحان بعاين فيهم وجواي بفكر قطع تفكيري حسام:طاهر ديل اصحابي امجد ومهند وخالد دا طاهر صحبي شديد زول الطقه والحفار عكسي تماما انا بدك المحاضرات وبقينا نضحك صراحة تاني اتلفت لقيت مهند ده نظراته غريبه شديد وامجد وخالد بعاينو في بعض على بال م نزلو لينا طلبنا كنا بنتونس والكوره وكأس العالم أول م الجرسون نزل لينا الأكل حسام شغال للجرسون وهو بنزل لينا الأكل شيل شيل شيل ي طويل العمر شيل ضحكنا لمن شبعنا خلصنا وأي حاجه استأذنت منهم
شباب ياخ والله كان لحظات ظريفه شديد ونتلاقى ان شاءالله وسعدت بيكم جدا ياخ قاطعني حسام ي زول دا شنو الكلام الكلو زوق دا مستضفينك في برنامج نحن خالد قاطعو يا زول مالك ياخ والله نحن السعدنا بيك اكتر وان شاءالله الجايات احلى وأكتر
ودعتهم وطلعت منهم اللحظه ديك مهند غمز ليهم نظام زول فيكم يبدأ

كانوا اصحاب حسام في الثانوي وزاروهو فجأه ونظرات غريبه وسر غمزة مهند لأمجد وخالد شنو؟؟؟؟


#يتبععع

ن_أ_م_آيس

تسنيم عبدون


-2-

أمجد كح كُحه صغيره كدا وقال لحسام اها اخبارك والدنيا ماشه معاك كيف حسام قال ليهم والله ياخ ياهو عايش جاري بين الجامعه وافتش لي رزق طبعا الحاج انفصل من الحجه وقطع مننا لا حس لا خبر وطبعا ماف حاجه نسترزق بيها الحجه كانت عايزه تشتغل قالت لي بغسل وبكوي او ببيع ايسكريم قالت لي يا ولدي الشغل ما عيب أبيت ليها نهائي قلت ليها انا بتصرف وانا راجل البيت دا والله الحمد لله بس شايل هم وأختي زينب جامعتها قربت طبعا شالوها طب الخرطوم وطالبين مبلغ خرافي عديل بس يا زول هدا عايشين والأجر على الله خالد كان جنب مهند همس ليه المان دا تقول قلنا ليهو أحكي لينا قصة حياتك بقو يضحكو براحه بدون زول يلاحظ ليهم

امجد رد ليهو يا زول بتتجازف ان شاءالله والله نحنا كلنا الحياة عملت فينا كدا بس عايشنها
قعدوا حبه وودعو بعض وحسام اتجه لبيتهم وامجد ومهند وخالد ركبوا عربيتهم خالد كان سايق ومولع سجارتو وجنبه مهند ووراء كان قاعد أمجد خالد بقى جايط هسه جيتنا ليهو دي طلعت بدون فايده وخطتنا فشلت والمعلم ادانا ليوم بكره بس ويكون معانا رابع ومن خلال الرابع بنقدر نكبر المجموعه والموضوع دا يتوزع انتو قعدتو قضيتوها تحكو قصة حياتكم أمجد قال ليهو ي زول انت مجنون الحكايه دي عايزه ليها تكتيتك قال ليك طوالي كدا بنقول للزول عايزنك معانا في مجموعة مخدرات نحن ياداب كدا حنذكرو بينا وحنرجع نصاحبه ولمن شويه شويه حنقدر نرميه مهند قال ليهم خليكم من دا كله م شفتو صحبه داك شكلو زول مُرطب عديل خالد طفى سجارتو قال ليهم دا كمان الدور جاييهو والله انتو عارفين ي شباب صاحب حسام دا لو وقع معانا حنكسب كسبه قويه والمعلم حينبسط مننا وحيزيد لينا الضحاكات(رئيس مجموعه بتوزع مخدرات بنادوهو بالمعلم) شباب نحن راجينا كتير ولازمانا خطط وحاجات عشان نرمي حسام بعد داك من خلال حسام حنقدر نصل لصحبه
خططوا ورسمه اي شي بحصل وكل زول نزل بيته

أمجد انت بقيت تجي البيت متأخر من غير عادتك وبعدين دي شنو ريحة السجاير دي أمجد دقيقه وده شنو اللابتوب الشايله دا من وين لقيت القروش واشتريتو ونحنا برانا رزق اليوم باليوم

أمجد وهو جايط يا أمي وبعدين معاك ياخ ما ممكن انا كل م أجي داخل البيت دا تحقيق تحقيق معقوله ياخ انا راجل بشنبي ما بت انا عشان تحققي معاي قدر دا ياخ موش البيت دا خليتو ليك
طلع وقفل وراهو الباب بقوه امه بقت تصرخ مع الصرخه دي طلع ابوهو في شنو ي مره أمجد ي علي أمجد دا تعبني خلاص غلبتني الحياه فيهو ماله أمجد ي مره هااا ايوا انت فاضي عشان تخلي بالك من ولدك ولدك بقى يجينا انصاص الليالي لا والليله جاييني ريحة السجاير تجيب الطاشي وشايل لابتوب من وين يجيبه وامجد اصلا ما شغال ونحن رزق اليوم باليوم عليك الله ي مره انتي ماعندك زرة موضوع وانا راجل قدر دا م حادخل في تفاصيله وطيري من وشي دا خلعتيني تصرخي كدا قايل في شي هسه ودخل جوه وخلاها في الحوش ومساهره منتظره ولدها وهي تبكي لمن نامت للصباح في الحوش وفي برد شديد وبرضو أمجد ما ظهر

في الصباح كدا في الموقع بتاع مجموعتهم الناس بقت تصحى مهند صحى لقى أمجد نايم جنبه صحاهو ي زول انت الجابك شنو نحن موش امس نزلناك بيتكم والله متذكر وكنت واعي كمان ياخ مشيت جُطت مع ناس البيت يحققو معاي شافع انا قوم قوم طيب بلاش انفعال خلينا نمشي للمعلم ونشوف بحصل شنو


#يتبععع

ن_أ_م_آيس

تسنيم عبدون

_3_


اسمعني يا حسام وبدون أي مقدمات ولا لف ولا دوران قدامكم يومين بس وتخلوا البيت دا عايزو واحد وبسعر سمح شديد وانتو قعد تتأخروا في الدفع هسه ليكم شهرين شهرين يا حسام م جاني غير ربع المبلغ
عارف يا عمر اتأخرنا وأي حاجه بس عايزين مُهله وانا حتصرف احتمال امشي البلد اشتغل زراعه ولا حاجه وبجيب ليك قروشك كامله بس في الوقت الراهن خلي لينا البيت بس لمن نفتش
اسمعني يا حسام دا كل العندي وقلتو ليك قدامك يومين سلام عليكم يلا
حسام بقى واقف محله ومتحير وماعرف يعمل شنو وهو بقفل باب بيتهم وسرحان وجايط جاته زينب
حسام دا منو الكان في الباب
اا زينب لالا دا واحد صحبي كان عندو عندي امانه وشالها
حسام طيب مالك شكلك ما عاجبني وزهجان كدا
ماف شي ي زينب اها التسجيل بتاعكم متين
التسجيل قرب ينتهي ي حسام وصحباتي كلهم مشو سجلو باقي تقريبا اسبوع بس ويقفل وكنت بتكلم مع امنيه صحبتي وعايز استفسر اكتر زي ما عارف تلفوني م بشتغل الا في الشاحن خربان زيته طالع
لالا بتتسهل ان شاءالله انا طالع عايزين حاجه؟

لالا سلامتك بس
طيب يلا خلي بالك على أمي واديها حبوبها في وقتها

حسام حبوب أمي خلصت ليها يومين وقالت م تكلمك عشان م تعصر عليك وانا ياداب اكتشفت الحاجه دي الليله

لاحولا ولاقوة الابالله خلاص تمام تمام بتصرف بجيب ليها يلا مع السلامة
يلا طيب

اسمعني كشف كشف داك ما حسام عاينو ماشي حزين كيف أكيد محتاج لقروش ولا حاجه اديهو بوري كدي وقف
خالد حك فرامل شديده وقال بسسسس دا الوقت المناسب البنفتش عليهو ودق ليهو بوري

ياخ دا كمان مالو الظلط طويل وعريض يدق لي بوري م يطير بجاي ياخ طوالي سمع واحد نزل القزاز وبنده ليهو لقاهم أصحابه
اركب اركب يا حسام شنو ي مان ماشي كدا
والله يا شباب قافله معاي ياخ بتاع الايجار جا قفلها معاي وتسجيل اختي قرب وأمي حبوبها خلصت والامور جايطه شديد ياخ
حسام انت م نفسك تشتغل طيب
أمجد وين كدي وريني لفيت البلد دي كلها
عاين يا حسام نحنا عندنا ليك شغل انت اتفهمنا كويس ولو فهمت طبيعة الشغل كويس وواصلت فيهو والله صدقني امورك حتظبط
اها فهموني وربنا يسهل بسس
تمام هسه نحنا في طريقنا على محل الشغل وحنوريك اي شي
وصلو الموقع حسام بقى يتلفت قال ليهم دا شنو يا شباب ودا شنو مكان منقطع كدا ومالو المبنى غريب كدا

هششششش ادخل جوه وحنفهمك
ارح طيب
دخلوا جوه وسلمو على المعلم وكان واضح زول صعب كدا طويل عريض معضل وعندو لحيه كبيره وكان بشرب في سجاره غريبه كدا وجوه في المحل كله ملان صناديق كبيره ومُحكّمه
طيب يا حسام شغلنا دا والله يخليك تلعب بالقروش لعب بس انت افهمنا للآخر تمام
حسام كانت باينه عليهو الحيره ووشو كلو استفهامات قال ليهم تمام اها وروني
تمام ي حسام نحن كل البنعمله بنستقبل مخدرات ونوع معين اسمه الآيس وطبعا بكل سريه تامه بندخلها المحل دا بنقول ليهو الموقع شايف الصناديق دي كلها عباره عن مخدرات آيس ومقسمين الشغل جزء بوزعها كحبوب ونتعاقد مع ستات الشاي وجزء بستقبل الخضروات ويطعنها ونوزعها في السوق وجزء بطحن الحبوب دي بحولها بودره وطبعا اكتر شي بنستغل حلويات الأطفال دي عشان اكتر شي بشترو هم وطبعا القروش حاجه خرافيه تلعب بيها لعب ممكن تشتري بيت وتقري اختك وتعالج أمك


يا ترا حسام اداهو فرصه يتم كلامه عادي هل وافق على العرض المغري دا ولا رفض؟حنشوفو الحلقه الجايه

حوقلوا💛
#يتبعع

ن_أ_م_آيس

تسنيم عبدون

_4_


حسام وقف على حيله وكان قابض كف يده قوي وباين عليهو الغضب اخر الزمن انا عشان ما لقيت قروش افتش بالحرام صح عشان انا أربح أضر غيري واقتل غيري واحرق حشا أمهاتهم م اتوقعتها منكم بذات ي أمجد وخالد ومهند خالد ههه تتذكر يا خالد لمن اخوك اتوفى تتذكر امك تتذكر حالتها كانت كيف وانت كنت بتبكي عشان حالة أمك ليه بس ليه بسببكم تحرقو حشا امهاتهم وتدهورو أسر وبيوت

عاين يا حسام غلطانين نحن العايزين مصلحتك واسمعني يا مان انا جبتك عشان تشتغل ما عشان تعمل لي محاضره هنا ظط وصدقني لو طلعت من الموقع دا حتندم وم حتضر الا نفسك

انا حأطلع والعايز تعمله أعمله

حسام طلع وراسه جايط ويفكر معقوله معقوله الدنيا دي بقت كدا عشان مصلحتهم يعمله في الناس كدا معقوله اصحابك وكانو اكتر من اصحاب يبقو بالبشاعه دي كله عشان يكون عندهم قروش يضرو الناس بالمخدرات والناس تموت لا بس اتخيل بس أم فرحانه بولدها ربنا رزقها بعد سنوات سنوات عديده يمشي يشتري حلاوه بين يوم وليله تفقده؟ لا حسام انت لازم تحصل الموضوع دا

ايوا نحنا وراهو م تشيل هم لسه م دخل على المدينه

ايوا سريع حصلوهو الولد ده الليله يبيت في الموقع هنا انتو عارفين لو حصل المدينه امرنا بنتهي وممكن يبلغ الشرطه واي شي حيتهدم

خلاص قربنا عليهو

دي شنو العربيه دي محل اقبل ماشه وراي
السواق نزل القزاز ودق بوري وقال لي حسام سلام عليكم يا شاب
اهلا مرحب بيك
داخل على المدينه
ااي
اركب اركب
حسام في الاول جاهو شك انه دا تبعهم بس تاني قال سوء ظن وركب
فتح ليه الباب القدام
السواق عمل يوتيرن للعربيه
دا شنو يا زول رجعت مالك موش قلت ماشي المدينه؟
قبل السواق يرد عليهو واحد كان راكب ورا لصق منديل في وش حسام خلاهو طوالي تدريجيا بدا يغض عيونه ورقد

وصلو الموقع......

من جانب آخر♤♤♤♤♤♤♤♤♤

الكل هسه بفكر انه انا طاهر ليه ما ظاهر كتير سلفا قلت ليكم اني انطوائي حسام دا بس يمكن صحبي وبلاقيهو في الجامعه ومره مره نطلع سوا
في حلقات جايه حاظهر ليكم بس كيف وحتكون حياتي كيف تاني هل حاكون طاهر زاته ولا حاتغير؟؟

فلاش باك○•°
هاهاهاهاهاهاهاها قلت ليك يا حسام تطلع من الموقع دا حتندم وم حتضر الا نفسك هاهاهاهاهاها عامل لينا الشريف الرضي وم بتاع مخدرات وكلام زي دا انت حتدمنو تاني خليك من انه توزعه وتبيعه هاهاهاها
أمجد ومهند يلا على المعلم عايز يدينا قروشنا عشان جبنا ليهو واحد جديد هاهاهاها
شيخ الشيوخ قلت لي هاهاهاها كفك بالله
دخله للمعلم سمعوهو بتفق مع زول في التلفون وكانت المكالمه

ااي يا زول اسمعني كل العليك بمجرد ما لوري الطماطم دا يصل اديني تلفون انا حأرسل الشباب ديل يشتروهو كله ولسه عندنا خضروات تانيه وغير حلويات الأطفال دي جايانا الاسبوع الجاي اتفقنا مع زول

ايوا ي معلم انت عارف لو نجحنا في الحاجات دي حنكسب كسبه قويه وحنكافئ شباب الموقع كلهم

يا زول دا كلامك هاهاهاها

من جانب آخر°°°°• في إحدى الداخليات للطالبات دخلت على الداخليه بعد الزمن بكتير فيروز بت حلوه شديد واهلها على قدر حالهم متوسطة الطول وكانت لابسه بنطلون وفاكه شعرها نزلها واحد بالعربيه ومشى بعد جوطه مع المشرفه دخلتها
دخلت فيروز وهي تخربط في الكلام وعيونها مطفيه وعندها هالات تحت عيونها وصلت غرفتها وجدعت شنطتها ورقدت في سريرها وهي بتبكي من الألم وتصرخ
بنات غرفتها اتلمه وكانوا شاكين انها بتاخد مخدرات
بنات انتو عارفين فيروز مما قالت عامله علاقه مع الأسمه خالد داك انا قنعت منها ما عارفه لكن حاسه خالد دا زول ما كويس
لكن يا جماعه فيروز دي حتفضل كدا لمتين اتكلمنا معاها لمن فترنا
بنات افضل حل نكلم المشرفه وهي تتصرف مع اهلها
لالا ياخ واهلها زنبهم شنو ما شفتي ابوها لمن جابها اول يوم يقطع القلب اظن حق مواصلات الرجعه ما كان عنده فيروز دي م كانت كدا ي جماعه فيروز دي بت بلد وشفتوها براكم لمن جات برلومه كانت كيف كانت في الداخليه بتلبس طرحه
كان ي جواهر بس حاليا الوضع اختلف لا وشفتي القروش دي بتجيبها رُزم كيف؟انا وانتي وكلكم عارفين فيروز دي اهلها على قدر حالهم
جات وحده تصفق ليهم وكان واضح انها صحبتها اهاا ي حريم الحله خلصته نميمه الحُشريه دي لمتين ان شاءالله فيروز دي حياتها وماف وحده تدخل فيها تمام زي م كل وحده لازمه حياتها لنفسها
وحده همست للتانيه في اضانها يختي عشان ضاربه من قروش فيروز ي بت فيروز قعد تديها ربع المبلغ ليها الحق تدافع ليها
●○•الكاتبه•○●(صاحب وقف معاك في الغلط دا ولا تقول عنه صاحب واقفلوا معاكم القوس دا لأنه قفلت معاي خلاص انا من مجتمعنا دا


#يتبعععع

ن_أ_م_آيس

تسنيم عبدون

_5_


ماشي على وين يا طاهر

أمي والله حسام صحبي دا ليهو يومين لا حس لا خبر وبتصل تلفونه مغلق ماشي بيتهم اشوف الحاصل شنو
تمام الله معاك يا ولدي

طاهر وصل بيت ناس حسام لقى البيت جايط وفي دفار بنزل في عفش وامه واخته ماسكين بعض ويبكوا طاهر جرى عليهم
خالتي زينب مالكم خير في شنو ودي شنو الجوطه دي وحسام وين
ام حسام كانت قاعده في كرسي وتبكي يا ولدي حسام كنا قايلنو معاك يا ولدي حسام وين لا حس لا خبر عليك الله شوف ولدي وين
زينب قالت ليهو وهي مكسوره يعني يا طاهر حسام ما معاك
طاهر قال ليهم زينب دقيقه ارح بعيد حبه وفهميني
يا طاهر حسام دا اخر شي كان الباب دق وبعد الراجل طلع وشه كان مخطوف وانا حاسه م وراني الحقيقه بس قال لي دا صحبي عندو امانه شالها ووصاني على أمي وطلع وتاني م جا والليله من الصباح جانا بتاع الايجار ومعاهو الراجل العايز يأجر البيت والراجل جاط فينا وقال الا يطلع عفشنا الشارع الا الحمد لله الراجل المعاهو ثبتو وقال ليهو اديهم فرصه يا عمر وهسه كمان خلي عفشهم لمن يلمو في اخوهم ممكن يقعدو في الصالون وانا عشان البيت الساكن فيهو طلعوني منو حأجيب اولادي وزوجتي وعفشي وحنختهم في عيونا والناس للناس يا عمر ياخ بعداك عمر خجل وسكت ساي حاليا انا وامي م بنبكي عشان البيت بنبكي عشان حسام يا طاهر نحنا تاني م عندنا سند باقي لينا غير حسام يا طاهر
طيب يا زينب امشي جنب خالتي وان شاءالله م بحصل الا الخير
طاهر مشى على الرجال وبقى يحدر لي عمر يخس دا كلو عشان قروش عمر جاي عليهو يضربو مسكو الراجل التاني قال ليهو فكني فكني ليهو يطلع منو هو ولدهم هرب خلى البيت هارب من المسؤوليه طاهر مشى عليهو قايل كل الناس عادمين رجوليه زيك حسام اخر من يهرب من المسؤوليه
عمر بقى يقاوي في الراجل عشان يفكو ويمشي يضارب طاهر
ي جماعه كدي اهدو الموضوع دا بتحل بالهداوه انا م عندي مانع يقعدو معاي لمن اخوهم يجمع
مشيت وين يا ولدي انت كمان عايز تهرب مننا زي ابوك انا واختك زنبنا شنو م نلقى راجل يسندنا لشنو يا ولدي الحاصل عليك شنو واااا حرقة حشاي عليك يا ولدي
زينب ماشه وجايه وتبكي زي الرايحه ليها حاجه حسام تعال يا حسام ان شاءالله م قعدنا في بيت بس تعال ي حسام نحنا محتاجنك م عايزه جامعه انا يا حسام بس عايزه اخوي انا ااااخ يا حسام يا جامع يا رقيب يا جامع يا رقيب
وهي ماشه وجايه جاهم طاهر قعدهم الاتنين يا خالتي ويا زينب انا حامشي وافتش حسام هسه لمن يرجع حسام بالسلامه عندكم خيارين يا اما تمشو تقعدو معانا في بيتنا او تقعدو هنا مع زوجة الراجل المؤجر البيت دا زي م قال وانا بوعدكم كل يوم حأمر عليكم
خلاص يا ولدي نحنا بنقعد معاهم وشكلهم ناس طيبين مرتو هسه كانت جنبنا بتواسينا مشت بيتهم القديم تجيب حاجات وجايه بس عليك الله يا طاهر يا ولدي جيب لينا حسام
ان شاءالله يا خالتي انتي م تشيلي هم ولو حسيتو نفسكم م مرتاحين اديني تلفون بس انا بوديكم بيتنا
ودعهم وهو ماشي زينب جرت وراهو نادتو على جنب بعد اتلفت عليها تاني اترددت حسا بيها زي العايزه تقول حاجه ومتردده
ايوا يا زينب قولي العايزه انا محل اخوك ناقصاكم حاجه؟
زينب بقت تبكي وتتكلم طاهر أمي حبوبها قطعت وانا خايفه عليها
اسمعيني يا زينب الروشته في عربيتي حسام ختاها هناك وم تشيلي هم انا هسه بمشي اجيبها واجي طيب
طيب ان شاءالله شكرا ليك يا طاهر وبوعدك اول ما حسام يصل ان شاء الله بنرجع ليك القروش
عيب عيب عليك الكلام دا يا زينب امشي يلا اقيفي مع امك على بال اجيب الحبوب واجي  ...
#يتبععع

ن_أ_م_آيس

تسنيم عبدون

-6-


يااا أمجد أ أ أديني تاني جيب جيب يا زول

هاهاهاها وقعت يا حسام وقعت يا الشريف الرضي هاك هاك امسك

اسمعني يا علي فتش بأي طريقه شوف حسام دا انا بحاول افتش المستشفيات وانت شوف ناس مخابرات ولا حاجه
ان شاءالله يا طاهر خلي الموضوع دا علي وان شاءالله يرجع بالسلامه

♤♤♤♤♤♤♤♤♤♤♤♤♤
،،،،في إحدى العيادات النفسيه،،،،،،

واي يا دكتور انا ما كنت كدا ليه انا بقيت كعبه كدا انا كنت زوله طموحه وعايزه اقرأ وامتحن تالت دي وادخل الجامعه الله يجازي الكان السبب دي (معالي برضو ضحية آيس كانت بتشكي وهي محروقه معالي دي كانت زوله معروفه بشطارتها وزوله مميزه بأخلاقها) شوف يا دكتور انا صحتي اتدهورت كيف شوف عيوني يا دكتور اااخ
بسم الله مالك يا معالي
بطني جاتني طعنه يا دكتور انت عارف يا دكتور ابوي لمن وصلو ليهو الكلام وهو في السعوديه انو بتو بقت مدمنة آيس ورسلو ليهو فيديو ناس كانو بتجسسو عارف حصل شنو طوالي نزل السودان وجاب لأمي ورقتها قال ليها م عرفتي تربيها عارف يا دكتور بسبب الادمان اسرتنا اتفككت بقينا مشتتين انا جيت قعدت داخليه وامي اتبرت مني وابوي م عارفين تاني مشى وين وحاليا قروش الداخليه بسددها لي الراجل البجيب لي المخدرات قال لي اي شي خليهو علي دكتور انا عايزه ارجع معالي الزمان بسببي اسرتي اتفككت لهسه انا متذكره جدي كان بحكي لي بفرحة امي وابوي بي لمن اتولدت وكانو ببكو لأني ثمرة حبهم وجيتهم بعد انتظار وعلاج وسفر وصبر انا مسحت فرحتهم بالواطه بقت تُكح ونفسها بقى يقوم تاني واصلت وهي بتبكي  ربنا ياخدني ان شاءالله اموت ارتاح من الدنيا دي
الدكتور بقى يتكلم معاها خلصتي يا معالي؟امممم عندك حاجه تاني نفسك تتكلمي عنها
لا
معالي طيب اولا تفتكري لو انتي قلتي تحلي مشكلتك دي بإنك تموتي تفتكري حتكوني جاهزه انك تقابلي ربنا؟ماف مشكله بتتحل بالموت حتمشي تاني تلاقي حساب عند ربنا وعذاب صح ولا م صح؟

صح

طيب يا معالي حاليا عشان انك تقدري تعالجي الادمان دا قبل علاج الحبوب والحاجات الكيميائيه دي عايزك تكوني جاهزه نفسيا وعندك الرغبه التامه عشان تساعدينا تمام
تمام
■□●○•°•○●□■■□●○•°°•○●□♤

فيروز تعبت شديد وبقت تصرخ وتتألم ساقوها صحباتها للمستشفى والدكتور طلب تتطعن حقنه مهدئه اولا عشان يقدر يكشف طعنوها هدت وبقى يكشف وطلب منهم فحوصات صحصحت حبه مشو ودوها المعمل والنتيجه طلعت جابوها على الدكتور وهو بقرأ ملامحه كانت متغيره قال ليهم فيروز دي في دمها في مخدر وفي فحص البول برضو في مخدر ودا بدل على انها مدمنة مخدرات مما أدى لأنو يتم تعطيل كِليه وحدا ولازم نستأصلها وحنحدد موعد للعمليه وطبعا مبلغها حيكون م شي ساهل يعني ولازم يجي ولي أمرها لأنه دي استئصال عضو م شي ساهل الا يجي ولي أمرها بزات نفسه ويقوم بإجراءات العمليه

يا دكتور طبعا زي م عارف نحن طالبات وبعيدين من أهلنا م ممكن نعمل ليها الاجراءات برانا والقروش الله كريم بتتجازف

طبعا لا  وهسه دي علاجات مبدئيا حتاخدها لمن زمن العمليه وطبعا مستعجله حتكون للاسبوع الجاي ان شاءالله
تمام شكرا يا دكتور
ودوني بيتنا اااااخخ انا تعبت يا جماعه والله تعبت انا جسمي كلو بطعن فيني دبابيس بس عيوني ماقادره افتحها م تعملو لي اي عمليه خلوني اموت بس ابوي لو عرف بته كانت مدمنه حيحصل ليهو شنو ماف زول يكلمه ما عايزه عمليه انا
فيروز لازم تعملي العمليه عشان تقدري تواصلي باقي حياتك
م عايزه حياة عايزه اموت شغفي للحياة راح راح والله راح يا جماعه
♤■□●○○●□■♤♤■□●○
من جانب آخر

سجمي طاهر يا ولد شكلك دا مالو كدا عيونك دي مالها كدا في شنو
ماف شي يا امي
يا ولد انت متخلف كيف يعني مافي شي
طاهر بنهره:قلت ليك مافي شي يا امي مالك ياخ تقفليها معانا بعدين من متين عاملين مهتمين فينا كدا م كل واحد عامل فيها مشغول كأنكم م عندكم زفت جايبنهم للدنيا دي

سجمي لالا من متين كنت بتتكلم معاي بالأسلوب دا لا في شي طاهر حلفتك مالك
ياخ قلت ليك مافي شي وكدي زحي خليني ادخل ولا بخلي ليكم البيت دا



زينب يا بتي اتصلي لي لطاهر اسأله من حسام
يا أمي الولد عزبناهو ياخ كفايه جاب الحبوب تاني نكرهو تلفونات
زينب يا بتي طاهر راجل ضكران انا عارفاهو اتصلي بس
كويس يا أمي كويس

طاهر اتغير مالو والحاصل شنو حنعرفو قدام

#يتبععع