عن سوداء وأبيض🖤
بقلم:تسنيم عبدون
_6_
مررت الايام وهند رفضت حمد خلاها ومشى اتقدم لي وحدة تانية وعرسهم قربب واحمد جا السودان وبدوا تجهيزات عرسو وكمال ادى حامد القروش
.......................
انتهيت من السمستر الاول ولسة متواصلة مع صحباتي بمشي ليهو وبجوني طبعا بقيت احس انو منية لمن تلقى عماد اخوي قاعد بتتراشق شديد في مرة قاعدين بنتونس عماد اخوي قال لي امي وابوي انو في بت زميلتو من زمن الجامعة قرو سوا وعايزها وامي فرحت ليهو شديد قال حيعمل خطوبة بسس والعرس لمن ربنا يسهل فوافقو ليهو تاني يوم اتصلو ع اهلها واتفقوا ع اليوم البتقدموا فيهو فرحنا ليهو شديد ومنية من عرفت عماد عايز يخطب تواصلها شبة اتقطع معاي بتصل لي م بترد برسل ليها م بتقرا رسايلي اصلا م اشتغلت بيها كتير جاتني عرفة قالت لي نكلم عماد نمشي منتزه ولا نتفسح قلت ليها فكرة مشينا حنكناهو وافق لينا وكلمنا امي وابوي امي قالت م بتقدر وابوي قال حيقعد معاها عملنا كيك وشاي وروتينا عملت لينا فشار وعملنا قهوه وطلعنا ونحنا في الطريق عماد قال انو زملاءو الكانوا معاهو في الجامعة كلمهم قالو حيجو وقال كلم خطيبتو برضو جاية قلنا لي حلووو وصل بقالة نزل جاب كبابي بلاستيك للشاي وكبابي الورق للقهوه وجاب كم نوع من شكلاتات وشيبس وواصلنا طريقنا وصلنا لقينا زملاءو كلهم اولاد ع بنات قاعدين عملو دائرة في زي اربعة من اصحابو عاملين زي فرقة صغيرونة لسة م بقت مشهورة اسمها(Black&white) وده كان شعارهم🎵Black & white🎵وبي تحت مكتوب بخط صغير ☝️all is يعني كلنا واحد بغنو غالبا اغاني وطنية وفرقتهم دي ضد العنصرية هم اربعة واختارو نفسم شان يكملو بعضهم واحد من الغرب وواحد من الشرق وواحد من شمال وواحد من الجنوب بس مستقر في السودان😻مكملين بعضهم حلوين شديد واحد كان بعزف جيتار وواحد بدق وواحد بغني صوتو رهييييب وواحد كان بعزف اورقن عندو اورقن يعني م كبير زي حق الحفلات وسط كده كيوووت شديد وبدو يغنو وافتتحو لينا بي اغنية مؤلفنها براهم وملحننها رهيبة شديد(من الشمال او الجنوب انت زولنا انت يخ حبوب من الشرق او في الغرب لسعادتنااا انت السبب تاااااتاراراااااتااااااتراراااااا ابيض انت ولا اسود أول ايز ونن م بنختلف اتخلقنا بسس شان نكمل بعض يلا نتماسك يلا نعمل للوطن يلا يخ نكسب الزمنن واقفين نحنا بالبندقية لالا للعنصريااااااوووو لا للعنصريااااووووو لاااااا للعنصرياااااووو لاااااا لعنصرياااااووووواااااوووووووووو)
يخ استمتعنا والغنية عجبتني شديد لمن عيوني دمعوا بجد حسيت الدنيا بخيرها لسه لسسة في ناس عايزاني حتى بلوني الأسود ده فرحتتتت شديد ودعيت ليهم من قلبي واتونسنا واتعرفنا ع خطيبة عماد واكتشفت انو دكتور الصافي صاحب عماد اخوي طلع ظريفف شديد اتونس معانا وضحكنا ضحككك ورجعت البيت ومبسووطة وكلي ايجابيات وفرحت ونمت مبسوطه يعني بس كيف اغنية من اربعة ولا خمسة بيوت قدرت ترجع لي بسمتي واطمأنيت انو الحمد لله في الناس الما بتعرف تفرزز فرحت شديد ونمت...
......................
هند قالت لي ماريا كنتي وين يبت قاشرة كده قالت ليها كنت في المنتزه مع زملائنا بتعين الجامعة كان يوم ظريف وع فكره حتى عماد خطيبي جا والصافي كمان ههههه هند قالت ليها انتي جاده قالت ليها والله العظيم واليوم كلوو يبحلق في اخت عماد هند اتوترت قالت ليها انتي جاده و و و اخت عماد دي حلوه ولا شينه ولونها كيف وجنسها شنو ماريا وقفتها قالت ليها يبت بسم الله كدي قولي هو في شنوو ههههه لالا هي يعني حلوه لكن م شديد بس سودااااااء شديد هند قالت ليها لالا دام انها سوداء طمنتيني تاني م بعاين ليها لانو مستحيل هو ابيض وحلبي يعرس بت سوداء م بتجي نهائي ماريا قالت ليها غايتو انتي هههههه استغفر الله بس يلا انا ماشه بيتنا يلا معسلامة.. معسلامة...
يتبعععع......
>>Click here to continue<<