بالگلب للزهراء حضره علّيناهه
وصارت النبضه اجدام وفاطمه زرناهه
....
مرقدهه بنص روحي ولو دار الدمه
بكل نبضه أتسَجَل زاير فاطمه
ولو ارفع چف ايدي وصدري الطمه
ينحسبن ونّاتي للحُب أوسِمه
رضا الرب كل معناه فاطمه معناهه
....
الدم رايه ومشايه دگات الگلب
بحسرتهه تتعنه و للحضره تطب
البجروحه وهم روحه متعنّي مُحب
للزهره بدفترهه خادم ينكتب
حروف جرح الاكوان وبالدمع نقراهه
....
اتخيّل مجلسهه دار احزان الي
وابدمعي اعله اجفوني اكتب يا علي
نار الباب بروحي اشعر تغتلي
ومن الله اعله اشفافي چم آآه تعتلي
روح نهج القران فاطمه شفناهه
....
لكل اه من اهاتي اصل الاه ضلع
اتطشر باحزاني وبحبهه انجمع
للزهره ومحنتهه ياگلبي اِنفِجِع
ولو عيني ما سالت شلهه بالدمع
وروحي جمر المصاب بالحزن چواهه
...
لمولاتي بونّاتي احچايات انرسم
البسمار بنص عيني ويلچمني الحلم
لكل ظالم لا اصرخ صوت الـ لا مُهم
و ألا الجرحه بروحه ما يشفيه لطم
وشاهدي ادموع العين اتحاچي بضعة طه
...
يل گبرچ مثل اسمچ صاغه الباري سِر
اتراب اجدامچ حنّه اعله اچفوف السِتِر
الاملاك اعله اجروحچ تنحب للفجر
ليل اوداعچ هذا لو ليلة قدر
الراضيه . وارضه الله كل أمر ارضاهه
...
سعد هادي الشمري
@Saadhadi83
>>Click here to continue<<