مو هذا هو السؤال الثالث فرع أ هو من ضمن المرشحات موجود

نجي على السؤال الثالث فرع ب
الي هو ثلاث فروع
تأثير التسخين على الانتروبي
مية مره ذاكرتها بالمحاضرات
انو التسخين يزيد من الانتروبي لانه يزيد الطاقه الاهتزازيه وبالتالي تزداد الطاقه الحركيه والانتقاليه للجزيئات

والفرع الثاني قاعدة العدد الذري الفعال هم اكدت عليه وهو هم سهل

والفرع الثالث سؤال الحفظ الفصل الرابع عن ملاحظه خمسه
مية مره اكدت عليها وهم موجود هذا السؤال ضمن المرشحات

سؤال ٤٢ مو نفسه السؤال الثالث فرع ب النقطه الثالث
الي هو من المرشحات

نجي على السؤال الرابع فرع أ
الي هو عن الذوبانيه
هم اكولك موجود بالمرشحات بس مو بالضبط نفس السؤال تدري ليش
لان هم امغيرين صيغة السؤال حتى يصعبوا على الطالب
حل هذا السؤال هو بالبدايه معادله وحده للملح الشحيح الذوبان يعني قبل الاضافه
وبعدين اتحله معادلتين يعني بوجود الايون المشترك ونفس خطوات الحل المتعارف عليها بأي سؤال

السؤال الرابع فرع ب بيه اربع فروع
الفرع الاول منطيك قيمه دلتا H ودلتا S
ويريد دلتا G
فقط اطبق علاقة كبس بس اتقسم دلتا اس على ١٠٠٠

والفرع الثاني تأثير العامل المساعد
ما يأثر اضافة العامل المساعد على التفاعلات الانعكاسيه وانما يقلل الفتره الزمنيه اللازمه للوصول الى حالة الاتزان

والفرع الثالث حالين منه بالمحاضرات ومأكده عليه
وهسه اذكرك تحسب جهد الاختزال وبعدين تعكس الاشاره مالته لان هو يريد بالسؤال جهد الاكسده يعني تحل السؤال بكتابة تفاعل الكاثود والانود وطبق فقط علاقه جهد الخليه القياسي حتى تحسب منه الاختزال وتعكس الاشاره لان هو رايد الاكسده


والفرع الرابع عن العوامل المؤثره متل التركيز والضغط ودرجه الحراره وهم الف مره شارحه عليه وكولش سهله

نجي للسؤال الخامس فرع أ
هذا السؤال عن الفصل الثاني
وهذا السؤال بالذات اكدت عليه صح ما موجود بالمرشحات بس شوفوا موجو د بواجبات الفصل واني حليته الكم وكتلكم عليه جداً مهم ومرشح وروحوا فتحوا الملازم وشوفوا شنو كتبين عليه
حتى بداية الحل ذكرت لكم انوا بما ان حراره الاناء ارتفعت ان معناه ان التفاعل امامي ومن عرفتوا ان التفاعل امامي بعد انحل السؤال

السؤال الخامس ب
ملح مور ليش ملح مزدوج هاي هم ما شارحيها
والنقط الثانيه علاقة تروتن هم ما اتعرفوها
والنقطه الثالثه الخلايا الالكتروليته تعريفها هم موجود بالمرشحات كاتبته الكم

نجي على السؤال السادس فرع أ
هم موجود ضمن المرشحات ونصاً
مال قوانين فاراداي

مو هذا السؤال السادس فرع أ
من ضمن المرشحات

نجي على السادس فرع ب فراغات
والله والله كولها ذاكرتها
الفراغ الاول السمه الرابعه بالالكتروليتات وذاكرتلكم انها تجي فراغ

الفراغ الثاني تسمية المركبات التناسقيه وذاكره تجي فراغ

الفراغ الثالث خواص النظام الحجم وعدد المولات والضغط يعني اي نظام على شنو يعتمد

والفراغ الرابع العلاقه بين حاصل التفاعل وKc
اذا Kc اكبر التفاعل امامي
واذا Kc اصغر التفاعل خلفي

وفي الختام اوجه الكم هاي الرساله الصوتيه

مبروك والف مبروك لطلابنا الاعزاء انتهاء الامتحانات
وياربي ميضيع تعب طالب
وعفوها على الله ترى رب العباد مايضيع تعبكم
ولا تنقهرون ولا اتغثون روحكم
انتوا بكل الاحوال شجعان حتى لو ما حصلتوا المعدل الي تتمنوا بس انتوا مرة عليكم اقسى الظروف واتعس سنه مرة على كل العالم هي هاي السنه ورغم ذالك اثبتم جدارتكم وقاومتوا كل الظروف وتحملتم قساوة وزارة التربيه في وضع الاسئله
كل هذا اثبت بالفعل انكم تستحقون لقب الشجاعه
لانكم اديتم الامتحانات وعلى الله فليتوكل المؤمنون .
من هذا المنطلق انطلقوا لتحيوا حياة جميله وتعوضوا انفسكم ما مررتم به من احزان

والله المستعان

تحياتي واشواقي لكافة طلبتي الشجعان

ساهره البلداوي