ذَبلت أيامي وبعد ما بيه ليّل
خَلك ماگو بچفني يتلكه السهر
مُر علي بَمرورتك ونگتني حيل
أطيح من راسي مَحطات السَفر
حرورتك بيه ولبست الصحرى
ثوب وماكو غيرك ينزل بروحي وفر

وشَم بگلوبنه تُبقى المواقَف

خفت يتبدَه كاسَي
وشَلته بيدي سِنين
ولگِيت الكاس بيدي وعُمري مِتبدي

واهِس ليّل جَرحي شكد سوالف بي..

الما يشبهونج شگلهُم ؟
هيّ حيرة كُل بَعيد بعَيني يصغر
وانتِ بعيوني چبيرة

انتِ وفراگج مَناچل تشلع عرَوگ السنَين

وصَفينة ويَّ الحَزن صِحبان يفهم كل مَعانينة

وبچَيت شمِا حَوت روحِي
‏عَليك الدمِع ما أعِزه .

اليسافر للبَچي ياخذ عيوني مَتاع
أعَله چفني اولام جايه مخِيطه الدمعَه

وهسه گُلي شنهو عذرك؟
‏آني منطيك العيّون
‏وأنت گضيّت العُمر
منطيني ظهرك
‏أنت بايعني ببلاش
‏وآني خايف لا أخسرك
‏أنت كاسر كُلشي بيّه
‏وآني خايف لا أكسرك
‏ومِن بعَد كُل هذا أريدَن
‏سبب واحد حتى أعذرك
‏شنهو عذرك؟

أگضي الليل أحضر بالحجي الملگاچ..

بيا عين اضمك وانت عيني؟

لا تسَولفلي على حِزنك
أنه أفهمك
ومَاعليك مِن المسافة
وحَتى لو نحجي برسَايل
أنه يمَك
ولا تخاف عَليه أنتَ
ولا يهمك
أنه حزني يضيع
من أندَل ضحكتك .