مسلم ابسيفه العده من لاگاها
ماتندل منين الدرب خلاها
▣========▣◈▣========▣

سيفه بيمينه والدرع بمتونه
من الغضب تجدح شرار عيونه
صفوف العده وماگدروا يلاگونه
وتبچي الزلم من خوفه بس طباها
▣========▣◈▣========▣

مسلم غضب يافارس اليدناله
نعمين منه راهب الخياله
يشبه له عمه حيدره بافعاله
وبالكوفه خيبر ثاانيه سواها

▣========▣◈▣========▣

طب شتتاها صفوفها المجموعه
والكوفه خله ابيوتها مفجوعه
وعزمه قوى من هلهلته طوعه
والي اشردت منه بسهم صاداها

▣========▣◈▣========▣

بسيفه ايتبخبر وحده ضل بلكوفه
وتركض زلمها اوجوهم مخطوفه
چن حاتم وسيفه وسهامه ضيوفه
شبعها برگاب العده ودماها

▣========▣◈▣========▣

يوم الحرب سوه نهاره ليله
والجيش مسلم شرده وهد حيله
لوله المحتم والغدر والحيله
ماطاح وجفوفه العده چتفاها
▣========▣◈▣========▣

✍نور الولايه الفاطميه

بسيفه ليش حيدر ٠٠٠٠٠٠ماي للطف

يجي وبجفوفه شايل ٠٠٠ماي للطف

جا بالجثث لسه ٠٠٠٠٠٠٠٠ماي للطف

علي وعباس وتلاكو سويه

✍نور الولايه الفاطميه

للغري وجهته وجهي وأندبت ياحيدره
وانت غياث المغيث وشوف بالطف شجره

╌────═❁═────╌

انت غياث المغيث  وبسمك الشده تزول
للغري دلحك يحيدر  اقسم بضلع البتول
حسين فوك الترب شوفه رضت ضلوعه الخيول
وبحوافر الاعوجيه اوصال جسمه مطشره

╌────═❁═────╌

للغري وجهته وجهي اعليه من حل الظلام
ياعلي بالغاضريه النار ماخلت خيام
وجدمي يم حسين مره ومره للعباس هام
بلايه عين  ولاجفوف الگيت سبع الكَنطره

╌────═❁═────╌

ياعلي ليث الحرايب الكربله احضر بساع
الخيل من غارت عليه جم يتيم المني ضاع
زينبك حرمه وغريبه وحيلي هداه الوداع
وصرت انه الهم كفيله وانه ياحيدر مره


╌────═❁═────╌
حرمه بيمن استجير اعليه جن ليل اهدعش
ياعلي وبجساد اخوتي ومن هلي الطف انفرش
شيبتني الغاضريه وشيبت حتى الرمش
من شفت صوبين بويه  عليه هجمت غايره


╌────═❁═────╌
يامن اتعنيت يونس بالبحر وبطن حوت
صد بناتك وسط هيمه لاخيام ولا بيوت
ياعلي مروتك اريدك من الخطر صحتك بصوت
واقلع اركَاب الاعادي يلي قالع خيبره
╌────═❁═────╌
✍نور الولايه الفاطميه

للشاعرة نور الولاية الفاطميه

اداء الرادود ستار الصالحي

#ابوذيات_لزواج_النوريين
🌸___🌸

خبر عاجل من الباري ٠٠٠٠وردنه
يطير الصاف اخذ بينه ٠٠٠٠وردنه
نمر نبعث تهانينه ٠٠٠٠٠٠٠٠وردنه

لبو الحسنين والزهره الزجيه
🌸__🌸

اريد اكصد لارض طيبه ٠٠٠٠٠وجيهه
الشمس اخذت ضوها من ٠٠٠وجيهه
لان الزهره عد ربها ٠٠٠٠٠٠٠وجيهه

قسمها الباري الك حيدر هديه
*
✍نور الولايه الفاطميه