НАМОЗДА ТАҲОРАТ БУЗИЛСА
#қисқа_савол_жавоблар

❓CАВОЛ: Пешин намозининг суннатини ўқиб бўлиб, фарз намозини ўқиётган маҳал, беҳосдан таҳорат бузилиб қолса, яна бошидан суннатини ҳам ўқиймизми ёки фақат фарз намозидан бошлаб кетаверамизми?

💬 ЖАВОБ: Бисмиллаҳир Роҳманир Роҳим.
Таҳорат суннат намозидан кейин синса, суннатни қайта ўқиш шарт эмас. Фарз намозидан кейин бошлаб кетилади. Шу каби, намозда салом бергандан кейин таҳоратнинг бузилиши олдин ўқилган намозни бузмайди. Валлоҳу аълам.

Ўзбекистон мусулмонлари идораси
Фатво ҳайъати.

© @diniysavollar

✅ Имкон қадар барчага юборинг👇

👉@NOMOZ – биргаликда ўрганамиз

Намоз вақтлари:
23.06.2025 - ДУШАНБА

@Namoz

ҲОЖАТХОНАДА ПАШША ҚЎНСА КИЙИМНИ НАЖОСАТ ҚИЛАДИМИ?
#таҳорат

❓428-CАВОЛ: Мен кун ора ҳожатхонани 3 пақир ариқ суви билан юваман. Агар ювмасам пашшалар кўпайиб кетади, ҳожатга кирганда пашшалар юз қўлларга қўнади. Шунинг учун тез тез ювсам овсиним ҳожатхонага сув тушириб бўлмайди, ёмон бўлади, деяверади. Шунга мен нотўғри иш қиляпманмикин, деб ўйланиб, сизлардан сўрашга қарор қилдим, чунки у пашшалар нажасга қўниб кейин кийимларимизга қўнса ва шу кийимда намоз ўқисак нима бўлади?

💬 ЖАВОБ: Бисмиллаҳир Роҳманир Роҳим. Ҳожатхонани сув билан тозалаб туриш мумкин, балки яхши ишдир. Чунки нажосат сув билан кетказилади. Акс ҳолда саволда айтилган нохуш ҳолатлар юзага келади.

Ҳожатхона пашшалари бадан ёки кийимга тегса, бу кийим билан намоз ўқиш мумкин. Чунки улардан ёпишадиган нажосат жуда ҳам кам миқдорда бўлиб, бу кечиримли бўлади. Зеро, бундан сақланиш имкони йўқдир. Бу ҳақда фатво китобларида шундай дейилади:

ذباب المستراح اذا جلس على ثوب لا يفسده الا ان يغلب ويكثر كذا في فتاوى قاضي خان

яъни: “Ҳожатхонадаги киши кийимига ўша жойнинг пашшаси тегса, фосид (нажас) қилмайди. Аммо кўпайиб кетадиган бўлса, у кийим билан намоз ўқиб бўлмайди. “Фатовои Қозихон” китобида шундай келтирилган. (“Фатовол ҳиндия” китоби).

Исломда покликка, озодаликка эътибор қилиш муҳим асослардан биридир. Шунинг учун ҳар бир эътиборли ибодатдан аввал албатта, покланилади. Динимизда жой, кийим, бадан поклигига алоҳида эътибор қаратилиб, мусулмонларни ўрни келганда таҳорат ва ғусл қилишга буюрилади. Покликни севувчиларни Аллоҳ таоло ҳам яхши кўради ва Қуръони каримда шундай марҳамат қилади:

إِنَّ ٱللَّهَ یُحِبُّ التَوَّابِینَ وَیُحِبُّ المتطهرين

яъни: “Албатта, Аллоҳ кўп тавба қилувчиларни ва мудом пок юрувчиларни севади”, – деб марҳамат қилган. Хусусан, ҳаммом ва ҳожатхоналарни тоза сақлаш юксак маданият белгисидир. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
📲 @SavollarMuslimUzBot

© @diniysavollar

✅ Имкон қадар барчага юборинг👇

👉@NOMOZ – биргаликда ўрганамиз

Намоз вақтлари:
24.06.2025 - СЕШАНБА

@Namoz

Имомга иқтидо қилувчининг ҳолатлари

Муқтадий икки хил ҳолатда бўлади:
А) Имом билан биргаликда ҳамма ракатларни тўлиқ ўқиган киши. Бу киши мудрик, дейилади. Унинг намози имомнинг намози тугаши билан тамом бўлади.
Б) Имомга иқтидо қилишда кеч қолган киши. Бу масбуқ, дейилади. Масбуқ имомни рукуъ ҳолида топса, такбири таҳримани тик туриб айтади ва рукуъ қилади. Агар имом рукуъдан туриб кетмасдан унга етиб олса, у ўша ракатни топган бўлади, гарчи қиём ва қироатга ета олмаган бўлса ҳам.
Агар имомга у рукуъ қилган ҳолида ета олмаса, тик турган ҳолида такбири таҳримани айтади, сўнг имом қандай ҳолда бўлса ҳам, унга эргашади. Имомнинг кейинги ракатга туришини кутиб ўтирмайди. Лекин масбуқ шу ракатни тополмаган бўлади. Имом намозини тугатиб салом бергач, масбуқ ўрнидан туриб, ета олмаган ракатларини ўқиб олади. Масбуқ ета олмаган биринчи ва иккинчи ракатларида сураи Фотиҳа сурасидан кейин бир сурани зам қилади. Чунки у зам сурали ракатларни топа олмаган бўлади. Аммо учинчи ва тўртинчи ракатларда зам сурани қироат қилмай, Фотиҳанинг ўзи билан кифояланади.
Масбуқ имомга қироати махфий ўқиладиган ракатларда иқтидо қилган бўлса, такбири таҳримани айтгандан сўнг сано дуосини махфий ўқийди. Агар масбуқ имомга жаҳрий ракатда етиб келган бўлса, имом билан қўшилиб ҳеч нарсани ўқимайди, балки рукнлар алмашаётгандаги такбирлар ва сажда рукуъдаги тасбеҳларни айтади. Имомнинг саломидан кейин эса ўрнидан туриб санони, «Аъузу»ни ва «Бисмиллоҳ»ни ўқийди, кейин ёлғиз ўқувчи каби қироат қилади, лекин бунда сано, «Аъузу» ва «Бисмиллоҳ» билан бирга қироатни ҳам махфий қилади.


© Namoz_Saboqlari ☝️


✅Албатта яқинларингизга хам юборинг

👇Кўк линкни босиб каналимизга обуна бўлинг👇
https://hottg.com/+AAAAAEs1L_LG6-hjR3NCWQ

Намоз вақтлари:
25.06.2025 - ЧОРШАНБА

Намоз ўқиш видеодарслари📽👇
👳🏻‍♂Эркаклар: https://hottg.com/Nomoz/857
🧕Аёллар: https://hottg.com/Nomoz/857

@namoz

ЖУМА НАМОЗИ ЎҚИЛМАГУНЧА НАФЛ НАМОЗЛАРНИ ЎҚИШ МУМКИН ЭМАСМИ?
#қисқа_савол_жавоблар

❓CАВОЛ: Жума куни то жума намози ўқилмагунча нафл намозлирини ўқиш мумкин эмасми? Масалан таҳорат намози, Зуҳо намозларини.

💬 ЖАВОБ: Бисмиллаҳир Роҳманир Роҳим.
Бундай гап китобларимизда топилмайди. Чунки, нафл намозларини куннинг уч маҳалида ўқиш мумкин эмас. Улар қуёш чиқаётганда, тиккага келганда ва ботаётганда. Шунингдек, нафл намозини Аср намозини ўқиб бўлган киши Шом намозини ўқигунигача ва Бомдод намозини вақти киргандан бошлаб, қуёш чиқунгача бўлган вақтларда ўқиш мумкин эмас. Бундан бошқа барча вақтда нафл намозини ўқиш мумкин. Мазкур масалалар ҳафтанинг барча кунларига тегишлидир. Жумладан жума кунида ҳам масала шундай бўлади. Манба: "Мухтасарул виқоя" китоби. Валлоҳу аълам.

Ўзбекистон мусулмонлари идораси
Фатво ҳайъати.

© @diniysavollar

✅ Имкон қадар барчага юборинг👇

👉@NOMOZ – биргаликда ўрганамиз

Намоз вақтлари:
26.06.2025 - ПАЙШАНБА

Намоз ўқиш видеодарслари📽👇
👳🏻‍♂Эркаклар: https://hottg.com/Nomoz/857
🧕Аёллар: https://hottg.com/Nomoz/857

@Namoz

Намоз ўқиш тартиби👇

Assalomu alaykum aziz kanalimiz a'zolari. Ma'lumki kanalimizda Namoz o'qish video darsliklari tashalgandi. ( Erkaklar uchun ham, Ayollar uchun ham. )
Tashalganga ancha boldi. Endilikda siz esa uni oson topishingiz mumkin, marhamat qaysi biri kerak bolsa ustiga bosib toping. 👇👇👇

Do'stlaringizga ham ulashing.


@Nomoz 👇👇👇

МУҲАММАД АЛАЙҲИССАЛОМНИ ЯХШИ КЎРМАЙ МУСУЛМОН БЎЛИШ МУМКИНМИ?
#ақида

❓376-CАВОЛ: Мен собиқ атеистман, яқинда бу йўлдан қайтдим. Аллоҳга ишонаман, лекин Муҳаммад пайғамбарни кўп ишларини ёқламайман. Муҳаммад пайғамбарни яхши кўрмай мусулмон бўлиш мумкинми?

💬 ЖАВОБ: Бисмиллаҳир Роҳманир Роҳим. Пайғамбаримиз Муҳаммад Мустафо соллаллоҳу алайҳи васалламга муҳаббат қилиш динимизда фарзи айн бўлган амалдир. Бунга Қуръони карим оятлари, ҳадиси шарифлар ва уламоларнинг ижмоси далилдир. Аллоҳ таоло Қуръони каримда шундай марҳамат қилади:

قُلْ إِنْ كَانَ آَبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاللَّهُ لَا يَهْدِي الْقَوْمَ الْفَاسِقِينَ

“Айтинг (эй, Муҳаммад): “Агар оталарингиз, фарзандларингиз, ака-укаларингиз, хотинларингиз, қариндошларингиз, меҳнат билан топган мол-мулкларингиз, касод бўлишидан қўрққан тижоратингиз ва ёқтирган масканларингиз сизлар учун Аллоҳ ва Расулидан, Унинг (тоати) йўлидаги жидду-жаҳд қилишдан (кўра) суюклироқ бўлса, (унда) то Аллоҳ ўз амри (азобини) келтиргунига қадар кутиб турингиз! Аллоҳ (эса) фосиқлар қавмини ҳидоят этмагай” (Тавба сураси, 24-оят).

Мазур ояти карима Аллоҳ ва Пайғамбари соллаллоҳу алайҳи васалламга муҳаббат ҳамма нарсаларнинг муҳаббатидан олдин туришликка даъват қилади. Бошқа ояти каримада:

النَّبِيُّ أَوْلَى بِالْمُؤْمِنِينَ مِنْ أَنْفُسِهِمْ ...

яъни: “Пайғамбар мўминларга ўзларидан ҳам ҳақлироқдир...” (Аҳзоб сураси, 6-оят). Яъни, Расулуллоҳ соллаллоҳу алайҳи васалламга бўлган муҳаббатлари бошқа барча нарсаларга қўйган муҳаббатдан кўра устунроқ бўлмагунча имонлари комил бўлмагай, деганидир.

Ҳадиси шарифда Анас ибн Молик разияллоҳу анҳудан ривоят қилинади: Расулуллоҳ соллаллоҳу алайҳи васаллам:

لا يؤمن احدكم حتي اكون احب اليه من والده و ولده و الناس اجمعين (رواه الشيخان و النسائي عن انس بن مالك رضي الله عنه).

яъни: “Сизлардан бирортангиз мен унга ота-онасидан, боласидан ва одамларнинг ҳаммасидан маҳбуброқ бўлмагунимча, мўмин бўла олмайди”, дедилар (Имом Бухорий ривояти).

Ушбу ҳадисда Пайғамбаримиз саллаллоҳу алайҳи васалламнинг “мўмин бўла олмайди” деганларидан мурод, комил имонли мўмин бўла олмайди, деганларидир. Уламолар Пайғамбар алайҳиссаломга нафратланишлик куфр эканини очиқ айтиб, бундан оголантирганлар. Ҳанафий мазҳабимиз уламоларидан Камолиддин ибн Ҳумом раҳимаҳуллоҳ шундай дейдилар:

كل من أبغض رسول الله صلى الله عليه وسلم بقلبه كان مرتدا.. اهـ

яъни: “Расулуллоҳ соллаллоҳу алайҳи васалламни ёмон кўрган ҳар бир инсон диндан чиққан ҳисобланади” (“Фатҳул Қодир” китоби).

Ҳудди шундай мазмунни Имом Субкий, Имом Дасуқуй, Ибн Муфлиҳ, Ибн Нужайм ва кўплаб Ислом уламоларининг китобларида учратиш мумкин.

Пайғамбаримиз Муҳаммад Мустафо соллалоҳу алайҳи васаллам ҳеч қачон Аллоҳ таолонинг буйруғидан четга чиқмаганлар. У Зот бирор ишда нафси ҳаволарига берилиб, нафс хоҳишига мувофиқ иш тутмаганлар. Аллоҳ таоло Пайғамбаримиз алайҳиссалом ҳақларида шундай дейди:

مَا ضَلَّ صَاحِبُكُمْ وَمَا غَوَى وَمَا يَنْطِقُ عَنِ الْهَوَى

“Сизларнинг соҳибингиз (Муҳаммад) залолатга кетгани ҳам йўқ, йўлдан озгани ҳам йўқ! Яна у Қуръонни) хомхаёлдан олиб сўзлаётгани ҳам йўқ!" (Нажм сураси 3-оят).

Бирор киши Пайғамбар алайҳиссаломнинг баъзи ишлари ғайритабиий туюлса, бу У Зотнинг қилган ишлари хато дегани эмас, аксинча, ўша инсон У Зотни яхши танимаганидан, сийратларини яхши билмаганидан ва нафси-ҳавосига хуш келмаганидандир.

© @diniysavollar

✅ Имкон қадар барчага юборинг👇

👉@NOMOZ – биргаликда ўрганамиз

#қисқа_савол_жавоблар

❓CАВОЛ: Кўпинча намоз ўқишдан олдин чақалоғимни эмизишга тўғри келиб қолади. Эмизиш билан таҳорат бузиладими?

💬 ЖАВОБ: Бисмиллаҳир Роҳманир Роҳим.
Эмизиш таҳоратни бузмайди. Чунки ҳанафий фиқҳ китобларимизда танадан чиқадиган ва нажосат бўлмаган нарсалар таҳоратни бузмаслиги баён қилинган. Сут нажосат бўлмагани учун унинг чиқиши таҳоратни синдирмайди. Валлоҳу аълам.

Ўзбекистон мусулмонлари идораси
Фатво ҳайъати. 

✅ Имкон қадар барчага юборинг👇

👉@NOMOZ – биргаликда ўрганамиз

ПАСТГА ҚАРАБ ЁТИШДАН ҚАЙТАРИЛГАНИ ҲАҚИДА
#ҳалол-ҳаром

❓353-CАВОЛ: Аёллар пастга, эркаклар тепага қараб ухлаши керак, деб ўқигандим, кейин қорин билан ётиш мумкинмаслиги ҳақида ҳадис ўқидим, бу ҳадис аёлларга ҳам тааллуқлими?

💬 ЖАВОБ: Бисмиллаҳир Роҳманир Роҳим. Эркакка ҳам аёлга ҳам суннат бўлган ухлаш ўнг томони билан Қиблага қараб ётишдир. Расули акрам саллаллоҳу алайҳи васаллам Баро ибн Озиб разияллоҳу анҳуга шундай дедилар:

إذا أتيت مضجعك فتوضأ وضوءك للصلاة ثم اضطجع علي شقك الأيمن ثم قل اللهم أسلمت وجهي إليك وفوضت أمري أليك ... (رواه الإمام الباخاري عن البراء بن عازب رضي الله عنه)

Яъни: “Ётоғингизга келсангиз (яъни, ухламоқчи бўлсангиз) намозга таҳорат қилгандек таҳорат қилинг, сўнгра ўнг тарафингиз билан ётинг, сўнг: “Аллоҳумма асламту важҳий илайка ва фаввазту амрий илайка...(“Эй, Аллоҳ! Юзимни сенга таслим қилдим, ишимни сенга топширдим”)”, - деб айтинг”. (Имом Бухорий ривоятлари).

Ҳадиси шарифда гарчи Баро ибн Озиб разияллоҳу анҳуга тавсия берилаётган бўлсада, бу барча мусулмонларга тегишлидир. Бунинг фойдаларини ҳозирги куни тиббиёти ҳам бот-бот такрорлаб турибди. Қоринни ерга қаратиб ётишдан эса ҳадиси шарифларда қайтариқлар бор. Замонавий тиббиёт ҳам бунинг зарарли эканини исботлайди. Валлоҳу аълам.

Ўзбекистон мусулмонлари идораси
Фатво ҳайъати. @diniysavollar

Савол йўллаш
🌐 http://fatvo.uz
📲 @SavollarMuslimUzBot

© @diniysavollar

✅ Имкон қадар барчага юборинг👇

👉@NOMOZ – биргаликда ўрганамиз

☪ 2025-йил
🗓 29- Июн
🍀 ЯКШАНБА 🌙

( Тошкент шаҳри )

🏙 ТОНГ - 03:07 🕰

🌅 ҚУЁШ - 04:52 🕰

🏞 ПЕШИН - 12:31 🕰

🌇 АСР - 17:42 🕰

🌆 ШОМ - 20:02 🕰

🌃 ХУФТОН - 21:42 🕰

Тошкентдан бошқа шаҳарлардаги вақтлар фарқи (дақиқа)

Аввал: Чимкент (-1), Конибодом (-5), Хўжанд (-6), Қўқон (-7), Жамбул (-7), Наманган (-10), Фарғона (-10), Марғилон (-10), Андижон (-11), Ўш (-14), Жалолобод (-15), Бишкек (-21),7 Олма – ота (-21)

Кейин: Бекобод (+4), Туркистон (+4), Жиззах (+6), Гулистон (+7), Денов (+7), Жомбой (+7), Самарқанд (+9), Шаҳрисабз (+10), Каттақўрғон (+12), Қарши (+12), Нурота (+14), Навоий (+19), Бухоро (+21), Хива (+35), Нукус (+42)

Аҳлингизни намоз ( ўқиш ) га буюринг ва ( ўзингиз ҳам ) унга ( намозга ) бардошли бўлинг!” (Тоҳа, 132).


✅ Албатта яқинларингизга ҳам юборинг

МАНБА: NAMOZ VAQTLARI

НАМОЗНИ БИРГАЛИКДА ЎРГАНАМИЗ КАНАЛИГА АЪЗО БЎЛИНГ
••••••••••••••••••••••••••••••••••••••••
Биз билан Намозни (0%)дан тез ва осон ўрганинг 🕋
Ва ИншаАллох сизга керакли дуоларни ҳам шу каналдан топасиз 🤲
🎙 Ибратли маърузалар 😊
😭 Бенамознинг ахволи 😢
☝️ Намозга бефарқ бўлманг
👉 Намозни (0)дан ўрганиш 👈