📜 القصيدة: امي راحت
🎤 أداء: مسلم الوائلي
🖋 كلمات: علاء عبد
~~~
شلي بسنيني امي راحت
الدنيا من عيني بلحظه طاحت

كون اموت وياها
ما احمل فرگاها
امي راحت .. امي راحت
~~
ميته امي شيقنع الروح
ما نرضه خطار اتروح
ردها لينه الحنينه يالتراب

عطر الهدم مابي صوت
ما رضه يلمنه التابوت
من عمرها واثرها وجرح الغياب

گبر واحد يلم هذا الوفه شلون
جنازه تملح اجتاف اليشيعون

ييمه شما يدگ خطار عالباب
يطلع من ثنايه الطوف عطاب

يمه ظلمه الديره
واليتامه بحيره
امي راحت .. امي راحت
~~
يمه الهوه يحرك الثوب
ونركض نشمه بكل صوب
نسئله ونگله مشت وين

فراگ الأم يهد الحيل
وما يرحم ايتام الليل
وحدنه گعدنه بالونين

نركض عله امجانج وكت الغروب
ويلمنه الحزن متعوب متعوب

بيش تقنعه اليدور عله امه
يشوف الدنيه كلها بعينه ظلمه

نار تدوي بروحي
ومن يسكت نوحي
امي راحت .. امي راحت
~~~~
يعين الله ابونه بهل الحال
من صد عالضلوع شگال
ونظرها بكسرها والآلآم

دافن اعز ما بالروح
وميرد الحباب النوح
بجاها بسماها والأحلام

ابونه القالع الباب العجيبه
انكسر ما يگدر يشيل الحبيبه

الله يعين گلبه الهذا المصاب
كلفه تهيل التراب اعله الحباب

يمه گبرج وينه
بيا كتر دلينه
امي راحت .. امي راحت
~~
فراگ الأم يشيب الراس
ومحد يلومه من الناس
بحسرته ودمعته نعاها

ما تلتذ بصب الزاد
بعيونك الدنيه ارماد
خساره وحياره وراها

تحس روحك غريب بلايه عنوان
وما تبرد جروحك وين ما جان

وجهك ما يضم فگد الحنينه
فراگ الوالده مبين علينه

وين وجهه يديره
جنه دافن ديره
امي راحت .. امي راحت
~~
بيت ام حسن فارغ صار
يطلبنه بيش البسمار
خذاها وضواها تغيب

محسن وگع گبل الصوت
بيا ذمه يا دين يموت
دمعها وضلعها تعيب

حرگت نارهم بيت الرساله
وشب قرآنها ولفظ الجلاله

ضعف صوتها وصاحت يفضه
الحگيني اصبحت بالضلع رضه

ورتجت عالطوفه
وطاح ابنها اتشوفه
امي راحت .. امي راحت
~~
مو عيب دمع الرجال
من يبجي لأمه التنشال
دمعته وحسرته يعذرك

اخر وجه تصفن بي
وبيدك تراب تغطي
تشمه وتضمه اعله صدرك

فراگ الأم يخلقك بشر ثاني
تكبر من وره الدفنه بثواني

بعد ما تترس عيونك مدينه
من تفارگ عيون الحنينه

ما تكفي دموعي
كون اكسر ضلوعي
امي راحت .. امي راحت
°°°°°°°°°°°°°°°°°°°°°°°°°°°°

@MuslimAlWailli313

انصحكم بها

📜 القصيدة: شفت الزهره بين النار
🎤 أداء: مسلم الوائلي
🖋 كلمات: ابو حميده الشويلي
~~~~
طفله وعمري خمس سنين
وشفت الزهره بين النار
منا امي جاي اتموت
ومنا غربه وين اندار

من شفت الحرگ عالباب
گلت باجر يشب صيوان
من داسوا حدود البيت
گلت باجر اطب ديوان

ويلاه .. بخامس اسنيني اتعذبت
ويلاه .. اتطيح امي گدامي شفت
ويلاه .. واسمع شتم جدي الرسول

عالباب .. اتلث ميه اجوها بالحطب
عالباب .. لا غيره عدهم لا اكو رب
عالباب .. كسروا ضلع امي البتول

بخامس سنه حيلي انهدم
شحال اذا توگع خيم
~~~~
امي اگبالي اشوفنها
تغطي بجفها جي محروگ
معناها انه هم باجر
اضم جفوفي فوگ النوگ

بعدني بخامس سنيني
وشفت السطره فوگ العين
گلت يا روحي شيظل بيج
لو صار العمر خمسين

لو صار .. يا روحي خمسين العمر
لو صار .. جدمي يدوس اعله الجمر
لو صار .. بعاشور جا شيظل عليج

يا روح .. موتي قبل لا تنسبين
يا روح .. باجر تره ايطيح الحسين
يا روح .. ويلتف حبل فوگ اديج

بداري اهوم ولا فله
باجر اضيع بكربله
~
راحت امي من البيت
وصار اظلم نهار البيت
ابجي وادري ما ترجع
بس طفله وگلت ياريت

اول ليله مرت خوف
بدون امي وثگيله هواي
بعد عندي حزن ودموع
والله اليستر من الجاي

ظليت .. ادعي الله لو يطلع حلم
ظليت .. ترجعلي امي وابتسم
ظليت .. كل ليله ابجي وانهظم

يا باب .. بشرني لو امي اجت
يا باب .. گللها زينب ما غفت
يا باب .. شلون اكبر وما عندي ام

هذا العمر مابي طعم
المن يعيش الماله ام
~
ظليت اعله هذا الحال
ليليه ابجي ما ظل حيل
كبرت دمعتي وهظمي
وشفت ابن امي جوه الخيل

كبرت ودمعتي بعيني
وكبر بيه الهظم والنوح
الربيت وياه وعشت وياه
شفته بكربله مذبوح

مذبوح .. الجبت العمر وياه سوه
مذبوح .. من الگفه بطف نينوه
مذبوح .. بصف النهر ميت ضمه

ناديت .. يا فاطمه يمه اشبعد
ناديت .. لا ظل اخو ولا ظل ولد
ناديت .. لحگيلي يمه فاطمه

شوفي شعمل بينه الزمن
ضاعن بنات ام الحسن
°°°°°°°°°°°°°°°°°°°°°°°°°°°°°°

@MuslimAlWailli313

#10_رجب
ولادة مولاي جواد الائمة صلوات الله عليه

جود يا مولاي جود
وخل بواجينه تزود
عود يابس عمري جان
وخضر بفضلك العود

جود يا سيد الشباب
وللخدامه افتحلي باب
ماي غيرك لو اشربه
هم احسبه امن السراب

جود يا باب المراد
وهب عليه يالجواد
هب قبل لاگلبي اضيعه
ويرجع يغطّي رماد

جود يبن الأكرمين
ودلي گلبي الدرب وين
جود لا تاخذني دنيا
وما افرن للحسين

جود يا عالي المقام
ونگّع اهل الحب غرام
يا ابن سلطان مشهد
يا كريم ابن الكرام


نباركم ولاده نور الله العاشر مولانا محمد بن علي الجواد صلى الله عليه وعلى اجداده الاطهار ع

-أيقبلُني؟. =يَقبلُك.
-وذنبي؟. =يغفره.
-ونفسي؟. =يهديها.
-وقلبي؟. =يُنيره.
-وَهَمِّي؟. =يُزيله.
-ذنبي كبير؟. =رحمتُه أكبر.
-نفسي ضعيفة؟. =بالله أقوى.
-شيطاني ماكر؟. =مكرهُ ضعيف.
- لماذا لا يحدثُ ما أُريد وما دعوت الله به؟!.
= ليحدث ما يريد الله ..
- ألا يريد الله سعادتي؟!.
= بلى يريد ..
- إذًا لماذا لا يفعل ما سيسعدني؟!.
= لأنه لن يُسعدك ..
- لكنني أحزن إن لم يحدث؟!.
= لكنك ستحزن أكثر إن حدث ..
- وكيف أسعد؟!.
= بالرضا ..
- وكيف أرضى؟!.
= بعلمك أن الله يعلم وأنت لا تعلم ..
- هل سيستجيب يومًا؟!.
= هو دائمًا يستجيب ..
- لكن لا يحدث ما أدعو به؟!.
= لأن الاستجابة في ألا يحدث ..
- ألا ندعوه ليستجب؟!.
= بلى ..
- وأين الاستجابة؟!.
= العطاءُ استجابة ، والمنعُ استجابة، وتأخيره استجابة ..
- لكنني أتألم؟!.
= لتُؤجَر..
- لكنني أحزن؟!.
= ستفرح ..
- ضاقت؟!.
= ستتسع ..
- ضعيفٌ أنا؟!.
= قويٌ هو ..
- أيُحبني؟!.
= يُحبك ..
- أيُحبني ويُبكيني؟!.
= ليُطهِّرك ..
- أيُحبني ويبتليني؟!.
= ليُقرِّبك ..
- وماذا في القرب؟!.
= نجاة ..
- قلبي منكسر؟!.
= يجبره ..
- وسنواتي الخوالي؟!.
= يمحُها ..
- أتُراني عُدت؟!.
= تُب ثانيًا ..
- أتُراني عُدتُ ثانيًا؟!.
= عُد ثالثًا وعاشرًا، عُد حتى تعودَ روحك إليه ..
- رحيمٌ هو؟!.
= لذلك لا تَمَل..

📜 القصيدة: أنه بنت الضوه
🎤 أداء: مسلم الوائلي
🖋 كلمات: إيهاب عيال الظالمي
~~
يحسين الغريب الوادم اتهظمه
أنه بنت الضوه تشيعني يا ظلمه

عشت گوه .. أموت اشوه
شنو اليسوه .. شنو اليسوه
~~~
ماكو امتون تفزعلي
ميته وشتهيت الموت
متت مستحيه من روحي
اكسر خاطر التابوت

شذر بالماي حزني وتضحك ارسومك
دعيت الله شكثر يومي گبل يومك
ولا شوف الغريب يگدر اهدومك

صحت كافي .. الورد غافي
على اجتافي .. صحت كافي
~~~
من گد التعب يحسين
ما حسوا بالجنازه
انه وعكازة السجاد
احتاروا ياهي عكازه

مو أم عون صاحولي أم گلب محروگ
أعرف كلشي بس ما أعرف اطب للسوگ
بثوبك جنت أوزع هوه اعله المخنوگ

أموت احسن .. أعيش ألمن
وعاتبمن .. اموت احسن
~~~
يحسين البعد يخنگ
وبس الطيف رازونه
وحگك يا أخو ضلوعي
الغريب اتعاتبه عيونه

أرجع يا گطن كلمن خذه جرحه
كلها بصفحه وأيام السبي بصفحه
افترينه مثل ما تفتر السبحه

خلص عمري .. بطرگ خدري
هله بگبري .. خلص عمري
~~
يخويه الدنيه ركضت صوت
ما تعثر بجلمة عيب
شما يتوسل المتعوب
ما يكسر گلب للشيب

شتلت ضلوعي في يالحزنك بگدك
متغير يخوي ومحد مگعدك
جا حته اليحبك ما اندل خدك

أجي يمك .. واحب أسمك
ولم دمك .. اجي يمك
~~~
ما يوصل لحد أذني
يمشي بلا جدم صوتي
آ يا حيرت السجاد
ياهو يشيل تابوتي

آ يا ذلت اليبقى وره اخوانه
گبل لا يغفى لازم تنگع اردانه
يگول شما يشوف جنازه جا وانه

عشت وحدي .. ومتت وحدي
شبقى عندي .. عشت وحدي
~~~
افز وبجي وارد اغفه
واضم احلامي بعيوني
حته بگبري توجعني
يمته يطيبن امتوني

أحلم ينگطع نحرك وفز أرجف
وحلف عيوني مدري شبيها ما تحلف
يموت الماي لو شاف الورد ينزف

مشيت انته .. ومتت سكته
ترد يمته .. مشيت انته
°°°°°°°°°°°°°°°°°°°°°°°°°°

@MuslimAlWailli313

☜ بـسمـه تعـالى ☞

الـقصـيدة : تذكرة عشگ
اداء : مسلم الوائلي
كلـمات : علاء عبد

★★★★★★★★★★★★

عندي تذكرة عشگ محتاج اسافر بيها
سفرة لعيونك لچن من يا مدينة ابديها

وين ابحر شراعي .. مايندل الساعي

درت كل مجلس اعليك ، ظرف وبنصه خليت ، مراد خيام علوية
ييوسف فاطمة هواي ، تعبت من الحجي الجاي ، شبعد يمطول الجية
تتفگ للفرج يمهدي شطولة لغياب يريد الثار راعية

اخذ رسالة بدمعتي بس المن انطيها
يا ماي يا في يا شمس يمك
كلما شفت مهر الفجر كلت انتَ راعيها
كلما شفت طفلة اعطشت كلت انتَ ترويها

شبت بگلبي الخيم محتاجك تطفيها
سفرة لعيونك لچن من يا مدينة ابديها

★★★★★★★★★★★★

يا حلم المساكين ، يعيش بحظرة حسين ، عليك تفرفح الفطرة
ألم نشرح يملگاك ، يقرآن الفجر ذاك ، نسمعة بنبرة الزهرة
يمهدي نحبك نصيح عشگ ، وادم فلاليح ، نقرة الندبة ع الفطرة

ربوني علي الفطرة هلي والخدمة ع النية
شباك جدك من نزوره نشربه ميه
كل الهوى المابي علي مايدخل الرية
والما يلوذ برايتك معروفه تاليه

يا غيرة اللّٰه طلعتك عايش على طاريها
سفرة لعيونك لچن من يا مدينة ابديها

★★★★★★★★★★★★

شنو احساسك يمولاي ، من تمر على الماي ، وتذكر عمتك بهيمة
هم تحظر تشابيه ، وتسمع جدك يصيح ، اخذوني وعوفوا الخيمة
عذراً لو جرحناك ، وقرينة السبي ذاك ، وذكرنه المجلس وضيمه

تبقى تفاصيل الجرح وگليبك نكسرة
كلهم عزاز المشكلة يا موقف نعبرة
من اخر وداع العلي والباب والعصرة
ونقرالك ارباب العلى بالدمعة والحسرة

الطف اكبر من الذكر من يا كتر نلغيها
سفرة لعيونك لچن من يا مدينة ابديها

★★★★★★★★★★★★

اجيتك مثقل ذنوب ، غرگ جسمي الدروب ، واريدك تستر اعلية
تايه مااعرف وين ، واجيت المجلس حسين ، يمهدي احجيلك البية
ابجي وتغسل الشوگ ، اكص دمي من العروك ، وارد عمري على الرية

اعذرني لو كل جمعة يمك عرضوا اعمالي
والله يا مولاي طيشي يدوم حسبالي
الحمد لله على الخدامة صلحت التالي
ودموع مجلس فاطمة ليقلد افعالي

هاذي ساعة خدمتك من يا دموع اوفيها
سفرة لعيونك لچن من يا مدينة ابديها

★★★★★★★★★★★★

يمولاي انملك جور ، برخص ماي النحور ، عجل وارفع الراية
الا من ناصر تصيح ، الكرامة تكوم وتطيح ، واليعثرونها هواية
الملح شارد من الناس ، المگابر تحلم بياس ، محد ياخذ حجاية

عجل يبن خير العمل مولاي ملينه
مايات كثرن سيدي واشتبهن علينه
كلمن يطلع معجزة لبيار چفينه
وهواي عدنا اعور گلب مولاي مو عينه

هاذي صهلت مهرتك وتدور براعيها
سفرة لعيونك لچن من يا مدينة ابديها

★★★★★★★★★★★★

@MuslimAlWailli313

أعمال يوم 27 رجب الأصب
لا تنسونا من الدعاء .

📜 القصيدة: الصفحه الأولى
🎤 أداء: مسلم الوائلي
🖋 كلمات: محمد رسول الحميري
~~
هاك اقره من الصفحه الأوله
وتأكد من كلشي انگوله
عالمحسن والنار .. عالمحسن والنار

من دفعوها الزهره شگالت
والنعمه اتبدت ونشالت
من اول بسمار .. من اول بسمار
~
وين الحظ والبخت
عين حگ الله انطفت
دين تطلبهم اجت
ما سددوها ... همه البدوها

خسروا فاطمه بهايه
زلم ما عدهم احجايه .. ولا ذرة خجل
نكروا ملحة العشره
اجوا يم حضرة الزهره .. هُبل گايد هُبل

واحد شايل نار الگبره
واحد قائد فيلق بره
واحد بيده احجار .. واحد بيده احجار

وعيون الشامت تتلفت
والنعمه اتبدت ونشالت
من اول بسمار .. من اول بسمار
~~~
ليش وجهك مختلف
بيش ساومت العرف
جيش جايب يا صلف
يبن السقيفه ... المو نظيفه

باجر اول وتالي
توگع والضلع عالي .. وخشمك ينكسر
نارك تحترگ بيها
ما تلگه اليطفيها .. من حيدر أمر

تفتر الدنيه وتتندم
مو ام حسين التتشتم
ودخلون الدار .. ودخلون الدار

كبرت من الحرگه وماتت
والنعمه اتبدت ونشالت
من اول بسمار .. من اول بسمار
~~~
ثار تطلب فاطمه
نار والسب والدمه
صار مأتم بالسمه
حاضر عزاها ... والدها طه

ما يبرد جرح فاطم
حته يظهر القائم .. ما ننسه الضلع
گالوا قصه ونساها
ذوله الخانوا ب طه .. من نفس النبع

ولد الحرگوا بابج ردوا
عالحضروا مجلسكم هدوا
مثل اليطلب ثار .. مثل اليطلب ثار

خافوا من دمعتنه السالت
والنعمه اتبدت ونشالت
من اول بسمار .. من اول بسمار
~~~
خان بسياده العبد
جان يوگف مستعد
بآن لله الحمد
حيه وقصدها ... تنزع جلدها

نفس الصيحوا بخن
رجعوا ذبحوا المحسن .. تربات الصنم
جانت مصلحه اباله
ينعد عالنبي وآله .. من جاوب نعم

لا يم الدين ولا راده
حاول ينعد من القاده
غار من الكرار .. غار من الكرار

وجفوفه اعله الكوثر عالت
والنعمه اتبدت ونشالت
من اول بسمار .. من اول بسمار
~~~
جار خاين مو كفو
عار عالدين ولفو
صار للباطل دفو
بايع ضميره ... ما عنده غيره

هذا النصحته الوادم
جاوبهم وإن فاطم .. صبراً يا صلف
حجيك باجر تعيده
گدام النبي تريده .. والوحده بالف

يم محسن شيطيح دينك
دم وضلوع البيني وبينك
شجاوب تحتار .. شجاوب تحتار

دنيه وما ترحم لو مالت
والنعمه اتبدت ونشالت
من اول بسمار .. من اول بسمار
°°°°°°°°°°°°°°°°°°°°°°°°

@MuslimAlWailli313

📜 القصيدة: يهل زينب
🎤 أداء: مسلم الوائلي
🖋 كلمات: علي أكبر الغرابي
~~
يهل زينب والله صعبه
منين ما اصد كلها غربه
ومثل ظهر حسين مايل طولي
حته لو بس منحر تفزعولي
يهل زينب يهل زينب
~
سومرت عيني من البجي ولا طيفكم مر بيه
والف انعم الله اعله الدمع ما بارح العلويه
مشتاگتلكم يا هلي والشوگ ياكل بيه
ناسيني لو عدكم بعد بالشام اخت مسبيه

حشمتكم يالجفيتوا
مانه اختكم لو نسيتوا
وعن جفاكم بله لا تحجولي
حته لو بس منحر تفزعولي
يهل زينب يهل زينب
~
زعلانه والموت استحه من صد علي زعلانه
الميت يخويه من العطش يفهم حجي العطشانه
كلما نويت الكربله والشام سد بيبانه
وانه ادري يرتاح الجفن لو غمض بخوانه

كلها صاحت وين اخوتج
يبت حيدر گرب موتج
وين اخوتج عنج ايگولولي
حته لو بس منحر تفزعولي
يهل زينب يهل زينب
~~~~
جم طارش إلكم يا هلي وديته ويرد خالي
بالغربه ما عدهه وطن لا ذكره من جف غالي
لا جايب من الطف علم الزينبك اول تالي
وانه احسبلكم وانتظر ريحة هله بمرسالي

حشمتكم دمعه دمعه
ردت منكم هسه فزعه
يالغريبه الوادم يصيحولي
حته لو بس منحر تفزعولي
يهل زينب يهل زينب
~~~~
يذبحني لو ما صح عرف سهم الهجر وفراگه
وبالشام كلما التفت تعرضلي ذيج الناگه
وخطيت عالباب شكثر يهل الهوى مشتاگه
وشرايكم لو ما متت نتلاگه ما نتلاگه

عيوني تبجي اليا مصيبه
وصرت زينب يا غريبه
ومن هجركم هذا شتفسرولي
حته لو بس منحر تفزعولي
يهل زينب يهل زينب
~~~~
لو عاتبتكم يا هلي بهذا العتب معذوره
مو ذيج زينب بت علي ولا ذاك وجهي ونوره
جا وينكم ماظل حجي ولا ظلت الكم صوره
مجبوره لو عنكم رحت وبموتتي مجبوره

الما يجيني يودي اليه
ذكره منكم للسبيه
وذكره من طف كربله ودولي
حته لو بس منحر تفزعولي
يهل زينب يهل زينب
°°°°°°°°°°°°°°°°°°°°°°°°°°°°°°°°°°°

@MuslimAlWailli313

أشعر بالخجل وأبكي من فضل الله عندما أرى بعض الناس يروني في صورة جميلة ويرون مني مِن المحاسن ما لا أراها أنا في نفسي ، الحمد لله الذي ستر عنا القبيح ، وجمَّلنا في عيون الخلق رغم ذنوبنا ، وإنما هذا بضعٌ من جماله يهبه لمن يشاء ، فـَ الحمد لله دائمًا وأبدًا .

📜 القصيدة: يهل زينب
🎤 أداء: مسلم الوائلي
🖋 كلمات: علي الأكبر الغرابي
~
يهل زينب ... يهل زينب
~~~
بأخر نفس يهل الهوه ومتانيتكم وينكم
جا يمته يرتاح الگلب واترس عيوني بعينكم
شمحلاها لو باجر متت تتهدلون اثنينكم
شمحلاها لو صار الگبر ما بين ابوي وبينكم

احلم وادري بيها احلام
.. كون بكربله وياكم
گبري وبيتي مو بشام
.. كون بكربله وياكم

موش بالغربه ...
كون يصير گبري موش بالغربه
~~
جم ليل مر بيه وجزه ومن السهر ذبلانه
مو توني من ليل اهدعش لعيونكم عطشانه
تخلص سنيني وانتظر والموت دگ بيبانه
اول محطه الدمعته تعرض اباله خوانه

باجر من يجي دفان
.. هاي التاكل بروحي
مامش للجنازه اخوان
.. هاي التاكل بروحي

بأخر انفاسي ...
روحي تريد اهلها بأخر انفاسي
~~
مرتين اموت من الهجر بالطف وهاي الثانيه
لا واحد البيكم فزع لا گال اختنه امتانيه
حد ما شرب لوني التعب واحلامي صارت فانيه
جا حته بالموت الهجر ما عافني ولا ثانيه

الكم خويه مو للماي
.. هاي الروح عطشانه
وما صح للعطش شراي
.. هاي الروح عطشانه

وحيل ما بيها ...
بعد يهل المحنه حيل ما بيها
~~~
الله ولحد يا هلي لا انتم ولا لونكم
بأخر انفاسي ودورت ردت اشبع من عيونكم
ديره وشحيحه من العرف عفتوني ليش ام عونكم
وشلونكم يهل الهوه بفراگي هسه شلونكم

ديره وماكو بيها اعزاز
.. وانه الموت دگ بابي
ومنكم ما يصح جناز
.. وانه الموت دگ بابي

شحت الخوه ...
يوم اللي مشيتوا شحت الخوه
~
مرتين شلت ايدي ومتت مرتين من اوداعكم
مره اعله تل الزيني ومره اعله تل افراگكم
وشعطلاكم يا هلي ولا ظل طفل ما جابكم
وشرايكم راح اندفن بالغربه خويه شرايكم

يا سباح گلب ام عون
.. منكم ما يصح غالي
وتريد الجنازه امتون
.. منكم ما يصح غالي

يشيل تابوتي ...
حله بجفه اخوي يشيل تابوتي
°°°°°°°°°°°°°°°°°°°°°°°°°°°
@MuslimAlWailli313

📜 القصيدة: واحد أبتر
🎤 أداء: مسلم الوائلي
🖋 كلمات: علي البوحمد الموسوي
~~~~
مره اجالي واحد أبتر دينه السقيفه
گلي مغالي وعندك حيدر مو بس خليفه

ما جاملته وعاملته بأدب
وبس جاوبته اتعصب وانسحب
گلي مغالي .. گلي مغالي
~~~
تعلمنه الصدگ زلمه غيور وگصته تعرگ
والمشرفنه بالخدمه أمرنه بكلمة الحگ

صعبه عالواضح ترد اتوضحه
علي الخيط الي يلم المسبحه
المشكله الما عنده وي ام بيته راي
ينطي رايه بحيدر بلا مستحه

هذا سؤاله يمثل نفسه ويكشفلي طبعه
الكله ضلاله وضيع شمسه شتفيده شمعه

البايع بخته ما يسوه العتب
وبس جاوبته اتعصب وانسحب
گلي مغالي .. گلي مغالي
~~~~
سؤاله الأول يگلي اكيد مصرح الله
اريد بآيه تثبتلي علي وتذكرلي فضله

گتله واجب اسمه نصاً ينذكر
انطيني آيه أربع ركع فرض الظهر
الآيه گالت يا بشر طيعوا الرسول
والرسول بحب علي انطانه أمر

الهادي كلامه ومن باب الحق اعرف مفاده
ياهو حسامه يوم الخندق وزنه العباده

لتقيس انته اتراب ويه الذهب
وبس جاوبته اتعصب وانسحب
گلي مغالي .. گلي مغالي
~~~~
علي ويه النبي ادخيله كهارون ويه موسه
من اگلك الله يوحيله اقترب وافهم دروسه

گلي جاوب حته اغير مذهبي
الوحي شجابه العلي يگول الناصبي
القاعده اتگول الوحي للأنبياء
گتله والنحله بقياسك هم نبي

مو عله مايك نص ودروسه ما حاج اوضحه
ها شنو رايك حته أم موسى الها الله اوحه

هنا فاضلته بحب مو مستحب
وبس جاوبته اتعصب وانسحب
گلي مغالي .. گلي مغالي
~~~~
صعد غيضه ورفض يهدأ يگلي شتحجي انته
يظل حيدر بشر يخطأ منو اليثبت عصمته

گتله نرجع للبخاري ونلگه حل
والحجي بكتبك يجنبنه الزعل
النص يگلك علي ويه الحق حيث دار
ها عرفت المخطأ بحرب الجمل

والله مصيبه وتدري بگلبك يجرح سؤالي
دنيه غريبه احجي بكتبك وطلع مغالي

هنا حيرته وسمعته العجب
وبس جاوبته اتعصب وانسحب
گلي مغالي .. گلي مغالي
~~~~
انسحب ما يقبل يكمل شتمني وگلت اعوفه
مثل ذاك الأذا تحمل عليه يلهث تشوفه

هنا گلت خل استفزه بكلشي مر
وانه احب من زغري انفخ عالجمر
گتله لو ما علي ولو ما ذو الفقار
الهسه جدك عنده رب من التمر

هيه نصيحه الرادك تكبر لا تنسه فضله
وكلمه صريحه اليبغض حيدر مو طاهر اصله

التفرغ سلته يطعن بالعنب
وبس جاوبته اتعصب وانسحب
گلي مغالي .. گلي مغالي
°°°°°°°°°°°°°°°°°°°°°°°°°°°°°°°

@MuslimAlWailli313

📜 القصيدة: انقلاب
🎤 أداء: مسلم الوائلي
🖋 كلمات: علي أكبر الغرابي
~~~
انقلاب .. جانت الغايه الوحيدة
انقلاب .. على الدين وعالعقيدة

لأن باب الله ونبيه
بدوا من باب الزجيه
انقلاب ... انقلاب
~~
گعدوا وجان المخطط بالسقيفه
وباگ ماي وجوهم حبر الصحيفه
وجانت اول سالفه بعين الخليفه
يحترگ باب الله كون اعله العفيفه

وبين الضلع والبسمار
ثورة حجاب اعله النار
قادتها بت المختار
... ضد الخليفه

اختبار .. وكلمن ابنهجه وطريقه
اختبار .. لليدور عالحقيقه

خسروا من اول قضيه
بدوا من باب الزجيه
انقلاب ... انقلاب
~~
بالمواقف يرسم ابن آدم طريقه
ويختصر كل الحجي يجوز بدقيقه
لا تجامل وحجي بلسان الحقيقه
ياهو اول ظالم بهاي الخليقه

لا تسكت ومهما كان
الكاسر ضلع گول افلان
يالتحجي بسم القرآن
... احجي الحقيقه

يل تگول .. جلمة الحگ مبتغانه
يل تگول .. ياهو أسس للخيانه

الخانوا الحگ والوصيه
بدوا من باب الزجيه
انقلاب ... انقلاب
~~
جم دليل تريد مني اعله انقلابه
وفدك اول شاهد بدور العصابه
مو صحابه شلون اسميهم صحابه
الدفع خيبر ركضوا يدفعون بابه

لو ما علي موصه بهاي
لنار جا حطهم ماي
تعقلها يسكت مولاي
... عن العصابه

كلشي صار .. ابشع انواع الجريمه
كلشي صار .. وطيحت المحسن هظيمه

بلا شرف وبلا حميه
بدوا من باب الزجيه
انقلاب ... انقلاب
~~~~
عن محمد گال يهجر بالوصيه
وماكو شي اسمه الولايه الحيدريه
وره الباب اندار ستر الله ونبيه
وأن خلف الباب موجوده الزجيه

بجلمة وأن گام يصيح
والزهره توگف وتطيح
وتجمعوا مثل الريح
... اباب الزجيه

زمره هاي .. ماكو بالتاريخ منها
زمره هاي .. يعجز الشيطان عنها

ردوا اعله الجاهليه
بدوا من باب الزجيه
انقلاب ... انقلاب
~~~~
يا دليل تريد عالخانوا نبيهم
من كتبهم هاي والكاتبته اديهم
ماتت وما راضيه الزهره عليهم
ولعنة الله بكل زمان ادور بيهم

وخلف ضلعها المكسور
جم ضلع النه بعاشور
هذا الأمر ما مستور
... كاتبته اديهم

بختصار .. هيه مو قصه وروايه
بختصار .. انه اسولف عن درايه

بعتراف الناصبيه 
بدوا من باب الزجيه
انقلاب ... انقلاب
°°°°°°°°°°°°°°°°°°°°°°°°°°°
@MuslimAlWailli313

أعمال ليلَة القدر الأولىٰ .

📜 القصيدة: هذا يا عيد
🎤 أداء: مسلم الوائلي
🖋 كلمات: علي الأكبر الغرابي
~~
رايح وكل ذكرياتك دورتها
وعيدج امبارك يزينب ما شفتها

هذا يا عيد اليمر
حته زينب تنتظر   
بويه .. بويه
~~~
رايح وخليتني بدمع الملامه
حته ما لحگت اگلك بالسلامه
بويه حيدر .. بويه حيدر

منين اجيب اليفتهم دمعي وكلامه
زغيره مو مال انحسب من اليتامه
بويه حيدر .. بويه حيدر

ما بين الوداع وبين حالي وكسرت الخاطر
الله وياك من اتروح والله وياي للعاشر
رايح يا علي وخليت زينب للدمع باجر
وهيه الكسره من اتشوف غالي وعنك مسافر

أذن أذان المصيبه وهذا حالي
ما يلوگ الزينب افراگك يغالي

ما يلوگلها الهجر
حته زينب تنتظر    
بويه .. بويه
~~~
گمت افز بليل مرعوبه وغلاتك
ونگعد ونتسامر انه وذكرياتك
دمعه .. دمعه

بويه من اشتاگ اشم ريحة عباتك
اركض المحرابك وسبحة صلاتك
دمعه .. دمعه

بويه من البواجي عليك شوف دموعي مفضوحه
وكلمن منذبح بالشوگ تطلع لجمته بروحه
اذكر من جنت وياي كل ايامي مملوحه
هسه وداعتك ظليت حته احلامي مذبوحه

بويه وعيونك بعد هاي المصيبه
باجر يسموني زينب يا غريبه

وبعد للطف اشكثر
حته زينب تنتظر     
بويه .. بويه
~
هذا يا عيد اليمر بالهاشميه
وانه لون افراگك امبين عليه
هذا حالي .. هذا حالي

بنار المتانه انجوي وشصار بيه
بوجه زينب كل سمار المغربيه
هذا حالي .. هذا حالي

شلت ايدي وصحتلك وين رايح يا اعز غالي
من عدها وعرفت الموت من الصوت رد خالي
يالعايفني موش ام عون كلشي اتغير بحالي
صار من الوداع وياك سهم الفرگه جتالي

رايح وخليت زينب للمدامع
وتنعصر كل مغربيه من المواجع

وشبقه بهذا العمر
حته زينب تنتظر     
بويه .. بويه
~~~
بويه لو بس مره وحده تردلي بيها
حته تسمع سالفت روحي وبجيها
من غيابك .. من غيابك

شوفتك يا حيدر بروحي اشتريها
حته لو بعيوني طيف اتمر عليها
من غيابك .. من غيابك

بويه افراگ وجهك كون ما مرن لياليه
عيد الله من اشوفك جاي مو هذا اليمر بيه
يمته الگاك يم العين طيف امسير عليه
وتمر عالخنگها الشوگ مرت هوه اعله الريه

يالعفتني وللهجر بانت علامه
روحي مكسوره مثل جنح الحمامه

وشيفيد التنكسر
حته زينب تنتظر     
بويه .. بويه
~~~
كون ميته بيوم طولك بان كسره
ولا شفت مصباح الاگشر طار فجره
البي عفتني .. البي عفتني

دورت بوجوه اخوتي نظره نظره
بس لگيت الليل ذابح شكو ذكره
البي عفتني .. البي عفتني

رايح والحسن وياك راح ومنخطف لونه
وذاك حسين بويه عليك عميه من البجي عيونه
بصفنت مغربيه عليك نسكت من ينشدونه
والدافن عزيز وراد لحد يسئل شلونه

انه ذيج العايشه وبان انكساري
خوفي اموت بدمعتي وشوگ انتظاري

يالرحت ما ظل صبر
حته زينب تنتظر     
بويه .. بويه
°°°°°°°°°°°°°°°°°°°°°°°°°°
@MuslimAlWailli313

كل عام وانتم بخير الحسين ..

📜 القصيدة: راح العطر
🎤 أداء: مسلم الوائلي
~~~~
حسين آه حسين آه
~~~~
هام گلبي وخذاني صوبه
وندور اعله ثوبه .. بس ما لگينه عطره
وين راح العطر يهيبه
بس گلي خل نجيبه .. ويظل بدينه ذكره
ليش مالك أثر يغالي
يا گمرة الليالي .. يا وسفه وذره وذره

ضاع الربه وطاريه
بالغربه جم علويه
والساحگ اعله ضلوعك
باگوني منك ريه
~~~~
خيل تركض علي وجيتك
بس خويه ما لگيتك .. محد يگلي وينك
آخ شفته وهظمني جرحك
متونس اليذبحك .. وانته شثگل ونينك
باگ خويه السحگ حلاتك
وطشرن بناتك .. ضاع الربه من ادينه

والناگه شربت لوني
يدفعوها ويطيحوني
نفس السياط الطاحت
بمتونك وبمتوني
~~~~
ضيم درب السبي شيشيله
وانه مره وثگيله .. متحيره وي عيالك
نار هاي الشمس رزيه
لمن تهل عليه .. اتمنه في دلالك
گوم شوف العبي الجبيره
شافتها جم عشيره .. معتازه بس خيالك

شيصيرن الما بيهن
گطرة هوه تمشيهن
درب الصحاري وشوجه
مايرهم الرجليهن
~~~~
خوف طر الفجر علينه
صوتك مشه من ادينه .. وصوت الذبح نسمعه
ليل ما يرهم العباتي
اركض ولم بناتي .. وبجفي ماكو شمعه
مات ذاك الضوه العليه
من ضيعت رقيه .. مات الضوه شيرجعه

مو بس رقيه الضاعت
جم طفله منك راحت
مو بس خدر صيوانك
حته التراجي انباعت
~~~~
باد حيل اختك وسبوها
وبجفها گيدوها .. بالسلسله الثگيله
شاب هد الضلع نحيبه
والوادم الغريبه .. تضحك عله الهزيله
شيب لمتهم اعله راسي
ما بيهم اليواسي .. حرمه بظهر عليله

وادم غريبه علينه
ولون الشرف ناسينه
خيرهم الشافانه
هز ايده يابو سكينه
°°°°°°°°°°°°°°°°°°°°°°°°°°°°°°°°°°°°
@MuslimAlWailli313

📜 القصيدة: غضب حيدر
🎤 أداء: مسلم الوائلي
~~~~
الموت من مايك شرب
انته عباس الغضب
يبو فاضل يبو فاضل
~~~~
كلشي يختل من تهد
الحره تفرح من تشد .. بالغاره
اهدم جروف الشريعه
وزف يكافل للوديعه .. ابشاره
من تطب بالحومه فرع
صيح حرگ الباب اطلع .. ثاره
غضب حيدر بي صبه
الموت الاحمر انته ربه .. وناره

بأمرك يصير الهوه بجفك يلوگ اللوه
يبو فاضل يبو فاضل
~~~~
ضاگت الگاع بأهلها
مالت الحومه وعدلها .. بطاسه
عليك جبرائيل صله
ببو فاضل يفزع الله .. الناسه
توسط الحومه وتربع
جيش حدر اجدامه يركع .. راسه
الدنيه تخضع يم اخوك
الكون كله بكيف ابوك .. انفاسه

بكيفك وكلشي بديك محد اليامر عليك
يبو فاضل يبو فاضل
~~~~
صولتك بيها الملوحه
اليدنه يمك ينسه روحه .. بسيفك
خزرة عيونك طعان
جفوفك اتدير الزمان .. بكيفك
خيلهم ذبت زلمها
گطعت حته رشمها .. بحيفك
بسدك العياله تختل
الموت مرات انته يدخل .. ضيفك

رايتك راية هلك الفكر بذاتك هلك
يبو فاضل يبو فاضل
~~~~
ويجيب صينيه وشمع لام جاسم
ويسوي حنه وبيها تحضر هاشم
تعله هلهولة عرس للقاسم
يحضر العباس بيده الصارم
يهوس ويتلاگه ويه القائم
~~~~
يروح لزهره بعلم عباسه
يگلها يا يمه ويفيض احساسه
الكسر ضلعج إلا اكسر راسه
الحرگ بابج إلا احرگ ساسه
~~~~
يرجع العبد الله جايب مايه
وفوگ گاع الطف يمد افيايه
يوگف بنص كربله يدگ ثايه
وتلتم العيله ويسوي اقرايه
يطبر الهامه ويطيب الدايه
°°°°°°°°°°°°°°°°°°°°°°°°°°°°°°°°°°°
@MuslimAlWailli313