صباح الخير..

‏مديت لك عمري على كف يمناك
‏وغيرك على رجوى " هلا " مد عمره

‏نزعت بيبان الثقل غايـة رضاك
‏وشرّعت لك قلبي ويا طول صبره

‏ميّت شعور وفز قلبي لـ طرياك
‏وأعرف شعوري ما يجي غير مره

أرسم من أقلامِ الحزن وجه السّلام
‏وتضحك عيونٍ كلّها .. دموعٍ وندم

‏أبعد عن الماضي بخطوه للأمام
‏وتردّني الذكرى .. خلاف مية قدم

الكل منا يحتاج إنسان على هيئة هذا البيت«جيته ويسر لي عسير المواضيع/وخلا خفايا خاطري له وساعي»

‏محتاج درب ٍ يأول شفّي وْمسعاي
‏وشعرٍ يواسي شعور الصمت والغربه

‏محتاج نور ٍ يبشرني على رجواي
‏واعَرْف هذا السديم ان طال يا قربه

‏محتاج - فجر وسكينه - لين اعسّ اقصاي
‏محتاج شي ٍ يرجّع روحي الطربه

‏تجاهلت واقع معطياتي ورحت اعيش
‏على اضغاث حلمٍ داري إنّ ماهو بحاصل

‏«على القلوب المصّده مايفيد العتاب
‏كنك تسولف على الاموات فـ قبورها»
‏— عايض العاطفي

‏« كيف أحس بغربتي ما دامت أحضانك ديار / ليه أخاف من السفر وأنت الولاء و الإنتماء »

«حبيبي والدموع الِّلي عليك من الحنين تْزل
‏تخلِّيني لهوف مواصلك ولـ شوفتك ضامي
‏⠀
‏أجي لك بأطْهر شعور الغرام المِندفع وأنهل
‏مثل ما تنهلْ الفرحة معك وتلوح أقدامي»

‏"تمر وجيه واجد و أنت ثابت و السنين تدور !
‏جعل يفدى دواعي ضيقتك ضحكي وترحابي"

‏« على سكة متاهات المشاعر وآخر المشوار
‏خذتني لهفة أشواقي على ذكرى بداياتي

‏غريب استوطن أعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف، ونزف جرح، وتحرر عقلي المنهار
‏وكتبتك ل السكوت اللي تكلم عن متاهاتي ».

‏« ياحزينة جعل الأحزان عن قلبك تزاح
‏ودي أسرق لك من البهجه بـ خاطر طفل

‏كل بسمه منك تنفث على الصدر إنشراح
‏و كل ضحكة منك تستاهل نسوي حفل

‏و لا بكيتي صدت الشمس عن وجه الصباح
‏و أنبهت لون المجرّة و كل كـوكب أفل

‏دمَع كل الناس مالح لكن دمَعك قراح
‏كل مَـا تبكين ينبت على . . خدك نفل ».

‏"ما عاد باقي من الاحلام ما يُذكر
‏اللي ما كنّا نعرف نعيش لولاها

‏أحلامنا اللي كتبناها على الدفتر
‏تبكي على أحلامنا اللي ما كتبناها"

يا رب أنا .. كل ما شعرت الليل في عيني يطول !
‏أطيح و أنا اللي حسبت إني على الظلمة قوي

‏يا رب أنا .. ما يرتكي عودي على أنصاف الحلول
‏يا أندفن فـ الأرض أو فالغيم لكن ما ألتوي

‏يا رب أنا .. محتاج أعيش اللحظة لحد الذهول
‏و أرتب الماضي بـ ذاكرتي مع إني فوضويّ

‏" اليوم الأثنين ومبلي بأثنين، قلبٍ عطوف وعقلٍ كارثي "

‏الهوى دربه طويل وحرّ شمسك جايزٍ لي
‏كلما ازداد الشعور تقل لـ رضاك المسافة

‏لا تحاول يا بعد كل الأحبة خاطر اللي
‏ ما تلدّد في ديارك غير من كثر الحسافة

‏إن رضيت أجيك كلي وإن زعلت أجيك كلي
‏أنتِ ذنبٍ لو يُعاد الوقت بـ أعيد اقترافه

الوضع تقريبًا أشبه بـ:
"لا تعاتبني على الصمتْ مدري وش أقول
ضايقٍ خلقي من الخلق و أولهم أنا

كل ما قربت برتاح من شيل الحمول؟
شلت في قلبي مداراة وأحباب وعنَا

كنت واهمٍ يوم أقول أنها شدَّة وتزول
الهنَاء هنــاك متراكِي وأنا واقف هنا"

‏لاعاد يشره علي لاغاب مرسآلي
‏مابيه حتى الرسايل منه مابيها

‏بعيش عمري واحقق حلمي لحالي
‏تعبت وانا ادمح الزله واخفييها .

احلام عمري راح معظمها مثل وحي الخيال
‏ليت الحياة ترجع اللي ماقدرت .. ارجعه
‏— صنهات بن حشر

أحيان الأنسان ودّه بشخص يفهم الحزن اللي يكنّه
‏وسط جوفه من دون لايستنطقه، مثل مدى المعرفه
‏ اللي وصل لها عبدالله بن دايس :

‏لا تتظاهر إنك طيّب و ماعليك خلاف
‏كلام الحزن بيّن — وصوت الحزن بيّن

‏أنا مستعد أدفع ثمن ضحكتك أضعاف
‏لو أتسلّف الطايل — من المال و أتديّن

‏"لو نسى وجه الفجر صبحٍ يصبّر ساهرينه
‏ ما نسيتك يا اوَّل أحبّك نطق فيها لساني"