‏وش فيك ياصدر الشمالي تضايقت
‏و الناس تضرب في سعتك المثايل !

‏أفا ياصدري ضقت من جاير الوقت
‏خابرك يا صدري . . . تشيل الثقايل

‏وش فيك علمني . . لك أيام مارقت
‏ضايق . . و فيك الهم صايل و جايل

‏خابرك / ما عمرك للأحزان رافقت
‏و اليوم . . كنك شايل جبال حايل

يقول سليمان الهويدي:
"أحب الكريم اللي يفرج عن المعسور
‏ليا من عطى حتى هَلَه ما دروا عنّه"

" مع أن الطواري موجعّه والجروح تشم
لا زالت طواريك القديمة هي المهرب"

‏"والله إنه ما يمر اليوم لين تمر بالي
‏آه من وجهٍ يشع النّور مع طلة جبينه

‏ما لقيت لوجهك أشباهٍ على مر الليالي
‏حطّه الله نسخةٍ وحدة ولا حط أربعينه"
‏❤️

‏الغالي اللي عجزت ألقى عذاريبه
‏جمايله تقلب عتابي علي ضدي

‏غامرني بـ عطفه ومحرجني بـ طيبه
‏يخشى على خاطري لا أضيق من قدي

‏لو قلت أبغى القمر يروح ويجيبه
‏من زود حبي يبي القمرا وسط يــدي

‏أحبّك .. كثر ما قالوا هَنيك يا خلي البال
‏وأحبّك كثر ما أخفيتك عن رُبوعي وعذالي

‏حفظتك سِر ما يظهر على العالم ولا ينقال
‏زرعتك بين تنهيد الضلوع وبين غربالي

‏لك الله مال غيرك فالحَنايا والضمير ظلال
‏أقرب من قريب الخلق وأقرب لي من ظلالي

‏بيننا رحلة من الضحكة والأيّام الجميلة
غيرها من باقي الأيّام ماشدّ إنتباهي*

‏ماكان للشِّعر طاري .. لين ثار الشعور
‏وما صرت كلّي عذوبه ، لين ذقت العذاب

‏— فهد قطنان

‏تعدّ الجرح في صدري معك مساحة استقطاب
‏تحاليت الجروح وكل حاجه منك ... مرغوبه

‏- صالح بن حمد

‏" أنا لو أني معك ما أستلذ الكلام
‏ماكان اسأل سؤالٍ أعرف إجابته "

‏- هُنا نتكلم عن لذّة اللكاعه مع المحبوب

‏"احس إني بديت أتثاقل الخطوة
‏كأن الأرض ما تتحمّل أقدامي

‏تسيّرني مقاديري على القسوة
‏مع إني ما قسيت إلا على أحلامي

‏عسى ما بيني وبين الفرح فجوة
‏عسى ما ينتهي صبري وانا ضامي"

‏صباح الخير ،"انهب الفرحة ترى عمرك شحيح "
‏ الفرح لو ما دلّ طريقك .. اسلك طريقه أو اسرقه

‏عن البال ما راحت طاوريك لأجل تعود
‏مثل ، كل ليلة طيش مرت على ... تايب

‏طبيعي بأن الناس .. تستشعر الموجود !
‏وأنا استشعرك موجود وأستشعرك غايب .

‏اسمٍ بقى -رغم المسافات- مآثور
‏كلّ ما طرأ لي؟ عاوَد البال طيشَه

‏وأنا طيورٍ فوق شبَّاكك تدور
‏باعت مسافات الخضَار بـ درِيْشة

‏ما زال وجهك غربة سْنين، وشهور
‏أحتاج أحبَّه مرّة أخرى.. وأعيْشه.

‏كتبت ومليت الأرض شعر ووله وهيام
‏ولا طعت فيك الناس والناس نقّاده

‏لو أضيع بك من ضاع فيك أنت ما ينلام
‏وش اللّوم ونفوس المحبين منقاده

‏تعايشوا مع كل محطات حياتكم مثل
‏اللي يقول : " لا تحسب إن الليالي كل أبوها ربيع"
‏لأن لازم تلوفك هبوب القيض وسمومها

‏متساوية من تالي مثل اللي قال:

‏"من أوّل
‏ادور على الفيَّة وعيني للظلال
‏واليوم ؟ مايفرق معي برد الحياة .. وحرّها"

يا عزتي لة وكاااان الله في .. عونة .