نوحیه عن لسان السيدة زينب ع

******

انه العقيله ام الخدر رافگت الاحزان

من فاطمه وكسر الظلع ووداع الخوان

و يبده عذابي يجرح عتابی

رافگت الحزان ( ۲)

➖➖➖➖➖➖➖➖➖
لمن اصيح ابدمعتي مشتاگه لاهلي

واحچيلمن بعد اخوتي وبس دمعي یهلی

باجر يطيح عالثره شيال حملی

کل اهلي نیام. ابگه بلاازلام

رافگت الاحزان (٢)

✍️ #علويه ام فاضل

_______

إني افگدت كل اخوتي ومحد بقالي

ضليت حرمه بلا اهل مشدوه بالي

يفراگ اخوتي شگد صعب
غيرلي حالي

ایعذبنی لفراگ
کل ساعه اشتاگ

رافگت الاحزان (۲)

✍️ خادمة الزهراء أم أحمد الدريعي

_____

يفراگ اخوتي اشگد صعب والله عليه

حرمه وغريبه ابلا اهل وامشي سبيه

مظلومه مثل الزهره امي اشبع اذيه

ابغربه تالی. محد بگالی

رافگت الاحزان

✍️ام حسين الحلفي

_______

تالي الوکت طگنی ابسهم طرگلبی نصین

من شفت ابوفاضل وگع ماعنده چفین

وفوگ الرمح یمی انرفع یاراس الحسین

جسمه علي الگاع.

ورضوله الضلاع

رافگت الحزان

✍🏻المیرزه ام ليلي الخاقانی

____

طاح الگلب وبطيحته وچن حان الوداع

يحسين يا اخر هلي عمري تره ضاع

من هجمة الخيل الشمر يرفس بالضلاع

والله هضيمه. حاله الیمه

رافگت الحزان


ام ✍🏻زين العابدين لمحمداويه
____

فوگ الرمح گلبي انرفع من رفعو الراس

بعيوني اشاهد منحره اشصبرني ياناس

لابيه اون اعله الجرى مخنوگه الانفاس

وبلايه اخوتي

تمنيته موتي

رافگت الاحزان

✍🏻ام محمد تقي الموسوي

_______

تدري الحرم ظلت تحن وتريد اهلها

مفجوع گلب الفاگده وطايح حملها

ياريت اموت وتنتهي الامی كلها

ظلت دمعتي

تواسي غربتی

✍🏻ام حيدر العباديه عماره

_____

تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://hottg.com/Kfeilzainp

ردا.  على قصيدة بيش المك عندي بس هاي العبايه الساترتني
____
انتي احوج للعبايه
لمي روحج والسبايه
سفره كدامج طويله
لمي روحج يالعقيله
انتي احوج للعبايه
__
لاتلميني  بعباتج هاي خدرج والستر  
الف مره اتكطع اني ولايدوسون الخدر
خويه عوفي  اوصالي زينب واستعدي. للبسر
وغطي  سكينه ورقيه وخوله  عن سوط الشمر

ورمله جمعيهن وليله
ولمي روحج يالعقيله
انتي احوج للعبايه
العـ✍🏻ـلويه ام مرتضى الموسوي
__
خويه سترج يلعقيله غالي وماله ثمن
صعبه خدرج هايخويه ينهتك تالي الزمن
باجر اتشيل العبايه يختي اسياط المتن
هي بس هاي التظلج تحمل وياج المحن

ماكو واحد تشتكيله
لمي روحج يلعقيله
انتَ احوج للعبايه
✍🏻ام عباس السكيني
━━━•✿🪬✿•━━━
خوية عوفيني موذر ولمي  يالحرة البنات
وهذا جسمي يالعقيلة تلمه خوية الذاريات
من بعد قتلي استعدي لليسر والنيابات
بعد ماوصيج يختي اعلة الصبر وأعلى الثبات
ناكتج عجفه وهزيله
لمي روحج يالعقيله 
انتي أحوج للعباية
✍🏻ام علي الرضا الخرسان
━━━•✿🪬✿•━━━
جمعيلي عيال بيتي ولملمي كل البنات
وخلي عينج عل اليتامه والارامل والخوات

هذا حد عشرتنه ياختي مسلب و عالغبره ابات
حانيه امتونج علينه والمعاني ذابلات

رحلت فراكَي طويله
ولمي روحج يالعقيله
انتي احوج للعبايه

ام مرتضى الخفاجيه
━━━•✿🪬✿•━━━
الشمس خل تصهر بجسمي بس عباتج سالمه

هاي سترج الضخيره الباقيه من فاطمة

بعد ماوصيج زينب انت كلش عالمه
يختي حفضيها الاماني لمن علي حامي الحمه

ادري بحمولج ثكيله
ولمي حيلج يالعقيله
انت احوج للعبايه

✍🏻 أم حسن البطاط
━━━•✿🪬✿•━━━
صار. ياابن امي ياغالي وصيتك وامرك مطاع

اني ام الخدر. زينب    تدري  تربيت   السباع

الريح ميهزها العبايه     وهل خبر تسمع يذاع

راح انفذها الوصيه.   وأكشف   أفعال.  الرعاع

وأطمئن أحفظ العيلة
ولمي روحج يالعقيلة

انتي  أحوج.  للعباية


✍ العلويــة أم نــور الميــسانيــة
━━━•✿🪬✿•━━━
تمــ بعون الله تعالى ــت
بقلـ🖊️ـم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعاء☘️
https://hottg.com/Kfeilzainp

قصيدة لاصحاب البقيع ع
&&&&&&&&&&&&&&&

بين مسموم وقتيل. اولاد حماي الدخيل

عـظم الـلـهُ الــــكٓ الاجــرَ عـــلـــي

❥━──➸➽❥❂❥━──➸➽❥❂

عظم الله اجرك ياحيدر بالجـره

جم ولد دفنيت بارض المـكبـره

بيـن جسم مـوذر يــضل عــلثـره

وبين جبــده مكطعــه ومــتناثره

هيــج دهرك من يمـيل
اولاد حــماي الدخيــل

عظم الـلـهُ الــكٓ الاجــرَ عـــلـــي

✍العلـويـة ام نـور الميسـانيـة

❥━──➸➽❥❂❥━──➸➽❥❂

يـساعدك الله يحــماي الحمـــه

لهل مصيبه اكلوبنه تنزف دمه

حــيف وكبــور البقيع مــهدمه

كون حاضر هايـــسبع الموزمه

وترد كل واحد يعيل.

اولاد حماي الدخيل

عضم الله الك الاجر علي

عاشقة العباس ام عراق الشمري البصره


❥━──➸➽❥❂❥━──➸➽❥❂
عضم الله اجرك ياوالي ابهل امر

گضت كل اولادك. بسم وغدر

عفه كلبك حمل چم لوعه وگسر

شاده. وياك. كل . كوم. الكفر

فوض أمرك للجليل
اولاد حماي الدخيل

عظم الله الك الأجر علي

✍🏻ام رحمة الكاظميه


❥━──➸➽❥❂❥━──➸➽❥❂

نشاركه باحزانه و بهذا المصاب
كبورهم لا بيها حضره ولا قباب
وسفه هدموها و غطوها بتراب
حسابهم يبقي لحد اليوم الحساب

جيلهم يورث الجيل
اولاد حماي الدخيل

عظم الله. لك اجرك علي

✍️ #علويه ام فاضل
❥━──➸➽❥❂❥━──➸➽❥❂

فوض امرك يا علي يا ابا الحـسن
للعلــي. . المنتقــم والــــمؤتمن
لهل مصايب البيه كلبك ممتحن
ضلو اولادك حسافه ابلا صحن

ويلي من العدو ويل
اولاد حماي الدخيل

عظم الله الك الأجر علي

ام✍🏻 زين العابدين لمحمداويه

❥━──➸➽❥❂❥━──➸➽❥❂

الويل للعدوان يوم الحاطمه

وانت سيف الله وزوج لفاطمه

بجاه ظلع انداس يوم الملحمه

تشــفعلنه بالحــشر والمــوزمه

ونحلفك بجف الكفيل
اولاد حماي الدخيل

عظم الله الك الاجر علي


ام حيدر العباديه عماره
❥━──➸➽❥❂❥━──➸➽❥❂

ياعلي الكرار كنه. نشاركك

علمصاب الي جره وي بعترتك

اليوم محزونه وتنادي شيعتك

جينه نبني گبورهم وبخدمتك

والدمع منهم يسيل
اولاد حماي الدخيل

عظم الله الك الاجر ياعلي

✍العلوية ام علي
&&&&&&&&&


تمــ بعون الله تعالى ــت
✍️بقلم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
https://hottg.com/Kfeilzainp

(لطمیة الاهل فی لیلة العید)
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

اشحلوین إلاهل با العید ویانه

ضَـلت دورهم تِـنعی وحزانـه

                 إشحلوین الاهل 
✿〰✿🤍✿〰✿

آیا دارهـم بالله دِحـاچـینی

وین اهلی مِشو عَنی دِخبرینی

بقیٰ بس إلدمع یَهلی یواسینی

اشمالک یا دَهرنه إمحورب اویانه

                  إشحلوین الاهل

ک... یسرا الموسوی
✿〰✿🤍✿〰✿

اشمالك يا دهر خنت اهل المروه

خذت مني الحنين اليوم بالگوه

گلبي من  مرار  البين يتجوه

ولك ياعيد شوف الدار خلوانه

ام سجاد العسكري
✿〰✿🤍✿〰✿

الدهر وياي حاربني بأهاليتي

أخذ امي وابويه وهجم بيتي

يدنيه ليش بس وياي شديتي

روحي اليوم عالوليان وجعانه

✍️العلويه ام علي الشرع
✿〰✿🤍✿〰✿

بعد ما ريدها ايامك يهل عيد

اخذتي اعزاز گلبي و صارو ابعيد

  راحو كل هلي وفكدت جم حيد
 
ما دري الافراگ امنين اجانه

ام نادين المحمداويه
✿〰✿🤍✿〰✿

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

ذكرى هدم قبور أئمة البقيع (ع)

حِرِتْ مَرّة اطفي نار الهم مَراقِد
ابْـجِفِن سـاهِر ولا لـحظة مَراقِد
أنـوح امْـن اذكــر الأربـع مَـراقِد
هـدمـها ابـحِـقِد چف الجاهليّه

#ابوذية_جابر_الكاظمي

قصيده للعليله ع
وزن مجرشه
المقاصير وزن مجردات

~«»«~»» «»»«

يلي نويت ابسفرتك
اتهده يوالي شويه

انه العليله ابنيتك
يالبيك كل حنيه

بس لاتطول بويه ارجاك
گتلك اخذني بويه وياك

يالبيك كل حنيه

*ام منـــــــــــ✍️ـــــذر الحجار*

~«»»««»~~««»»

گتلك اخذني ويه الضعن لتروح وتخليني

مااحمل افراگك تره حيل الهجر ياذيني

خافن تطول غيبتك يحسين لاتنسيني

تبگه عيوني شابحه عالباب ياضي عيني

مو تدري بويه روحي تهواك
گتلك اخذني بويه وياك

يالبيك كل حنيه

*ام منـــــــــ✍️ـذر الحجار*

~««»»~««»««»»~~«

كل لحظه يشتاگ الگلب وابقى اونن وحــــــدي

واصرخ يرد ليه الصدى محتاره امنين ابـــــــدي

يهلي عگبكم ايست ياريت انام بلـــــــــــــــحدي

من رحتو ظلمه دنيتي والنزل مظلم عــــــــندي

يلغالي گلي وين منواك
گتلك اخذني بويه وياك

يالبيك كل حنيه

*ام علــــــــــ✍🏻ــــــــــي البابـــــــــلي*

~«»»«~«»«~«»»«~~»

يالماشي بدروب الخطر ريض او عاين حالي

عايف ابنيتك بالنزل والدار موحش خالي

بس الحزن لو هاجرت يا والدي يبرالي

ريت ابوداعك يالابو گربت كون اجالي

بس گلي ترجع اگعد اتناك.
گتلك اخذني بويه وياك

يالبيك كل حنيه

*ام سـ✍️ـجـاد العسكري*

~«»»««»»~~«»«~«»

ناوي يبويه لنينوى طولت تالي الغيبه

والراح بدروب الخطر ماضني وكتي يجيبه

أدعي الجليل بكل وكت ترجع تنور طيبه

ويهيد.كلبي من القهر ويَّسكن ابنحيبه

واعرف يابويه وين مسراك
كتلك أخذني بويه وياك.

يالبيك كل حنيه

*العلويه ام نـــــــــ✍️ـور الميسانيه*

~«»»«~«»»«~«»««»««

لیش ابعجل یابوعلی حملت ظعنک غبشه

من یوم حملت ورحت ماطبگ جفنی رمشه

ادخل مبانیکم واصدیابویه دارک وحشه

وانه نحیله من المرض کلساع بویه اغشه

طول العمر يلغالي انعاك

گتلک اخذنی بویه ویاک

یلبیک کل حنیه

*المیرزا ام لیـــــــــ✍️ـلی الخاقانی*

~«»»«~~»»«~«»««»

بويه الهجر طول علي وعيوني تربي لبابي

حسبالي كلساعه ترد تاخذني ويه احبابي

عالعتبه أتاني وانتظر ادري الدهر دولابي

عبدلله گتلك خل يظل يسليني عن غيابي

الحيل بويه اعليك ضل راك
كتلك اخذني بويه وياك

يالبيك كل حنيه

*أم صـــــــ✍️ــــادق المنصوري*

~«»»~~«»«~«»»~«»

بهدومكم ظليت اشم يالريحتك كالجنه

الزم الثوب من الردن وشبكته وانه اتمنه

مثله اشبكك يالابو وبگلبي زاد الونه

اتخيلك يمي وگفت جفني اذا طبگنه

ياعيشتي مره بلياك
كتلك اخذني بويه وياك

يالبيك كل حنيه

*العلويه ام مرتـــــــــــ✍️ـضى الموسوي*

~«»»«~«» ~~«»»«
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

نعی فی حق الاهل والحباب
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
البـیـت ضــل خــالی عــلیه
مـــن الاهـــل داری خــیلـه
شــالو هلــی اهــل الحـمیه
🟰🟰🟰🟰🟰🟰
یا دار ویــن الـعــاشـــرونه
شـالو غـفـل مــا ودعـــونـه
ویـه الضـــعن مـا حـمـلـونه
🟰🟰🟰🟰🟰🟰
صارت سلوتی بس الدموع
والروح ذابت مثـل الشـموع
من سـافرو حنـولی الضلوع
🟰🟰🟰🟰🟰🟰
الـوکـت شـد إحـرابه ویـای
خلانی اغص ابشربت المای
مـارید عمـري ابغـیر ولـیالی
🟰🟰🟰🟰🟰🟰
حـلوین اهلنـه لو یگعـدون
واحد عـلي واحد ینشدون
خـلونی اون وتهـل العـیون
🟰🟰🟰🟰🟰🟰
بـــتک تـرا مــانـامــت الیـل
وناتـــهـه اتـــهــدم الـحــیـل
عـنهـا یحـیدر نـاوی اتـشیل
🟰🟰🟰🟰🟰🟰
لیــش الابو یــترک اعـیـاله
شـیـعــــود ایــامــــه ودلاله
امـــدلله ابنــیـتــه ابـــجـاله
🟰🟰🟰🟰🟰🟰
یا عــــــید لا تـجــبل علــینه
هـلــیوم ابـــــــونه فاگــدینـه
الـفــاگد اهــــل یکــثـر ونـیـه
✍🏻...*یسرا الموسوی*
🟰🟰🟰🟰🟰🟰
تـــمـ بعون الله تعالى ـــت
بقلم خادمة اهل البیت ع
یسرا الموسوی فی رابطة دموع العقیله ع مو مبری الذمه من یحذف اسم الشاعره یتاقبل مع ابوفاضل ع✋
☘️نسالكم الدعاء☘️
https://hottg.com/Kfeilzainp

رُوِيَ عن الإمام الحسين (عليه السلام) أنَّه قال:
فإنِّي لا أعلمُ أصحاباً أوفى ولا خيراً من أصحابي
#وفاء_للحسين

رؤي أن السيدة زينب (عليها السلام)
سألت أخيها الإمام الحسين (عليه السلام)
أخي هل استعلمت من اصحابك نياتهم فإني أخشى أن يسلموك عند الوثبة وأصطكاك الأسنة؟
فبكى (عليه السلام)  وقال: والله لقد نهرتهم وبلوتهم فما وجدت فيهم إلا الأشوس الأقعس، يستأنسون بالمنية دوني استئناس الطفل بلبن أمه.

📚موسوعة كلمات الإمام الحسين

رؤي عن الإمام الصادق (عليه السلام)

لـكل ســـر ثـواب إلا الدمعة فينا

📚بحار الأنوار

ياابو فاضل اليتامه كلهه تسئل
ياابو فاضل عمه شو عمنه تعطل
ساعد الله قلبك ياابا عبد الله

لا أرهب المـوت اذا الموت رقا ***
حتى أوارى في المصاليت لقى
نفسي لنفس المصطفى الطهر وقا ***
اني أنـا العباس اغدو بالسقا
ولا أخاف الشر يوم الملتقى
#ابا_الفضل

نعي بحق السيده فاطمه //ع//


يشمعت بيت حيدر مضلم البيت

وحسين وحسن ضلو ينحبون

وزينب فارّشه اهدومچ يزهراء

وتنگعن دمع من فيض الچفون

والجندل زلم والقالع الباب

مايگدر يشيلچ هدله المتون

چان النور شاع ومزهره الدار

اليوم النور شيعوه اليشيعون

عطر ورد الحدايق بالحزن ذاب

ومحنيه بقت يالزهره الغصون

تهل ضلت دمه عين المجرات

وعلى امصابچ يفاطم ينحب الكون

عجيبه شلون جرئو دفعو الباب

وصحاب الجهل گدرو يدفعون

الماشافو ضيائچ تارس البيت

اشك يم الحسن ماعدهم عيون

أكسرو خاطر علي مثلچ بالمصاب

باچر للنبي مدري اشيكولون

الهشم صدرچ يزهره بچف الاحقاد

يلعنه الله ورسوله ويبقى ملعون

............................................
الشاعر رعد الچريخي

عبد الله الرضيع
وزن مجرشه
آه يالولد      يل بالمهد    ضامي ييمه ايذبحوك
چبدي انمرد اشظل بعد  يبني الي ماخلوك
حرمله صابك بالسهم
احسين جابك للخيم
آه يالولد     آه يالولد
💧💧💧💧💧💧💧💧
ياوليدي من رديت الي   ضامي اونحرك مگطوع
اتلگیتك ابحرگت گلب    والچبد لمك مفجوع
ياريت ماي الماردت   اسگیك يوليدي دموع
شفتك ييمه امن انرجعت   ابحضن عودك مصروع
ياضنوتي  يامهجتي    عبد الله آه يغالي
ياحسرتي   ابدنيتي     اصوابك مرد دلالي
من العذب ابني انحرم
احسين جابك للخيم
آه يالولد  آه يالولد
✍الشاعر فالح العامري

💧💧💧💧💧💧💧💧💧
باليل روحي فرفحت   عبد الله  یاريع  اچلاي
فريت مذهوله ورحت    واصرخ  ييمه  يضناي
العدوان من حل المسه   اطوني  يوليدي  الماي
ومن اشربت در اللبن   جيت ارضعك  يرجواي 
من لهفتي....ياسلوتي  فريت يا دلالي
وبصرختي...بكل حرگتي  اگعد یکل آمالي
ناغیلي لو حته بحلم
حسین جابك للخيم
آه يالولد     آه يالولد
✍العلويه ام ضيغم المحنا

💧💧💧💧💧💧💧💧
عبد الله يبني اشحصلت     من كربله يوليدي
يالفرد واحد وانذبح     اتروح تالي من ايدي
ستة شهور امساهره     تكبر گلت ياعيدي
امالي بيك اورجوتي     راحت اوعله ويدي
ياسلوتي يامنوتي    يازهرتي ابايامي
يادمعتي ياعبرتي    اللي بدلت احلامي
الدنيه بعيوني عدم
حسين جابك للخيم
آه يالولد. آه يالولد
✍ الشاعره ام منذر الحجار

💧💧💧💧💧💧💧💧💧
عبدالله يمه  يلود  يابعد روحي الغالي
افراك صعب يمدلليلي     يبني مردت دلالي
لوا ميته كبلك يلولد      واهواي انه اشوالي
يصوبوك  يبني بلنحر   ماجان هاذا بالي
يافرحتي ياسلوتي    ماتدري يمه بيه

يادمعتي ياحركتي   يوليدي حن اعليه
بكلبي مايبرة الالم
احسين جابك للخيم
✍الشاعره ام عمار الصائغ

💧💧💧💧💧💧💧💧💧
اه ياعزيزي ومهجتي    فكدك مرد مني الكلب
خلافك يايمه مانشف   بعيوني دمعي وظل يصب
عفت الخيم يابني وكمت     وكطعيت يمه اضلم درب
واتمنه اشوفك يالولد    ماينحمل فكدك صعب
يايريع كلبي يالولد   خابت يايمه امالي
تمنيت تحفرلي الكبر  ماجان هذا بالي
ابني وردت اسمك علم
احسين  جابك  للخيم
آه يالولد     آه  يالولد
✍ الشاعره العلويه ام نور

💧💧💧💧💧💧💧💧
عبد الله من رديت الي   وسهمك يكطع بجلاي
اسم اعله اسمك يالولد   عطشان ردت انته الماي
ورووك من فيض الدمه    يالولد يالب احشاي
ردتك ذخر ياسلوتي   للكبر انت رجواي
انت العمر   ماظل فكر    يبني وثمر دلالي
دمعي جمر    طول الدهر  يمه يوليدي الغالي
تبجي الاطفال اويه الحرم
وحسين جابك للخيم
اه يالولد  اه يالولد
✍الشاعره ام حسين الفريداوي

💧💧💧💧💧💧💧💧
يايمه من شفتك منصرع    ودمك الك  صار خضاب
ضميتك الصدري بعجل   وعليه سديت الباب
ماريد احد ينظرك    ويسالني ويريد اجواب
عبد الله يمه خايفه  ابكربله ايصير اعتاب
ياغربتي وياهظمتي   عبد الله بعدك يبني
ياوحشتي  وياحيرتي  الأمل خاب اوضني
ابقى بعدك بالهظم
حسين جابك للخيم
اه يالولد. اه يالولد
✍الشاعره ام محمد الساري

💧💧💧💧💧💧💧💧💧
عبد الله يبني بكربله   تندبح اه يوليدى
اسهرت برباك شكثر    تالى تروح من ايدي
ردتك ييمه الكبرتي    هذي ييمه عيدى
بعدك يظل خالي المهد   واني ييمه شبيدى
سهر وتعب   راح الامل   يبني وثمر دلالى
لمن رحت  اتمرمرت  ريتك تشاهد  حالى
الحيل من عندي انهدم
حسين جابك للخيم
آه يالولد آ ه يالولد
✍الشاعره ام البنين

💧💧💧💧💧💧💧💧
من شفت يبني رگبتك    دم النحر داميها
ينعاك گلب الوالده.     وذيج المحن ماناسيها
يالذخر ردتك يالولد    ولكبرتي اداريها
گلب امك عليك انفطر   ماحسبت تاليها

يارجوتي   ابدنيتي    افراگك شده البالي
ياسلوتي  ياشمعتي    مهدك بگه يبرالي
صاحت عمته والحرم
احسين جابك للخيم
اه يالولد. اه يالولد
✍الشاعره ام كرار الطائي

💧💧💧💧💧💧💧💧
تمت والحمد لله
بقلم اعضاء رابطة کفیل زینب ع
لا نجیز حذف الاسماء
نسالکم الدعاء 🙏

🌹قصيده للامام الكاظم ع 🌹

الوزن تجليبه


على جسر الرصافه الموعد الجمعه
واحبابك تعنت نعشك اتشيعه

🌹🌹🌹🌹🌹🌹🌹🌹🌹🌹

للكاظم نروح الجمعه متعنين
ونواسي الزجيه ام الحسن وحسين
نوصل والدمع فايض بوسط العين
وتحله ادموعنه لو واست البضعه

✍   ام سحر البديريه

🌹🌹🌹🌹🌹🌹🌹🌹🌹
تشيع جنازتك وتنادي يامسموم
كظيت العمر بالسجن يلمظلوم
مكيد بالسلاسل تجري منه دموم
نعازيهه الزجيه نجدد البيعه

✍  ام علي البابلي


🌹🌹🌹🌹🌹🌹🌹🌹🌹🌹

على الكاظم يويلي الناس حزنانه
من كثر السموم امغيره الوانه
الشيعه اليوم ولله عليه حيرانه
ابنه عليه يبجي ومانشف دمعه

✍   شهد الرضوي


🌹🌹🌹🌹🌹🌹🌹🌹

امام الشيعه ياويلي كظه عمره
ينحب وبدليله مكسره العبره
محروم الاهل ظل الدمع يجره
بليل اظلم يناجي وربه ايسمعه 


✍       زهراء البياتي

🌹🌹🌹🌹🌹🌹🌹🌹🌹

ينادي يأالهي وكلبه شب النار

عجل بالفرج مولاي مالي انصار
امكيد بالسجن والعدو بيه احتار
عليه كوم الاعادي اليوم منجمعه


✍    العلويه ام محمد تقي


🌹🌹🌹🌹🌹🌹🌹🌹🌹🌹

تعنت والكلب ماينوصف همه
عله الكاظم هاي الشيعه متألمه
نعازي بها لمصيبه فاطمه امه
اجت تحظر ابنها اليوم ياشيعه


✍    ام سجاد العسكري

🌹🌹🌹🌹🌹🌹🌹🌹


تمت ✍️ باقلام الشاعرات اهل البیت ع
في رابطه ابو الجوداين 
غير مبري الذمه من يغير او يحذف اسماء الشاعرات

🥀قصيده لابو الفضل العباس ع🥀


جاسهه من الهظم ما جاسهه
زينب من امست بلا عباسهه
🥀🥀🥀🥀🥀🥀🥀
صبحت يوم اهدعش زينب تنوح
عگب ابو النوماس ويامن تروح

للنهر صدت ومليانه جروح
گوم لينه بعجل يانبراسها

الشاعره ام منذر الحجار
🥀🥀🥀🥀🥀🥀ر🥀

خويه كوم بساع ياوالينه

تدري يبن امي الشمر حادينه

والكلب عباس زاد ونينه

كوم يااصل الشجاعه وساسها
العلويه ام محمد تقي
🥀🥀🥀🥀🥀🥀ر🥀

كوم يأصل الشجاعه والوفه
شوف زينب عالهزيله امجتفه
بس دمع وهموم من عدكم صفه
ليش تجرح ياوليها احساسها

الشاعره ام سجاد العسكري
🥀🥀🥀🥀🥀🥀

يبو فاضل ليش نايم بلفله
هاي اميرتكم وحيده ابكربلاء
ضلت احمول الها بتكم مايله
من الهظم كوه تجر انفاسها

الشاعره ام عدنان سياحى
🥀🥀🥀🥀🥀🥀🥀
خويه كوم بساع يابو المرجله
ترضى زينب يالكفيل معلعله
بالحرم واطفال هي مكلفه
وعلترب نايم يضل عباسها

الشاعره ام علي البابلي

🥀🥀🥀🥀🥀🥀
زينب الحره الابيه ام المصاب
طاح مدمعهه لجن ظل الحجاب
ليله الوحشه تشاهد عالتراب
اموذر اعله المشرعه نوماسها

الشاعره ام سحر البديريه

🥀🥀🥀🥀🥀🥀🥀

جيت انشدك يالبطل شنهو الجره

وشفت ذرعانه وجربته مشمره
وبعد بلعامود هامه مطبره
بجت بت حيدر وضربت راسها

الشاعره ام وليد الموسوي

🥀🥀🥀🥀🥀🥀🥀

زينب اعلى اخوتهه دوم محسره
نادت العباس سولفلي الجره
تنظر الجفين والله مشمره
صرخت ونادت على نوماسها

الشاعره ام احمد شهد الرضوي
🥀🥀🥀🥀🥀🥀🥀

تمت والحمد لله
✍ باقلام الشاعرات اهل البیت ع
في رابطه ابو الجوادين
لا نجیز حذف الاسماء
نسالکم الدعاء 🙏