TG Telegram Group Link
Channel: جعفر عطيه البزوني
Back to Bottom
جعفر عطيه البزوني
محرم 1445ه‍_2023م
قصيدة الليله الاولى (نزله)

هلال شهر الحزن شفنه ارسومه
تنجرح بيه زينب المظلومه
★★★★★★★★★★★★★؛

بانت ارسوم الشهر شهر الدمع
بيه زينب بالعشيره تنفجع
بيه ونات الثكالى تنسمع
بيه دنيا من الالم ملمومه
★★★★★★★★★★★★★؛

زينب بيا حال ويهل الشهر
والجروح البيها گد عد المطر
بيه گمر هاشم وگع يم النهر
چفوف اديه متوذره بالحومه
★★★★★★★★★★★★★★؛

يوم عشره على زينب فاجعه
تشوف اخوها حسين چثته مگطعه
عالارض مطروح محد شيّعه
بالحوافر جثته موسومه
★★★★★★★★★★★★★★؛

رمله داخلها المصايب تنغمس
على الشاب الما وصل يوم العرس
القاسم الوجهه مثل وجه الشمس
والسمه بفگده انترس بغيومه
★★★★★★★★★★★★★★؛

والرباب الما تهنت بالعمر
عالرضيع الچان عمره ستشر (ست اشهر)
طفه نوره الچان يضوي اعله البدر
من وريده شبه سيل ادمومه
★★★★★★★★★★★★★★؛

ليله عالاكبر تدهور حالها
صار فگد وليدها چتالها
لا تهنت لا تريح بالها
تعيش ويّاه عُمُر ما مقسومه
★★★★★★★★★★★★★★؛

الدنيا ظلت عدو الزينب للابد
لا اخو خلت ولا خلت ولد
شلون تشفه جروحها زينب بعد
كل عمرها گظته مهمومه
★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
627 views
جعفر عطيه البزوني
محرم 1445ه‍‍_2023م
قصيدة الليله الثانيه

سالفتي جروح ما يخلص نزفهن
بس المجروح بجروحي يعَرفهن
شيّبلي الراس يوم الغاضريه
★★★★★★★★★★★★★★★؛

انا الحره بنت الزهره واخت حسين
احچي البيه ومن طاريه تسيل العين

يوم الطف سلب روحي وحياتي
ذكرى البيها تكتل ذكرياتي
هاي البيها متمنيه مماتي

مسلم واسلام سلبو كل بناته
زينب يا يوم تمشي ويه الشماته
ما صارت هاي ما بين البريه
★★★★★★★★★★★★★★★؛

يم الماي ابن الزهره وميّت عطشان
ذبحوه ناس الما تملك كلمة إنسان

ناس اتبره منهم دين الاسلام
قليل نگول عنهم ناس ظلّام
نلعنهم نظل بكل الايام

مِنّ إخواني چنت اخذها قوتي
يعاشوراء منك صار موتي
ذبحوني الگوم من صاحو سبيه
★★★★★★★★★★★★★★★؛

عالشاطي اتبدد كل حلمي ومات الخير
طاح العباس وظل محزن حتى الطير

ماتت سالفتنه الكلها نخوه
عالشاطي انتهت ريحة الخوه
راح الچان بيه گلبي يتروه

ما ظلت روح من راح الكفلني
شبعانه جروح من وادم تسبني
ماتت ويّاه كلمة هاشميه
★★★★★★★★★★★★★★★؛

سالت دمعة عيني وبيها هموم هواي
هَم الخيل وهَم النار وهم الماي

وانه أركض ومشدوهة البال
بين حسين بين اجمع بالأطفال
أو وراي الشمر يركض بيده الحبال

نسحگ حفاي عالنار بجدمنه
واحنه البالناس متزاحم علمنه
ردو هالناس الحكم الجاهليه
★★★★★★★★★★★★★★★؛

أدري حسين مگطع جسمه وكله جروح
وبرغم الصار انده وينك يالمذبوح

هاي بيا وكت صارت تراها
الچانت دوم بخوتها اتباها
هسه طالعه ومحد وراها

وسفه بهالحال يطلع مني صوتي
لا ما انضام لو عدلين إخوتي
على هذا الصار يا روحي شبديه
★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
586 viewsedited  
جعفر عطيه البزوني
محرم 1445ه‍_2023م
قصيدة الليله الثانيه (نزله)

بخدمتك يحسين نبقى عالعهد
على طول الدهر ما نبرد أبد
★★★★★★★★★★★★★★؛

بده شهر الحزن ونْصبنه العزاء
بصوت واحد صحنه تحيا كربلاء
احنه قائدنه وريث الانبياء
خدمة حسين الشرف والمعتقد
★★★★★★★★★★★★★★؛

بينه حرگة عاللطم ما الها حد
دمعة أم تبچي على فگد الولد
بمجلسك يحسين من جد وجد
اليتعب بأولها بالتالي حصد
★★★★★★★★★★★★★★؛

جمّعانه حسين جوه منبره
يباوع اعله الخدم بيده دفتره
يسجل اسماء المجالس بالسره
هذا من حسين للخادم وعد
★★★★★★★★★★★★★★؛

كون وي حسين مخلص بالحياة
والأهم هوه احترام الواجبات
من صلاة ومن صيام ومن زكاة
التزم وحسين يوگفلك سند
★★★★★★★★★★★★★★؛

بموكب الزنجيل لو لطم الصدر
الما يشارك خلي يلگاله عذر
كون واحد تطفي دمعاته الجمر
ترى طعم الخدمه احلى من الشهد
★★★★★★★★★★★★★★؛

كل خطيب بمجلسه ينطي أسس
بالمواعظ والحكم يروي النفس
درس لازم نهتم بهذا الدرس
نعمه هاي أو وين تتحصل بعد
★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
627 views
جعفر عطيه البزوني
محرم 1445ه‍_‍‍2023م
قصيدة الليله الثالثه (العليله)

درب طويل وجسم عليل
يزيّد بلائج عناء الرحيل
يالعليله يالعليله
★★★★★★★★★★★★★؛

درب سفر درب خطر دربنه
الأمر صعب على الجرح ركبنه
هم المرض كسرة ظهر كسرنه
يم حيرتچ دمعة عذر تركنه

يبويه برحيلي يذوب الدليل
واحس بمسيري ابدالچ نحيل
يالعليله
★★★★★★★★★★★★★؛

ارجه رجه من تطلع المسيره
ما اريد اشوفچ ناظري من اديره
محنة وداعچ يبنتي چبيره
لمن تركتچ چن عفت عشيره

يصعب عليه اعوفچ وراي
مكتوب إليه اشگه بضناي
يالعليله
★★★★★★★★★★★★★؛

يا شوف عيني ويا سهر ربانه
يا گلب ابوچ وطيبته وحنانه
قاسي الدهر عن شوفتچ عمانه
يذبحني دمعچ لو نزل ورانه

لو صحتي بابه لو صحتي اخوچ
گبل المنيه تذبحين ابوچ
يالعليله
★★★★★★★★★★★★★؛

خليني اودعچ وامشي بالسلامه
وادري بوداعچ ليلي ما انامه
يا عزم ابوچ أو واهس النشامه
بشوفچ المظلم ينكشف ظلامه

عذراً يبويه فرگة سِنين
تركت امي يمچ ام البنين
يالعليله
★★★★★★★★★★★★★؛

الله اليصبّر گلبچ بعذابه
بين المواجع ينكشف عتابه
الله چبيره رحمته يبابه
حاجتچ يمه فقط دگي بابه

الله برحمته ينوّر الدليل
يعوفچ وحيده لا مستحيل
يالعليله
★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
596 views
جعفر عطيه البزوني
محرم 1445ه‍_2023م
قصيدة الليله الثالثه (نزله)

وداعاً وداعاً يا دنياي
وداعاً وداعاً يا دنياي
★★★★★★★★★★★★★★★★؛

ودعيتچ يا الدنيا من رحيل الغالي
لا طعم بيچ انا احسه لا احس بحالي
قرّبَت مني النهايه الموت يتراوالي
بعد شنهو بهالحياة اليسوه بعد الوالي

جروحي جروحي حيل هواي
وداعاً وداعاً يا دنياي
★★★★★★★★★★★★★★★★★؛

كون تلفيني المنيه كون تطلع روحي
ولا اظل العمر كله عايشه بجروحي
كلشي من حولي احسه للمآسي يوحي
منو اليبرد دليلي ومن يسكّت نوحي

يروحي يروحي طلعي بهاي
وداعاً وداعاً يا دنياي
★★★★★★★★★★★★★★★★★؛

المن اشكي هموم گلبي وغربته ولوعاته
حتى باب البيت يمي ما اسمع دگاته
البيت من دموع عيني انترسن تراباته
المشو من عده عشيره شفايدة دمعاته

مينفع مينفع صب عيناي
وداعاً وداعاً يا دنياي
★★★★★★★★★★★★★★★★★؛

الموت اريح من حياة بلا اهل اگضيها
گمت أحس الديره ظلمه من رحل راعيها
بلا حسين بلا گمرنه الدنيا هاي شبيها
انتهت بالدنيا رحلتي وصرت من ماضيها

يوسفه يوسفه خاب ارجاي
وداعاً وداعاً يا دنياي
★★★★★★★★★★★★★★★★★؛

لا رسول الجاني منهم لا عرفت أخبارهم
راحو وما چن عليله عافيها بدارهم
موحشه الدنيا وكئيبه من رحيل انوارهم
گمت كل لحظه اگوم واشتم بآثارهم

يهلنه يهلنه تاه الراي
وداعاً وداعاً يا دنياي
★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
621 views
جعفر عطيه البزوني
محرم 1445ه‍_2023م
قصيدة الليله الرابعه (ام البنين)

وصيه من ام لبنها يمه عباس
تخلي حسين اريدك تاج عالراس
كل صبح ومسيه تاخذله تحيه
يمه عباس يمه عباس
★★★★★★★★★★★★★★★★★؛

ها يوليدي يالذاخرتك الهاي ييمه
شد احزامك ورد تعبي ورباي ييمه
عزيز حسينه ويستاهل هواي ييمه
تحبه بوجنته وتگله مولاي ييمه

حسين بهالوكت للخوه محتاج
حسينك تاج اريدك تحفظ التاج
من شر البليه تاخذله تحيه
يمه عباس
★★★★★★★★★★★★★★★★★؛

يگلها يا بعد عمري وسنيني ييمه
توصيني على النور البعيني ييمه
اله من الولاده ناذريني ييمه
المن ضامهن گليلي اديني ييمه

يمه هذا اخوي وتاج راسي
إذا مو لجله چا المن اقاسي
ما حاجه وصيه تاخذله تحيه
يمه عباس
★★★★★★★★★★★★★★★★★؛

انا وكلشي بيه لجله منذور ييمه
وحگ عيناچ اصيرن للضعن سور ييمه
لتضنين اعوف حسين مكسور ييمه
تطيح ارگاب بس ما ينمس النور ييمه

گبال اوليدچ الطاهر حليبه
ما توگف تره مية كتيبه
يوم الغاضريه تاخذله تحيه
يمه عباس
★★★★★★★★★★★★★★★★★؛

تگله اعرف يبو النفس الابيه ييمه
كلك مرجله وغيره وحميه ييمه
من خوفي اعله اخوك اوصي الوصيه ييمه
گلب الوالده يحن مو بديه ييمه

گدها والنعم يا بو المراجل
معروف بشموخك يا بو فاضل
تطفي النار بيه تاخذله تحيه
يمه عباس
★★★★★★★★★★★★★★★★★؛

قبل لا يطلع ويضعن ضعنكم ييمه
اوصيكم على زينب اختكم ييمه
عزيزه الهاشميه مخدرتكم ييمه
وديعة فاطمه الزهره ابخّتكم ييمه

هاي ام الحنان الكلها غيره
تظل بحماك يا بدر العشيره
هاي اعظم قضيه تاخذله تحيه
يمه عباس
★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
607 viewsedited  
جعفر عطيه البزوني
محرم 1445ه‍_2023م
قصيدة الليله الرابعه (نزله)

امك يعباس واطلبنك ربه
امك يعباس واطلبنك ربه
★★★★★★★★★★★★★؛

عباسي يا چبير أولادي
عباسي بشوفتك ميلادي

تفتح الروح النظره بين عيونك
هنيال اليصبّحون ويشوفونك
رايح وفرگة وجهك تهد الحيل
هالفتره تگظي شلون گلي بدونك

والعقل وياك ييمه سالبه
امك يعباس واطلبنك ربه
★★★★★★★★★★★★★؛

احساسي يا شبيه الحيدر
إحساسي انته تهزم عسكر

رفعة الراس اعرف وكلك غيره
شخصك يبو فاضل صعب تفسيره
انته العجيب المنك يخاف الخوف
وانته الخذت أول بحسن السيره

گلبك للحسين وهبته من الصبه
امك يعباس واطلبنك ربه
★★★★★★★★★★★★★★؛

نوماسي ياللي صيتك صيتي
نوماسي بالحسين اوصيتي

عينك المن عدها اشوف بعيني
خليها سهرانه اعله حفظ حسيني
يوليدي كون حسين گدامه تطيح
بهايه فقط حگ الربه توفيني

انا للحسين نذرت ابني هبه
امك يعباس واطلبنك ربه
★★★★★★★★★★★★★★؛

يا روحي يا معين اعضيدك
يا روحي خلي ايده بأيدك

منك اريد الدنيا تصبح سوده
والجثث كلها عالارض ممدوده
دمك الغالي رخصه گدام حسين
والكون لجل حسين فر احدوده

الهوه ما اريد يصل يم حاجبه
امك يعباس واطلبنك ربه
★★★★★★★★★★★★★؛

يالهيبه ياللي راسك عالي
يالهيبه بيك كل آمالي

رضعتك بذاك الحليب الطاهر
وادري توفيني برگبتك باچر
لمن يرد مرسالكم كون يگول
گالب الكون ابنچ بيوم العاشر

خل العده هناك تظل متعجبه
امك يعباس واطلبنك ربه
★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
649 views
جعفر عطيه البزوني
محرم 1445ه‍_2023م
قصيدة الليله الخامسه (مسلم ابن عقيل)

عگب فرگة ابوي ودمعة العين
تمسح على راسي ليش يحسين
الوضع مو زين اضنه اجالك خبر عنه
ها يالحسين
★★★★★★★★★★★★★★★★★؛

حميده وشكلي هسه مو حميده على الراح
وداعاً بعد أيامي السعيده على الراح

من شفت حسين وچفه اعله الراس انحط
آمالي بردت مسلم قطره بنص شط
مجروحه بجرح الما يبره ويتخيط

من شفت الحسين اگبل عليه
حسيته اجه وجايب منيه
احس بروحي ونّه اجالك خبر عنه
ها يالحسين
★★★★★★★★★★★★★★★★★؛

يخيمتنه سألته بدمع العيون يعمي
احس برسم وجهك شاحب اللون يعمي

اشعر من جيتك جايب ريحة فرگه
وانا من غياب الوالد روحي بحرگه
يا عمي الدنيا بلا أب ظلمه وخنگه

تغير كلشي من بعده يعمي
الباقي نفسه عندي فقط اسمي
من اللحظه التركنه اجالك خبر عنه
ها يالحسين
★★★★★★★★★★★★★★★★★؛

ترى الوالد يعمي يهدم الحيل بغيابه
من بعده النهار يصير كالليل بغيابه

يا طيبة گلبه ويا حنية روحه
محله حچاياته الچانت كلها ملوحه
يا بويه بنيتك من بعدك مذبوحه

يا يوم ابتسم يا بويه يا يوم
منك باقي عندي ريح الهدوم
يالشوفتك جنه اجالك خبر عنه
ها يالحسين
★★★★★★★★★★★★★★★★★؛

گَلي وعينه تبچي گبل صوته يبويه
يبنتي والدچ كل احنه اخوته يبويه

احنه أهل البيت وبينه الحق يتمثل
ومسلم ما راد الهذا الحق يتخلخل
قدم عمره وذبحوه الناس الجُهّل

مصيبة والدچ اعظم مصيبه
الله يعظم اجرچ يالحبيبه
فدوه راح النه اجالك خبر عنه
ها يالحسين
★★★★★★★★★★★★★★★★★؛

صح ذبلانه بس قوتني شغله بمماته
مسلم نصر دينه وراح لله بمماته

للجنه الوالد راح وانته ابداله
الحصّل مثلك والد يا عم هنياله
مثلك وين نحصّل كافل لعياله

ما دامه مشه وما بيه تقصير
فدوه يروحلك ما دامك بخير
انته باقي املنه اجالك خبر عنه
ها يالحسين
★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
654 views
جعفر عطيه البزوني
محرم 1445ه‍_2023م
قصيدة الليله الخامسه (نزله)

عد عينك يا ضي عيناي سلملي الرايه بيمناي
★★★★★★★★★★★★★★★★★؛

مسلم وتْعَرف بمسلم يا بن عمي
لجل عيونك فدوه مقدملك دمي
تلگاني بظهرك من تتحدى الشِدات
بعيون الباطل باچر يوگع سهمي

ما دامك حاضر وياي سلملي الرايه بيمناي
★★★★★★★★★★★★★★★★★؛

طوع امرك روحي وسيف انا بچفينك
درب الحق دربي وناصر چفي الدينك
ادعو الناس الطاعة أمر الله المعبود
مرسالك حيد ورايح تنگر عينك

تامر يحسين انته بهاي سلملي الرايه بيمناي
★★★★★★★★★★★★★★★★★؛

رايح للكوفه وباچر تلفي الاخبار
يرجع مرسالي يخبرك بالكوفه شصار
والضدك ينگص راسه بهذا البتار
اتحدى الباطل وانا ارباة الكرار

للموت اعضيدك شراي سلملي الرايه بيمناي
★★★★★★★★★★★★★★★★★؛

يخسه ايزيد يصير اعله الامه الوالي
وتظل يحسين بدينك راسك عالي
بس واحد والينه وما واحد ويّاه
انته الأول يحسين وانته التالي

غيرك ما عندي بدنياي سلملي الرايه بيمناي
★★★★★★★★★★★★★★★★★؛

أمر الله نطيعه وحاشه نخالف أمره
البايَع عالراس الما بايَع منجبره
بس الرايد يتحدانه ويشهر سيف
لو مو عاقل لو اصلاً بايِع عمره

ما يتهنه بعمره هواي سلملي الرايه بيمناي
★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
664 views
جعفر عطيه البزوني
محرم 1445ه‍_‍2023م
قصيدة الليله السادسه (الأنصار)

اصحاب الحسين وشنهي من صحبه
كل واحد مكان حسين نص كلبه
حسين بچفه حاملها الرساله
لذلك قدمو دمهم رجاله
كل واحد مكان حسين نص كلبه
★★★★★★★★★★★★★★★★★★؛

لو ردت احجي وأسولف عن رجال الكلها غيره
عشره لو عندي دفاتر ينتهن باول مسيره
صح قليلين بعددهم لكن الهمه چبيره
بالقتال وبالشجاعه واحد يعادل عشيره

ذوله المحد يواجههم بسيفه
واحدهم يدور المعركه بكيفه
منتصرين من الله تعالى
لذلك قدمو دمهم رجاله
كل واحد مكان حسين نص گلبه
★★★★★★★★★★★★★★★★★★؛

بالشكل بيهم تنوع والفرق بس بعمرهم
لكن بقوة عزمهم يعتبر واحد فعلهم
امتلكو اصرار وشهامه وعالنصر ثابت امرهم
عنهم حسين التحدث ماكو اي صاحب مثلهم

اصحابي هذوله البيهم اتباهى
هاي الجمله ابو السجاد گالاها
أصحاب الشهامه والبساله
لذلك قدمو دمهم رجاله
كل واحد مكان حسين نص گلبه
★★★★★★★★★★★★★★★★★★؛

عن حبيب المثل يضرب رجل بالتسعين عمره
فقط بس بالشكل شايب روحه بس للحرب خضره
صاح عد عينك يغاتي يا حسين الدنيا مره
تطيح گدامك رگبنه اوراقك احنه وانته شجره

علينه اعتمد يالكلك وفه وغيره
وعد يبقى العدو گدامنه بحيره
يا اصل الامانه والعداله
لذلك قدمو دمهم رجاله
كل واحد مكان حسين نص گلبه
★★★★★★★★★★★★★★★★★★؛

الدنيا ما تسوه يغالي نترك الدنيا ورانه
احنه بس حسين عدنه بيه نتنفس هوانه
ملك كلشي وبيده كلشي حسين رحمة رب سمانه
چنه عطشانين كلمه ومن حروف اسمه روانه

رغم التعب بس الروح مسروره
كل واحد متاني للحرب دوره
مشغوفين بحسين وجماله
لذلك قدمو دمهم رجاله
كل واحد مكان حسين نص گلبه
★★★★★★★★★★★★★★★★★★؛

نشكر الله من هدانه وصرنه وي حسين صحبه
اليوسع العالم بأسره شلون ما يوسعنه گلبه
لحظه وحده نعيش دونه نحس عشنه العمر غربه
يا سعادتنه الچبيره والگلب ذايب بحبه

نشكر ربنه عالنعمه اللي شفناها
اجمل فتره وي حسين عشناها
واتعلمنه خصله من خصاله
لذلك قدمو دمهم رجاله
كل واحد مكان حسين نص گلبه
★★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
687 viewsedited  
جعفر عطيه البزوني
محرم 1445ه‍_2023م
قصيدة الليله السادسه (نزله)

ويّاك ويّاك يقائد كربله
★★★★★★★★★★★★★؛

وياك كل احنه يبن سيد البريه
عاقدين العزم باسم الله ونبيه
احنه كلنه بخدمتك يبن الزچيه
اگبال عينك ننذبح لجل القضيه

بسيوف بسيوف نحل المشكله
ويّاك ويّاك يقائد كربله
★★★★★★★★★★★★★؛

الك وقعنه العهد كلمة نطينه
بعنه كلشي ونصرتك بالدم شرينه
محزمين حزام ومجهزين ادينه
نعتذر يحسين لو عنك بطينه

مولاي مولاي عذرنه اتقبله
ويّاك ويّاك يقائد كربله
★★★★★★★★★★★★★؛

حسين حتى بالحلم لا ما نعوفك
ماخذه كل الحچي لفظة حروفك
غيرك شعدنه نصير احنه چفوفك
احله من الجنه لو راضي نشوفك

بالروح بالروح نحامي العائله
ويّاك ويّاك يقائد كربله
★★★★★★★★★★★★★؛

ساعة اليمك نجي ونگعد سويه
احله ما بالدنيا هاي الجمعه هيه
حسست كل منه معتبرك اخيه
وتعتبر جَمعتنه جَمعه هاشميه

يا محله ملگاك يراعي المرجله
ويّاك ويّاك يقائد كربله
★★★★★★★★★★★★★؛

ماتت الدنيا بعد من صرنه گربك
بس بقى عايش بوسط الروح حبك
ياللي درب الخير صار بدرب دربك
بعد شيريد اليعيش بوسط گلبك

بالموت بالموت ننادي يا هله
ويّاك ويّاك يقائد كربله
★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
766 views
جعفر عطيه البزوني
محرم 1445ه‍_2023م
قصيدة الليله السابعه (الإمام العباس عليه السلام)


بكلمة خويه أول مره اصيحك
خليني اشم يحسين ريحك
أعتذر يا خويه من هاي ما گتلك يمولاي
بكلمة خويه أول مره اصيحك
★★★★★★★★★★★★★★★★؛

بسيدي يحسين كل عمري اناديك
واحتراماً الك يا مولاي اسميك
هاي أول مره باسمك خويه احاچيك
واعتذر كون بكلامي اتجاسر اعليك

متربي يخويه شما اشوفك
ما تنجاب بلساني حروفك
من امي ماخذ الراي ما گتلك يمولاي
بكلمة خويه أول مره اصيحك
★★★★★★★★★★★★★★★★؛

انا معتبرك إليه بكلشي قدوه
والحياة وياك خويه شكثر حلوه
فقط بس بشوفتك هالعين تروه
ومثلك خوتك والله ماكو بعد خوه

يبن سيد الرسل طه محمد
اعز من روحي احبك الله يشهد
عايش وسط عيناي ما گتلك يمولاي
بكلمة خويه أول مره اصيحك
★★★★★★★★★★★★★★★★؛

شكبر حظي وربي خالقني اعله مودك
بهالحياه موجود اني من وجودك
والله نعمه من صرت قائد جنودك
انته خيمه وانه حاسبني عمودك

گدامك درع حد المنيه
وسند ظهرك تشد ظهرك عليه
بعطش تلگاني الك ماي ما گتلك يمولاي
بكلمة خويه أول مره اصيحك
★★★★★★★★★★★★★★★★؛

انا حسيت بوجودك قبل موتي
وبخجل مكسور جاوب گوه صوتي
فدوه الك يحسين انه وكل إخوتي
انا شاري الموت لجلك يا عزوتي

چانت داخلي امنيتي ورغبتي
گدامك اذبنها رگبتي
واختم بيها دنياي ما گتلك يمولاي
بكلمة خويه أول مره اصيحك
★★★★★★★★★★★★★★★★؛

ودعيتك وانته بالدلّال جمرك
ورحت عني للخيم مكسور ظهرك
يالحضرت بموتتي وبخّرني عطرك
بعد ساعه أعتذر ما اگدر احضرك

وداعاً هاي لحظتها المنيه
بعد ساعه ونرد نگعد سويه
ما تتأخر هواي ما گتلك يمولاي
بكلمة خويه أول مره اصيحك
★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
768 views
جعفر عطيه البزوني
محرم 1445ه‍_2023م
قصيدة الليله السابعه (نزله)

يراية آل هاشم يا بو فاضل
يصگار الصوارم يا بو فاضل
★★★★★★★★★★★★★؛

يعباس الجرح بيدك تشده
تشيل السيف والعايل ترده
وتگص راس الذي يتعده حده
ما دام انته يمي ماكو شده

عقلي بيك هايم يا بو فاضل
يصگار الصوارم يا بو فاضل
★★★★★★★★★★★★★★؛

يبو الغيره الوفي يالرافع الراس
يمن تنگط محنه وغيره وإحساس
عباس ومنو مثلك يعباس
يمن اسمك صبح قبّاض الانفاس

خط الموت راسم يا بو فاضل
يصگار الصوارم يا بو فاضل
★★★★★★★★★★★★★★؛

اختك والتعب بيّن عليه
اخافن من ليالي الغاضريه
يعباس ارد اوصيك بوصيه
وي حسين تبقى للمنيه

كونك تبقى دايم يا بو فاضل
يصگار الصوارم يا بو فاضل
★★★★★★★★★★★★★★؛

انا ما رايده منك جزيه
اريدن وكفت الاخ ويه اخيه
اعرفك واعرف اطباعك وفيّه
انا مربيتك بذرعات اديه

ادري بيك غانم يا بو فاضل
يصگار الصوارم يا بو فاضل
★★★★★★★★★★★★★★؛

اعيش براحه يمك طول الأيام
حشه يمك يخويه بشر ينضام
يمن خليت سيفك درع الاسلام
بصبعك تگلب الدنيا يضرغام

اليظنك سهل واهم يا بو فاضل
يصگار الصوارم يا بو فاضل
★★★★★★★★★★★★★★؛

قليل بحقك الشط من تجيبه
بيدك تفتر الدنيا العجيبه
اعرفك ما ترد خالي يهيبه
لأن وصّاك حيدر بالغريبه

بيدك چفي لازم يا بو فاضل
يصگار الصوارم يا بو فاضل
★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
823 views
جعفر عطيه البزوني
محرم 1445ه‍_2023م
قصيدة الليله الثامنه (الإمام القاسم عليه السلام)

يا عرس يا حنه ووليدي اودعنه
للموت ازفنه ابني الغالي
★★★★★★★★★★★★★★★★★؛

راح من اديه السند والتچيه
من وره مماته اقتربت المنيه
يا عذاب اطيقه انذبحت الحقيقه
وسفه ضي حياتي ينطفي بريقه

راح وعاف دنيانه بالحسرات عشناها
امه البيه أشوف الليل ظلمه الدنيا خلاها

عشت الالم كله عله بثر عله
من فارگت ظله ابني الغالي
★★★★★★★★★★★★★★★★؛

حلمي البنيته ضايع لگيته
عمري وحياتي طاح بثنيته
طفّه مصابه زهرة شبابه
بدمعي وجروحي احمل عذابه

انا الربيت يوليدي ونا الضميتك بگلبي
ما متحسفه لا والله لحسين انذرت تعبي

فدوه انذرت دمك يبني لجل عمك
فدوه رحت لاسمك ابني الغالي
★★★★★★★★★★★★★★★★؛

قبل المنيه وصه بوصيه
گلي ييمه وعينه جريه
ذكري شبابي وحنتي وخضابي
لو شفتي عرسان ابچي المصابي

اذكري كل جرح بيه لو مر عرس گدامچ
وكل شاب التشوفينه اذكري أيامي وايامچ

يمه اعتذر اني توديعچ اذاني
تچويني نيراني ابني الغالي
★★★★★★★★★★★★★★★★؛

الطاهر حليبه ضايع نصيبه
أمشي اسيره هاي المصيبه
مچتوفه اديه بحبال اميه
وراسه اشوفه يباوع عليه

راسك چان يبرالي يدور وياي بالممشه
يباوع صوبي بعيونه وما لحظه طبگ رمشه

رافگني بالمسره ويباري للأسره
عمري على عمره ابني الغالي
★★★★★★★★★★★★★★★★؛

ابني واعرفه شگد روحه ترفه
من دم وريده متحني چفه
گلبي تگطع بالهم تلوع
والروح احسها من جسمي تطلع

آه يالولد ناديته يمن تاركني بالحسره
امك لا تعذبها عليك بداعة الزهره

اتمنه اشمنه وبحضني اضمنه
عالغبره اعوفنه ابني الغالي
★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
850 viewsedited  
جعفر عطيه البزوني
محرم 1445ه‍_2023م
قصيدة الليله الثامنه (نزله)

يجسام دخيلك صاحت الگوم
★★★★★★★★★★★★★★★★؛

في طريق التضحيه في كربلاء
نهض شبل الحسن وبچفه اللواء
شاب ذب كل لذة الدنيا وراه
اختار درب اهله وجميع الانبياء

اتخذ درب النجاة ما تهمه المغريات
داخل اعله الگوم چن طبهم بلاء

يجسام دخيلك صاحت الگوم
★★★★★★★★★★★★★★★★؛

وانته داخل للحرب بيدك لواك
ما عفت واحد وأنطيته كفاك
تحاچي كلمن من بعيد يرد عليك
جايّك بالسره ظل والزم سراك

ما ردت تبقى عدل لا فرار من القتل
وين ما تشرد يظل سيفي وراك

يجسام دخيلك صاحت الگوم
★★★★★★★★★★★★★★★★؛

حين شافو شاب قادم كالبدر
بيّنت بوجوهم خوفه وذعر
وجوهم متوحّده بنفس الشكل
حيث كل وجوهم صارت صفر

ماكو بيهم اختلاف وجوهم كلها جفاف
ناس متعلمه تواجه بالغدر

يجسام دخيلك صاحت الگوم
★★★★★★★★★★★★★★★★؛

نهض واحد من وسط ذاك الجمع
وگام يسأل صاحبه شنهو الوضع
گاله عندك فقط هذا الخيار
لو تفر لو تلگه راسك منگطع
لو تواجهلك اسد ما ترد لهلك بعد
ترى القاسم بالحرب ما ينجرع

يجسام دخيلك صاحت الگوم
★★★★★*★★★★★★★★★★؛

على اجدامه نزل ما راكب فرس
وصاح انا ابن الحسن والكل خِرس
براحته نازل ولا چنه بحرب
واليمر يمه يظل ما بيه نِفَس

بينهم جاسم يمر واليشوفه ينصگر
والتراب من الذبح دم انترس

يجسام دخيلك صاحت الگوم
★★★★★★★★★★★★★★★؛

لا اهم بعُمَر ناده لا يزيد
الخوف عن گلبي ترى كلش بعيد
سيفي ما يهتم بصيدات الزغار
بالسره فرسانكم سيفي يصيد

وانا تدروني تره عمي سبع الگنطره
من دخلت الحرب مرتاح وسعيد

يجسام دخيلك صاحت الگوم
★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
933 viewsedited  
جعفر عطيه البزوني
محرم 1445ه‍_2023م
قصيدة الليله التاسعه (علي الاكبر عليه السلام)

جرحك چبير وعمرك ازغر
الدنيا انتهت بعدك يالاكبر
★★★★★★★★★★★★★★★★★؛

امك گلبها بلا نبض والوجه ساكن دربك
بلكي الجرح يطلع حلم والنبض رد الگلبك
لو بير يوسف غرگك ابقى اعله رحمة ربك
ولحالي حاله ينكسر ويحفظ حياتك جُبك

بعدك تظل روحي اتحسّر
الدنيا انتهت بعدك يالاكبر
★★★★★★★★★★★★★★★★★؛

يا علي يا سر راحتي راحت البسمه الحلوه
لوصالك الفوگ الأرض فدوه اروحن فدوه
صح عدله لكن بس نفس وانگل جدم بالگوه
ادفع ثمن عمري لون چانت حياتك شروه

والصخر لحوالي يتفسّر
الدنيا انتهت بعدك يالاكبر
★★★★★★★★★★★★★★★★★؛

طبعك تنسيني الدمع تنزّل دمع مو طبعك
طبعك تهم بيه شكثر اعليه تنزل دمعك
تالي تسافر شمعتك من الدنيا يخمد شمعك
باقي وصال موذره والگبر راح يجمعك

عمرك الصوب الجنه سيّر
الدنيا انتهت بعدك يالاكبر
★★★★★★★★★★★★★★★★★؛

بين المواجع والتعب بين الصبر بين الهم
خليت امك يالولد بدموعها تتكلم
الچانت تبوس بوجنتك هسه بهدومك تشتم
واصبح وضع امك دمع من امحرم ولمحرم

والشيب وسط الراس عسكر
الدنيا انتهت بعدك يالاكبر
★★★★★★★★★★★★★★★★★؛

رغم المصيبه المؤلمه لكن اتباهى بصيتك
خلتني افخر بالعرب يبني حسن تربيتك
علّيت راسي للسمه من زودك وتضحيتك
مو چن حليب مرضعتك كل الوفه مغذيتك

أعرف حليبي بيك غزّر
الدنيا انتهت بعدك يالاكبر
★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
979 views
جعفر عطيه البزوني
محرم 1445ه‍_2023م
قصيدة الليله التاسعه (نزله)

شد العزم يوليدي يالاكبر
الأول اريدك بالنصر تظفَر
★★★★★★★★★★★★؛

يبني الزلم سلّت مواضيها
البس هدومك واكشخ اعليها
وانه اعرف بچف يمنتك يبني
هيهات واحدهم يلاويها

اهجم وخلي الجيش يتحير
شد العزم يوليدي يالاكبر
★★★★★★★★★★★★؛

اوگف شويه يالورد چنك
خليني حيل الصدري اضمنك
تدري شكثر غالي على گلبي
للحرب ماشي صعبه اشوفنك

بعيوني اشوفك ماشي ما اگدر
شد العزم يوليدي يالاكبر
★★★★★★★★★★★★؛

اصعد مهرتك والعزم شده
ما دام عالحق ماكو اي شده
ذكرهم بجدك الصاگرهم
تگطع رگبته كلمن تعده

ذكرهم بصولات اسد خيبر
شد العزم يوليدي يالاكبر
★★★★★★★★★★★★؛

من تنتهي من جولة المصرع
لو منتصر لو منذبح ترجع
ادريك گدها وتشبه الجدك
گالب الدنيا كون اريد اسمع

بسيفك اريد تزلزل العسكر
شد العزم يوليدي يالاكبر
★★★★★★★★★★★★؛

گَله يبويه وداعت عيونك
انا علي ما اخيب ضنونك
ما دام بالريه نفس بويه
يا زلمه يگدر يوصل ضعونك

كثرة عددهم يمي تتطشر
شد العزم يوليدي يالاكبر
★★★★★★★★★★★★؛

رايد شجاع المنهم ينافس
يلاگيني وجه الوجه لو فارس
مية هلا لو مية الف چانو
ما دام بيه للحرب واهس

يا زلمه منهم للفحل يگدر
شد العزم يوليدي يالاكبر
★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
1.1K views
جعفر عطيه البزوني
محرم 1445ه_2023م
قصيدة الليله العاشره

ها يحسين العطشان گلبك يلهب نيران
خل نگعد انا وياك گعدة توديع اخوان
★★★★★★★★★★★★★★★★★؛

الليله اخر ليله إليه حسين اشوفك بيها
كلمة وداعك يخويه ما ردت طاريها
شوفت عيونك يغالي رايده اشبع بيها
الدنيا بعيوني ظلام أو وجهك محليها

اختك ماذيها البين ذبحتها دموع العين
الموت ارحملي بلياك يا عنوان الانسان
★★★★★★★★★★★★★★★★★؛

اكعد وخليها عيني تشبع من عيونك
اليوم گعدتنه سويه وباچر يذبحونك
من اعز ناسك يخويه باچر يحرمونك
وبعذاب اهلك وناسك باچر يعذبونك

قبلك خوان تطيح وبعدك عدوان تصيح
تذبحنه سياط هناك وتبقى آثار النيشان
★★★★★★★★★★★★★★★★★؛

خلي نگعد گعده حلوه قبل طلعة باچر
ونذكر الأيام ذيچه من قبل منسافر
نمسح دموع المآسي البيها مملي الناظر
منين اجت لينه يخويه كربله والعاشر

خل نشبع منك شوف باچر تشبع بسيوف
تدوسك بالخيل اعداك وما يحصلّك دفان
★★★★★★★★★★★★★★★★★؛

تترك عيالك بحسرة شوفتك يالغالي
تمشي وتخليني احيرن بعدك بأطفالي
تاخذ وياك السعاده والحزن يصفالي
وتبقى كل عمري وحياتي حسرتي تبرالي

ترحل يبن الزهره وتترك ليه الحسره
تكتل فرگة عيناك يالعايفلي الاحزان
★★★★★★★★★★★★★★★★★؛

عشت وياك الليالي بعزتي مهيوبه
لا تخليني وراك من الألم متعوبه
نوبه بجروحي احير وبيك احيرن نوبه
وبعدك الوادم تگلي زينب المسلوبه

ترضاها الناس تگول هاي اختك يالمچتول
يالچنه نمشي حذاك بعدك ويّ العدوان
★★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
1.3K views
جعفر عطيه البزوني
محرم 1445ه‍_2023م
قصيدة الليله العاشره (نزله)

طاح الحسين اعله الثره يا زينب المظلومه
★★★★★★★★★★★★★★★★★★؛

غمض حسين عيونه يا زينب المظلومه
وفارغ رجع ميمونه يا زينب المظلومه
نيتهم يذبحونه يا زينب المظلومه

اعرف الروح مكدره يا زينب المظلومه
طاح الحسين اعله الثره يا زينب المظلومه
★★★★★★★★★★★★★★★★★★؛

عالارض طاحت رايته يا زينب المظلومه
بالحجر صابو جبهته يا زينب المظلومه
من الگفه صارت ذبحته يا زينب المظلومه

والجثه كلها موذره يا زينب المظلومه
طاح الحسين اعله الثره يا زينب المظلومه
★★★★★★★★★★★★★★★★★★؛

ما منه ظل سالم كتر يا زينب المظلومه
كل عظم منه منكسر يا زينب المظلومه
فوگ الصدر صاعد شمر يا زينب المظلومه

بالسيف يگطع منحره يا زينب المظلومه
طاح الحسين اعله الثره يا زينب المظلومه
★★★★★★★★★★★★★★★★★★؛

صدر الصميده منهشم يا زينب المظلومه
داست خيول اعله الجسم يا زينب المظلومه
بالسهم گلبه منجسم يا زينب المظلومه

بالارض جثته مطشره يا زينب المظلومه
طاح الحسين اعله الثره يا زينب المظلومه
★★★★★★★★★★★★★★★★★★؛

حسينچ تسلب ملبسه يا زينب المظلومه
ومن عده سلبو محبسه يا زينب المظلومه
وبذبحه اميه منومسه يا زينب المظلومه

ولا يمه واحد ينصره يا زينب المظلومه
طاح الحسين اعله الثره يا زينب المظلومه
★★★★★★★★★★★★★★★★★★؛

ظل الغريب بغربته يا زينب المظلومه
والشمس تلهب جثته يا زينب المظلومه
آه شعظمها امصيبته يا زينب المظلومه

لا يجي مثله ولا جره يا زينب المظلومه
★★★★★★★★★★★★★★★★★★؛
جعفر عطيه البزوني

رابط القناة @Jaffarattea

للتواصل @jaffarsds
1.8K viewsedited  
جعفر عطيه البزوني
قصيده في نصرة القرآن الكريم
1445ه‍_2023م

نعم نعم للقرآن نعم نعم للقرآن
★★★★★★★★★★★★★★★★؛

من منبر حسين العاش ذكره
رفضنه الرافض القرآن فكره
وعن الذي ما ينجاب ذكره
ما نسكت وحق فاطمه الزهره

نهتف بشهر الاحزان نعم نعم للقرآن
★★★★★★★★★★★★★★★★؛

يظل قرآنه تاج ونشيله
نهجنه واحد وماكو بديله
عراقيين غيرتنه اصيله
الحرگ قرآنه نحرگ دليله

نعلن رفض للشيطان نعم نعم للقرآن
★★★★★★★★★★★★★★★★؛

قضيتنه قضيه عالميه
ضد البغضو اللٰه ونبيه
رفضنه قبل صرنه رافضيه
ونرد نرفض الفعله السويديه

بالگلب تلهب نيران نعم نعم للقرآن
★★★★★★★★★★★★★★★★؛

نعلت الله على الحرگو رمزنه
غذاء الروح المنور دربنه
نفتحه وبيه يستانس گلبنه
شلون يريد نسكت عن ذكرنه (انا نحن نزلنا الذكر وانا له لحافظون)

رمز الوفه والإحسان نعم نعم للقرآن
★★★★★★★★★★★★★★★★؛

وسام اعله الصدر هذا كتابي
كتاب الله مقرون بمصابي
للي راد يبغضني جوابي
ادگ بابه العليه يدگ بابي

اليسكت على الحق خسران نعم نعم للقرآن
★★★★★★★★★★★★★★★★؛

جعفر عطيه البزوني

رابط القناة @Jaffarattea

للتواصل @jaffarsds
1.3K viewsedited  
HTML Embed Code:
2024/06/14 11:55:41
Back to Top