ҲАЁТДАН САБОҚ ОЛИНГ!

Ҳакимлардан бири айтган экан: Кечиримли бўлинг, лекин худди шу ҳолат яна такрорланмаслиги учун уни буткул унутиб ҳам юборманг! Чунки биринчи зарбадан таълим ололмасангиз, иккинчи бор яна зарба қабул қилишга лойиқ бўласиз.

«Ҳикматлар чашмаси»дан

©Устоз Қудратуллоҳ Сидиқметов

@IkromSharif

Инсон ёши ўтгани сари кўп имкониятлардан фойдаланиб қолмаганига армон қила бошлайди. Ўша армонлари ичида энг катталари илм олмагани, устоз ва илм аҳлларидан етарлича фойдаланиб қолмагани бўлиб қолаверса керак.
Чунки бундан бошқа нарсаларнинг деярли ҳаммаси яна эришиш мумкин бўлган ёки энди унга эришиш кўп ҳам қизиқ бўлмаган нарсалар бўлиб қолади.

@IkromSharif

Вақтингизда унум йўқми? Унда бир маслаҳат бераман.

Аввал зеҳнингиздагиларни уч қисмга тақсимлаб олинг:
1. Истакларингиз
2. Эҳтиёжларингиз
3. Заруратларингиз

Кейин шуларни рўйхат шаклида қоғозга тушириб олинг. Истакларингиз ичидан аввал заруратларини биринчи ўринга қўйиб, унга жисмоний ҳаракат билан киришинг. Заруратлар бажарилгач эҳтиёжларга вақт ажратасиз.

@IkromSharif

Отангизни тўйиб-тўйиб қучоқлаб олинг, маслаҳатини олинг, дуосини олинг, хизматини қилиб хурсанд қилинг… Чунки у бирдан йўқолиб қолиши мумкин, отамга ўхшаб…

@IkromSharif

Суҳайл ибн Амр аёли билан сафарга чиққан эди. Йўлда қароқчилар уларнинг йўлини тўсиб, мол-мулклари ва таомларини олиб қўйишди. Кейин ўғрилар ўтириб, тортиб олинган таомларни ея бошлашди. Ўғриларнинг бошлиғи овқатланишда уларга шерик бўлмаётгани Суҳайл ибн Амрнинг эътибрини тортди ва ундан:
- Нега сиз улар билан овқатланмаяпсиз? - деб сўради.
- Мен рўзадорман, - деб жавоб берди у.
Суҳайл ҳайратланиб:
- Ўғирлик қилиб яна рўза ҳам тутасизми? - деди.
Шунда у:
- Мен ўзим билан Аллоҳ ўртасида бир эшик қолдираман, шоядки бир куни ўша эшикдан кирсам, - деди.
Орадан бир ёки икки йил ўтгач, Суҳайл уни ҳажда Каъбанинг олдида кўрди. У зоҳид ва обид кишига айланган эди. Суҳайл уни кўриб таниди ва унга:
- Ким ўзи билан Аллоҳ ўртасида бир эшик қолдирса, бир куни албатта ўша эшикдан киради, - деди.

Гарчи кўп гуноҳлар қилган бўлсангиз ҳам, ўзингиз билан Аллоҳ азза ва жалла ўртасидаги барча эшикларни ёпиб қўйишдан эҳтиёт бўлинг! Шоядки, биргина эшик сизга кўплаб эшикларни очиб юборса...

@IkromSharif

#Оила

Катта манфаатлар учун баъзи ҳуқуқлардан воз кечилади.

@IkromSharif

Уйланиш — қўрғон.
Буни расмдагидек тушунса ҳам бўлади.)))

@IkromSharif

Келажагим учун бошланғич мактабда ўқидим. Кейин: «Келажагинг учун ўрта мактабда ҳам ўқи», дейишди. Кейин: «Келажагинг учун лицейдаям ўқи», деб айтишди. Кейин: «Келажагинг учун бакалавриатда ҳам ўқи», дейишди. Кейин: «Келажагинг учун бир яхши иш топ», дейишди. Кейин: «Келажагинг учун оила қур», дейишди. Кейин: «Келажагинг учун фарзандларни кўпайтир», дейишди. Мана, ёшим 77 га етганда ушбу сўзларни ёзяпман. Мен ҳамон ўша келажакни кутиб яшаяпман. Энди билсам, ўша келажак буқани қувлаб етиш учун унинг бошига қўйилган бир
парча қизил латта экан.
Аммо унга етиб бўлмас экан. Чунки келажакка етиб борилса, ҳозирга айланар экан. Ҳозир эса ўтмишга айланар экан. Сўнгра янги келажакка тўқнаш бўлинар экан.
Ҳақиқий келажак эса Аллоҳ таолонинг сендан рози бўлиши, дўзахидан омон қолиб, жаннатига киришинг экан.

(Изоҳ: Аслида буқа билан курашувчи тореадорлар қўлига қизил латта ушлаб олади. Қизил рангни кўрса буқанинг қони қайнайди дейишади. Унга етиб олиш учун эмас).

«Саодатга етакловчи ҳикматлар - 3»

Кўз қувончи!

Тошкент. Касалхона қабул бўлимига ота 9-10 яшар ўғлини олиб келди. Шикояти, бошидан лат етган, кейин боши оғриб қайт ҳам қилган. Шифокор бироз кўздан кечириб хулоса айтди:
— Енгил шаклдаги мия чайқалиши. Хўш, ёткизасизми ёки…?
Отаси жавоб берди:
— Агар хавфли демасангиз, биринчи ёрдамни олиб, олиб кетаман. Эрталаб ҳолатга қарайман. Бўладими?
— Хавфли эмас, бўлади, — деди доктор.

Биринчи ёдам кўрсатилди ва уйда ичиладиган дорилар, риоя қилиш лозим бўлган тартиблар айтилди:
— Беш кун уйда ётиб шу дориларни ичасиз. Телефон ўйнамайсиз, китоб ўқимайсиз, мактаб дарсларини ҳам тўхтатиб турасиз.

Отаси таъкидлаяпти:
— Беш кун ҳамма айтилганларни қилишинг керак, эшитдинг-а?
Ўғли эса отасига ялт этиб қараб сўраяпти:
— Қуръонимчи, беш кун Қуръон ҳам ўқимайманми, дада?!

Аллоҳим, болакайга комил шифо бер. Қори, олиму боамал қил. Омин!

@IkromSharif

Шарқ мамлакатларида икки тоифадан бирига дуч келасан. Бири диний илмлар билан кифояланиб, дунёвий илмни рад қилади.
Иккинчиси эса моддий илм ва моддий воситалар билан кифояланиб, динни инкор қилади.
Бу икки тоифа минтақадаги цивилизация учун фалокатдир. Улар ҳақиқий дин ва ҳақиқий илмнинг маъносини англамаганлардир.

Мустафо Маҳмуд

@IkromSharif

Ҳувиллаб қолмайди сенсиз бу дунё,
Дўстларинг зор эмас сен билганчалик.
Ўлсам не бўлгай деб сира тортма ғам,
Кетганинг хабари келганингчалик.

Ҳар инсон зотига зарурман дема,
Кимгадир тупроқсан, кимгадир олмос.
Худо сақласин-у, гоҳи гоҳида,
Ҳатто ўзингга ҳам керагинг қолмас.

Муаллиф: Ўткирбек Муҳаммадсобир

@IkromSharif

Жаннатда ўзингиз учун уй барпо этинг! 🌱

Қандай дейсизми?

Пайғамбаримиз Мухаммад Салоллоху Алайхи Ва Салламдан ривоят қилинган хадисда "Ким бу дунёда Аллох учун бир масжид қурса, Аллоҳ у учун охиратда жаннатдан бир қаср қуриб беради".

Масжид Аллоҳнинг уйи.

Масжид қурган одам Аллоҳнинг уйини қурган бўлади.🕋

Масжид қурилишида иштрок этган одам Аллоҳнинг уйини қурган бўлади.🕌

Аллоҳга энг махбуб масканлар бу масжидлардир.🕋

Саидобод жоме масжидининг Қурилишига имкон даражангизча
ўз хиссангизни қўшинг савобидан бебахра қолманг.

Манзил: Фарғона вилояти Бағдод тумани Самарқанд қишлоғи
Саидобод жоме масжиди.

Эҳсон учун пластик картаси
👇
HUMO: 9860030362066679
👇
HAMKORBANK
HUMO: 9860160124399694
👇
Азизхон Мўсахонов номида.
👇
+998916847594
👇
@AZIZXON_MOSAXONOV

Масжид бош имом хатиби
Қосимов Муроджон домла.
👇
+998917422573

@SAIDOBOD_UZ

“Барака сизларнинг ёши улуғларингиздадир”.

Биздаги ижтимоий, оилавий хотиржамлик, файз баракалар шу вақтгача иқтисодий тўқлигимиздан бўлмаган. Биз асосан ота-бобоболаримизнинг Илоҳий кўрсатмаларга риоя қилиши натижалари билан бахтли яшаганмиз.

@IkromSharif

Кеча шу кинони фб.да кимдир улашди. Ўн дақиқача кўрдим, бошидан таъсирландим. Кейин эътибор берибман, кино кинотеатрда телефон орқали ёзиб олинган экан. Кейин кўришни тўхтатдим, қолганини чипта сотиб олиб, кинотеатрда кўришни кўнгилга тугиб қўйдим.

Ўзим медиа соҳасини қисман тушунганим учун айтаман, бу кинога катта меҳнат кетган. Пулгина эмас, пулдан катта нарсалар сарфланган. Уни қўллаш керак. Биз иқтисодий чиқимини бироз кўтарсак, шу ҳам яхшиликка катта ҳисса бўлади. Айниқса, бемаза кино ва фильмлар урчиган ҳозирги пайтда. Ўзи пул тўлаб тушганимиз билан, маданий хордиқ ҳам бўлади ўзимизга…
Оилавий бориш керак.

@IkromSharif

– Сенингча энг хавфли сўз қайси?
– Менимча "лекин".
– Нега?
– Ўзидан олдин айтилган барча сўзларни "ўлдиради!" Масалан, "сени севаман, лекин..." каби..

@IkromSharif

Қоғоздаги ёзув:

"Азиз биродарим, агар пулинг бўлмаса, асло хижолат бўлма, оилангни егуликсиз қолдирма. Марҳамат, нарсаларимдан фарзандларинг учун қанча эҳтиёжинг бўлса, ўшанча олавер.
Зеро, менинг ризқим ҳам, сенинг ризқинг ҳам Аллоҳнинг зиммасида!"
***

Яхшиям сиз борсиз, яхши одамлар!

@IkromSharif

Қанақасини исташимни айтайми?

— Хуллас, ёш бўлсин лекин қайсар бўлмасин. Беозор шўхлиги бўлса майли. Тозаликка эътиборли бўлсин. Оппоқ бўлса яна яхши. Кўчага чиқаман деявермасин минғиллаб. Уйда ўтиришга ўргангани маъқул. Қисқа қилиб айтганда, тарбияли ва ёқимтой бўлсин. Мен-ку унчалик талабчан эмасман, аёлим бўлса, шундай бўлсин бўлмаса, йўқ деяпти. Истаганидек бўлмаса, рухсат йўқ яъни. Аслида буни фарзандларим исташяпти ва қаттиқ кутишяпти. Ўзи шулар учун олиб келмоқчиман. Тўғри-да, шу ёшга кириб мушук боқиб нима қилардим? Болалар хурсанд бўлсин деб кўнар экансиз-да. 🤭

@IkromSharif