انه تكليفي انتظر
لحد ما يگضي العمر
واليناطر ما يفكر گصير لو طال الهجر
__________________
علمتني ام البنين الانتظار
دوم يبقى الينتظر گلبة اعلة نار
والدمع للفاگد يخلي وقار
ومن يطول الجفة يظل الگلب حار
…
تبجي وتسولف تظل وي الدمع
وما تهم ما ينسمع لو ينسمع

هو قانون اليحب
ما يهم من ينتحب
ينفي ذاته اليحب مو يلفت نظر
__________________
ناطرت ذاك الضعن ام الوفاء
وين ما تگعد تسويله عزاء
هي وانه مشترك عدنا اللقاء
اثنينه ننتظر جف حامل لواء
….
اشمحلا جيت الهاشمي وبيدة علم
يطفي نار الما طفت منها الخيم

بالدمع تدعي الفرج
وما على الفاگد حرج
وعينه عمية الي يناطرلة گمر
________________
طب ابن حذلم نده يهل الارض
وسمعت بأسم الحبيب وجت ركض
بينت معنى المحب ذكرة فرض
يمتى لو گالو المهدي انتفض
…
واركض واعرف خبر عن غيبته
انتظر يعني تهمني رجعت

انتظر صوت ال(ظهر)
واركض واروي النظر
وانتقع من عذب مائة اليسوة بجفوفة النهر
________________
ام ابو فاضل لمن سمعت بشر
ابو الاكبر طاح من فوگ المهر
رغم ما ميت بقت هم تنتظر
هذا تسليم المناطر لو نذر؟
…..
وضحت معنى المناطر لليحب
يرجع وكلمن نفى الرجعة جذب

ايبان دخان العشگ
لليناطر محترگ
احترگت وما رضت تطفى النار للفاگد قدر
_________________
ظلت اتون لحد ما طبگت جفن
ويا حسين تصيح في وقت الدفن
للفرج خلت مفاتيح الحزن
الفگد غالي يظل دومة يون
…..
معرفة وطاعة ودمع لجل المغيب
تخلي كل انسان يشعر بالغريب

اليشعر بحال الامام
ما اظن يگدر ينام
شلون تغفة اعيون واحد صاحبة بعالم سهر
………
سيد حسين الفاطمي

يربات الدلال …ارزقيني الوصال
…….
لكل ضريح امشيلة اتمناه ضريحج
الناس خدامج لجن انه جريحج
من الزم الشباج ما الهج بأسمة
اخ يا زينب بعالي الصوت اصيحج
….
هو شيطفي الگلب غير الزيارة
ركضة المحروگ ما تطفيلة نارة
شوكت احرگ گلبي بسمج حتى اوصل
الشام رايد واحد يفضحة انكسارة

تلجمني الجروح…والهج يمتى اروح
________________
شوكت إحّني الباب الاخضر بالبواجي
وبس الـ اخ التنحجي وتگضي المحاجي
وامشي للماتت على طشت الملاگة
ويم رقية انثر ادموعي تراجي
……
يا هظيمة كلمن يفارگة غالي
انه بيام الزيارة شلونة حالي
عايش بغربت دمعتي الكل مُناهة
الشام اوصل واذبح الروح بوصالي

ياخذني الحنين…وتعدي السنين
________
يمتى عيني يصيح عدها حس بكائي
وتنذكر زينب واطيح من النواعي
يمتى استاهل اروح ويالقوافل
و ادرگ الباب اليحققلي ضياعي

…..
يمتى وي الناس ادخل للفواطم
وكون منهن ما يرد شي بيه سالم
كل الانواع التوديني العذابي
اني باجي واني راكض وانه لاطم

اطب ابجي وانوح …و ارد بلاية روح
_________
هنانه اسمع بيها بس جلمة الغربة
هناك غربة تذبح الملجوم گلبة
زينب العاشت غريبة لمن ماتت
بالغرب ما حصلت ماي التشربة
…
كون احس بالماتت وما يمهة اهلها
بغربة الشام الفزع ليها اجلها
كون افهم معنى واحد ماله واحد
ماتت وما حصلت واحد حملها

كون ابقى غريب…واحس بالما تطيب
__________
يا حسافة الروح عاشت بالاماني
وكل سنه تمر وانه ودمعي نتاني
وكل سنه تمر واگول العام امشي
راحت الزوار بس اني بمكاني
….
كلشي يمج واني بس ادعي واحشم
هلبت وياريت يم بيبانج اخدم
بطولة يمشي الگلب ما عاش انكسارة
شوكت اجيلج حتى وسط الشام يهدم

احلفج بالحبال….ارزقيني الوصال

حسين حيدر الموسوي

بأخر لحظة من عمري
غريبة بديرة الشام
وياهو اليفزع النعشي
ويشد بموتي اللثام
احس بموتت الغربة
مثل نيران الاخيام
اليموت وما يجون اهلة
حتى بموتة ينضام


تابوتي طايح…ياهو اليشيلة
وين الهواشم …عدكم دخيلة
حتى بمماتي …جنازة نحيلة
وغايب كفيلي …الشال الثجيلة
__________________
اني ادري بتواليها
البعيدة عن الاوطان
تموت وما يظل عدها
لكبرها يحفرة دفان
سكته اجنازة الغربة
ولا تبجيها نسوان
وحشة اجنازتي ادري
اذا ما بيها خوان

عافوني وحدي ..وانه الغريبة
ويا وسفة بموتي …سكته عجيبة
ولا واحد يبجي… ويعلى نحيبة
وآنه عباسي …امنين اجيبة
________________
احشم يهل المروة
يشيالة التابوت
گومو الفاتحة زينب
النعش لو جيتو مبخوت
اعلة امتون الغربة فشلة
النعش للمگبرة يفوت
الميت لو سمع بيها
يعيش ويرجع يموت

حيهم يسادة …لنعش الاميرة
بتشيعي لازم …تطلع عشيرة
لا تخلوني…بتابوتي حيرة
لو تحدي غربة …كلش جبيرة
__________________
يوسفة اخواني بالحومة
عفتهم فوگ الاتراب
شيالة نعش زينب
دمهم صاير اخضاب
لجن حشمت من ضيمي
يجوني بموتي الاحباب
ما ارضى بنعش هاشم
تحدي الغربة واجناب


بس المصيبة …مذبوحة اخوتي
ولا يمي اهلي …بالغربة موتي
حتى من انادي …من يسمع صوتي
بالغربة بله …اشتنفع نخوتي
_________________
رضيت الغرب تحملني
وما قبلو يحملون
جبيرة يا علي زينب
تظل بعازة امتون
تعبت وانه اتنطر
وهمة اعلية يحجون
هاي الحرمة يا وسفة
اهل ما عدها يبجون

بتشيعي ماكو …دمعة اعلة حالي
انه العزيزة …مدري اشجرالي
بس دمعي ينزل….هو البرالي
وتابوتي حنلي …وخشبة بجالي
……

غريبة زينب

گعدية

(حيهم)جلمة بيها اشكثر ناديت
من التل لحد ما گبري طبيت
ومن التل للتراب ما واحد اجاني
____________________
انه بت هاشم وعزها وحيدر الكرار ابوها
انه المعوديها اهلها گبل لا تنده يجوها
ما جنت اتوقع الحرمة تطيح والعباس اخوها

ومرت مواقف واندهت
بين العشت والي متت
و لصوتي ابشري مسمعت
والمثل حالي ولوها

مواقف بالگلب ارد احجي بيها
شحال التنده ومحد يجيها
جم حيهم صحت ليش ما واحد اجاني
_________________
اول الوگفات عالتل جيته من صيوان طايح
گمت احشم وين اخوتي وبيه عوز الخوة طافح
صحت وينك يبو الاكبر الضوى للمصيونه جارح

ظليت فوگ التل اون
ولا اخو يكف عني الحزن
معقولة ما واحد يحن
ولا اخو يسمع الصايح

اول حال الي من طاح صيوان
ويمشوها بسبي الما عدها خوان
وطول الدرب ناديت وما واحد اجاني
_________________
ادخلت اول وطن غربة لديرة الكوفة اسيرة
العشت بيها اسنين عمري وبيها جان اسمي الاميرة
گعدونا بالخرابة وشاهدت حالة جبيرة

المو هاشمية بالضعن
كلهن لهاليهن مشن
بس العلاوي الي بقن
لأن ما عدهن عشيرة

كل طلاب اجه بنسوانه داعة
بس هاشم ترك خدرة لضياعة
وصحت يشيوخ الازلام ولا واحد اجاني
__________________
من عگب سبي وخرايب ومن عگب حبل وهزيلة
اوصلت للشام ودخلتة وحملي طاح ومن يشيلة
طببوني السوگ ذاگ البي صرت كلش ذليلة

للسوگ بالناگة ادخلت
ومن الضرب انه ملت
وماصحت وبگلبي كلت
يا علي عندك دخيلة

حيهم ما صحت وي طبت السوگ
ما خلوني احجي وعثرو النوگ
بگلبي صحت عباس وما واحد اجاني
________________
بعدة بيه السوگ ياگل البگلبي مخلي جمرة
گالو ابن الدعي اصدر يريد زينب تجي القصرة
من هوان الدنيا امشي المجلسة وادخل بأمرة

طبيت ديوانه وفشل
وبادت اجدامي من الخجل
وسألوني جا وين الاهل
وضحكو وخنگتني عبرة

بجيت وريت ما هل مدمع العين
يزيد من ابجي يضرب راس الحسين
افزع گمت لحسين وما واحد اجاني
________________
عگب كل ذيج المأسي دهري ردني الشام وحدي
خلصت ايام عمري من الهظيمة انمرد جبدي
متت بالشام وغريبة وياهو الي يواريني لحدي

كربلة لا خلتلي ابن
ولا جف اخو بيه اندفن
وتابوتي رايدلة متن
وياهو بالتابوت يحدي

حيهم صحت يا وليان امري
ومت بعازة للـ(ها خوية ابشري)
اريد اعيون وامتون ولا واحد اجاني
…..

عز هاشم ام عون ومن طاح عباس
ظلت ترد بيها وتجيبها الناس
وياهو اليجي يشتمة …الخوانه مو يمة
_________
زينب المخفة دوم بظل اهلها
لمن وصلت كربلة اتطشر شملها
والتموت اخوته ياهو اليبقى الها
وجتفوها الگطعو اجفوف الكفلها

جتفو اديها …ومنعو بجيها
مخنوگة عبرة
هاي البداية… للمالة راية
وجروحة كثرة
……
مال الحمل مال بظعون ابو تراب
بزينب صفى الحال تگعد عالتراب
وحجي الغرب سمة …الخوانه مو يمه
__________
خذو زينب لليسر من يم اخوها
تدير عين اعلة النهر من يضربوها
وين اهلها الگبل لا تنده يجوها
هاي وادم وليه بالغربة ولوها

زحمة وثچيله …طگت العقيلة
اعلة الغيرة عندة
زينب تراهة …الحادي ولاهة
ومحد يردة
…..
محتاجة جف حيد يرد ضيم الاجناب
بس المن تصيح واخوتها غياب
وعدوانه ملتمة …الخوانه مو يمة
_____________
حالها لا ما يسر بس السباهة
تبجي والوادم ضحك تسمع وراهة
ومن علة صوت البجي الشامت اجاهة
والعيون التجري دم طگها وعماهة

بخدها صفعها …الطيحت دمعها
ما يرضى تبجي
العباس اخوها …من يضربوها
بيا حسرة تحجي
….
العلوية يا ناس طگوها على العين
وشيگض الدموع للفگدت حسين
وما يحمل الجلمة…الخوانه مو يمه
————————————
مشت محنية ظهر مكسورة خاطر
وتذبحة الغربة البلا اهلة يسافر
بدرب تمشي منشتل خوف ومخاطر
اليوم يگضي وتنتظر لجمات باجر

شام وخرايب…باجر مصايب
بطبت الحبيبه
وبس هسه زينب …كل عزها يذهب
وتصبح غريبة

اسم المرة كون بس جوه الاخيام
بس تطلع يصير سالوفة بالشام
وحتى اسمه ايلجمة ….الخوانه مو يمه
____________________
طبت الشام ولگت فرحة وهلاهل
وتسمع الناس الشماته والعواذل
مجتفه جبنالكم اخت ابو فاضل
بالحجر گالو هلا بضعن الارامل

بس نسوة وايتام ….بنص ديرة الشام
وبعيدة اهلهم
شيخلص الاضعون …من هاي العيون
ومات الكفلهم

صاحوها بالشام هاي اخت عباس
واعلة اسم زينب. متجمعة الناس
وما نحجي همة…الخوانه مو يمه

مخضب شيبك دم الهامة
و راجع بوية بلاية اعمامة
رايح وقارك…وبادي انكسارك
_____________
رحت من يمي دخيلك طولك محلي الدرب
للصلاة رايح يبوية وما اظن ماشي الحرب
راجع تشيلك الوادم دمك اعليهم يصب
مضرب امثال الشجاعة بيش راسك منضرب

بس لا طبرة سيف براسك
گوة تجر من عدها انفاسك
ولدك تشيلك….جا وينة حيلك
____________
نزف راسك ما يبطل واصل اجدامك دمة
عيونك من الدمة مغمضة من عسى لعيني العمة
ترجف من الطبرة ايدك ذيج المثبتة السمة
مالهّ اعلة المشي طاگة شلون حماي الحمة

مالك حيل تگول احجاية
وصوتك جان يسكت اولاية
من تحجي جلمة …راسك تلجمة
___________
گالو بسيف المرادي سم گلب لون الحديد
لونك اصفر منه صاير وسفة والوسفة شتفيد
العليل يريد طبعة گلي يا بوية شتريد
لون ما تگدر تسولف إشر وشلنا ايد

يكلف جرحك الله يعينك
ما خلاك تشيل ايمينك
انشلت يمينه …الطابر ولينه
___________
تگدر انت على الكلشي وبيدك مرجع الشمس
اخذ عافيتي يبوية ورد مثل حيدر امس
سولف وخليني اسمعك حتى لو تهمس همس
فرحة متروسة امس جيتك وهسة بس دم منترس

جنت اسمع بس امناجاتك
وهسه اسمع يابوية اهاتك
يلجم ونينك …الله يعينك
_________________
يا علي گلبي تشلعة من تغمضها الجفون
ومو علي الكرار جنك اتحيرت بيك العيون
من يجون اضيوف توگف وهسه نايم من يجون
بية بوية ولا براسك سيف ابن ملجوم يكون

كل ذيج الهيبة الشايلها
هسه اضيوفك متگوم الها
سيد الهواشم…من جرحة نايم
_____________
انت للمضطر تجيبة واقرى الك أمن يجيب
ما حسبت بيوم حيدر ترجع لدارك خضيب
يا حبيب الفقرة تبجي مالها غيرك حبيب
مو اصواب الموت هذا ان شاء الله جرح ويطيب

الله يطول بوية بعمرك
يا حيدر والزهرة تحضرك
تگوم بسلامة …يابو اليتامة
….
سيد حسين الفاطمي

يالجاييها اضعونك
وتدري الناس تخونك
ليش لموت اهلك گاصد
ما رشدك وانت الراشد
______________
ارجع يبن فاطمة …اخاف يجيسك الضمة
وثوبك ينصبغ دمة …من نحر طفلك
رحلك هيبة سيدي …ما يتسلب ينفدي
ولمن تسرع بالحدي …ينسلب رحلك

بكل خطى تگرب منيتك تطيح دمعات الحرم
تفرهد ارحامك الناس الما بگة بيها رحم
البالحرب يهظم الوادم باجر تشوفة انهظم

تعرف انت بكلشي
وكل انصارك تمشي
بس سبعين وجم واحد
ما رشدك وانت الراشد
______________
خوفي ايطلع الحجي …لغربتك ديدني البجي
عليمن ظهرك يرتچي…من تظل وحدك

اشمحلى اخوانك بالضعن …وحولك اولاد الحسن
ارجع بيهم للوطن ….مو گصد رشدك

خايف وادري انت خايف عالاخوان وعالولد
اخ واشمحلى الهواشم بالحرب لمن تهد
وانت تدري اليمشي يوگع ماكو الك فارس يرد

اليوگع تتعناله
تظل تلم بوصالة
لمهم من هسه وعاود
ما رشدك وانت الراشد
_____________
وحق اكبر ولد الك …امنيتي ترجع بهلك
الناس تريد تقاتلك …الطلبت بجيتك
تصعب شوفت الشهم …يطشرون ابنه ويلم
ببنك باجر تنهدم …يخضب الحيتك

ضعنك البي علي الاكبر اليشبة الهادي الرسول
يروح من ايدك وجسمة تگطعة سيوف وخيول
لمصرعة تگصد ودربك بالبچي كلش يطول
لمن متعنيلة
ومالك حيل تشيلة
توجع عثرات الوالد
ما رشدك وانت الراشد
_______
يتارس ضعنك افياي …وجاي لشحت الماي
العطش ما يرحم الجاي…يذبل اغصانك
العطش جتال الگلوب …وگلوب النسه تذوب
والسگاي مطلوب …يروي صيوانك

لمن يمشي تظل وحدك توگف وترجع تطيح
تسمع ادركني يخوية وتمشي اله تسابگ الريح
توصلة بس ما يعرفك وانه ابو الاكبر تصيح

ترجع منه اشحالك
تتعثر بذيالك
من شيبة يبين الفاگد
ما رشدك وانت الراشد
_____________
كلشي يطيح الك هان …بس بالضعن نسوان
يرادلها وليان …تحتمي بسدها
الزلم تالها التراب…تطيح ويبقى الاحجاب
تشوفة الناس الاجناب…ومحد يردها

الذبح يجري على السادة وعالحرم يجري الحرگ
يا غيور عليك تكلف بزينبك وادم تطگ
والمرة تستحي تركض وتنهظم من تنلحگ

باجر مامش امعين
بركضات النساوين
خدرك ميرحمة الحاقد
ما رشدك وانت الراشد
______________

يالجنت كاعد بذيج الخيم
واسمعت بيت لعقيل انهدم
لغربته وكسرة …سولف بحسرة
………
سلام الله اعلة جرحك والجروح اهواي
يالعمرك زغير وعطشوك الماي
يالشفت الحرم تركض تدور فياي
انشدك تروي النا اول جرح مولاي

بالدرب جتكم رسالة حزن
بالغرب مسلم مغمض الجفن
اشتحجي عن امرة …سولف بحسرة
_________
بدة يسولف ابو الصادق جرح عمة
جنت بالخمية كاعد واهلي ملتمة
من الكوفة لعد جدي وصل زلمة
انحجت جلمة وحنى ظهرة على الجلمة

جلمتة من القصر مسلم وگع
لغربتة جدي الحسين انفجع
خنگتة العبرة ….سولف بحسرة
_______
اجت تركض ولد مسلم لبو الاكبر
المرسول اعلة ابونا اشگال واشخبر
جدي دموعة تجري وبالحجي اتحير
هظمة يگول ابوكم طاح واتطشر

بيمنته يمسح بروس الاهل
ودمعتة گالت الغالي انجتل
عالخلص عمرة…سولف بحسرة
_______
انكسر شفت الحسين ويكسر الخاطر
يحجي بقتل ابن عمة بگلب شاجر
مثل دمعة حميدة طاح ابو طاهر
واگول الله يعينك من يجي العاشر

ومن اجه عاشر امحرم صعب
حيرته تذبح ابين الغرب
وحدة بالصحرة …سولف بحسرة
__________
الجرح زاد اعلة گلبي وزادت آلامة
ومحرم ما خطتني شمرت اسهامة
شفت حسين طاحت منه الاعمامة
والطبرة على الطبرة على الهامة

من وگع حرگو اعلينا الخيم
واركضت وداست النار الجدم
وناري مستعرة ….سولف بحسرة
__________
يبو جعفر عگب غربة اسد كوفان
دخيلك يالشفت نار وسبي النسوان
اطلب منك امحرم بجي واحزان
الكايل عنه بي فرحت بني مروان

واشجرة بيكم ويفرح نذل
ويا مرة انطگت وصعدت هزل
بالگلب جمرة ….سولف بحسرة

يا فاطمة الزهراء

بيدي هلت اترابج وعيني تهل
كلشي احملة وفگدج الما ينحمل
ما محسب من افگدج هيج اصير
ساعة ميت ساعة ارد اكعد عدل

ابد ما حسبت نتفارك بيوم
ولا حسبت اكلمج ما تردين
ليلية ابچي المگبرة عليج
اون بسمج وانت ما تسمعين

يعني معقولة بمماتج ما الج حيل الكلام
ما اريدج تكلميني بس تردين السلام

اشمحلى اسمي بلسانج …والله مشتاگ الحنانج
_______________
بوحشة گبور و ونيني ينسمع
ومن سكوتج ما سكت بيه الدمع
فاطمة انه علي ليش السكوت
لو حجيتي يمكن يلجمج ضلع

يمكن جرح صدرج لسة ما طاب
ولسة ايدج بعدهي فوگ الاضلوع
جا شمسوي بيج الدافع الباب
اذا باللحد گلبج بعدة موجوع

فاطمة اشكيلي همج بس اريد اسمعلي صوت
كسر البسمار ضلعج وانه كاسر گلبي موت

هاي شدة مدري فرگة…بابج وگلبي تحرگة
_______________
ما محسب هيج عگبج انكسر
ماكو امل جية الج حتى انتظر
عگبج اشما عاينت عالباب اطيح
ومثل ما عصروج كل يوم انعصر

فگدج كسر اضلوعي وخذة الحيل
ومن بيتي الج گمت اعثر اهواي
بوجودج من امشي راسي مرف
وهسه بانت الكسرة اعلة ممشاي

داخل بگبرج يزهرة وانه حماي الدخيل
لو تردين اعلة دارج لو الم ولدي واشيل

استضعفتني الناس عگبج ….يالحنين اعلية گلبج
_____________
فاطمة عگبج بقل جلمة انكسر
ال(وين امنا )خلت بگلبي جمر
من ارد منج ينشدوني عليج
ما ترد البيتها وتنسى الگبر

امل عدهم تردين اعلة الديارة
وانه غاية آمالي ردة اجواب
انه امتانيج فوگ الگبر كل يوم
و اولادج يتانونج على الباب

البيت كلة يصيح بسمج وعطرج الما ظن يروح
وين ما نكعد يزهرة ريحتج يمنا تفوح

وين ما نكعد ننوح ….عايشة ويانه الجروح
_________
فاطمة بليلة اجيت وصحتي رد
هسه زينب گاعدة تدور نشد
وارجعت اركض شفتها ودمعي سال
بثوبچ اتلگتني گالت بوية اخذ

اخذ ثوب امي ليها هلبت تعيش
انه ميتة وعشت عالثوب ايام
عطرها يفزز الميت من اسنين
اذا ما ترجع امي بوية ما نام

وهذا حالي بين گبرج بين ارد ليها التنوح
انتي اخذتي حيلي مني وبنتج اخذت مني روح

اجي يمج انكسر…وزينب تگصر العمر
_______________
تورثج زينب يفاطم كل جرح
بس عليج تزود يا وجه الصبح
انتي متي لأن جتفوني بحبال
وزينب تشوف الاهل من تنذبح

تخافين اعلة زينب تبجي بالليل
جا باجر شلون بكربلاء شلون
تظل من غير اخو ما بين الاجناب
واسياط الشماتة تكسر الامتون

هسة تبجي لفكدج انتي وباجر لفگد العمام
تصيح حيهم يا ال هاشم راح يدخل ضعني شام

ماكو واحد ينتهظ …والاخوان اعلة الارض

تضمين ليش همومج بصدرج
وانه الشفت كل الجرة بعمرج
بعيني عذابج…واضح مصابج
وگدام عيني الوادم تزجرج
_________
ليش ونج خفي ودموعج خفية
ليش حزنج ما تبينينه اليه
وانه شفتج طايحة اباب الرزية
احجي هلبت يخف حزنج يالزجية

كل جرح بيج اندلة يالزهرة
لأذني وصل صوت الضلع كسرة
شتخفين عني…واسمعتة بذني
وانكسر گلبي من اسمعت كسرج
______________
الحزن من ما ينحجي يتعب دليلج
سولفيلي من گبل ساعة رحيلج
محني طولج بالمشي ولمن اجيلج
ينعدل طولج وتمشين اعلة حيلج

تتحملين الالم واللوعة
المثلج اديه متفارگ اضلوعة
شكد وفة عندج يالزهرة انشدج
وانتي اعلمودي خافية امرج.
_____________
اهواي صار وما شفت وجهج يزهرة
وجهج اتغطينة بيدج من انظرة
ادري عينج بالضرب صايرة حمرة
وهذا جفج باقية بي اثر جمرة

شتخفين جرحج عن اليشوفج
ضميتي عينج بانت جفوفج
هظمتني ادينج…الله يعينج
محترگة بس الله الذي يصبرج
_____________
الزهراء…

يا علي شحجي اخاف تموت غيرة
وانت تدري الحرمة من تنولي جبيرة
گلت حيدر موصى بس ما تظل حيرة
انت گاعد لجن تفزعلي عشيرة

كل ضني من يتجرأ الظالم
تفزع لصوتي كل بني هاشم
محد فزعلي…وظالم دفعني
بال(وأن)گالو فاطمة گدرج
________________
يبن عمي خافية عيوني ودمعها
لأن ما اكدر افتحها من وجعها
ترس جفة بدمها من قنفذ صفعها
مغمضة ليلي ونهاري من وضعها

مشتاگة اشوفك لاجن عيوني
ما ادري من الضرب يعموني
مو فقط سطرة …الضربات كثرة
ما نشتفى گالو الي بكسرج
_____________
كلشي احجي لچن اترك جرح صدري
هسة بوجاع الكسر بس الله يدري
راح يتبين الك من يگضي عمري
من تغسلني ويمر جفك بكسري

لمن تلمسة ينخطف لونك
وتبجي لحد ما يعمن عيونك
وتنكسر كسرة…ما الها جبرة
وتصيح يبقى جرحج بگبرج

استشهاد مولاتي زنيب صلوات الله عليها

بوداعي …محتاجة اخو وماي وعلم
بوداعي…رايدة ينصبولي خيم
بوداعي…اهواي الاماني وياهو الي يحس بالالم
______________
اخر محطات الحزن وليلة وداع وي الدمع
الما باقي بس هو الي ودمع الغريبة ينسمع
مشتاگة عيني وتنتظر بتشيعي راية تنرفع
واخوان تحمل جثتي ومن المصيبة تنفجع

ويبجون …وبجي الاخوان يزيل عني الغربة
اينوحون….وبلا بجي اجنازة مرة اشكد صعبة
وعباس…فوگ الگبر بدموعة يوگف گلبة

وينعاني…يختي ويمهد اول عمر
ينعاني…وبجفوفة ادخل للكبر
ينعاني…وعيونه تبجي وما يظل بيهن سهم
________________
هي امنيت غربة وهجر واني ادري ما بيها امل
انه الوحيدة الي شفت جدامي مذبوحة الاهل
بس الگلب لمن يحن يريد اهلة لو حل الاجل
حن الخشب وانه انتظر وتابوتي ناگع بالخجل

مطروح …نعشي وبقة بعازة اجتاف اتشيلة
مجروح…حتى الخشب دمعة اعلة حالي ايسيلة
مهظوم …ذاك اليناطر عين اهل تبجيلة

مهظومة …حتى النعش ما بي اسم
مهظومة….معقولة ما عدهم علم
مهظومة…ما درو بتهم بالغرب اهل الشيم
________________
ما عشت حال مدللة من عگب طيحت كافلي
وامنيتي اموت مدللة ومجتمعة يم گبري هلي
والينشد اعلى اجنازتي يگلولة زينب بت علي
اسمي الغريبة بهالوطن واتمنى ينرد قدري الي

والناس …تعرف بقدري وتنتحب لمصابي
وتشوف…يم گبري ملتمة بحزنها احبابي
وايام…تنصب خيم تعزية وتفتح بابي

بتشيعي…شيعني بس حجي الغرب
بتشيعي…گالو گضت من الضرب
بتشيعي…موكب شماتة وحتى نعشي ما سلم
_____________________
مو لازم اهلي بهالوضع كلهم يحضرون النعش
انه رجاي بجم اخو عافوني من ليل اهديش
وتلاگة وي ذاكة الذي صدرة بحوافرها انفرش
واصرخ متت من فرگتك يلي متت من العطش

و اوداع …املاگة يصبح وافز وي آلامي
يحسين…گلبك روى لو لسة بعدك ضامي
والروح…تذكر حرگتك وي حرگ اخيامي

احلامي…حتى بمماتي ما كضن
احلامي…بالمنذبح ضامي حجن
احلامي…ايگولن اجه وانه ادري دلالة انثلم
____________________
ايست روحي وانزلت وحانت الساعة الدفنتي
من نزلوني للگبر بالغربة خلصت قصتي
لاجن لمن هال الترب بالگبر حضرو اخوتي
حنيت لمن شاهدت متجمعين بموتتي

هليت ….دمعي لجن دمعة فرح بجفوني
وتانيت …اخوتي بموتي ودفنتي يحضروني
والصار …التانيتهم عگب الدفن لاگوني

لاگوني…وگلبي صرخ شوگ وحجي
لاگوني…بموتي ومتت من البجي
لاگوني …املاگة عگب افراگ جالعين وسهم
________________
يا هلا بجيتكم الي ومتنومسة بهالجية
جا شنهو عطلكم عليّ من سبليت ايدية
ما عاتبنكم عالمضن واعلة العتب ما بيه
بس اعتب بيوم الذي سلبو گدر علوية

بالشام…لمن دخلنا للقصر والوادم
ديوان…ما بين شامت بينه ذاك الشاتم
واخدور…حيدر علي بنص الزلم ما راهم

نادينا…وين آل هاشم بالفزع
نادينا…نسوان وبنص الجمع
نادينا…بس ماكو منكم يخوتي واحد ولم