TG Telegram Group Link
Channel: دروب الفرح ^_^
Back to Bottom
يُنقذ الله الغرقَى، ويهدِي الحيارَى، ويُلملِم شتَات المُذبذبِين، يجبُر المُنكسِرين، يرى الضّعف، يعلَم قِلَّة الحِيلة والعَجز، يمنَح الفُرص، يفتَح الأبوَاب، يبسُط يدَه ليلَ نهَار، خزَائنه مُمتلِئة عن آخِرها، قيومٌ لا يشغَله أحدٌ عن أحَدٍ.. فاطمئن💜
💌 (یَقُولُ لِصَـٰحِبِهِۦ لَا تَحۡزَنۡ).

لَملِم جراح صاحبك.

✒️ وليد العاصمي

استغفر الله وأتوب إليه
اللهم صلّ وسلم على سيدنا محمد
#سورة_الكهف
#ساعة_الإستجابة
اذكروا جدّي وجدّتي - رحمهما الله - بدعوة ❤️
ماف زول في الدنيا دي بتمنى يحتاج ليهو لِزول مالم تكن الظروف هي البتجبر مرات
و عشان الجملة دي بس مفروض أيّ زول يعافر في الدنيا دي اتجاه غايه واحدة (ما يكون محتاج لِزول) ❤️ .
متوفر حجز طيران من بورتسودان لكل الوجهات
بورتسودان ⬅️جدة
بورتسودان⬅️ القاهرة
بورتسودان ⬅️مسقط
بورتسودان⬅️ الشارقة
بورتسودان⬅️ دبي
بورتسودان⬅️ عنتيبي
بورتسوان⬅️ البحرين
بورتسودان⬅️ أسمرا
بورتسودان⬅️ أديداس أبابا
مباشر وترانزيت🔄
كما يوجد إصدار تأشيرة سلطنة عمان السياحية 🫰
بأفضل الأسعار ان شاء الله 💙
وكالة دار الأرقم للسفر والسياحة
0123241383
0919639886
@Small_Eng98
#عبدالرحمن_عزالدين
أفضل ثلاث ساعات يوميا في رمضان لا تفرط فيها مهما كان الثمن ثلاث ساعات بعدد أيام الشهر يكون المجموع (٩٠) ساعة وهن كالتالي …

١- الساعة الأولى : عند الإفطار جهز فطورك باكرا وتفرغ فيها للدعاء فإن للصائم عند فطره دعوة لا ترد إدعي لك ولأحبابك ولا تنسى أموات المسلمين فانهم يحتاجون منك الدعاء

٢- أما الساعة الثانيه فهي اخر الليل إجعلها خلوة مع الله سبحانه فأنه ينادي هل من سأل فأعطيه هل من مستغفر فأغفر له فأكثر فيها من الإستغفار

٣- أما الساعه الثالثه فهي جلوسك بعد صلاة الفجر في مصلاك حتى الإشراق

هذه تسعون ساعة واحرص على باقي الوقت بالذكر وأجتناب الغيبه فإنها تحصد الأعمال واعزم إلا تفوتك صلاة فريضه واستغل النوافل فإنما هو ثلاثين يوما فقط

خلي بالك دول ​‏​‏​‏​ثلاث أدعيه لا تنساها في سجودك

اللهم إني أسألك حسن الخاتمة

اللهم ارزقني توبةً نصوحه قبل الموت

اللهم يا مقلب القلوب ثبت قلبي على دينك

**خليها على صفحتك، تذكرة لك ولمن تحب*،
Forwarded from صفِيّة مُصطفى|شُكرًا وعفوًا🇵🇸 (صفِيّة مُصطفى 𓂆)
أمس بالليل كنا قاعدين كده ما عارفين نعمل شنو في العشا
بعد شوية كل واحد فينا بقى يقول مقترح لي حاجة خفيفة وسريعة، وإذا بنا بعد دقايق نملا الصينية ما شاء الله والخير باسِط!

أثناء ما طالعة ونازلة في تايم لاين ملان بي تهاني وتبريكات رمضان
كنتا بشوف منشورات لي جدول فيهو أصناف فطور عشا سحور طيلة شهر رمضان، وناس بتشارك في صينيّة وسُفرة فطورها في رمضان وأصناف أشكال ما ليها أول من آخر ما شاء الله!

اتذكرت اخوانا هناك، عرفتوهم؟؟ اللي تم استدراجهم بي مؤونة جايَّاهم وفجأة حصل الحصل!

اتذكرت اخوانا اللي نزـحو معانا من الخرطوم، لكن ما نزلو في بيوت إيجار ولا مع أهلهم وإنما في معسكرات وخِيَام ومدارس!
يا ربي حالهم كيف؟! ..وبفطرو على شنو؟ ..

ياخوانَّا عايزة منكم حاجتين بَس
الأولى تتذكرو إنو الحال الانتو فيو هسي ده أحسن من حال ألف غيركم، تحمدو ربنا عليو صباح ومسا ..

والتانية،
قبل ما ترفع بوست Ramadan vibes، ارفع صحن لي جارك الما عندو حق الفطور
وارفع بوست تبرّعات ماشة لي ناس منتظرين جنيه وجنيهين مني ومنك
ارفع يدّك بالدعاء للبلد ولي اخوانا المسtضعفين في بلاد المسلمين التي نعلم

قبل ما اقفل البوست ده، حابة أقول إنو تُقى صحبتي شغالة إفطارات في معسكر السرايا دنقلا،
اتصدّقو في حسابها ده:
2228653
بي اسم: تقى عبد الوهاب عباس

واتذكرو إنو رمضان ده شهر خير وصدقاتنا فيو مقبولة بإذن الله فما تحرمو نفسكم الأجر، واتذكرو الآية دي:

﴿ها أَنتُم هؤُلاءِ تُدعَونَ لِتُنفِقوا في سَبيلِ اللَّهِ فَمِنكُم مَن يَبخَلُ وَمَن يَبخَل فَإِنَّما يَبخَلُ عَن نَفسِهِ وَاللَّهُ الغَنِيُّ وَأَنتُمُ الفُقَراءُ وَإِن تَتَوَلَّوا يَستَبدِل قَومًا غَيرَكُم ثُمَّ لا يَكونوا أَمثالَكُم﴾

وإذا ما عندك، احتسب أجر الصدقة بي شير للبوست ده وانتا ماشي♥️") ..

#صفية_مصطفى
ونشكو اللهم لك ضعفنا وهواننا على الناس
اللهم جبرا يتعجب له أهل السموات والأرض بإسمك اللهم ندعو ونرجوك😭
Forwarded from صفِيّة مُصطفى|شُكرًا وعفوًا🇵🇸 (صفِيّة مُصطفى 𓂆)
أمبارح واقفة في المطبخ، وعايزة اشتغل في البوتجاز قدر ما حاولتَ اخرش الكبريت ما راضية تولّع لَي عشان نوعا كعب
وأشيل وأحاول وما عندي طريقة إني احرَد العشا واعمل اندومي بي البويلر عشان خلاص القصة بقى فيها زوجي قُرة عيني ولازم نرُص صينية تسكِّت الخَشَّامة🤣

وأنا لسه واقفة في مرحلة الكبريت، العود الأول ما زبط والتاني والتالت والعاشر
فَضّيت الكبريتة دي كلها في المسطبة أظني لغاية ما الحمدلله والشكر لله ولّعت معاي بعد قَوَّمت لَي نَفَسَي وزَهّجتني🤣!!

أها في عز الموقف ده سرحتا بي خيالي في كمية الأعواد الخرشتها دي عشان بَس اولّع لي نار!!

وجا في بالي محاولاتنا في جهاد أنفُسنا عشان نواصل في طريق ربنا!
كم عود كبريت خرشناهو في طريقنا ده !!
محاولاتنا في الحجاب
محاولاتنا عشان نحفظ جزء عم وتبارك
محاولاتنا عشان نطلع من بيوتنا بدون نتعطَّر
ومحاولاتنا في غض البصر

اتذكرتا محاولاتي في إني احفظ القرآن وكيف لسه بجاهِد عشان احفظ الآية والآيتين
أول سنة نزلتا مركز تحفيظ
والسنة البعدها مشيت معسكر مقفول
والسنة التالتة بديت حلقات أون لاين
والسنة الرابعة بقيت احفظ براي لما النت قطع
وهكذا
احفظ يوم واقيف شهرين ولسه ما حفظت!
ولغاية ما أموت حا يكون هدفي وأُمنيتي في الحياة دي إني احفظ القرآن واحفّظو لي أولادي بإذن الله

وهكذا ياخوانَّا ..
كل زول فينا عندو عبادة بجاهد نفسو فيها
العايزة تتحَجّب، والعايزة تغض بصرها، والعايزة تخلّي الأغاني والعايزة تبطّل المصافحة

كم عود كبريت خرشناهو في طريقنا ده ؟!
في النهاية
وزي ما إننا حاولنا كتير عشان العود يولّع معانا وما كسرنا الحنك
هوَ السيرُ في طريق الله
زي أعواد الكبريت
ح نحاول مرة واتنين وألف
نخلّص صندوق كبريت وما نكسر الحنك
نجيب البعدو وما نكسر الحنك

يا وصلنا لي مُبتغانا ونجحنا في جهاد نفسنا
يا مُتنا ونحنا بنحاوِل نولّع عود كبريت♥️!

#صفية_مصطفى
اللهم أجبر بخاطري جبرا أنت وليه
اللهم صبرا على ما لم نحط به خبرا
Forwarded from صفِيّة مُصطفى|شُكرًا وعفوًا🇵🇸 (صفِيّة مُصطفى 𓂆)
لأول مرة أحس نفسي زاهدة في الدنيا دي قدر كده!!

زمان دايمًا بحس إني نفسي أعيش وانبَسِط باللحظة وأسعى لي إني اشتغل شغل كويس اعِز بيو روحي وناس بيتنا
بعد الح.رب والنز.وح الوضع بقى مختلف

بقيت ما بنقنق زي زمان لو لقيت العيش بايت ما جديد
عشان الحمدلله في عيش وغيرنا ما لاقي

ما زعلتا عشان ما عُسنا آبري
لأنه أهلي في الجزيرة ما عندهم كهربا ليهم شهرين وبشربو موية من الزير
الحمدلله نحنا عندنا عصير!!

ما اتجرَّستا من قطعة الكهربا زي رمضان الفات
عشان نحنا قاعدين في بيت وضُل وغيري قاعد في المعسكرات ومظلات الزنكي والحصير

صاح ن.زحنا وطلعنا من بيوتنا، لكن لسه عندنا خيارات ناكل شنو وما ناكل شنو
عندنا تلاجة وموية باردة وسرير ننوم فيهو وملابس نضيفة وحلوة لابسنَّها

المرة دي نحنا فقدنا كتير
بَس كِسبنا أكتر
كِسبنا الرِّضا واليقين واتعلّمنا نكون شاكرين حامدين ونعاين لي الناس التعبانين أكتر مننا
اتعلمنا نكون رحيمين بي غيرنا، واتعلّمنا ندّي اللقمة لي الجيعان ونمد يدنا لي المحتاج ونقيف مع العيَّان ونشوف ليو علاج
اتعلمنا نرفع يدنا بالدعا ونقول يا رب ليك الحمد نحنا كويسين وأهلنا بخير!

صاح قَد ما نكون تامّين لامّين
لكن كويسين ياخوانَّا وأحسن كتير من غيرنا
نحمد ربنا ونشكرو خيرو باسط ويدّو ملانة وعطاياهو علينا ما ليها حَد

يا رب حامدين وشاكرين، يا رب تديم علينا نعمة الأمن والعافية والستر

ما ننسى ياخوانَّا نرفع يدنا لي ربنا بالحمد والشكر
ونمد يدنا لي غيرنا بالصّدقات

وزي ما قلنا قُبَّال كده
تُقى صحبتي شغالة إفطارات يومية في معسكر نازحات دنقلا (معسكر السرايا)
ما تحرمو نفسكم من الأجر، اتصدّقو في حسابها ده:
2228653
بي اسم: تقى عبد الوهاب عباس

وإذا ما عندك، احتسب أجر الصدقة بي شير للبوست ده وانتا ماشي♥️") ..

#صفية_مصطفى
اللهم إنك عفو كريم تحب العفو فاعف عنا
وما الدهر الا جامع ومفرق
اطمئن ياصاحبي :

‌‏"يأتِ بها الله وإن بعُد المنى وتقطعت الأسباب، يأتِ بها الله وإن دنا اليأس وتوارت الآمال، يأتِ بها الله غيثًا ورحمة وإن دنا الجدب وعزّت النضره، يأت بها الله فجرًا وإشراقًا وإن غاب النور واستبدت الحلكه، يأت بها الله فرجًا من بعد كرب ويُسرًا من بعد عسر وسرورًا من بعد حُزن..!!"
اللهم إختر لي ولا تخيرني💚
وأفوض أمري إلي الله إن الله بصير بالعباد
والطف بنا فيما تجري به المقادير
HTML Embed Code:
2024/03/29 08:55:12
Back to Top