ቅናሽ
.. ጥራት ያለው የስዕል ሸራ ..

#አውስትራሊያ እንጨት(ቋር የሌለው ጥርት ያለ)
# 1ኛው መርዶፋ ጨርቅ
# በአሪፍ ቀለም እና ኮላ በጥራት የተቀባ

640= 100×100
580= 90×90
520= 80×80
460=70×70
400= 60×60
340= 50×50
260= 40×40
200= 30×30
150= 20×20

😊 ማመን ማየት ነው 😊

😁አድራሻ በስምምነት 😁
🙏 ይደውሉ ብቻ🙏
09 3044 3044

«አስተናጋጅ!»

“ኧረ አይባልም! ”

«እናት... እናቱ! »

“ሆ ሆ... አንድ ፍሬ ልጅ ናት ! ብትወልድ ታደርሳታለህ። አታፍርም? ”

ግራ እጄን ሰቅዬ እንድታየኝ ማውለብለብ... ጀመርኩ።

“ ኧረ እጅህን አውርድ። ይሄ የትምህርት ቤት አመልህ አለቀቀህም? በስተርጅና እጅ ሰቅለህ ቲቸር ቲቸር ? ኧረ እንደ እድሜህ ሁን ... ”

ላጨበጭብ እጄን አዘጋጀሁ።

“ነውር ነው ! አይጨበጨብም! የሰለጠነው ዓለም ቢሆን በጋርድ ገፍትሮ ያስባርርሃል...”

«እንዴ? ታዲያ ምን ላድርግ? »

“እስክታይህ ጠብቃት...”

ጥብቅቅቅቅቅ።
እስከ ምናምን ጉዳይ ለምናምን ሰዓት ድረስ...

ሰለቸኝ።

«ልታየኝ አልቻለችም! ወይ ላጨብጭብ ... ወይ ሄጄ ልጥራት ወይ እንውጣ»

“ታገስ!”

ትግስስስስስስስ
እስከ ምናምን ሰዓት ከሩብ ድረስ...

ተውኳት...
ረሳኋት...
የት እንዳለሁ፣ ምን እንደምፈልግ፣ ለምን እንደምጠብቅ... ከማን ጋር እንደተቀመጥኩ ረሳሁ። ረሳሁና በሀሳብ ጠፋሁ። ድንገት ቀጭን ድምፅ ቀሰቀሰኝ...

«ምን ልታዘዝ? »

ቀና ብዬ አየኋት። አየሁና ከአፌ ይወጣል ብዬ ያልጠበኩት ቃል ወጣኝ

«ይቅርታ... ትንሽ መቆየት ፈልጌ ነበር!»

ፈገግ ብላ ዞራ ስትሄድ፣ ያመለጡኝን ቃላት ለማፈን በሚመስል የዘገየ ችኮላ እጆቼን አፌ ላይ ደፈንኳቸው። ዞር ዞር አልኩ። ብቻዬን ነኝ። ማን ነበር ታዲያ ቅድም ሲሞግተኝ የነበረው? ማንም አልነበረም። ብቻዬን ነበርኩ።

ዝም አልኩ... በዝምታ ግን አስተማረኝ።

የምፈልገውን አላውቅምና ... ኮተት ለመጠየቅ ስሙን በከንቱ አልጠራውም። እንዲታዘዘኝ ብዬ “አባ!” “አባቴ!” አልለውም። ሁሉን ማየቱን ክጄ፣ እንዲያየኝ ብዬ እጄን በከንቱ ወደላይ አልሰቅልም፣ ትኩረቱን ለማግኘት ብዬ እጆቼን አላውለበልብም። ጆሮውን ወደኔ እንዲያዘነብልልኝና ፍላጎቴን ሰምቶ እንዲያሟላልኝ ብዬ አላሸበሽብም አላጨበጭብም። በራሱ ጊዜ እስኪያየኝ ልታገስ በሚል የተጠናና የተሸመደደ ጥበቃ... ከልብ ባልሆነ ትዕግስት ባለሁበት ተቸክዬ.. ልብና ኩላሊት የሚመረምረውን አልፈታተነውም።

ስጠራው ቢመጣ ምን እንደማዝዘው አላውቅም። ምን እንደምጠይቀው አላውቅም። ነዝንዤው «አቤት? ምን ልታዘዝ?» ቢለኝ ይሄኔ መልሴ «ይቅርታ... ትንሽ መቆየት ፈልጌ ነበር!» ሊሆን ይችላል።... የማላውቀውን እንዴት ልምረጥ? ያልገባኝን እንዴት ልጠይቅ? ዝም እላለሁ።

በክብር ስሙ ብጠራውም ፣ በፍቅር ስሙ ብጠራውም፣ እጄን ብሰቅልም፣ ባውለበልብም፣ ባጨበጭብም ከእንግዲህ ለማዘዝ አይደለም.. በዝምታ ለማውጋት...

isaac decor
ለ ሠርግ
ለ ሽምግልና
ለ ልደት
ለ ቤቢ ሻወር
ለ ብራይዳል እና
ለተለያዩ የምርቃት ፕሮግራሞች
በተመጣጣኝ ዋጋ ።
0923706960
0920313071

ልቤ ፊት... አትቅጣኝ
[ ]

ልትቀጣኝ አስበህ እንደሁ...
የመብረቅ ጅራፍ ገምደህ - ጀርባዬን ግረፍ ፤ ምታ፥
ቀላያትን ተርትረህ ለኔ ብቻ ክፈት ፤ ፍታ፥
ግን እባክህ...
ልቤ ፊት እንዳይሆን ጌታ።

ልቤንማ...
የተስፋ ድንጋይ አስነክሼው፥
አይዞህ እያልኩ እየገፋሁ፥
ከበረሀ ሐሩር መሐል
ስንቴ ሲያምነኝ ጥዬው ጠፋሁ።

ልቤንማ...
ዐይኖቹን በጨርቅ እያሰርሁ፥
ደሞ በጥፊ እያጣፈርሁ፥
"ማነው የመታህ?" እያልሁት ፥ ስስቅበት ፣ ስተፋበት፥
(ያውም'ኮ ከካደው ጋር
ያውም'ኮ ከሸጠው ጋር)፡ ስሳለቅ ስዘብትበት፥

በአእምሮዬ ተከልዬ፥
ከገዳዮቹ መሐል ቆሜ - 'ስቀለው ስቀለው' ብዬ'፥
መስቀሌን አሸክሜው፡ ጎለጎታዬን ሲወጣ፥
(በሰራሁት እንዳልቀጣ)
የምጥ ስቃዩን ሳጋፍር፥
ከሕዝቡ ጋር ስጨፍር፥
ስጣደፍ ሞቱን ለማክበር፥
አካሌ'ኮ አይመስልም ነበር።
ያሸከምኩት መስቀል ላይ ፥ እርቃኑን ቸንክሬ ብሰቀለው፥
ከሰዉ መሐል እያየኝ...
"የሚያደርገውን አያውቅም ፤ አባት ሆይ ይቅር በለው፥"
ብሎ ለኔው ለምኖህ ፥ ደጋግሞ እንደመሞቱ፥
ደሞ ቀና ቀና እያለ...
ሊጎበኘኝ በምህረቱ
አሁን ገና መነሳቱ
አሁን ገና መቃናቱ
አሁን ገና መበርታቱ...

ደሞ ዛሬ...
በአይታረም ገላዬ...
የሰጠኸኝን ትሩፋት፥
መልሼ በእጄ ስገፋት፥
እንደልጅ ልብሴን አውልቀህ ፥ ስትገርፈኝ በማጣት ሳማ፥
አፌን በእጅህ አፍንልኝ ፤ ጩኸቴን ልቤ እንዳይስማ።
በሺ ቁስል ተወርሬ ፥ ላዝግመው እንጂ ወደፊት፥
ይሄን አካል ተሸክሜ ፥ አልችልችልም መቆም እሱ ፊት።

ቅጣቴን ነው ጌታዬ...
አንክተኝ፡ ጣለኝ፡ ስበረኝ!
ግን በእናትህ..!
በድኔን እንዳያይብኝ፡
.........ከልቤ አርቀህ ቅበረኝ.....

[ ሚካኤል ምናሴ ]

ለምን እንደምንንቅህ ታውቃለህ?
✍ ኤልያስ ሽታኹን
- - - - -

እሺ ባይ ምኑ ይከብራል?

ከወዳጆችህ ጀምሮ ሁሉም በስምህ ሲዋሽ ዝም አልክ?

የምትችለውን ሁሉ እንደማትችል ተቆጠርክ?

አንተን ለማየት የማይበቁ አንተን ለመግደል ሲበቁ አየን!

ትሁት አምላክ ዓለም የለውም

ሲናገር ሊቅ ዝም ሲል ድንቅ አምላክ አለም አያውቅም

“በስንት ሸጥከኝ?” የማትል በደለኛውን ያማታሳቅቅ

የቅኖች ውኃ ልክ

አይተኸን ሳይሆን ኖረኸን የተረዳከን

ለምን በዚህ ደረጃ ወደድከን?

ለምን በዚህ ደረጃ አፈቀርከን?

በስምህ ሌባ ስንሆን አየኸን?

ትሁት ነህና ይዘብትብሀል

ልክ ነህና ስህተት ይፈልግብሀል (ፈሪሳውያን እንዳደረጉት)

ጌታ ሆይ ዛሬም ላንተ ጊዜ የለንም::

አናሳዝንም?

👨‍🎨mintesnot tariku
live landscape painting
oil on canvas
20cm×40cm
🔴 sold

" ፈርተውም ፊታቸውን ወደ ምድር አቀርቅረው ሳሉ፥ እንዲህ አሉአቸው። ሕያውን ከሙታን መካከል ስለ ምን ትፈልጋላችሁ? ተነሥቶአል እንጂ በዚህ የለም።"
(የሉቃስ ወንጌል 24:5)

😊መልካም የትንሳኤ በዓል😊

እንሂድ እንሂድ ወደአልጋ
አያ ጊዜ ሳይመጣ
አያ ጊዜ አለህ?
<አዎ>
ምን እየሰራህ?
<እየሄድኩ >
ሳትመጣ?
<አለፍኩኮ>
በየት በኩል
< በደጅ...>
እንዴ...? ሳትበላን? ብላን እንጂ?
<ያልበሰለ አይበላም>
ምን ይበጀን? የት እንብሰል?

<ኧረ የምን መብሰልሰል?
መሄድ እንጂ ወደየ አልጋ...
ቀኑ መሽቶ እስኪነጋ። >

ትኝት...

አልጋ ምጣድ ፡ እስኪታሰስ
ግሎ ድንገት፡ ህልም እንዳይጤስ
እጤሰው ላይ፡ ደሞ ሊጡን
እስኪበስል፡ ከጎን ወጡን...
ውይ ውይ ... እሳቱሳ?
ተረሳ...
ያልጋገሩት መች ይበስላል?
በቃን በቃን እንነሳ..

ንቅት...

እንሂድ ከአልጋ እንውጣ...
አያ ጊዜ ሳይመጣ...
አያ ጊዜ አለህ?
<አዎ!>
ምን እየ...
<እየሮጥኩ>
እረፍ እንጂ...
<መች ደክሜ... ?>
ወይ ቁጭ በል...
<መቼ ቆሜ? >
ወይ ዝግ በል...
<ቸኩያለሁ...>
ወይ ተግ በል...
<ቀጥሬያለሁ... >
ማንን?
<የእናንተን ልክ...>
ብሎን ፍትልክ...

ንቃት በርሚል ፡ጠላ ጥንስስ
ጌሾ ውሎን ፡ በሳቅ ክልስስ
ተስፋ ድፍድፍ፡ ስጋት ድፍርስ
ቅራሪውን ቀድተን ችልስስስስ
ወየሁ ወየሁ! እስክስ እስክስ!
አፍ ደፈረ ፡ እግር ሰጋ...

እንሂድ እንሂድ...ወደአልጋ
አያ ጊዜ ሳይመጣ...
አያ ጊዜ አለህ?
ፀጥ...
እግር ቀጥ
ትንፋሽ ፀጥ...
ልብ ዝም...
የጠየቅነው አይመልስም
ከንጋቱ ንቃት ደርቋል
ከእንቅልፋችን ህልም ርቋል
አያ ጊዜም የለም አልቋል።

red-8

ይድረስ ለፀሀይቷ ✉

ፀሀዬ!

እራስሽን ለምን ለፅልመት አሳልፈሽ ሰጠሽ?

አታውቂም! ናፍቆቴ እንደሆንሽ?
ትወጫለሽ?
ልጠብቅሽ?

ይህን ጨለማ ረተሽ ንጋት ላይ ከውብ ፈገግታሽ ጋር ትመጭልኝ ይሆን!!
እንጃ ጨለማው ግን እየፎከረብኝ ነው።
እባክሽ ከሰመጥሽበት ጉድጓድ ውጪ ከተራራው መሀል!!
ንጋት ስትወጪ በጉጉት አይኖቼ ይንከራተታሉ።
ዛሬ በየት አቅጣጫ ነው መውጫሽ?
በውብ ቀለማት በተበጀ ቬሎሽ ተሞሽረሽ ብቅ ስትዪ ጉጉቴ ያይላል በቀለማት በታጀበ ብሩሽ ሸራ ላይ ጠብብ ያሰኘኛል፤ግን ምን ጥበብ አለና ስጠበብ ብውል የእውነተኛው ሰአሊሽ ሞኝነት ይጠበብብኛል
ልፎካከር ሳስብ እራሱ ቅስሜ ይነክታል ለስብራቴም ጠገን የለውም እርሱ እራሱ ካላበጃጀኝ በቀር
ሆ!
እንኳንስ እና እንዲያ እንዴትስ ይታሰባል መሬት ተኩኖ ሰማይን መዳሰስ?!
ሆሆ!!
እሱው እንደሰራሽ ይመርብሽ እቴ!
ደሞ ደግሞ ብቅ ስትዪ ወረት በሌለበት ቢያ ፈገግታሽ እውነት ሰውነትን አልፎ ሁለመናን ይፈውሳል ግድ የለሽም አለንጋሽም ይሁነኝ እናቴም አይደለሽ።
ብቻ ነዪልኝ!
እጠብቅሻለሁ እስከ...

ምንተስኖት ታሪኩ

( እንቅልፍ አና ድካም ድንገት ተያይዘው በጠፉበት ለሊት
ፀሀዪቷን በመጠበቅ በቀን 6/7/2016
ከለሊቱ 8:30-10:10 የተፃፈ)

በሀጥያታችን ከምትቀስፈን
ስንበረታ ገድለህ አትርፈን።

ምንተስኖት ታሪኩ
8/7/2016