ＥＬＡＴＥＣＨ💡 Webview 49707.html Telegram

2.2K viewsＥＬＩＹＡＳ, 18:31

✅ በAI ዘርፍ ተስፋ እና ስጋትን ይበልጥ ያጫረው Veo 3

🔻ግዙፉ የአለማችን የቴክኖሎጂ ኩባንያ ጎግል Veo 3 የተሰኘ ቪዲዮ የሚሰራ ሰው ሰራሽ አስተውሎት (AI) ከሰሞኑ ከለቀቀ በኋላ ትልቅ መነጋገሪያ ሆኗል።

🔻የቴክኖሎጂ ኩባንያው አዲስ ያስተዋወቀው Veo-3 በራሱ ቪዲዮ ሰርቶ ድምፅን ከቪዲዮው ጋር የሚያዋህድ ሲሆን ከዚህ በፊት ከነበሩት በጥራት ከፍ ያለ ነው።

🔻መተግበሪያው ከOPEN AI ምርት ከሆነው sora ለየት የሚያደርገው በሰዎች መካከል የሚደረጉትን ንግግሮች እውነት እስኪመስል ድረስ ድምፅና ምስልን በማቀናበር ማቅረቡ ነው።

🔻ይህ የጎግል አዲሱ ቴክኖሎጂ የተሰሩ ቪዲዮዎች ( ከላይ እንዳለው አይነት) ከእውነተኛ ቪዲዮች ለመለየት በሚያዳግት ደረጃ የቀረቡ ሲሆን የቋንቋ አማራጩም ከዚህ ቀደም ከነበሩት እጅጉን የሚሻል ነው።

🔻አሁን ላይ መተግበሪያውን ለመጠቀም የ249.9 ዶላር ወርሃዊ ክፍያ ያስፈልጋል ተብሏል።

🔻በርካታ በVeo 3 የተሰሩ ቪዲዮዎች ማህበራዊ ሚዲያ ላይ ሲለቀቁ አብዛኛው ሰው ከእውነተኛ ቪዲዮዎች ለመለየት ሲቸገር ተስተውሏል።

🔻ቴክኖሎጂው ይፋ በሆነ በጥቂት ቀናት በአማርኛ ቋንቋ ተሰርተው የተለቀቁ ቪዲዮዎችን እንኳን ብንመለከት በቀላሉ ለመለየት አስቸጋሪ ሆኗል። ከዚህ ቀደም ድምጽ ላይ የነበሩ ክፍተቶች በአጭር ጊዜ ተሻሽለው ቀርበዋል። (ቪዲዮ ከላይ ተያይዟል)

🔻ጎግል በተጨማሪ Flow የተሰኘ የተለያዩ የአርቴፊሻል ኢንተለጀንስ መተግበሪያዎችን ያካተተ እና ፊልም ሰሪዎች በፈለጉት መንገድ ፊልማቸውን እንዲሰሩ የሚያግዝ የፊልም መስሪያ መተግበሪያንም ይፋ ሲያደርግ በዘርፉ ስጋትንም ተስፋንም ይዞ መምጣቱ ተነግሯል።

🔻ተጠቃሚዎች በVeo 3 መስራት የሚፈልጉትን ነገር በፅሁፍ እንደሚያስገቡ የተነገረ ሲሆን መተግበሪያው ከተሰጠው ፅሁፍ በመነሳት እውነተኛ የሚመስል ቪዲዮን ከሰራ በኋላ ትክክለኛ የሚመስሉ ድምፆችን በመጨመር ለተጠቃሚዎች ያቀርባል።

🔻ተጠቃሚዎች የቀረበላቸውን ቪዲዮ ካዩ በኋላ FLOW የተሰኘውን ሌላ የጎግል መተግበሪያ በመጠቀም የካሜራ አንግል እና የገፀ ባህሪያትን እንቅስቃሴ መቀየር ይችላሉ ተብሏል።

🔻ወጪን ከመቀነስ አንፃር በ500 ሺህ ዶላር ሊሰራ የሚችልን የመድሃኒት ማስታወቂያ በVEO 3 ከ500 ዶላር ባነሰ ገንዘብ በአንድ ቀን ውስጥ መሰራቱም ተነግሯል።

🔻አንዳንድ ሰዎች ፈጠራን ይቀንሳል የሚል ሃሳባቸውን እያንፀባረቁ ሲገኙ የተመልካቹ እውነተኛ ቪዲዮ አለመሆናቸውን ለመለየት መቸገር ሌላ ፈተና ነው ተብሏል።

⚡️እናንተስ በዚህ ጉዳይ ምን ትላላችሁ ? ለዚህ ቴክኖሎጂ ዝግጁ ነን ?
══════❁✿❁═══════
🎮▩♦️. @ELA_TECH
🎯▩♦️. @ELA_TECH_GROUP
🚀▩♦️. @ELA_TECHBOT

2.3K viewsＥＬＩＹＡＳ, 18:31