"صلِّ الضحى واربِط فؤادَك بالذي
مَلَـكَ الخـزائـنَ، وابتهِـل برجائِـكْ

فهـو الشكـورُ إذا قصـدتَ سبيلِـه
وهو القديرُ على جوابِ دعائِكْ"

- ضحـاكُـم‏🌸☁️.

‏إلى كُل من حُرِمَ الوِرد القرآني، وحُرمَ من المُراجعه والتثبيت، تفقَّد الصوارف التي صرفتْ قلبك عن القُرآن، تفقَّد ما الذي آثرته على وردك حتى انقضى يومك ولم تنظر فيه!

*ابدأ يومك بالقرآن*

س| كيف يمكن التّغلب على النّسيان في حفظ القران ؟

الجواب : كُلنا ذلك الشّخص فالنسيانُ سجيّة في طبع الإنسان، وما سُمِّي "إنسانًا" إلا لكثرة نسيانه؛ فهذا من قدر الله الذي لايخلو من حكمة .

كما أن من أقداره -سبحانه- أنه كتب علينا وجوب ملازمة كتابه، وإلا تفلّت المحفوظ من حافظه.

قالﷺ: 🍁«إِنَّمَا مَثَلُ صَاحِبِ الْقُرْآنِ كَمَثَلِ صَاحِبِ الْإِبِلِ الْمُعَقَّلَةِ، إِنْ عَاهَدَ عَلَيْهَا أَمْسَكَهَا وَإِنْ أَطْلَقَهَا ذَهَبَتْ»

وذلك امتحان يمتحن الله به صدق العزائم ، وثبات القلوب ، ورفعة للمجتهدين الباقين على العهد.

لذا، يجب الصّبر على المعاهدة، والتحمُّل في التّكرار من أجل التّثبيت.

و من هنا كان لا بد من حفظٍ متقَن من الأساس، وجدول مراجعة ثابت، وخطة واضحة للتثبيت، مع ضرورة ترك ملهيات الحياة، والتخلّص من الذنوب، والإكثار من الذكر، والإلحاح في الدعاء والتّحلي بالصبر والثبات .

ومن كان تفلّته من القرآن بسبب عارضٍ صحي ابتُلي به، فذلك أمر الله -ويقدر الله مايشاء ويفعل- .

وكُل ماعليه بذل السبب والاستمرار على المعاهدة فالقرآن شفاءه ، وأجره على الله .

#لحلقات_القرآن_أنتمي

قالَ اللَّهُ تعالى : يا ابنَ آدمَ إنَّكَ ما دعَوتَني ورجَوتَني غفَرتُ لَكَ على ما كانَ فيكَ ولا أُبالي ، يا ابنَ آدمَ لو بلغَت ذنوبُكَ عَنانَ السَّماءِ ثمَّ استغفرتَني غفرتُ لَكَ ولا أبالي ، يا ابنَ آدمَ إنَّكَ لو أتيتَني بقِرابِ الأرضِ خطايا ثمَّ لقيتَني لا تشرِكُ بي شيئًا لأتيتُكَ بقرابِها مغفرةً
- الضحى صلاة الاوابين زاد وغنيمة♥️🌱

"حفظ القرآن مشروع ضخم يبدأ من وضع خطة تتطلّب الإجابة على هذه الأسئلة:
كم مقرر الحفظ اليومي ؟
وكم معدل الإنجاز الإسبوعي؟
وفي كم عام ستتم مشروعك؟

ثم تحدد وقتاً في يومك لا يقل عن ساعتين لتحقيق ذلك الهدف، وتقبل على ربك وتلح في دعائك وتدمن التكرار في ليلك ونهارك حتى تبلغ منه أمانيك".

لو علِم الهَاجر ما في القُرآنِ من أُنـسٍ لأقبل عليه إقبَال ذِي الظَّمَأ على المَاءِ البَارِد!"🪴

قف على حلمك واصبر وقل :
لا أبــرح حتى أبلـغ! 🎀

حفظ القرآن أعـظم أمنيـة لا تستسلم لعقباتك أو تسمع لأحدِ من ضعفاء الهمم ، ابتعد عنهم
وكنّ قريبًا من أهـل القـرآن ونافسهم في الحفظ والضبط واصبر وجاهد حتى تـصل وعندها ما أهنـأك🌧️🌸

إذا أتتك فرصة فاغتنمها،
لا تؤجّل هدف حفظ القرآن فيُصبح عندك أمنية، الأعمال لن تنتهي والأشغال لن تنقضي.

استعن بالله وابدأ☁️💛.

صَليت الضحَى .. ؟

ـ قُم صَلِّ .. 🌸

اعتبروها ونسة، أو فضفضة حافظ للقرءان ومعلّم، المهم كلمتين لو إنت في طريق القرءان فهم بلاشك يهموك جِدًا..

أول ما بديت في طريق القرءان كانت البداية تلاوة فقط، كنت بقعد في وقت محدد يوميًا أقرأ وردي مِن المصحف، وقتها ماكان عندي أي شعور جواي محركني للحفظ، قعدتي دي وخلاص، بس كنت بحب القرءان في نفسه، بحب أختم كتير!..
لما بديت طريق الحفظ مشيت مسجد جنبنا بس كان في تعارض بين بعض أيامه والجامعة، فكلمت الشيخة جزاها الله خير، قالت لي مافي أي مشكلة يوم تقدري تجي تعالي،وأنا في الأصل شخص خجول جِدًا ما كنت بحب أقرأ قدام حد ولا أسمّع حتى لو حفظت، فكنت بمشي بحضر يوم يكون رجعت بدري مِن الجامعة وخلاص، لحدي ماشاءالله الحلقات وقفت في المسجد، وسبحان الله لاقيت الشيخة دي كم مرة بعدها وكنت طوالي بسألها متين حيرجعوا، وشاء الله نتلاقى بعد سنين طويلة وتقول لي كنت متذكرة حرصك على إنّو ترجع الحلقة تاني! ..
جزاها الله عني خيرا..
المهم بعدها يسر الله لي وختمت وإلتحقت بعد الحفظ بمركز الإمام الشاطبي، بديت شوية معاهم وأبوي رفض أكمل فاضطريت أخليه، كنت حزينة جِدًا، لكن دا ما بيعني إنّو خلاص أقيف هنا، مرت فترة وأنا بحنسه أرجع، ومرت فترة وبقول ليهو طيب شوف لي حد، ونهائي ماوقفت مِن السعي بقلبي!
شاء الله بعدها ييسر لي حلقة مسجد حسن متولي، التيسر كان عجيب، عشان الحلقة جاتني لغاية عندي ما أنا المشيت أفتش عنها، مسجد حسن متولي هو المكان اللي سردت فيه القرءان غيبًا مِرارًا ..
جزى الله شيخة سامية عني خيرا كانت بتجي بدري عشان تسمع لي كتير قبل ما البنات يجو..
وجزى الله الصاحبات خيرا ماقصروا في طولة البال في كل ختمة أكون محددة لها زمن كان بجتهدوا معاي جِدًا..

في كل الفترات دي ماوقفت عن السعي بقلبي عشان أتعلم القرءان وأتقنه!
كان بتسد باب وبفضل مسدود عشان أفضل أنا عند باب الله متضرعة ليفتح لي باب أخر!..

فشاء الله تمر السنين وأصبح بفضلِ الله معلمة قرءان!..

فاستشعرت التوفيق العظيم في لزوم باب الله حتى وإن سدت الأبواب الأرضية!
وأحسب أن هذا هو سر فلاح العبد!
حقيقي مِن اللطف الحاسة ربّنا مكرمني به، إنّو مختار لي بناتي في الخلوة اللهمَّ بارك ..

عندي بنتين مِن بنات الخلوة سافروا لظرف وانقطعوا عنّا، لكن أبوا أن تحول بينهم وبين غايتهم المسافات، بجاهدوا في كل يوم حلقة يكونوا حضور معانا بالتلفون!
وقد يقول لهم الشيطان: خلاص انقطع الوصال، فوقفوا حفظ!
لكن عاجباني همتهم شديد ماشاءالله اللهمَّ ..
يمكن شفت كتير بجوا وبنقطعوا لظروف وبوصي وبتفقد إنّو الإنقطاع يكون من عندنا هنا، لكن مايكون مع طريق الحفظ ..

عندي بنوتة تاني بتجي مسافة 40 دقيقة برجلينها، بتجي في وقت الحلقة بالضبط ماشاءالله، وعشان غيّرنا الحلقة الصباح ففي وحدة بتتأخر لسه ما ظبطت المواعيد، فاليوم بتقول لي مسافة قاعدين ممكن تراجعي لنا الأحاديث الفاتوني؟!
ماشاءالله اللهمَّ بارك همّة عالية لإدراكِ الركب الذي سبقها، ولتحصيل الخير كلّه دون أن يفوتها مِنه شئ!

فماشاءالله اللهمَّ بارك سعيدة بكل الهمم وبكل بنت في الحلقة أنا فخورة بها جِدًا، عشان شايفة كل وحدة، حرفيًا كل وحدة وعايشة معاها كم الجهاد والمحاولات عشان تكون أحسن مِن امبارح، اللهمَّ بارك فيهن جميعًا..

فمِن كل الكلام الكتير دا أنا عايزة أقول لك..

الطريق دا زول ما تعب فيه ولا أصر على الوصول رغم كل العوائق مابصل!

حتجيك أيام تقول المسافة بعيدة، الحلقة بقيت بتضايق من القعاد فيها، الشيخة الليلة صلحتني كتير فما عايز أمشي تاني، ال...الخ

الشيطان بقاتل قتال مستميت في عزيمتك وهمتك عشان ديل رأس ماله في إنّك تبطل في حفظ القرءان عشان هو عارف القرءان حيصلك كلّك ويغيرك تغيير جذري في طريقك إلى الله!

لكن والله أقولها رغم كيد الشيطان ..
مافي زول صدق وأخلص وجهاد في حفظ القرءان وما ناله!
مافي!
ومافي زول وصل بطريق معبد بالورود، وحمل عليه على سُبل الراحة، فماتغش على نفسك بأعذار واهية انقطعت عشان كده وكده، هي كلمة واحدة ..

الصادق حتمًا يصل!

والسلام!

#ترتيل_الخزين

‏من سكب كل جهده ووقته في حفظ القرآن سكب الله في كل شؤون حياته الخير والبركة، فالقرآن غيث ماطر يزجي النفوس روابيا ويغدق العيش رغدا..
يارب علق قلوبنا بك وبكلامك واجعل قرة أعيننا بالقرآن وبالصلاة واجعلنا وذرياتنا ووالدينا وأزواجنا وأحبابنا من أهل القرآن الذين هم أهلك وخاصتك .💗

نصيحة لا تفرطون بصلاة الضحى

‏ليه صلاة الضحى بالذات ؟
‏لأن الله ينظر لكل من يصليها نظرة رضا وليس بعد رضا الله إلا الجنة
‏لانها صلاة الأوابين وهم من يتوبون لله دائمًا
‏لأنها تساوي صدقة عن ٣٦٠ مفصل في جسمك
‏لأنها صلاة المعجزات فيها الدعاء مستجاب بإذن الله وأن تُصلِي الضّحَى ذلِك أجر
وأن تُذكر بهِ ناسيًا ذلك أجر آخر

- فاحتسِبوا الأجرَين | سُنة الضُّحَى .

‏لمن توجه لحفظ القرآن…

من قال لك أن حفظ القرآن لايكون إلا بحفظ وجه أو أكثر كل يوم؟

‏يسعك أن تحفظ آية كل يوم
‏او وجهًا كل نهاية أسبوع
‏القدرات تتفاوت،

ليس المهم أن تحفظ
المهم أن تضبط ما تحفظ، أن تفهم تأويله، وتطبق ماجاء فيه

‏ لا تشدد على نفسك فتقف في منتصف الطريق....

اللهم ارزقنا حفظ القرآن


منقول

‏مِن مَغرب يَوم الخميس لِمغرب يَوم ‌ الجُمعة⁩
‏       أكثروا مِن الصلاة عَلى النبي فَفِيها                   
‏           الرحمّة ،وفِيها المغفرة ،
‏       وبهَا ننال شفاعة الحَبيب 🤍.

‏اللَّهُــمَّ صـَلِّ وَسَـــلِّمْ علـى مُحمَّد ﷺ

أربع مواضع لرفع اليدين في الصلاة كما ورد عن النبي ﷺ 👐

1️⃣ عند تكبيرة الإحرام
🔹 "الله أكبر" في بداية الصلاة.

2️⃣ عند الركوع
🔹 عند الانتقال من القيام إلى الركوع.

3️⃣ عند الرفع من الركوع
🔹 عند قول: "سمع الله لمن حمده".

4️⃣ عند القيام من التشهد الأوسط للركعة الثالثة.
🔹 في الصلاة الثلاثية أو الرباعية.

📌 قال الإمام البخاري :
"كان النبي ﷺ يرفع يديه عند كل خفض ورفع في الصلاة".

📿 سنن مهجورة، فلنحييها ونعلّمها لي غيرنا 🙌

#فذكر

بتغلط او بتنسى في الصلاة ؟! 🤔

لمن تغلط في الصلاة ما بتقطعها، بل هنا شرع لينا سجود السهو لجبر الخطأ،
فتعال نعرف سجو السهو كيف ومتين بكون في الصلاة 🙌

سجود السهو عندو 3 حالات :

1️⃣ الزيادة
➤ تسجد بعد السلام

2️⃣ النقص
➤ تسجد قبل السلام (نسيان واجب)

3️⃣ الشك
➤ بتبني على الأقل، وبتسجد قبل السلام.

4️⃣ الشك (وترجّح لك أحد الأمرين)
➤ تبني على الراجح، وتسجد بعد السلام.

⚠️ مهم جداً :
سجود السهو ما بجبر الركن، بجبر بس الواجب.

يعني :
- لو نسيت ركن ➤ لازم تجيب الركن أولًا، وبعدها تسجد للسهو.
- لو نسيت واجب ➤ بتسجد للسهو فقط، وصلاتك صحيحة بإذن الله.

وطبعا انت يا حلو يمكن تكون ما عارف الاركان شنو و الواجبات شنو، لكن اكيد عارفني بحبك ياخ وما بخليك دايش، فتعال نعرفهم على السريع كدا...

📖 أركان الصلاة (14 ركن) :
لو نسيت أي ركن، بتبطل صلاتك سواء ناسي أو قاصد :

1. القيام في الفرض " يعني الوقوف في الصلاة"
2. تكبيرة الإحرام.
3. الفاتحة في كل ركعة.
4. الركوع.
5. الرفع من الركوع.
6. الاعتدال "تستقيم بعد الرفع من الركوع"
7. السجود على الأعضاء السبعة "الوجه و الانف، اليدين، الركبتين، الرجلين"
8. الرفع من السجود.
9. الجلوس بين السجدتين.
10. الطمأنينة "ودا اخطر ركن لانه في ناس بتصلي سريع" 😀
11. الترتيب "يعني يعني ما ممكن تقدم السجوظ على الركوع و هكذا"
12. التشهد الأخير.
13. الجلوس للتشهد الأخير.
14. التسليم (تسليمة واحدة على الأقل، لانه التسليمه الاولى فرض والتانية سنة).

🟡 واجبات الصلاة (8 واجبات) :
- لو نسيت واحد منها عمداً ➤ تبطل الصلاة.
- لكن لو نسيتو سهواً ➤ تسجد للسهو.

وهي :
1. التكبيرات الانتقاليه(ما عدا تكبيرة الإحرام).
2. "سبحان ربي العظيم" في الركوع.
3. "سبحان ربي الأعلى" في السجود.
4. "رب اغفر لي" بين السجدتين.
5. التشهد الأول.
6. الجلوس للتشهد الأول.
7. الصلاة على النبي ﷺ في التشهد الأخير.
8. الترتيب بين الواجبات.

🧠 طيب ارح نشوف أمثلة توضح سجود السهو :

✔️ نسيت الركوع أو السجود؟
➤ دا ركن، لازم تجيبه، والركعة النسيت فيها دي تعتبر ملغية، فمثلا بتصلي في المغرب في الركعة الاولى نسيت سجدة، فإنت هنا بتعتبر الركعة الاولى دي ملغيه والركعة التانية بقت الاولى و تكمل صلاتك.

ويلا هنا سجود السهو هتقول لي صلاتي ناقصه و السجود قبل السلام، فلا يا عزيزي صلاتك هنا زايده لانك صليت المغرب 4 ركعات فيهم وحده ملغية،ودي زيادة فعشان كدا بتسجد بعد السلام 🙌

✔️ نسيت السورة بعد الفاتحة؟
➤ يلا دي لا ركن ولا واجب بل سنة، فما عليك حاجة.

✔️ نسيت تقول سبحان ربي الاعلى في السجود؟
➤ تكمل صلاتك عادي تسجد للسهو قبل السلام،
والركعة النسيت فيها دي ما بتعتبر ملغية لانك نسيت واجب ما ركن 😀

✔️ زدت ركعة بالغلط؟
➤ تسجد للسهو بعد السلام.

✔️ شكيت اني سجدت سجده ولا سجدتين؟
➤ تبني على الاقل و تعتبر انك سجدت وحده،
فتسجد تاني وتكمل صلاة عادي وتسجد للسهو قبل السلام.

✔️ سجدت في ركعة تلاته سجدات؟
➤تكمل صلاتك عادي وتسجد للسهو بعد السلام.

✔️ شكيت صليت ركعتين ولا تلاتة؟
➤ تنبني على الأقل، فلو شاكي في الظهر انه دي الركعة التانية او التالتة،
تعتبر انه دي الركعة التانية و تكمل صلاتك عادي وتسجّد للسهو قبل السلام.

✔️ نسيت تكبيرة الإحرام؟
➤ صلاتك ما انعقدت اصلاً فهي باطله، فلازم تعيدها.

❓بنقول شنو في سجود السهو؟
➤ "سبحان ربي الأعلى" 3 مرات، زي السجود العادي.

طيب انت زول نساي شديد، و نسيت تسجد للسهو 😀
بتحصل يا عزيزي فهنا عندك تلاته حالات :

- اتذكرت بعد الصلاة طوالي وما مشى زمن كتير و وضوء ما انتقض،
تسجد للسهو وتسلم.

- لو مره زمن طويل زي 15 دقيقة او 30 دقيقة،
فهنا يسقط عنك سجود السهو و ما عليك حاجه.

- لو كنت في المسجد وطلعت منه واتذكرت انك ما سجدت للسهو،يسقط عنك و ما عليك حاجه.

طيب انت غلطت وكان المفروض اسجد للسهو قبل السلام لكن انا سجدت بعد السلام او العكس؟ 😀
سجودك الحالتين صحيح و ما عليك حاجه ان شاء الله.

⚠️ تنبيهات مهمة جدا :

- لمن تسجد للسهو بعد السلام، بعد تسجد بتسلم تاني

- قراءة الفاتحة ركن، أي خطأ فيها يبطل الصلاة.
يعني لازم تكون بتعرف تقرا الفاتحة بسورة صحيحة يا عزيزي 😀

- الطمأنينة في الركوع والسجود ركن، استعجالك فيهم ممكن يكون سبب انه صلاتك تكون باطله.

و هذا والله اعلم

فدي معلومات مهمة يا عزيزي فما تنسى الشير وتتاقي اهلك و اصحابك و احبابك وليك الاجر و الثواب 🙌

#فذكر

لا تترك الحِفظ
"مَن لم يشرع في الحفظ الجديد ؛ فهو في خطر الفراق ، وعلى حافةِ النكوص ، تأخير حفظك وقد ابتدأت قبل معه ، إنما هو مجازفة بسعادتك المضمونة".

أكبر الضربات لطالبِ الحفظ التسويف، وأول الانهزامات تأجيل المراجعة، وأول التبريرات المهلكات حين يقول "أتقصد في سيري أولىٰ من حفظٍ دون مراجعة".

-أحمد المغيري

المنشور المعتاد يوم الجمعة 😃

تلاته حاجات ما تخلي يوم الجمعة ينتهي إلا و انت عملتهم :

١_ انك تقرا سورة الكهف فهي بتنور ليك بين الجمعتين
"هدايه و توفيق" و كمان نور في وجهك و نور ليك يوم القيامة 📖

٢_ انك تصلي كتير على النبي ﷺ لانه صلاتك معروضه عليه
"اي الملائكة بتوريه و بتقول ليهو فلان صلى عليك"❤️

٣_ تلتمس الساعة الفي يوم الجمعة البكون فيها الدعاء مستجاب
"العلماء قالوا انها اخر ساعة قبل المغرب"🤲🏼

واخيراً ما تنسونا من دعواتكم ✨
وذكر غيرك فالدال على الخير كفاعله.

#فذكر

من أسباب الرزق :
الاستغفار .. فهل كترت من الاستغفار وعملت لي نفسك وردًا منه عشان يجيك الرزق💚؟

قال النبي ﷺ: (من أكثر من الاستغفار جعل ﷲ له من كل هم فرجًا ومن كل ضيق مخرجًا ورزقه من حيث لا يحتسب).
رواه الإمام أحمد في المسند

#الضحى_صدقة_يومك
#قوم_امشي_صلِّ💚

🎬 لـِـٓ๛ــتة الــتـمـيــ{2h}ــز ☆

{سُبْحَانَ اللهِ وَبِحَمْدِهِ؛ سُبْحَانَ اللهِ العَظِيمِِ}

👁‍🗨 اللستة مثبتة 🚧

ℓ 🌍 الســوق الحــر 🌍
☆
ℓ 📚 قصص وروايات متنوعة 📚
•┈┈┈••★📋★••┈┈┈•
Info » Welcome | للإشتراگ
From » 9PM To 9AM | مثبتة