أحاول أن اتدثر بوشاح الماضي لاخبى شعلة المستقبل التي تقاوم لفحات مصائب الحاضر.
Loola Almagrape💕

حين استكانه
بعد كل مكالمة بينهما ....
تتفقد ارصدتها 💜🌸...
علها تجد ارقام متبعثره من رصيدها..
حتي تستطيع الرجوع لي تلك اللحظات التي تمنت أن يتوقف الزمن بها...
تتفقد أعينها👁👁...
هل هما مفتوحتان ام انها احدي أحلامها التي لطالما تمنت أن تتحقق ....
تتفقد قلبها💜....
هل هو يضخ حبها له ام حبه...
تتفقد نبضها💕...
هل هو ثابت منتظم ام انه متبعثر يريد فقط حرف واحد يخرج من بين مبسمه يلملم اشلائها💔.
Loola Almagrapey 💕

في قمة الهشاشة لا تنكسر ولاتكسر...
وفي قمة القوة لا تؤلم
فقط هي من تتألم في الحالتين 💔
Loola Almagrapey 💕

في ليلة قمرية أضاء نور بدرها كل من علي سطحها كما هو جسدي فقد اضاءت ظاهره وعلي عكسه تماما قلبي فقد اشتدت عتمته ...اضاءات شاشه هاتفي حروف سودا لا مقارنة بين ضوئها والقمر ولكن رغم سواد تلك الحروف فقد اضاءت ظلام قلب تواري القمر بين الغيوم خجلا من نوره .
23/6/2020
1:55

م ح اكتب إحياء لذكري سته ابريل
لانو سته ابريل اصلا ما ماتت
سته ابريل عايشه جوانا ونارا لسه بتوقد في جوفنا ....
سته ابريل انغمست في شخصية كل مواطن سوداني ....
سته ابريل دي....
انا حرفيا خلتني احس اني سودانيه وبالجد بحب بلدي ....ما أكذب عليكم انا واحده من الناس ما كان عندي أي حب انتماء للوطن ....وعادي كلمة السودان دي زيها وزي اي كلمه غيرها ما كانت بتفرق معاي ....تقريبا كده انا الأيام العشتها في القياده هي العلامتني يعني شنو وطن ...ويعني شنو اضحي بنفسي عشانو ...
الترس ...الشير....الطقه ...صباح الخير....صلاة الجمعه ......ولسه حاجات كتيييييره ....
القياده بالجد كانت وطن مصغر اتولدت في سته ابريل .
#شهدانا ما ماتو عايشين مع الثوار💜🌸
#الدم قصاد الدم ما بنقبل الديه✌
#يا نجيب حقهم يانموت زيهم ✌
#لن ننسي💔 ولن نفغر💜🌸
#مليونية 30يونيو✌
Loola Almagrapey 💕

استغفر الله العظيم وأتوب اليه🌸💜
نم مستغفر🌸💜

أحاول أن اتدثر بوشاح الماضي لاخبى شعلة المستقبل التي تقاوم لفحات مصائب الحاضر.
Loola Almagrapey 💕

#عاوزه اقول لي ابو عركي البخيت:
غلبنا نعيش في حاضرنا
ونقول للماضي الف سلام
غلبنا نبيع ضمائرنا
ونعدي حاجز الخذلان
فضلنا نعيش علي الماضي
واريتو الماضي يبقي أمان
نجبر بيه خاطرنا
ونكمل بي هو لي قدام
13/5/2020
#loola Almagrapey 💕

قالت :
كنت منفسنه شديد وقافله معاي ونزلت النص ده استيتوس...
"أود التخلُص من تلك المزاجيه التي تدفعُني كثيرًا للإنهيار، فجأةً أشعُر بالسعاده، وفجأة أشعُر بالحُزن، وفجأةً أشعُر بـ اللاشيء، هذه المزاجيه ستقتُلني يومًا ما."
فرد ليها قال:
انت بالقرب مني ارجوك لا تحدثي صوتآ ف كلانا مصاب بها فقط اجلسي فلا داعي ل أن تظهري ذلك ف جميعهم لن يشعروا بك بل لديهم حب إستطلاع ليس إلا كوني بخيييير وألعني تلك اللحظه التي جعلتك تبوحين بجزء يحدث بداخلك والزمي الصمت عزيزتي واقتربي دعينا نكمل م تبقى من اللا شيء الذي بداخلنا وأن ننظر لأملنا يتلاشى عسى ولعل ان يكون ذلك الامل سرابآ وان الأمل الحقيقي ف طريقه إلينا.
وبس يعني
4/7/2020
#loola Almagrapey💕

استغفر الله العظيم وأتوب اليه🌸💜
نم مستغفر🌸💜

سلامات بعد طول غياب💜🌸
ازيووو وكل عام وانتو بالف خير وصحه وعافيه يااارب وكل أمانيكم محققه💜🌸
جات متاخره بس العفو والعافيه💜🌸

السلام عليكم
جيشنا الأبيض🔥
جيناكم في طلب ووبتمنى مع بعض نقدر نقيف سوا ونساعد بعض

القصة ،،قصة اخونا طالب ،،مخترع،،طبيب،،عقل عظيم ،،فخر للبلد،،قدوة طلاب الطب ،،عثمان ريحان ،،معظمكم بيعرفوا ،،والما بعرفو هاك دا اختصار عنو:

عثمان ريحان ،طالب طب ،السنةالخامسة "تقريبا" ،جامعة الإمام المهدي ،،مخترع عبقري جدا ،،شارك في مسابقات عالمية بإحتراعاتو وفاز ب ميداليات كتيرة
لهنا كويسين المشكلة وين طيب؟

حاليا اختارو يمثل السودان في كوريا لمسابقة ،،الحصل مشى لبعض المسئولين وطلب دعمهم عشان المسابقة"من فيزا سفر ورسوم المسابقة" الحصل لقى إحباط غير طبيعي وتكسير مجاديف،،والتكاليف كتيرة عليه،،وع فكرة بإختراعاتو دي كان ممكن يبقى مليونير خلال يوم بس،بس هو رفض كل الإغراءات الجاتو من اجانب وعايزين يشترو اختراعاتو ،وقال داير ينفع بيها البلد،،بس كل ما يمشي يطلب دعم من الحكومة ما لقى منهم تشجيع أودعم وكلام،،نحن حاليا عايزين نساعدو وفي الحقيقة بنساعد نفسنا والله وخصوصا انو فقد الأمل خلاص وقال كسر حنك الاختراع واي شي،نحن عايزين نرجع ليه شغفوا وأملوا بإذن الله ونوري كل المسئولين نحن قادرين ننجح بيهم أو بدونهم ،،فعايزين نعمل لي حملة تكسر الدنيا🔥ونسميها# القومة-لريحان.
وهدفنا نقدر نجمع تكلفة السفر اللهي بتصل ل2000 دولار تقريبا ،،ومشكلتنا الوقت، أخر زمن للتسجيل يوم21 شهر8،يعني فضل لينا 20 يوم من تاريخ البوست دا،،المهم نشد الهمة يا شباب وأي زول حسيتو بقدر يساعد ألصق لي الكلام دا وخلينا نشد حيلو وحيلنا
وللصراحة هو ما طلب مننا شئ،،دي حاجة مننا ليه بسبب آخر بوست ليه وانو كسر حنك الإختراع دي وقفت لينا في حلقنا والله وقلنا لازم نعمل اي شي عشانو وعشان البلد

اخيرا للمساعدة عندك خيارين
عبر أرقام تلفوناتو"وممكن تتصلوا ليه وتشجعوا واو رسلو ليه رسايل إجابية،انو يستمر وما يئس"
0995128086
0903435999
وحسابو ع البنك
627660
عثمان محمد عثمان
بنك أمدرمان الوطني ،فرع ربك

كسرة#
للأن جمعنا 1500 ولسى الخير فيكم شدو الهمة

ما تنسو كسرو الدنيا
#القومة-لريحان.

قمة السعاده لما تفتح الشات وتلقي مسج طويل ذي ده💜🌸
سألونى من تكون اميرتي
أجـبـتــــهم لعلي اوصف ماعلمتني
هـــي انــثـى لـــم تـرانـى لـكـــــــن
رأتـنـــي بـاحـسـاسـهـا وقـلـبـهــــــا
قرأة كلماتي حين هممت بمشاعري
أحـبـتـنـي وأعـلـنـت لـي عـشـقــهـا
حـيـن ألـقـيت عـلـيها سهـام سحري
وأسـتـوطـنـت بـروحها فـاسـتسلمت
ورفعت لي راياتها بسحرها جائتني
عـزفـت لــي انـشـودة الـــــــــغـرام
بـحـروف وكـلمات وهـيام اطربتني
فـتـحـت لي طـوعـا ابـواب قـلـبـهـا
و مــلــكـا عـلى حـيـاتـها تـوجـتـنـي
هــــــل عـــرفـتــم لـمــــا أحـبـبتتها
وبس يعني

اليوم وبعد انقطاع دام ثمانية وخمسون ليلة وضحاها ها انا اليوم أحمل قلمي من جديد تمنيت لو أستطيع البوح تمنيت حقا لو أستطيع سكب مشاعري علي ورق ابيض تمنيت حقا تلطيخ همومي باللون الأسود ولكن لم يتغير شئ ها انا اكتب والكل يتعجب عن ماذا أتحدث ما تقول هذه الفتاة الخرقاء وماذا تعني ببهرجة الحروف هذه
لا أود أن أطيل الكتابه حقا فأنا حقا أصبحت اهابها لا أكتب إلا والغصة في صدري فأنا تيقنت الان بأن نفسي المطمئنة لا تكتب.
18/8/2020

تمنيت لو استطيع ادمانها....
فادمان بعض الاشياء يؤذي النفس 💔اكثر من تلك التي تؤذي رئتيك💔👌
Loola Almagrapey💕

#التقله💜🌸
احنا كشباب فينا حاجه حلوه شديد فهم ابقي تقيل علي البجي عليك...فهم البضرب ليك م ترد لي الا بعد الجرس التالت ولا الرابع بالرغم من انو الجوال في ايدك...فهم البرسل ليك ما ترد لي طوالي حتي لو انت on lain..فهم انك لما تشوف الناس البتهتما بيك تعمل رايح وما شايفهم بالرغم من انو الناس دي اصلا م بتفكر بسطحيتك دي...فهم انو البعمل ليك حاجه وبيعملا بكل طاقتو عشان تطلع احلا ويجي جاري وهو مبسوط بانجازو ده عشان يوريك ليو ما يلقي عندك شي غير البرود والرد بايموشنات....يعني ما بحصل حتي علي كلمه شكرا لمجهودك ده..فهم انا لو بقيت تقيل الناس بتحبني...فهم انو انا لو طنشتهم بيجرو بوراي.....ياخ دا شنو الفهم ده....فهم كلو بالمغلوب وسطحي لابعد الحدود...التقله ما كده ياخ....البتعملو فيو ده ما تقله.....البتعملو فيو ده كسر لمشاعر الغير....وتحطيم ليهم....البتعملو فيو ده بخلي الناسةتفكر انو كل الناس زيكم...بتخلوهم يكرهو العالم بسببكم....وارجع تاني اقول دي ما تقله التقله تقله القلب المابحب كل من هب ودب....والتقله تقله العين الما بتعاين للماشي والغاشي ...والتقله تقله السان الما بيقول البتقال والما بتقال..بتمني تكون وصلت....
loola Almagrapey💕

في ليلة قمرية أضاء نور بدرها كل من علي سطحها كما هو جسدي فقد اضاءت ظاهره وعلي عكسه تماما قلبي فقد اشتدت عتمته ...اضاءات شاشه هاتفي حروف سودا لا مقارنة بين ضوئها والقمر ولكن رغم سواد تلك الحروف فقد اضاءت ظلام قلب تواري القمر بين الغيوم خجلا من نوره .
23/6/2020
1:55
Loola Almagrapey 💜🌸

مساءالصائمين
مساء العاشر من محرم 
‏اللهم اجعله مغفرة لكل مذنب
وشفاءً لكل مريض ورحمة لكل ميت وقضاء حاجة لكل محتاج
وزوال هم لكل مهموم
يارب يبلغكم سؤلكم ويرضى عنكم ويكرمكم بالعفو والعافيه والمعافاه التامه في الدنيا والاخره
ويرزقنا الفردوس الاعلى بغير حساب ولا سابقة عذاب بجوار نبينا محمد صل الله عليه وسلم ورؤية وجه الله الكريم في كل وقت وحين ووالدينا وجميع احبابنا والمسلمين اللهم آمين