Channel: Ark
وَكَأَيِّن مِّن نَّبِيٍّ قَاتَلَ مَعَهُ رِبِّيُّونَ كَثِيرٌ
فَمَا وَهَنُوا لِمَا أَصَابَهُمْ فِي سَبِيلِ اللَّهِ
وَمَا ضَعُفُوا
وَمَا اسْتَكَانُوا ۗ
وَاللَّهُ يُحِبُّ الصَّابِرِينَ (146)
وَمَا كَانَ قَوْلَهُمْ إِلَّا أَن قَالُوا رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ (147)
فَآتَاهُمُ اللَّهُ ثَوَابَ الدُّنْيَا وَحُسْنَ ثَوَابِ الْآخِرَةِ ۗ وَاللَّهُ يُحِبُّ الْمُحْسِنِينَ (148)
فَمَا وَهَنُوا لِمَا أَصَابَهُمْ فِي سَبِيلِ اللَّهِ
وَمَا ضَعُفُوا
وَمَا اسْتَكَانُوا ۗ
وَاللَّهُ يُحِبُّ الصَّابِرِينَ (146)
وَمَا كَانَ قَوْلَهُمْ إِلَّا أَن قَالُوا رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ (147)
فَآتَاهُمُ اللَّهُ ثَوَابَ الدُّنْيَا وَحُسْنَ ثَوَابِ الْآخِرَةِ ۗ وَاللَّهُ يُحِبُّ الْمُحْسِنِينَ (148)
عمركم حضرتوا جنازة شهيد؟
بكونوا بركضوا ركض، وفي تدافع رهيب بينهم..
وبكون في نزاع حقيقي بينهم مين يحمل النعش!!
لدرجة ممكن تسمع حد بقول للثاني:
خلص بالله عليك إنت حملته، هسا دوري!!!
بنفس الوقت في إيدين كثيرة بتحاول بكل جهدها تلمس جسد الشهيد، ولو حد فيهم حظى بلمسه بسرعة بسرعة بتبارك فيها وبمسج فيها وجهه!!
وعادي تصادف حد لمس شهيد بقول لصاحبه، شم شم إيدي.. فيها ريحة الشهيد...شم ريحة المسك!!!!
الغريب أكثر إنه المسميات بتتغير فجأة..
فبدل جنازة، ممكن تسمع زفة!
وبدل عزاء عرس!
وغالبا رح تسمع أصوات نساء بتزغرد!!!
وأطفال بركضوا ليجمعوا ملبس رمته حجة كبيرة بفرح ودموع!
وعلى عكس الجنازات الثانية اللي بطغى فيها الوقار والهدوء والسكون، جنازة الشهداء بصاحبها أصوات عالية، وهتافات مخيفة بتنادي بالثأر والإنتقام، وبتلمح فيها دموع ما بتشبه دموعنا أبدا فيها حزن على عزيز غادرهم، أو بصراحة صعب تلمح دموعهم لإنهم فجأة بدّاركوها وبمسحوها لما يتذكروا إنه سبقهم عالجنة !!
وفي نوع مشاعر صعب جدا تتخيله مع موضوع الموت..
مشاعر الغبطة!!
بعبروا عنه وبقولوا:
يا ام الشهيد نيالك، يا ريت إمي بدالك!!
-----
ما بعرف لو في عاقل بتحدى ناس هيك نظرتها للموت؟!
ناس صعب تحظى بينهم بمكانة، صعب يآمنوا ويعترفوا فيك، وصعب تحقق بينهم كمالك كإنسان إلا
لو ارتقيت شهيد!!!!!
-----
سلوكهم يستعصي على الفهم، وبتشعر إنه غير قابل للتفسير..
أو ممكن يتفسر من زاوية واحدة فقط..
إنه المسألة بالنسبة إلهم مش مسألة موت وموتى أصلا مثل ما بنظن..
.
.
صعب نفسر سلوكهم إلا لو أدركنا إنهم مؤمنين إنه اللي بحملوهم فوق أكتافهم مش موتى!!
بَلْ أَحْيَاءٌ عِندَ رَبِّهِمْ يُرْزَقُونَ !!!
#القرآن_الجميل
#ARK
بكونوا بركضوا ركض، وفي تدافع رهيب بينهم..
وبكون في نزاع حقيقي بينهم مين يحمل النعش!!
لدرجة ممكن تسمع حد بقول للثاني:
خلص بالله عليك إنت حملته، هسا دوري!!!
بنفس الوقت في إيدين كثيرة بتحاول بكل جهدها تلمس جسد الشهيد، ولو حد فيهم حظى بلمسه بسرعة بسرعة بتبارك فيها وبمسج فيها وجهه!!
وعادي تصادف حد لمس شهيد بقول لصاحبه، شم شم إيدي.. فيها ريحة الشهيد...شم ريحة المسك!!!!
الغريب أكثر إنه المسميات بتتغير فجأة..
فبدل جنازة، ممكن تسمع زفة!
وبدل عزاء عرس!
وغالبا رح تسمع أصوات نساء بتزغرد!!!
وأطفال بركضوا ليجمعوا ملبس رمته حجة كبيرة بفرح ودموع!
وعلى عكس الجنازات الثانية اللي بطغى فيها الوقار والهدوء والسكون، جنازة الشهداء بصاحبها أصوات عالية، وهتافات مخيفة بتنادي بالثأر والإنتقام، وبتلمح فيها دموع ما بتشبه دموعنا أبدا فيها حزن على عزيز غادرهم، أو بصراحة صعب تلمح دموعهم لإنهم فجأة بدّاركوها وبمسحوها لما يتذكروا إنه سبقهم عالجنة !!
وفي نوع مشاعر صعب جدا تتخيله مع موضوع الموت..
مشاعر الغبطة!!
بعبروا عنه وبقولوا:
يا ام الشهيد نيالك، يا ريت إمي بدالك!!
-----
ما بعرف لو في عاقل بتحدى ناس هيك نظرتها للموت؟!
ناس صعب تحظى بينهم بمكانة، صعب يآمنوا ويعترفوا فيك، وصعب تحقق بينهم كمالك كإنسان إلا
لو ارتقيت شهيد!!!!!
-----
سلوكهم يستعصي على الفهم، وبتشعر إنه غير قابل للتفسير..
أو ممكن يتفسر من زاوية واحدة فقط..
إنه المسألة بالنسبة إلهم مش مسألة موت وموتى أصلا مثل ما بنظن..
.
.
صعب نفسر سلوكهم إلا لو أدركنا إنهم مؤمنين إنه اللي بحملوهم فوق أكتافهم مش موتى!!
بَلْ أَحْيَاءٌ عِندَ رَبِّهِمْ يُرْزَقُونَ !!!
#القرآن_الجميل
#ARK
اللهم إنّا نشكو إليك ضعف قوتنا
وقلّة حيلتنا
وهواننا على الناس ..
يا أرحم الراحمين..
أنت رب المستضعفين وأنت ربنا ..
إلى من تكلنا..
إلى عدو يذبحنا أم إلى حُكّام "أنذال" ملكتهم أمرنا ..!!
إن لم يكن بك علينا غضب فلا نبالي .. ولكن عافيتك أوسع لنا ..
نعوذ بنور وجهك الذي أشرقت له الظلمات وصَلُح عليه أمر الدنيا والآخرة من أن تُنزِل بنا غضبك أو يحلّ علينا سخطك ..
ونسألك نصرا عزيزا يعزّ فيه أهلك، ويُذل فيه أعدائنا وحكامنا..
لك العتبى حتى ترضى ولا حول ولا قوة الا بك.
#ARK
وقلّة حيلتنا
وهواننا على الناس ..
يا أرحم الراحمين..
أنت رب المستضعفين وأنت ربنا ..
إلى من تكلنا..
إلى عدو يذبحنا أم إلى حُكّام "أنذال" ملكتهم أمرنا ..!!
إن لم يكن بك علينا غضب فلا نبالي .. ولكن عافيتك أوسع لنا ..
نعوذ بنور وجهك الذي أشرقت له الظلمات وصَلُح عليه أمر الدنيا والآخرة من أن تُنزِل بنا غضبك أو يحلّ علينا سخطك ..
ونسألك نصرا عزيزا يعزّ فيه أهلك، ويُذل فيه أعدائنا وحكامنا..
لك العتبى حتى ترضى ولا حول ولا قوة الا بك.
#ARK
قبل سنوات كنت بدرّس أطفال صغار في الحارة قرآن وأخلاق..
وكنت في كل مرة أحكيلهم قصة من القرآن أو السيرة..ولإنهم أطفال كنت دائًما أختار إلهم القصص ذات النهايات السعيدة..
كيف سيدنا يوسف نجا من كيد إخوانه وكيف صار ملك..
وكيف ربنا شقّ البحر لسيدنا موسى وأغرق فرعون..
كيف سيدنا يونس خرج من بطن الحوت..
كيف سيدنا نوح بنى السفينة وكيف "الطوفان" أغرق قومه..
كيف سيدنا داوود قتل جالوت.. وهكذا...
.
.
كانوا الأطفال يصرخوا ويصفقوا بنهاية كل قصة..
وكانوا يبتسموا من قلبهم مع كل النهايات السعيدة..
لحد الآن ما بنسى منظر طالب كيف صرخ بأعلى صوته، لما وصلت بالقصة لانتصار البطل موسى وغرق فرعون!!
.
.
.
بيوم..
دخلت عليهم بوجه غير كل مرة..
وقلتهم اليوم عندي إلكم قصة غير تماما..
وأظهرت إلهم ملامح جادة غير العادة..
كانت وجوههم البريئة بتتساءل، شو في يا أستاذ؟ رح تتركنا وترحل؟
قلتهم لأ.. بس رح يتركنا بطل هالمرة..!
رح يتركنا نكمل قصته ونحمل فكرته..
أستاذ؟؟؟ عن مين بتحكي؟؟!
وقتها خبرتهم قصة أصحاب الأخدود! *
في بداية القصة كانوا مبهورين بشخصية البطل خصوصا إنه قريب من عمرهم..
لأول مرة بشوف عيونهم بتلمع لما خبرتهم كيف نجى من القتل بكل مرة..
وفجأة وأنا بروي القصة ... خبرتهم إنه مات البطل!!
.
.
على غير العادة ما صرخوا ولا صفقوا..
ضلهم ساكتين بشكل غريب..
لحد ما طفل منهم قلي: أستاذ..عيدها بدون ما تمّوته!!
ضحكت من عفويته وقلتله بس هو مات!!
وكل قومه ماتوا حرق بحفرة كبيرة بعده..
.
.
بعدها انتظرت تعليقهم وإجاباتهم..
كانوا فعلا حزينين على نهاية القصة..
لحتى صاروا شوي شوي يقدموا تفاسيرهم..
- أستاذ، البطل مش شرط دائما يعيش!
- أستاذ، بس هو رح يروح عالجنة واللي قتلوه عالنار!
- مو شرط القصة دائما تكون بنهاية حلوة..أستاذ..صح؟
- هو كان شجاع كثير، وبموته آمنوا كل القرية!! لو ما مات ما كانوا رح يعرفوا ربنا!!
- هو مات، لكنه يا أستاذ تركنا لنكمل قصته وبطولته!!!
ضلهم يتناقشوا بينهم..
وحبيت كيف وصلتهم فكرة الصراع بين الحق والباطل، وإنه البطل ممكن يموت وإنه مش شرط النهايات دائما تكون سعيدة.. وإنه في شيء اسمه "آخرة" فيها قطعا كل النهايات السعيدة!!
.
.
فجأة..
قام واحد منهم بعفوية وقال:
ليه زعلانين، هو في الجنة!!
وصرخ بأعلى صوته:
بسم الله رب الغلام!!!!
وضحكوا وهتفوا مع بعض:
بسم الله رب الغلام...
وصفقوله !!!
---------
وَالسَّمَاءِ ذَاتِ الْبُرُوجِ (1) وَالْيَوْمِ الْمَوْعُودِ (2) وَشَاهِدٍ وَمَشْهُودٍ (3) قُتِلَ أَصْحَابُ الْأُخْدُودِ (4) النَّارِ ذَاتِ الْوَقُودِ (5) إِذْ هُمْ عَلَيْهَا قُعُودٌ (6) وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ (7) وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ ( 8 ) الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ (9)
#ARK
#القرآن_الجميل
وكنت في كل مرة أحكيلهم قصة من القرآن أو السيرة..ولإنهم أطفال كنت دائًما أختار إلهم القصص ذات النهايات السعيدة..
كيف سيدنا يوسف نجا من كيد إخوانه وكيف صار ملك..
وكيف ربنا شقّ البحر لسيدنا موسى وأغرق فرعون..
كيف سيدنا يونس خرج من بطن الحوت..
كيف سيدنا نوح بنى السفينة وكيف "الطوفان" أغرق قومه..
كيف سيدنا داوود قتل جالوت.. وهكذا...
.
.
كانوا الأطفال يصرخوا ويصفقوا بنهاية كل قصة..
وكانوا يبتسموا من قلبهم مع كل النهايات السعيدة..
لحد الآن ما بنسى منظر طالب كيف صرخ بأعلى صوته، لما وصلت بالقصة لانتصار البطل موسى وغرق فرعون!!
.
.
.
بيوم..
دخلت عليهم بوجه غير كل مرة..
وقلتهم اليوم عندي إلكم قصة غير تماما..
وأظهرت إلهم ملامح جادة غير العادة..
كانت وجوههم البريئة بتتساءل، شو في يا أستاذ؟ رح تتركنا وترحل؟
قلتهم لأ.. بس رح يتركنا بطل هالمرة..!
رح يتركنا نكمل قصته ونحمل فكرته..
أستاذ؟؟؟ عن مين بتحكي؟؟!
وقتها خبرتهم قصة أصحاب الأخدود! *
في بداية القصة كانوا مبهورين بشخصية البطل خصوصا إنه قريب من عمرهم..
لأول مرة بشوف عيونهم بتلمع لما خبرتهم كيف نجى من القتل بكل مرة..
وفجأة وأنا بروي القصة ... خبرتهم إنه مات البطل!!
.
.
على غير العادة ما صرخوا ولا صفقوا..
ضلهم ساكتين بشكل غريب..
لحد ما طفل منهم قلي: أستاذ..عيدها بدون ما تمّوته!!
ضحكت من عفويته وقلتله بس هو مات!!
وكل قومه ماتوا حرق بحفرة كبيرة بعده..
.
.
بعدها انتظرت تعليقهم وإجاباتهم..
كانوا فعلا حزينين على نهاية القصة..
لحتى صاروا شوي شوي يقدموا تفاسيرهم..
- أستاذ، البطل مش شرط دائما يعيش!
- أستاذ، بس هو رح يروح عالجنة واللي قتلوه عالنار!
- مو شرط القصة دائما تكون بنهاية حلوة..أستاذ..صح؟
- هو كان شجاع كثير، وبموته آمنوا كل القرية!! لو ما مات ما كانوا رح يعرفوا ربنا!!
- هو مات، لكنه يا أستاذ تركنا لنكمل قصته وبطولته!!!
ضلهم يتناقشوا بينهم..
وحبيت كيف وصلتهم فكرة الصراع بين الحق والباطل، وإنه البطل ممكن يموت وإنه مش شرط النهايات دائما تكون سعيدة.. وإنه في شيء اسمه "آخرة" فيها قطعا كل النهايات السعيدة!!
.
.
فجأة..
قام واحد منهم بعفوية وقال:
ليه زعلانين، هو في الجنة!!
وصرخ بأعلى صوته:
بسم الله رب الغلام!!!!
وضحكوا وهتفوا مع بعض:
بسم الله رب الغلام...
وصفقوله !!!
---------
وَالسَّمَاءِ ذَاتِ الْبُرُوجِ (1) وَالْيَوْمِ الْمَوْعُودِ (2) وَشَاهِدٍ وَمَشْهُودٍ (3) قُتِلَ أَصْحَابُ الْأُخْدُودِ (4) النَّارِ ذَاتِ الْوَقُودِ (5) إِذْ هُمْ عَلَيْهَا قُعُودٌ (6) وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ (7) وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ ( 8 ) الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ (9)
#ARK
#القرآن_الجميل
لمحت صورة منتشرة..(في التعليق الأول)
ذكرتني بآية عجيبة..
يَا أَيُّهَا الَّذِينَ آمَنُوا مَن (يَرْتَدَّ مِنكُمْ) عَن دِينِهِ فَسَوْفَ يَأْتِي اللَّهُ (بِقَوْمٍ يُحِبُّهُمْ وَيُحِبُّونَهُ)
.
.
العجيب إنه برتد منكم (واحد)......بيجي بداله (قـــوم) !
والأعجب إنه في هالآية الله ما بخوّف اللي برتدوا عن دينه بالنار أو العذاب..
بخوفهم إنّه رح يحب غيرهم، رح يستبدلهم بقوم (يحبهم ويحبونه)!!
.
.
وما في خسارة وخوف أكبر وأعظم من إنك تخسر (محبة) ربنا ..
.
.
الملفت كمان في الآية إنه ما قال رح يستبدلهم بقوم مؤمنين، صالحين، أتقياء..
هذا أمر مفروغ منه..
في مسافة عظيمة بعد هذا كلـــه..
وهي مســـافة
(المُحبيــن)!
.
.
------------
<3 !
#القرآن_الجميل
#ARK
ذكرتني بآية عجيبة..
يَا أَيُّهَا الَّذِينَ آمَنُوا مَن (يَرْتَدَّ مِنكُمْ) عَن دِينِهِ فَسَوْفَ يَأْتِي اللَّهُ (بِقَوْمٍ يُحِبُّهُمْ وَيُحِبُّونَهُ)
.
.
العجيب إنه برتد منكم (واحد)......بيجي بداله (قـــوم) !
والأعجب إنه في هالآية الله ما بخوّف اللي برتدوا عن دينه بالنار أو العذاب..
بخوفهم إنّه رح يحب غيرهم، رح يستبدلهم بقوم (يحبهم ويحبونه)!!
.
.
وما في خسارة وخوف أكبر وأعظم من إنك تخسر (محبة) ربنا ..
.
.
الملفت كمان في الآية إنه ما قال رح يستبدلهم بقوم مؤمنين، صالحين، أتقياء..
هذا أمر مفروغ منه..
في مسافة عظيمة بعد هذا كلـــه..
وهي مســـافة
(المُحبيــن)!
.
.
------------
<3 !
#القرآن_الجميل
#ARK
الله يجيرنا جميعا من أي (مَرَض).
بتعرفوا إنه نفس كلمة (مَرَض) فيما لو أضفنا شدّة على الراء (مَرّض) بصير معناها نزع وإزاله المرض.
لهيك في اللغة العربية: مرّض المريض، يعني داواه لإزاله مرضه.
------
طيب شو معنى كلمة (حَرَض) ؟
معناها لما الشخص يكون أشرف على الهلاك، ولما يكون بلا حراك أو قدرة أو طاقة.
مثل ما قالوا إخوة يوسف لأبوهم ( قَالُوا تَاللَّهِ تَفْتَأُ تَذْكُرُ يُوسُفَ حَتَّىٰ تَكُونَ حَرَضًا).
يعني رح تضل تحكي عن يوسف لحتى تهلك ويفسد جسمك وعقلك وتصير بلا حراك وقدرة.
.
.
.
ذاكرين كلمة مرض؟ ولما صارت مَرّض يعني أزلنا المرض؟
حرَضَ لما تصير (حرّض) بتصير معناها إنك تزيل الفساد والهلاك والعجز.
----------
تأمل هالآيات؟!
- فَقَاتِلْ فِي سَبِيلِ اللَّهِ لَا تُكَلَّفُ إِلَّا نَفْسَكَ ۚ ((وَحَرِّضِ)) الْمُؤْمِنِينَ ۖ عَسَى اللَّهُ أَن يَكُفَّ بَأْسَ الَّذِينَ كَفَرُوا ۚ وَاللَّهُ أَشَدُّ بَأْسًا وَأَشَدُّ تَنكِيلًا.
- يَا أَيُّهَا النَّبِيُّ ((حَرِّضِ)) الْمُؤْمِنِينَ عَلَى الْقِتَالِ.
.
.
.
حرّض يعني حثهم وشجعهم على القتال، بنفس الوقت أزِل عنهم الهلاك!!
أكيد الآن بتتساءل، طيب القتال بحد ذاته هلاك؟!!
ببساطة، لأ..
الهلاك مش إنك تقاتل وتُقتل..
الهلاك الحقيقي إنك تكون عاجز وما تكون قادر تقاتل وتقتل!!
لهيك حرّض المؤمنين !!
إنزع عنهم هلاكهم وعجزهم من خلال تحريضهم على القتال!
حررهم من عجزهم وقلة حيلتهم..
انقذهم من استمساكهم في الدنيا..
شد من عزيمتهم لحتى ينتصروا على نفوسهم ثم عدوهم..
.
.
وَحَرِّضِ الْمُؤْمِنِينَ ۖ عَسَى اللَّهُ أَن يَكُفَّ بَأْسَ الَّذِينَ كَفَرُوا ۚ وَاللَّهُ أَشَدُّ بَأْسًا وَأَشَدُّ تَنكِيلًا.
🔻⭕️
#القرآن_الجميل
#ARK
بتعرفوا إنه نفس كلمة (مَرَض) فيما لو أضفنا شدّة على الراء (مَرّض) بصير معناها نزع وإزاله المرض.
لهيك في اللغة العربية: مرّض المريض، يعني داواه لإزاله مرضه.
------
طيب شو معنى كلمة (حَرَض) ؟
معناها لما الشخص يكون أشرف على الهلاك، ولما يكون بلا حراك أو قدرة أو طاقة.
مثل ما قالوا إخوة يوسف لأبوهم ( قَالُوا تَاللَّهِ تَفْتَأُ تَذْكُرُ يُوسُفَ حَتَّىٰ تَكُونَ حَرَضًا).
يعني رح تضل تحكي عن يوسف لحتى تهلك ويفسد جسمك وعقلك وتصير بلا حراك وقدرة.
.
.
.
ذاكرين كلمة مرض؟ ولما صارت مَرّض يعني أزلنا المرض؟
حرَضَ لما تصير (حرّض) بتصير معناها إنك تزيل الفساد والهلاك والعجز.
----------
تأمل هالآيات؟!
- فَقَاتِلْ فِي سَبِيلِ اللَّهِ لَا تُكَلَّفُ إِلَّا نَفْسَكَ ۚ ((وَحَرِّضِ)) الْمُؤْمِنِينَ ۖ عَسَى اللَّهُ أَن يَكُفَّ بَأْسَ الَّذِينَ كَفَرُوا ۚ وَاللَّهُ أَشَدُّ بَأْسًا وَأَشَدُّ تَنكِيلًا.
- يَا أَيُّهَا النَّبِيُّ ((حَرِّضِ)) الْمُؤْمِنِينَ عَلَى الْقِتَالِ.
.
.
.
حرّض يعني حثهم وشجعهم على القتال، بنفس الوقت أزِل عنهم الهلاك!!
أكيد الآن بتتساءل، طيب القتال بحد ذاته هلاك؟!!
ببساطة، لأ..
الهلاك مش إنك تقاتل وتُقتل..
الهلاك الحقيقي إنك تكون عاجز وما تكون قادر تقاتل وتقتل!!
لهيك حرّض المؤمنين !!
إنزع عنهم هلاكهم وعجزهم من خلال تحريضهم على القتال!
حررهم من عجزهم وقلة حيلتهم..
انقذهم من استمساكهم في الدنيا..
شد من عزيمتهم لحتى ينتصروا على نفوسهم ثم عدوهم..
.
.
وَحَرِّضِ الْمُؤْمِنِينَ ۖ عَسَى اللَّهُ أَن يَكُفَّ بَأْسَ الَّذِينَ كَفَرُوا ۚ وَاللَّهُ أَشَدُّ بَأْسًا وَأَشَدُّ تَنكِيلًا.
🔻⭕️
#القرآن_الجميل
#ARK
فيما لو مر عليك هالخبرين:
- الأول: أكثر من 23 ألف شخص استشهدوا في غزة.
- الثاني: في جدّ فقد حفيدته "ريم" اللي كان بحبها وبجدّل شعراتها وكان يناديها روح الروح.
لاحظت تغيّر مستوى تعاطفك بين الخبرين؟
-----
الدراسات بتشير إنه لما ترتفع أعداد الضحايا بقل مستوى التعاطف عند الناس، وتفسير هالشيء إنه الأعداد الكبيرة من الضحايا يعتبر شيء أكبر من قدرة الناس على استيعابه والتعاطف معه وبالتالي بحدث "انهيار للتعاطف". فلما تزيد أعداد الضحايا بقوم الناس بكبح مشاعر التعاطف، وبحرص عقلهم إنه يخفض من مستوى تعاطفه لحتى ما يصاب بالإرهاق والاستنزاف.
وبتحول الموضوع من تعاطف لمجرد أرقام واحصائيات!
في المقابل قصة إنسان واحد، بنشعر إنه عنا القدرة على تخيّل آلامه ومعاناته.
لذلك ريم روح الروح، ويوسف الأبيضاني أبو شعر كيرلي، ومعلش من وائل الدحدوح أثروا فينا أكثر من خبر إنه في 23 ألف شخص استشهدوا..
وكما قيل:
"موت إنسان واحد مأساة كبرى، وموت الملايين من البشر مجرد إحصائية".
----------
هالكلام مهم ذكره لعدة أسباب:
- بدنا ننتبه ونحرص ونتذكر إنه زيادة أعداد الضحايا لا يعني يقلل من مستوى تعاطفنا وتفاعلنا.
- يفترض نحرص على نشر أكبر عدد ممكن من القصص لأفراد، ومش نكتفي بذكر الأعداد الكلّية والإحصائيات.
- لما حد ينشر قصة، لا يعني نعترض ونقول إنه في كثير ناس مروا بنفس الألم وما حد حكى عنهم! هالشيء معروف أصلا وكل فرد في غزة إله قصته الخاصة فيه ومأساته الحقيقة وبالتالي وظيفتنا نبرز هالقصص ونتفاعل معها.
- يفترض نبني حملاتنا الداعمة لجمع التبرعات، أو حملاتنا في المقاطعة من خلال قصص أفراد.
فالدراسات بتشير إلى إنه صورة طفل واحد أو قصة وحدة إلها أثر نفسي في الحث على التبرع أكثر من صورة مجموعة من الناس.
واكيد بتلاحظوا كيف الأفلام اللي بتتناول مظلومية شعب مثلا، بكون الفيلم بركز على قصة بطل واحد من هالشعب. أو حملات التبرعات بكون فيها صورة طفل واحد.
-----------
الأهم ما نوقف، وما يقل دعمنا وتعاطفنا..
والمهم ندرك إنه الــــــ 23 ألف شخص..
مش مجرد إحصائيات وأرقام..
وإنه كل فرد فيهم كان بمثّل لشخص ما "روح الروح" !!!
#ARK
- الأول: أكثر من 23 ألف شخص استشهدوا في غزة.
- الثاني: في جدّ فقد حفيدته "ريم" اللي كان بحبها وبجدّل شعراتها وكان يناديها روح الروح.
لاحظت تغيّر مستوى تعاطفك بين الخبرين؟
-----
الدراسات بتشير إنه لما ترتفع أعداد الضحايا بقل مستوى التعاطف عند الناس، وتفسير هالشيء إنه الأعداد الكبيرة من الضحايا يعتبر شيء أكبر من قدرة الناس على استيعابه والتعاطف معه وبالتالي بحدث "انهيار للتعاطف". فلما تزيد أعداد الضحايا بقوم الناس بكبح مشاعر التعاطف، وبحرص عقلهم إنه يخفض من مستوى تعاطفه لحتى ما يصاب بالإرهاق والاستنزاف.
وبتحول الموضوع من تعاطف لمجرد أرقام واحصائيات!
في المقابل قصة إنسان واحد، بنشعر إنه عنا القدرة على تخيّل آلامه ومعاناته.
لذلك ريم روح الروح، ويوسف الأبيضاني أبو شعر كيرلي، ومعلش من وائل الدحدوح أثروا فينا أكثر من خبر إنه في 23 ألف شخص استشهدوا..
وكما قيل:
"موت إنسان واحد مأساة كبرى، وموت الملايين من البشر مجرد إحصائية".
----------
هالكلام مهم ذكره لعدة أسباب:
- بدنا ننتبه ونحرص ونتذكر إنه زيادة أعداد الضحايا لا يعني يقلل من مستوى تعاطفنا وتفاعلنا.
- يفترض نحرص على نشر أكبر عدد ممكن من القصص لأفراد، ومش نكتفي بذكر الأعداد الكلّية والإحصائيات.
- لما حد ينشر قصة، لا يعني نعترض ونقول إنه في كثير ناس مروا بنفس الألم وما حد حكى عنهم! هالشيء معروف أصلا وكل فرد في غزة إله قصته الخاصة فيه ومأساته الحقيقة وبالتالي وظيفتنا نبرز هالقصص ونتفاعل معها.
- يفترض نبني حملاتنا الداعمة لجمع التبرعات، أو حملاتنا في المقاطعة من خلال قصص أفراد.
فالدراسات بتشير إلى إنه صورة طفل واحد أو قصة وحدة إلها أثر نفسي في الحث على التبرع أكثر من صورة مجموعة من الناس.
واكيد بتلاحظوا كيف الأفلام اللي بتتناول مظلومية شعب مثلا، بكون الفيلم بركز على قصة بطل واحد من هالشعب. أو حملات التبرعات بكون فيها صورة طفل واحد.
-----------
الأهم ما نوقف، وما يقل دعمنا وتعاطفنا..
والمهم ندرك إنه الــــــ 23 ألف شخص..
مش مجرد إحصائيات وأرقام..
وإنه كل فرد فيهم كان بمثّل لشخص ما "روح الروح" !!!
#ARK
بتعرفوا مين أول ناس بدخلوا الجنة؟
هذا السؤال سأله النبي صلى الله عليه وسلم في يوم لأصحابه..
فردوا عليه الصحابة: الله ورسوله أعلم.
فجاوبهم:
الفقراءُ المهاجرون الذين تُسدُّ بهم الثغورُ ، وتُتَّقى بهمُ المكارِهُ ، ويموت أحدُهم وحاجتُه في صدرِه لا يستطيعُ لها قضاءً!!!
فيقولُ اللهُ عزَّ وجلَّ لمَن يشاءُ من ملائكتِه ائْتُوهم فحَيُّوهم.
فتقولُ الملائكةُ: ربَّنا نحن سكانُ سمائِكَ ، وخِيرَتُك من خلقِك أفَتأْمُرُنا أنْ نأتيَ هؤلاءِ فنُسلِّمُ عليهم ؟
قال إنهم كانوا عبادًا يعبدُوني ولا يشرِكون بي شيئًا، وتُسدُّ بهم الثغورُ ، وتُتَّقى بهمُ المكارِهُ ، ويموت أحدُهم وحاجتُه في صدرِه لا يستطيعُ لها قضاءً.
قال:
فتأتيهم الملائكةُ عندَ ذلكَ فيدخُلونَ عليهم مِن كلِّ بابٍ:
{سَلَامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّارِ}.
#القرآن_الجميل
#ARK
هذا السؤال سأله النبي صلى الله عليه وسلم في يوم لأصحابه..
فردوا عليه الصحابة: الله ورسوله أعلم.
فجاوبهم:
الفقراءُ المهاجرون الذين تُسدُّ بهم الثغورُ ، وتُتَّقى بهمُ المكارِهُ ، ويموت أحدُهم وحاجتُه في صدرِه لا يستطيعُ لها قضاءً!!!
فيقولُ اللهُ عزَّ وجلَّ لمَن يشاءُ من ملائكتِه ائْتُوهم فحَيُّوهم.
فتقولُ الملائكةُ: ربَّنا نحن سكانُ سمائِكَ ، وخِيرَتُك من خلقِك أفَتأْمُرُنا أنْ نأتيَ هؤلاءِ فنُسلِّمُ عليهم ؟
قال إنهم كانوا عبادًا يعبدُوني ولا يشرِكون بي شيئًا، وتُسدُّ بهم الثغورُ ، وتُتَّقى بهمُ المكارِهُ ، ويموت أحدُهم وحاجتُه في صدرِه لا يستطيعُ لها قضاءً.
قال:
فتأتيهم الملائكةُ عندَ ذلكَ فيدخُلونَ عليهم مِن كلِّ بابٍ:
{سَلَامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّارِ}.
#القرآن_الجميل
#ARK
بدي أوريكم آية من غير أول جزء منها، ولحالكم تستنتجوا وتحزروا مين المخاطب فيها؟!
......... إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ
.
.
.
.
على عكس وخلاف ما توقعتوا غالبا، الآية نزلت لبعض الأسرى في معركة بدر!!
لناس خرجوا لقتال النبي صلى الله عليه وسلم وأصحابه..
لناس كفار ومشركين!!!
يَا أَيُّهَا النَّبِيُّ قُل لِّمَن فِي أَيْدِيكُم مِّنَ الْأَسْرَىٰ إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ
.
.
.
مدهشة رحمة ربنا وهي بتبحث عن الخير بقلوب الأسرى الكفار، واللي خرجوا لقتال نبيه!!
مدهشة وهي بتستحث الخير في قلوبهم وبتعشمهم بمغفرة ربنا ورحمته!!
.
.
هالآية نزلت في الأسرى المشركين..
طيّب ما بالك باللي آمن بربنا وقرر يصوم إله ..
اللي جبهته الآن ملامسة الأرض وبقله يا رب ارحمني؟
#القرآن_الجميل
#ARK
......... إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ
.
.
.
.
على عكس وخلاف ما توقعتوا غالبا، الآية نزلت لبعض الأسرى في معركة بدر!!
لناس خرجوا لقتال النبي صلى الله عليه وسلم وأصحابه..
لناس كفار ومشركين!!!
يَا أَيُّهَا النَّبِيُّ قُل لِّمَن فِي أَيْدِيكُم مِّنَ الْأَسْرَىٰ إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ ۗ وَاللَّهُ غَفُورٌ رَّحِيمٌ
.
.
.
مدهشة رحمة ربنا وهي بتبحث عن الخير بقلوب الأسرى الكفار، واللي خرجوا لقتال نبيه!!
مدهشة وهي بتستحث الخير في قلوبهم وبتعشمهم بمغفرة ربنا ورحمته!!
.
.
هالآية نزلت في الأسرى المشركين..
طيّب ما بالك باللي آمن بربنا وقرر يصوم إله ..
اللي جبهته الآن ملامسة الأرض وبقله يا رب ارحمني؟
#القرآن_الجميل
#ARK
وأنا داخل على احدى المكتبات كان طالع منها شخص ما ركزت بملامحه..
ندمت لاحقا بعد ما عرفت قصته، وقلت يا ريت لو سلمت عليه وطلبت منه يدعيلي!
.
.
دخلت عالمكتبة ورحّب فيي صاحبها اللي بتجمعني فيه صداقة، ودار بينا نقاش عام تقليدي، عن الكتب والحياة والناس..
حكالي شفت الزلمة اللي طلع من المكتبة وإنت داخل عليها؟
- آه شفته..
* اقعد اقعد أحكيلك قصته اللي ممكن ما تصدقها..!
.
.
هذا يا سيدي العزيز كل أولاده حافظين القرآن..
وكل يوم هو وزوجته براجعوا القرآن لولادهم..
فضلا عن همتهم في طلب العلم..
يعني لا أزكيه على الله لكن هالرجل من أولياء الله!!
في داخلي صفنت إنه آه حلو وما شاء الله...ربنا يثبتهم
بس يعني وين الإشي اللي ممكن ما أصدقه؟
.
.
الإشي اللي ممكن تشك فيه وما تصدقه، إنه هالشخص كان بيوم من الأيام سكرجي ما يطلع من الخمارة إلا آخر الليل!!
بس الغريب إنه ما يطلع من الخمارة لبيته..
كان يروح عالمسجد عشان يصلي الفجر!!
وألف مرة المصلين يحكوله يا عمي إصحى أول بعدين تعال عالمسجد!
وهو يرد عليهم: هذا بيت الله مش بيتكم..
وأنا بدي أصلي فيه خاوة عنكم..!!
حاولوا المصلين معاه أكثر من مرة لكن عالفاضي..وبكل مرة بزيد عناده وإصراره وبصلّي معهم الفجر
"خاوة عنهم" !
.
.
مع الوقت أدرك المصلين الخير جواته..وحاولوا مع الشيخ يشتغلوا عليه لعل وعسى يترك الشرب ويسلك طريق الخير والطهارة..
وسبحان الهادي ربنا هداه وتاب عليه..
ولما التزم طريق الخير شافوله بنت يخطبها..
ولما راح يشوفها حلم بنفس الليلة إنه نزلت سلّة من السما فيها نفس البنت اللي شافها..
كانت بمثابة هدية من الله إله..
وهي نفسها الآن اللي بتربي ولاده وبتسمعلهم قرآن..!
---------------
هالشخص رغم ذنوبه وأغلاطه سابقا، إلا إنه كان حريص ما ينسى الله..
صح ما قدر يترك الشرب، لكنّه كمان ما ترك ربنا..
وصح أغلاطه كبيرة، لكن رحمة ربنا بالنسبة إله كانت أكبر منها..
كان يصرّ عالغلط، بنفس الوقت يصرّ علقاء ربنا..
.
.
وبلحظة صدق!
شلال من نور هبط عصدره
دثار دافي أحاط بقلبه..
وميض من ضوء سافر بعروقه..
ملك من السما تسلل لروحه..
دمعة صدق نزلت من عيونه..
لحظة ما قرأ الشيخ عالفجر اللي قرر يصليها "خاوة عنهم":
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
#القرآن_الجميل
#ARK
ندمت لاحقا بعد ما عرفت قصته، وقلت يا ريت لو سلمت عليه وطلبت منه يدعيلي!
.
.
دخلت عالمكتبة ورحّب فيي صاحبها اللي بتجمعني فيه صداقة، ودار بينا نقاش عام تقليدي، عن الكتب والحياة والناس..
حكالي شفت الزلمة اللي طلع من المكتبة وإنت داخل عليها؟
- آه شفته..
* اقعد اقعد أحكيلك قصته اللي ممكن ما تصدقها..!
.
.
هذا يا سيدي العزيز كل أولاده حافظين القرآن..
وكل يوم هو وزوجته براجعوا القرآن لولادهم..
فضلا عن همتهم في طلب العلم..
يعني لا أزكيه على الله لكن هالرجل من أولياء الله!!
في داخلي صفنت إنه آه حلو وما شاء الله...ربنا يثبتهم
بس يعني وين الإشي اللي ممكن ما أصدقه؟
.
.
الإشي اللي ممكن تشك فيه وما تصدقه، إنه هالشخص كان بيوم من الأيام سكرجي ما يطلع من الخمارة إلا آخر الليل!!
بس الغريب إنه ما يطلع من الخمارة لبيته..
كان يروح عالمسجد عشان يصلي الفجر!!
وألف مرة المصلين يحكوله يا عمي إصحى أول بعدين تعال عالمسجد!
وهو يرد عليهم: هذا بيت الله مش بيتكم..
وأنا بدي أصلي فيه خاوة عنكم..!!
حاولوا المصلين معاه أكثر من مرة لكن عالفاضي..وبكل مرة بزيد عناده وإصراره وبصلّي معهم الفجر
"خاوة عنهم" !
.
.
مع الوقت أدرك المصلين الخير جواته..وحاولوا مع الشيخ يشتغلوا عليه لعل وعسى يترك الشرب ويسلك طريق الخير والطهارة..
وسبحان الهادي ربنا هداه وتاب عليه..
ولما التزم طريق الخير شافوله بنت يخطبها..
ولما راح يشوفها حلم بنفس الليلة إنه نزلت سلّة من السما فيها نفس البنت اللي شافها..
كانت بمثابة هدية من الله إله..
وهي نفسها الآن اللي بتربي ولاده وبتسمعلهم قرآن..!
---------------
هالشخص رغم ذنوبه وأغلاطه سابقا، إلا إنه كان حريص ما ينسى الله..
صح ما قدر يترك الشرب، لكنّه كمان ما ترك ربنا..
وصح أغلاطه كبيرة، لكن رحمة ربنا بالنسبة إله كانت أكبر منها..
كان يصرّ عالغلط، بنفس الوقت يصرّ علقاء ربنا..
.
.
وبلحظة صدق!
شلال من نور هبط عصدره
دثار دافي أحاط بقلبه..
وميض من ضوء سافر بعروقه..
ملك من السما تسلل لروحه..
دمعة صدق نزلت من عيونه..
لحظة ما قرأ الشيخ عالفجر اللي قرر يصليها "خاوة عنهم":
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
#القرآن_الجميل
#ARK
مرة دخلنا أنا وصاحبي عالمسجد نصلي المغرب، وكانوا الناس مخلصين صلاة..
فصاحبي قلي أنا رح أصلي فيك، وفعلا بدينا صلاة وقرأ بعد الفاتحة سورة الكوثر..
في الركعة الثانية دخلت مجموعة معنا عالصلاة، حسيت صاحبي انعجق لما سمع آآآآمين من أكثر من حد فجأة..
المهم وقتها رجع كمان مرة قرأ سورة الكوثر!!
ولما خلصنا صلاة قلي بعفوية:
أنا بعرف إني كررت سورة الكوثر بالركعتين، لكن حسيت إني حاب أكررها وأتدبر معانيها أكثر..!!
قلتله لا يا شيخ!!!!
ضحك وقلي: ولك والله انعجقت وقلت بعيدها أحسن ما أجازف بسورة ثانية وأخربط، هي السورة الوحيدة اللي متأكد منها هههه! وكمان أنا جد بحبها..!!
-----------
-----------
فيما لو كنت مثل صديقي بتحب سورة الكوثر، خليني أحكيلك عنها شيء ممكن يخليك تحبها أكثر ")
أكيد بتعرف إنه سورة الكوثر جاءت مواساة لسيدنا محمد صلى الله عليه وسلم لما وصفوه كفار قريش بالأبتر، وقصدهم موت الذكور من أبنائه.
فنزلت السورة تمسح على قلبه بالروح والندى، وتواسيه إنه يا محمد ربنا أعطاك الكوثر، يعني الخير الكثييير... فصلِّ وانحر وما تكترث لكلامهم، وإنه الأبتر مش إنت، الأبتر همه اللي بكرهوك.
.
.
أكيد سمعت أو بتعرف بهاي القصة..
لكن جرّب تلقي نظرة على السور قبل سورة الكوثر، في سورة الفيل ثم سورة قريش ثم سورة الماعون ثم سورة الكوثر.
وقبل هالسور بآلالف السنين، في نبي اسمه ابراهيم كان برفع فيه قواعد البيت، وكان بدعي بقلب صادق:
وَإِذْ قَالَ إِبْرَاهِيمُ رَبِّ اجْعَلْ هَذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ.
.
.
- سورة الفيل: ربنا بذكر فيها حماية الكعبة، وفيها تحقق دعاء ابراهيم رب اجعل هذا بلدا آمنا..
- سورة قريش: ربنا بذكر فيها (أطعمهم من جوع وآمنهم من خوف) وفيها تحقق دعاء سيدنا ابراهيم وأرزق أهله من الثمرات.
- سورة الماعون: بتذكر مآل هذا البيت!! هو بإيد ناس بتكذّب بالدين وما بهتموا باليتيم، لناس ما بحثوا انفسهم على إطعام المسكين، وممكن يقيموا ولائم مدهشة وحفلات ماجنة، في الوقت اللي غيرهم بموتوا من الجوع!!
وحتى صلاتهم رياء وسمعة ومظاهر فقط!!
- سورة الكوثر:
أجت تمسح على قلبه وتواسيه وتبشره بالخير الكثيييييير، وتبشره إنه مآل هالبيت رح يكون إلك ولأصحابك الصادقين، وإنك يا محمد مش أبتر بل إنت صاحب الكوثر..
صلِ وانحر، على خلاف صلاتهم ونحرهم بسورة الماعون..!!!
صلاتك صادقة بلا رياء، ونحرك للأضاحي لحتى تطعم فيه الأيتام والفقراء..
وتذكر يا محمد إنه لو مات إلك أطفالك القاسم وابراهيم.....
فإنت اللي رح تكمل مسيرة وتحمل رآية أخوك النبي ابراهيم !!
#القرآن_الجميل
#ARK
فصاحبي قلي أنا رح أصلي فيك، وفعلا بدينا صلاة وقرأ بعد الفاتحة سورة الكوثر..
في الركعة الثانية دخلت مجموعة معنا عالصلاة، حسيت صاحبي انعجق لما سمع آآآآمين من أكثر من حد فجأة..
المهم وقتها رجع كمان مرة قرأ سورة الكوثر!!
ولما خلصنا صلاة قلي بعفوية:
أنا بعرف إني كررت سورة الكوثر بالركعتين، لكن حسيت إني حاب أكررها وأتدبر معانيها أكثر..!!
قلتله لا يا شيخ!!!!
ضحك وقلي: ولك والله انعجقت وقلت بعيدها أحسن ما أجازف بسورة ثانية وأخربط، هي السورة الوحيدة اللي متأكد منها هههه! وكمان أنا جد بحبها..!!
-----------
-----------
فيما لو كنت مثل صديقي بتحب سورة الكوثر، خليني أحكيلك عنها شيء ممكن يخليك تحبها أكثر ")
أكيد بتعرف إنه سورة الكوثر جاءت مواساة لسيدنا محمد صلى الله عليه وسلم لما وصفوه كفار قريش بالأبتر، وقصدهم موت الذكور من أبنائه.
فنزلت السورة تمسح على قلبه بالروح والندى، وتواسيه إنه يا محمد ربنا أعطاك الكوثر، يعني الخير الكثييير... فصلِّ وانحر وما تكترث لكلامهم، وإنه الأبتر مش إنت، الأبتر همه اللي بكرهوك.
.
.
أكيد سمعت أو بتعرف بهاي القصة..
لكن جرّب تلقي نظرة على السور قبل سورة الكوثر، في سورة الفيل ثم سورة قريش ثم سورة الماعون ثم سورة الكوثر.
وقبل هالسور بآلالف السنين، في نبي اسمه ابراهيم كان برفع فيه قواعد البيت، وكان بدعي بقلب صادق:
وَإِذْ قَالَ إِبْرَاهِيمُ رَبِّ اجْعَلْ هَذَا بَلَدًا آمِنًا وَارْزُقْ أَهْلَهُ مِنَ الثَّمَرَاتِ.
.
.
- سورة الفيل: ربنا بذكر فيها حماية الكعبة، وفيها تحقق دعاء ابراهيم رب اجعل هذا بلدا آمنا..
- سورة قريش: ربنا بذكر فيها (أطعمهم من جوع وآمنهم من خوف) وفيها تحقق دعاء سيدنا ابراهيم وأرزق أهله من الثمرات.
- سورة الماعون: بتذكر مآل هذا البيت!! هو بإيد ناس بتكذّب بالدين وما بهتموا باليتيم، لناس ما بحثوا انفسهم على إطعام المسكين، وممكن يقيموا ولائم مدهشة وحفلات ماجنة، في الوقت اللي غيرهم بموتوا من الجوع!!
وحتى صلاتهم رياء وسمعة ومظاهر فقط!!
- سورة الكوثر:
أجت تمسح على قلبه وتواسيه وتبشره بالخير الكثيييييير، وتبشره إنه مآل هالبيت رح يكون إلك ولأصحابك الصادقين، وإنك يا محمد مش أبتر بل إنت صاحب الكوثر..
صلِ وانحر، على خلاف صلاتهم ونحرهم بسورة الماعون..!!!
صلاتك صادقة بلا رياء، ونحرك للأضاحي لحتى تطعم فيه الأيتام والفقراء..
وتذكر يا محمد إنه لو مات إلك أطفالك القاسم وابراهيم.....
فإنت اللي رح تكمل مسيرة وتحمل رآية أخوك النبي ابراهيم !!
#القرآن_الجميل
#ARK
يوسف عليه السلام ما تمنى الموت لما إخوته ألقوه في البئر...
ولا لما انباع بثمن بخس..
ولا لما اتهموه بالسرقة...
ولا لما اتهمته امرأة العزيز..
ولا تمنى الموت لما دخل السجن...
لكن لما دخل عليه أبواه، وسجدوا إخوته، وتمّ إله الملك....قال:
(تَوَفَّنِي مُسلِمَا) !!!
.
.
.
قال أبو علي الدقاق:
من علامات الشوق: تمنى الموت على بساط العوافي.
#القرآن_الجميل
#ARK
ولا لما انباع بثمن بخس..
ولا لما اتهموه بالسرقة...
ولا لما اتهمته امرأة العزيز..
ولا تمنى الموت لما دخل السجن...
لكن لما دخل عليه أبواه، وسجدوا إخوته، وتمّ إله الملك....قال:
(تَوَفَّنِي مُسلِمَا) !!!
.
.
.
قال أبو علي الدقاق:
من علامات الشوق: تمنى الموت على بساط العوافي.
#القرآن_الجميل
#ARK
مرة طلعنا عمرة مع شباب الجامعة، وكان معنا شب كثير عفوي وفايع ")
بنفس الوقت كان أكثر واحد فينا متحمس للعمرة، وكان هالحماس واضح من خلال انصاته لكلام الشيخ في الباص، ومن خلال أسئلته العفوية والمضحكة أحيانا^^
- شيخ مش قادر أحفظ آية الصفا والمروة.. أيّ والله طويلة..
- طيّب لو خربطت بعدّ الأشواط..إن شاء الله بعيد من الأول؟
- شيخ هسا شو أحكي بالزبط عشان الله يغفرلي؟
- طيّب شيخ هسا بقدر أدعي أشياء بالعامية؟ أنا بعرفش بالفصحى أدعي زيكم !!
.
.
.
وفي ليلة من ليالي الرحلة، كنّا كلنا متجمعين وسهرانين..
فهو قام وقال: خلص يا شباب، بالله خلينا ننام عشان نلحق الفجر.. ترى اليوم ناوي أصلي جنب الكعبة..
لحظتها دخل الشيخ وقلنا ما تنسوا تنزلوا قبل الفجر بوقت عشان صلاة التهجد..
نط هو وقال شيخ شو يعني صلاة التهجد؟؟؟
رد الشيخ: يعني صلاة القيام، وما تنسوا حديث النبي صلى الله عليه وسلم:
إذا كان الثلث الأخير من الليل، ينزل ربنا إلى سماء الدنيا فينادي فيقول: هل من سائل فأعطيه؟ هل من مستغفر فأغفر له؟ هل من تائب فأتوب عليه؟
.
.
لحد هاللحظة ما بتغيب عن بالي ردة فعله لما سمع الحديث!
شيييييخ يعني ربنا بنادي علينا؟؟ مين عنده سؤال؟ مين بدو أغفرله؟ مين بدو أتوب عليه؟؟؟
ابتسم الشيخ من عفويته وقله آه...
فجأة قام من مكانه..
قلناله وين؟؟؟
فقال:
الله بنادي...
وأنا رايح أرد عليه !!
------------
طيّب وإنت...
ما بدك ترد عليه؟؟!!
#ARK
بنفس الوقت كان أكثر واحد فينا متحمس للعمرة، وكان هالحماس واضح من خلال انصاته لكلام الشيخ في الباص، ومن خلال أسئلته العفوية والمضحكة أحيانا^^
- شيخ مش قادر أحفظ آية الصفا والمروة.. أيّ والله طويلة..
- طيّب لو خربطت بعدّ الأشواط..إن شاء الله بعيد من الأول؟
- شيخ هسا شو أحكي بالزبط عشان الله يغفرلي؟
- طيّب شيخ هسا بقدر أدعي أشياء بالعامية؟ أنا بعرفش بالفصحى أدعي زيكم !!
.
.
.
وفي ليلة من ليالي الرحلة، كنّا كلنا متجمعين وسهرانين..
فهو قام وقال: خلص يا شباب، بالله خلينا ننام عشان نلحق الفجر.. ترى اليوم ناوي أصلي جنب الكعبة..
لحظتها دخل الشيخ وقلنا ما تنسوا تنزلوا قبل الفجر بوقت عشان صلاة التهجد..
نط هو وقال شيخ شو يعني صلاة التهجد؟؟؟
رد الشيخ: يعني صلاة القيام، وما تنسوا حديث النبي صلى الله عليه وسلم:
إذا كان الثلث الأخير من الليل، ينزل ربنا إلى سماء الدنيا فينادي فيقول: هل من سائل فأعطيه؟ هل من مستغفر فأغفر له؟ هل من تائب فأتوب عليه؟
.
.
لحد هاللحظة ما بتغيب عن بالي ردة فعله لما سمع الحديث!
شيييييخ يعني ربنا بنادي علينا؟؟ مين عنده سؤال؟ مين بدو أغفرله؟ مين بدو أتوب عليه؟؟؟
ابتسم الشيخ من عفويته وقله آه...
فجأة قام من مكانه..
قلناله وين؟؟؟
فقال:
الله بنادي...
وأنا رايح أرد عليه !!
------------
طيّب وإنت...
ما بدك ترد عليه؟؟!!
#ARK
يا ترى هل السمنة مُعدية؟ يعني هل ممكن يزيد وزني عشان صديقي زاد وزنه؟ أو هل ممكن بنت يزيد وزنها عشان أختها بالبيت زاد وزنها؟
بيوم تساءل "نيكولاس كريتاكيس" من كلية الطب في هارفرد و"جميس فاولر" من جامعة كاليفورنيا إنه هل زيادة الوزن إشي ممكن ينتقل من شخص لآخر مثله مثل الأمراض الوبائية..
استنتجوا في نهاية المطاف التالي:
حين يصبح أحد الأصدقاء سمينا، فإن احتمال السمنة مستقبلا يزيد بنسبة تزيد على 171%، المرأة التي يزيد وزن أختها يزيد احتمال سمنتها بمعدل 67%، والرجل الذي يصاب أخوه بالسمنة تزيد احتمالات سمنته إلى ما يزيد على 45%.
اكتشفوا كمان إنه العدوى غير مقتصرة على موضوع السمنة، وكمان التدخين وشرب الكحول وتعاطي المخدرات وكثير سلوكيات ثانية.
.
.
.
في الحقيقة مفهوم (العدوى) أوسع مما بنتخيل، وما بقتصر فقط على الأمراض الوبائية مثل ما كنّا نظن..
في عدوى عاطفية، مثل لما نحزن لما نجالس صديقنا المكتئب، أو لما نضحك مع صديقنا خفيف الدم. وهذا بفسر استخدام بعض البرامج الكوميدية ضحكات في الخلفية، همّه بأملوا إنه صوت ضحك الآخرين يعديك، وبالتالي إنه يوقظ رغبتك في الضحك.
في عدوى لغة الجسد، يعني لو لاحظت شخصين جالسين مع بعض، رح تلاحظ مع الوقت إنهم بتبنوا الأوضاع الجسدية لبعضهم البعض، يعني لو حد مآل لورا الثاني بميل، ولو حد حط رجل على رجل الثاني نفس الشيء، لهيك بتم تدريب موظفي المبيعات والمديرين والسياسيين على التقليد العمدي لإشارات الآخرين، لإنه هذا بقودهم للتأثير فيهم بشكل أكثر سهولة.
في عدوى الأهداف، فممكن نتبنى أهداف الآخرين ونتأثر فيها، ممكن نقرر نقرأ كتاب، أو نحضر دورة مفيدة، أو نشترك بحمية غذائية فقط لأنه آخر بعنينا أعلن هدفه أمامنا.
وهذا بالمجمل شيء جيد، إلا في حال أصابتك عدوى أهداف غبية..
مثل إنك تقرر تترك وظيفتك أو دراستك عشان تقلّد هدف شخص ما بشبهك ولا بشبه ظروفك قاعد بتفلسف عليك في البودكاست!
.
.
.
العدوى الأخطر هي لما نتأثر بالناس اللي فقدوا إرادتهم واتبعوا شهواتهم ومشيوا ورا نوازعهم.
ومهما زعمنا إنه إحنا أصحاب إرادة حرة، وفاخرنا بحريتنا واستقلالنا عن الآخرين ، لكن في الحقيقة لو تأملنا حياتنا رح نجد إنه وقعنا في أخطاء كثيرة وممكن سوغناها لأنفسنا فقط لإنه الآخرين وقعوا فيها.
قراءة احصائية واحدة عن انتشار السمنة أو التدخين أو دخول المواقع الإباحية أو معدلات الغش، كفيلة تشعرك بالراحة الضمنية، وبدل ما تفكر بتغيير سلوكك بتخاطب نفسك إنه أنا مثلي مثل الناس، مش لحالي !!
.
.
.
بناء على ما سبق، ممكن بنستنتج التالي:
- كون صادق مع نفسك، وراجع حالك وارصد سلوكياتك اللي في الحقيقة كانت خاضعة مش لسيطرتك الشخصية، بل كانت خاضعة لتأثير المجتمع.
- الحكمة الدينية من فكرة إنه الإنسان يستر على نفسه وما يجاهر في الخطأ، فكل أمتي معافى إلا المجاهرون.
مجاهرتك بخطأ كفيل يعدي الآخرين بتقليده، أو بتهوين الخطأ بعيونهم.
فما تنجر لمجاهرات الناس، ولو ربنا ابتلاك استر على نفسك!
- الدين بحذرنا من فكرة الخوض بما يخوض به الأخرون.
يعني لو كل الناس خاضوا في موضوع معين أو خاضوا في خطأ ما، أو شملتهم إحصائية وصاروا الغالبية، فهذا أبدا مش مبرر إلك للخوض معهم.
- الاستنتاج الأخير والمهم:
بدك تنحف؟ خايف وزنك يزيد؟ قبل ما تفكر بالحمية والجيم..
حط حد لصديقك أو لأخوك وأختك!!! "))
#ARK
بيوم تساءل "نيكولاس كريتاكيس" من كلية الطب في هارفرد و"جميس فاولر" من جامعة كاليفورنيا إنه هل زيادة الوزن إشي ممكن ينتقل من شخص لآخر مثله مثل الأمراض الوبائية..
استنتجوا في نهاية المطاف التالي:
حين يصبح أحد الأصدقاء سمينا، فإن احتمال السمنة مستقبلا يزيد بنسبة تزيد على 171%، المرأة التي يزيد وزن أختها يزيد احتمال سمنتها بمعدل 67%، والرجل الذي يصاب أخوه بالسمنة تزيد احتمالات سمنته إلى ما يزيد على 45%.
اكتشفوا كمان إنه العدوى غير مقتصرة على موضوع السمنة، وكمان التدخين وشرب الكحول وتعاطي المخدرات وكثير سلوكيات ثانية.
.
.
.
في الحقيقة مفهوم (العدوى) أوسع مما بنتخيل، وما بقتصر فقط على الأمراض الوبائية مثل ما كنّا نظن..
في عدوى عاطفية، مثل لما نحزن لما نجالس صديقنا المكتئب، أو لما نضحك مع صديقنا خفيف الدم. وهذا بفسر استخدام بعض البرامج الكوميدية ضحكات في الخلفية، همّه بأملوا إنه صوت ضحك الآخرين يعديك، وبالتالي إنه يوقظ رغبتك في الضحك.
في عدوى لغة الجسد، يعني لو لاحظت شخصين جالسين مع بعض، رح تلاحظ مع الوقت إنهم بتبنوا الأوضاع الجسدية لبعضهم البعض، يعني لو حد مآل لورا الثاني بميل، ولو حد حط رجل على رجل الثاني نفس الشيء، لهيك بتم تدريب موظفي المبيعات والمديرين والسياسيين على التقليد العمدي لإشارات الآخرين، لإنه هذا بقودهم للتأثير فيهم بشكل أكثر سهولة.
في عدوى الأهداف، فممكن نتبنى أهداف الآخرين ونتأثر فيها، ممكن نقرر نقرأ كتاب، أو نحضر دورة مفيدة، أو نشترك بحمية غذائية فقط لأنه آخر بعنينا أعلن هدفه أمامنا.
وهذا بالمجمل شيء جيد، إلا في حال أصابتك عدوى أهداف غبية..
مثل إنك تقرر تترك وظيفتك أو دراستك عشان تقلّد هدف شخص ما بشبهك ولا بشبه ظروفك قاعد بتفلسف عليك في البودكاست!
.
.
.
العدوى الأخطر هي لما نتأثر بالناس اللي فقدوا إرادتهم واتبعوا شهواتهم ومشيوا ورا نوازعهم.
ومهما زعمنا إنه إحنا أصحاب إرادة حرة، وفاخرنا بحريتنا واستقلالنا عن الآخرين ، لكن في الحقيقة لو تأملنا حياتنا رح نجد إنه وقعنا في أخطاء كثيرة وممكن سوغناها لأنفسنا فقط لإنه الآخرين وقعوا فيها.
قراءة احصائية واحدة عن انتشار السمنة أو التدخين أو دخول المواقع الإباحية أو معدلات الغش، كفيلة تشعرك بالراحة الضمنية، وبدل ما تفكر بتغيير سلوكك بتخاطب نفسك إنه أنا مثلي مثل الناس، مش لحالي !!
.
.
.
بناء على ما سبق، ممكن بنستنتج التالي:
- كون صادق مع نفسك، وراجع حالك وارصد سلوكياتك اللي في الحقيقة كانت خاضعة مش لسيطرتك الشخصية، بل كانت خاضعة لتأثير المجتمع.
- الحكمة الدينية من فكرة إنه الإنسان يستر على نفسه وما يجاهر في الخطأ، فكل أمتي معافى إلا المجاهرون.
مجاهرتك بخطأ كفيل يعدي الآخرين بتقليده، أو بتهوين الخطأ بعيونهم.
فما تنجر لمجاهرات الناس، ولو ربنا ابتلاك استر على نفسك!
- الدين بحذرنا من فكرة الخوض بما يخوض به الأخرون.
يعني لو كل الناس خاضوا في موضوع معين أو خاضوا في خطأ ما، أو شملتهم إحصائية وصاروا الغالبية، فهذا أبدا مش مبرر إلك للخوض معهم.
- الاستنتاج الأخير والمهم:
بدك تنحف؟ خايف وزنك يزيد؟ قبل ما تفكر بالحمية والجيم..
حط حد لصديقك أو لأخوك وأختك!!! "))
#ARK
مرة وأنا رايح أقدم امتحان في الجامعة، لمحت بطريقي شب وبنت بوضع غير لائق.. وصراحة منظرهم وجعلي قلبي..
دخلت الإمتحان، وكشخص ما خطرله بيوم يغش لأسباب عديدة ومن ضمنها بالمناسبة إني أشطر واحد، وبالتالي فش حد أغش منه ") مع ذلك وقتها حاولت أغش، لكن محاولتي باءت بالفشل، لكن النية والله كانت موجودة!
بعد الامتحان وجدت نفسي بنقاد لسلسلة من التصرفات اللي ما بتشبهني..
مثلا سواقتي كانت طايشة، كنت ناوي أنجز أشياء وأجلتها، أكلت أكثر من حاجتي، وما رحت لحصة الرياضة، وأذن العشا والمسجد جنبي وكسّلت أدخل أصلي..!!
.
.
.
طيّب شو دخل الشب والبنت اللي لمحتهم بسلسلة التصرفات اللي صدرت مني لاحقا؟؟!
مرة قرأت عن دراسة عملوها في أحد المحلات التجارية، علقّوا لافتات مثل: ممنوع ترك عربات التسوق في كراج السيارت، وممنوع اصطفاف الدراجات في المكان الفلاني..
ودفعوا بعض الناس لمخالفة التعليمات، وبدأوا يرصدوا سلوك الناس..
أكيد أكيد بتعرفوا إنه الناس كمان خالفت التعليمات، وأكيد بتعرفوا إنه لما حد فينا يخترق قانون الأغلب بلحقه..
يعني لما حد يصف سيارته بمكان خطأ، الناس بتصف وراه...
لما حد يتجاوز في الطابور بنلاقي حالنا مشينا وراه..
لكن الغريب بالدراسة مش إنه الناس لما شافت ناس اخترقت القواعد قلّدتها...
الغريب إنه الناس بدأت تخرق قواعد أخرى...
وإنه حتى الناس اللي التزموا بالقواعد وما خالفوها، خرقوا قواعد ثانية..!!
يعني مثلا ممكن شخص فعليا ما ترك عربات التسوق في الكراج، ولا صفّ دراجته بالمكان الخطأ، لكنه لما شاف الناس بتعمل هيك، قام مشى بطريق غير مسموح، أو رمى الأوساخ عالأرض، او كان أكثر فظاظة بالتعامل!
وهذا يعني إنه إحنا لما نراقب تجاهل الأخرين للقواعد واتباعهم لنوازعهم، بنصير أكثر ميلا للاستسلام أمام أيّ من نوازعنا شو ما كانت، يعني مش شرط نستسلم للي استسلم إله الآخرون أو نخرق فقط ما خرقه الأخرون،
لأ، إحنا بناخد الفكرة الأعم وهي اتباع النوازع واختراق القواعد!!
يعني ممكن حد يطلع رحلة ويلاقي الناس بترمي الأوساخ عالأرض، ممكن هالشيء يدفعه يتجاوز السرعة بطريق عودته!
وممكن لو شخص قطع الإشارة الحمرا أمامك، يدفعك هالشيء لتصرف مصاري أكثر من حاجتك..
وممكن لو قرأت بوست عن حد وقع بغلط، يقودك هالشيء لتأجيل واجباتك..
------------
متخيلين كم من سلوكياتنا الخاطئة كانت فقط بسبب إنه الآخرين اتبعوا نوازعهم!!
متخيلين كم "ريلز" بنشوف في اليوم لناس بتتجاوز المعايير وبتمشي ورا شهواتها؟!!
وإحنا فكرنا إنه بمجرد ما رفضنا تقليد تصرفاتهم فإحنا بخير..
لكن في الحقيقة إحنا صح ما قلدنا تصرفاتهم لكن قلّدنا الفكرة العامة لتجاوزهم..
وما دام ما ارتكبنا خطأ بحجم خطأهم فهذا ببرر إلنا نفسيا أخطائنا..
وهذا بخلينا أكثر كسلا عن ممارسة الخير الموجود بقلوبنا..
.
.
بالضبط مثل شب رايح يقدم امتحان وشاف شب وبنت بوضع غير لائق، فحاول يغش، وساق بسرعة، وأجل التزاماته، وأكل كثير، وما صلى بالمسجد، من غير ما يشعر بتأنيب ضمير..
لإنه ببساطة كل أخطائه وتنازلاته شاف إنها ما بترقى لمستوى الخطأ اللي شافه..
ممكن كان الأجدر فيه يدعي للشب والبنت بالستر والهداية..
كان الأجدر يفكر بنفسه وعمله.. وما يبرر نفسيا أخطائه وتنازلاته..
مش يحاول يغش ويا ريت زبطت معه!!!
#ARK
دخلت الإمتحان، وكشخص ما خطرله بيوم يغش لأسباب عديدة ومن ضمنها بالمناسبة إني أشطر واحد، وبالتالي فش حد أغش منه ") مع ذلك وقتها حاولت أغش، لكن محاولتي باءت بالفشل، لكن النية والله كانت موجودة!
بعد الامتحان وجدت نفسي بنقاد لسلسلة من التصرفات اللي ما بتشبهني..
مثلا سواقتي كانت طايشة، كنت ناوي أنجز أشياء وأجلتها، أكلت أكثر من حاجتي، وما رحت لحصة الرياضة، وأذن العشا والمسجد جنبي وكسّلت أدخل أصلي..!!
.
.
.
طيّب شو دخل الشب والبنت اللي لمحتهم بسلسلة التصرفات اللي صدرت مني لاحقا؟؟!
مرة قرأت عن دراسة عملوها في أحد المحلات التجارية، علقّوا لافتات مثل: ممنوع ترك عربات التسوق في كراج السيارت، وممنوع اصطفاف الدراجات في المكان الفلاني..
ودفعوا بعض الناس لمخالفة التعليمات، وبدأوا يرصدوا سلوك الناس..
أكيد أكيد بتعرفوا إنه الناس كمان خالفت التعليمات، وأكيد بتعرفوا إنه لما حد فينا يخترق قانون الأغلب بلحقه..
يعني لما حد يصف سيارته بمكان خطأ، الناس بتصف وراه...
لما حد يتجاوز في الطابور بنلاقي حالنا مشينا وراه..
لكن الغريب بالدراسة مش إنه الناس لما شافت ناس اخترقت القواعد قلّدتها...
الغريب إنه الناس بدأت تخرق قواعد أخرى...
وإنه حتى الناس اللي التزموا بالقواعد وما خالفوها، خرقوا قواعد ثانية..!!
يعني مثلا ممكن شخص فعليا ما ترك عربات التسوق في الكراج، ولا صفّ دراجته بالمكان الخطأ، لكنه لما شاف الناس بتعمل هيك، قام مشى بطريق غير مسموح، أو رمى الأوساخ عالأرض، او كان أكثر فظاظة بالتعامل!
وهذا يعني إنه إحنا لما نراقب تجاهل الأخرين للقواعد واتباعهم لنوازعهم، بنصير أكثر ميلا للاستسلام أمام أيّ من نوازعنا شو ما كانت، يعني مش شرط نستسلم للي استسلم إله الآخرون أو نخرق فقط ما خرقه الأخرون،
لأ، إحنا بناخد الفكرة الأعم وهي اتباع النوازع واختراق القواعد!!
يعني ممكن حد يطلع رحلة ويلاقي الناس بترمي الأوساخ عالأرض، ممكن هالشيء يدفعه يتجاوز السرعة بطريق عودته!
وممكن لو شخص قطع الإشارة الحمرا أمامك، يدفعك هالشيء لتصرف مصاري أكثر من حاجتك..
وممكن لو قرأت بوست عن حد وقع بغلط، يقودك هالشيء لتأجيل واجباتك..
------------
متخيلين كم من سلوكياتنا الخاطئة كانت فقط بسبب إنه الآخرين اتبعوا نوازعهم!!
متخيلين كم "ريلز" بنشوف في اليوم لناس بتتجاوز المعايير وبتمشي ورا شهواتها؟!!
وإحنا فكرنا إنه بمجرد ما رفضنا تقليد تصرفاتهم فإحنا بخير..
لكن في الحقيقة إحنا صح ما قلدنا تصرفاتهم لكن قلّدنا الفكرة العامة لتجاوزهم..
وما دام ما ارتكبنا خطأ بحجم خطأهم فهذا ببرر إلنا نفسيا أخطائنا..
وهذا بخلينا أكثر كسلا عن ممارسة الخير الموجود بقلوبنا..
.
.
بالضبط مثل شب رايح يقدم امتحان وشاف شب وبنت بوضع غير لائق، فحاول يغش، وساق بسرعة، وأجل التزاماته، وأكل كثير، وما صلى بالمسجد، من غير ما يشعر بتأنيب ضمير..
لإنه ببساطة كل أخطائه وتنازلاته شاف إنها ما بترقى لمستوى الخطأ اللي شافه..
ممكن كان الأجدر فيه يدعي للشب والبنت بالستر والهداية..
كان الأجدر يفكر بنفسه وعمله.. وما يبرر نفسيا أخطائه وتنازلاته..
مش يحاول يغش ويا ريت زبطت معه!!!
#ARK
HTML Embed Code: