ذكرى وفاة ام البنين عليها السلام
https://hottg.com/Alabbodi

هاي ام البنين البشدد تحضر
اي والله وحك عباس متقصر
تذكروها ××× وتحلفوها ××× ببو فاضل

والله ××× والله ××× هاي ام الفضل والغيره عدها
للدين××× وحسين××× ضحت بالولد ونطت ولدها
ديوان ××× عنوان ××× صارت للوفه لمن تعدها
لحسين ××× لحسين ××× بس لحسينها كثرت نشدها

كالت اربعتهم فدوه لحسيني
للزهراء اريداً اوفي ابديني
تصد ليهم ××× تحاجيهم ××× شنو الحاصل --‐----١

عباس ××× عباس ××× كبل لا اطلع توصيني عنها
يا ماي ××× رواي ××× يا كافل اخيته الماكو منها
يا جود ××× والجود ××× مو ماي انترس غيره من ابنها
يا حيد ××× ونريد ××× تذل الماي يا كافل ضعنها

أعرفك يا شهم يا غيره يا رايه
فرات العلكمي ردتك تذل مايه
شبل حيدر ××× مثل حيدر ××× من يقاتل--‐----٢

لو صار ××× إنذار ××× بالطف عالحرب هدو ولدها
عباس ××× نوماس ××× لجل الحره روس الكل حصدها
عثمان ××× عنوان ××× وكت الموزمه اعدائه يردها
عيناك ××× يمناك ××× عبد الله الرجال بسيفه صدها

كل هذا وتكول اولادي ما كفوا
لو مية ولد عندي فلا وفوا
يغيرتها ××× وينخوتها ××× فلا تجامل --‐----٣


متريد ××× وبعيد ××× عنها من صدك طولتو الغياب
وليل ××× اطويل ××× عنكم تسال وتنشد هوه الهاب
لحسين ××× تردين ××× سالتي الناعي مو لهلج الغياب
تكولين ×××ياعين ××× البيت ابلايه والي اليوم ينعاب

المهم احسيني سالم والبكه براسي
وخل تنكطع جف الغالي عباسي
ردت هايه ××× وصفت رايه ××× وعلم نازل--‐----٤

الله ××× والله ××× باب من الحوائج فاتحلها
مهموم ××× مهضوم ××× بس اكصدها ودموعك تهلها
متخيب ××× وتصيب ××× مكضيه ومصيباتك تحلها
ومتحير ××× وتصير ××× من تحلفها بخته وبالكفلها

وحك عباس اكول الحاجه مكضيه
وبخدر المشت للشام مسبيه
يحاجتكم ××× تجي لعدكم ××× بلا مقابل --‐----٥

عباس العبودي الواسطي
٢٠٢١ م _ ١٤٤٣
https://hottg.com/Alabbodi

لخيبر كان هو الأجدر ××× فتاها
لا سيف الا ذو الفقار ××× فتاها
وصيتٌ من الله جائت ××× فتاها
فبلغ يا محمد بالوصيه

عباس العبودي الواسطي
٢٠٢١ م - ١٤٤٣ هجري
https://hottg.com/Alabbodi

ذكرى استشهاد الإمام موسى الكاظم عليه السلام
https://hottg.com/Alabbodi

امشو يا شيعه نروح أعلى الجسر
نواسي ابن جعفر وكلبه المنكسر
من مضامين الوفاء ××× واجب انقدم عزاء
عزااااااااااء

الشيعه كلها بلا فكر صارت حياره
لموسى راحت عالجسر وبأنتضاره
رادو يشوفونه اصحابه الغياره
مكيد ومسموم اجه وماشع نهاره

جمعه جانت بالأمل متجمعين
جنازه اجاهم ابن خير المتقين
لابن خير الاتقياء ××× واجب انقدم عزاء
عزااااااااااء

موسى بامر الباري ميرد المطالب
والكصدله ما اضن يرده خايب
بامر الله تشوف من عنده العجايب
ولو جنت مغلوب ترجع منه غالب

هو دكتور العلل بمر المبين
لو كصدته ما ترد خالي الادين
ما ترد ابلا شفاء ××× واجب انقدم عزاء
عزااااااااااء

موسى صح مسجون وهمومه عديده
مسمم وقيد السناسل ماكل ايده
لو كصدته بهمك اتنول التريده
باب للمحتاج وهمومه شديده

للحوائج موسى وهموم الثكال
تعنه ليه بهمك ودمعك تعال
هذا باب من العطاء ××× واجب انقدم عزاء
عزااااااااااء

واجب انقدم عزانه ودمعه نهدي
عالحزن واللوعه ياروحي اشهدي
الدمعه نزلت نار وتجوي أعلى خدي
نوسي بيها حضرت الغايب المهدي

دمعه راحت تشتكي لربها المجيب
عالجسر مسموم ابن جعفر غريب
دمعه جانت من دماء ××× واجب انقدم عزاء
عزااااااااااء

الليله املاك السمه تنوح وحزينه
للنجف متعنيه من أرض المدينه
جابت وياها دمع بضعت نبينه
بموسى ابن جعفر اجت واست علينه

واست الوالي علي بحزن وشجون
للمغيب ضلم في قعر السجون
ناحت لهذا البلاء ××× واجب انقدم عزاء
عزااااااااااء


عباس العبودي الواسطي
ذكرى استشهاد راهب ال محمد
https://hottg.com/Alabbodi

اعمال ليلة القدر جاهزة وكاملة امانه نسالكم الدعاء لقضاء حوائجنا☝️☝️☝️☝️
اخوكم الرادود احمد الزوار

هدم قبور البقيع
https://hottg.com/Alabbodi

قادم ...مهدينه يثئر بيده شايل رايه
قادم ...يبني البقيع يثبتلنه الثايه
بيمينه سل فقاره ...ما يرد الا بثاره
مهدينه يثئر بيده شايل رايه

قادم يجي بلوعه وصبر ...ويزور قبر الزهره
ويقسم على الضلع الزكي ... المكسور من الحره
يتوجه بنضرة حزن ... وبگلبه غصه وحسره
يبني القبور الاربعه ... يشيد مناره وحضره

يگلهه ...ثارج يحره آخذه ويه البيعه
يگلهه... كسر الضلع ثار ابدء بتوقيعه
ما تبقى ابد محتاره ... ما يرد إلا بثاره
مهدينه يثئر بيده شايل رايه ...........١

يتوجه لعمه الحسن ... ونار الفجيعه ابكلبه
ياعم يمهجة ناضري ... ثأرك امربع طلبه
ماكو تهاون عالعدى ... ما نقبل ومنجربه
السمك نسمه ونلعنه ... والضرب سهم نضربه

قبرك ... نبني يعم غصباً على الضدونه
قبرك ... جنه ونزوره وفنهم يمنعونه
للشيعه هاي ابشاره .. ما يرد الا بثاره
مهدينه يثئر بيده شايل رايه ............٢

من بعد ميزور الحسن ... يزور العليل ابلهفه
المظلوم من اهل الرجس ... والقيد ماكل جفه
ناح وبجه يم الگبر ... مسلوب الف يا وسفه
الميدان يشهد ها غداً ... عالعدى نشوف الرجفه

باجر ... سيف الامام ينال من اعدنه
باجر ... يتحاسبون احفاد ابن مرجانه
بينت هاي اثاره ...مايرد الا بثاره
مهدينه يثئر بيده شايل رايه ...........٣

لمحمد الباقر يمر ... يم قبره يشعل شمعه
ويكله قبرك ينبني... وبيه الاذان انرفعه
والشيعه تكصدلك مشي ... بالصحن تذرف دمعه
باب الحوائج للخلك .... واليعتنيك اتسمعه

يرجع ... مبتسم فرحان وينول امراده
يرجع ... ويقهر عدوه وتنقهر حُساده
استمع هاي اخباره ... ما يرد الا بثاره
مهدينه يثر بيده شايل رايه ..................٤

اخر قبر زاره بشغف ... قبر الامام الصادق
يا جدي يا نبع العلم ... وسيف الحقيقه الناطق
دور الظلمكم هل اجه ...ذاك الظلمكم فاسق
تتحاسب اربات الظلم ...وبذو الفقار الباشق

نفرح ...مهدينه يضهر يحكم بمعروفه
نفرح ... وعاصمه دولتنه الشريفه الكوفه
يرهبهم ابتاره ... ما يرد الا بثاره
مهدينه يثئر بيده شايل رايه ...............٥

من هدمو اقبور الاهل...كل ضنهم يرهبونه
أنذال من صلب الشمر...يخسون ميلاكونه
بس نبقى شيعه حيدره ... غصباً على الضدونه
والمهدي ننتضره يجي ... گربت وتشوفونه

يضهر ... والشيعه تحضر عالعهد وفايه
يضهر ... ونتعنه ابو صالح غداً مشايه
وتحضرت أنصاره ... ما يرد الا بثاره
مهدينه يثئر بيده شايل رايه ................٦

عباس العبودي الواسطي
ذكرى هدم قبور البقيع
https://hottg.com/Alabbodi

انا الكفيل وصاحب الجود
انا الكفيل وصاحب الجود

اني ابو فاضل سيد الماي
وختي العقيله تكون بحماي
من أرض المدينه لكربله وياي
مسبيه لكن ترجع اردود

انا الكفيل وصاحب الجود
انا الكفيل وصاحب الجود

وسفه الاجت وياي ياناس
كافل ضعنها الغالي عباس
ترجع سليبه وياها حراس
وراسي اعلى رمح العالي موجود

انا الكفيل وصاحب الجود
انا الكفيل وصاحب الجود

ضعن الكفلته بذيج الايام
ضلت حرم واطفال ايتام
ويه العقيله يعود للشام
وكلبي اعلى زينب حيل ممرود

انا الكفيل وصاحب الجود
انا الكفيل وصاحب الجود

يألمني اشوفن رأس الحسين
فوك الرمح ضل يشبح العين
يصد اعلى زينب بالدوواوين
يصب الدمع ضل فوك الخدود

انا الكفيل وصاحب الجود
انا الكفيل وصاحب الجود

موقف اشوفه يعذب الروح
وكبالي جسم حسين مطروح
والموقف الاصعب والجروح
من انضر علي السجاد مكيود

انا الكفيل وصاحب الجود
انا الكفيل وصاحب الجود

من اذكر تزود ابروحي الآلام
نار الي شبت وسط الخيام
هاي المصيبه المنها ما نام
واتمنى ترجع ليه الزنود

انا الكفيل وصاحب الجود
انا الكفيل وصاحب الجود

كل المصايب صعبه وتهون
الهاضمني اكثر شنهو تدرون
رأس الحسين بطشت وشلون
ينكث شفاهه الظالم بعود

انا الكفيل وصاحب الجود
انا الكفيل وصاحب الجود

عباس العبودي الواسطي
١٤٤٤ هجري _ ٢٠٢٢ م
https://hottg.com/Alabbodi

حيره حيره

وحيره الفاكد جبيره
من الأزل جانت اميره
يا وسف صارت اسيره
والأخو ضلوعه كسيره
ولمو حسين بحصيره
ونجتل بدر العشيره

حيره حيره

الجانت بسد القبيله
بت وصي ولا مو قليله
اصبحت هيه الكفيله
وتالي صعدت عالهزيله
وماكو واحد تستجيره
ونجتل بدر العشيره

حيره حيره

العاشت بعزة اهلها
اعلى النهر طاح الكفلها
راح ذاك الجان ظلها
ونكطع منه املها
وصارت المدمع تديره
ونجتل بدر العشيره

حيره حيره

الي بأس الوالي ايده
اعلى النهر كطعو وريده
ونسبت اخته الوحيده
نادت وماكو الصميده
وخذوها لغير ديره
ونجتل بدر العشيره

حيره حيره

الراح منها اخو وكافل
والنعم من ابو فاضل
والي عالحك ما يجامل
فارس بكل المحافل
والنعم مليان غيره
ونجتل بدر العشره


عباس العبودي الواسطي
٢٠٢١ م / ١٤٤٣ هجر
https://hottg.com/Alabbodi

ذكرى استشهاد الرسول (ص)

https://hottg.com/Alabbodi

سنبكيكَ * يقيناً ما مضى الدهرا
سنبكيكَ* عزيزاً يا ابا الزهرا
ذرفنا الدمعَ من دمٍ ومن جمرا
ونار القلبُ فـــــــيها ربنا ادرى
سنبكيكَ*** سنبكيكَ

حَزنا حُزننا ســــرمد * بـــكيناك ايا احمد
فواللهِ صدَقنا الفعلِ والقولاً
بكينا دمعنا ســاجم * نواسي بالعزا فاطم
نواسي المرتضى والسيده الاولى
كتاب الله قـــد انزل * فما ان مات او يقتل
ارتدو وكان الامر مفعولاً
أتدري بعد ان عادوا * لآل البيت قد عادوا
فبعدَ الضلعِ حيدر سيق مكبولاً

فبغضاً عاودوا آذو لكَ البضعه
وثأراً فيك كانت سيدي الصفعه

كسبطيكَ * دموعاً صبت الليله
كسبطيكَ * دماءٌ دمـــعنا سيله
فمسموماً ندهنا المصطفى جهرا
ونار القلبُ فــــــــــــيها ربنا ادرى
سنبكيكَ*** سنبكيكَ

رســــــول الله يا خاتم * ندهنا بسمك القائم
بلآهاتِ قلبُ الناسِ مهموما
ندهنا والمدى يشــهد * نبي اللهِ اســـــتُشهد
ما مات ولكن راح مسموما
فأملاك الســـما ناحت * بحزنٍ ويلها صاحت
فركنٌ للسماءِ اليومَ مهدوما
ضُلامات العدى تمطر * فـــما والله لا يهجر
أيهجر مَنْ اصطفاه اللهِ معصوما

ضُلامات العدى بالحقدِ مبنيه
لهذا يومنا صبت ســـــــقيفيه

لعينيكَ * جرعنا شدة البأسِ
لعينيكَ * فداء الروحِ والرأسِ
فما زالت ســياطٍ للعدى حَمرا
ونار القلبُ فـــــــيها ربنا ادرى
سنبكيكَ*** سنبكيكَ

للمشكاة اما تدري * عيونٌ دمعها تجري
بكسر الضلعِ في المسمارِ ما طابا
الا تبت يدا الظالم * أتى بالثأر من فاطم
بنار الحقد حقدٌ يشعل البابا
والمحرابُ قـد كَبر * أغـــدراً حيدرٌ يطبر
فمحراب الصلا قد كان محرابا
فآل البيت قد ذاقو * مــــراراً دمهم راقو
من بعدَ نبي اللهِ ما غابا

فــــهذا نهجهم قد كانَ مؤلوفا
سقيفيا الهوى بالحقدِ معروفا

بجنبيكَ * لفاطم كانت العصره
بجنبيكَ * لهذا أصبحت حـسره
بكسر الظلعِ ملعونٌ عدى جورا
ونار القلبُ فـــــــيها ربنا ادرى
سنبكيكَ*** سنبكيكَ

وهل في النحر لا تعلم * حسين السبط لا يسلم
ضمآنا بسيف الحقد مذبوحا
ففاق الجــرمُ ذي حده * كريم الآل مـــن جعده
مسمومٌ غدى عالارضِ مطروحا
وهــــــذي زينبٌ تنعى * فآل البيت هــم صرعا
بِسْمٌ واحداً والثاني مجروحا
خيامٌ احرقت جــــــورا * وعطشى ذاقت الحرى
وَدمٌ طاهرٌ عالارضِ مسفوحا

كفيل الخدرِ مـقطوعٌ له كفِ
ومحنيٌ حسين الله في الطفِ

لضلعيكَ * بحقدٍ تسحق اضلاعه
لضلعيكَ * ببــدرٌ تأخـــذ الساعه
ألا يا ليت مــن عمري له عمرا
ونار القلبُ فـــــــيها ربنا ادرى
سنبكيكَ*** سنبكيكَ

وبــــــــعدَ الآهِ والرهبه * جثونا نقرء الندبه
للهِ من الكفارِ نجينا
متـى تبعث لنا القائـــم * بقسطٍ عدلهُ قائم
اللهم سهل أمرَ مهدينا
فقد ضاقت ومنكَ الحل * الهي بالفرج عجل
تطبيقاً لحكم الشرعِ والدينا
اللهـــــــــــــــم فاَرحمنا * من الجورِ فخلصنا
فأمرٌ واحدٌ يا ربُ يكفينا

متى يضهر بحقٍ صاحب البيعه
متى يأخــذ بـثار الآلِ والبضـعه

لمهديكَ * شكونا شــدة الهونِ
لمهديكَ * طلبنا سيدي العونِ
لرب الكون رحنا نشتكي الإمرا
ونار القلبُ فـــــــيها ربنا ادرى
سنبكيكَ*** سنبكيكَ

عباس العبودي الواسطي

ذكرى استشهاد الرسول الاعظم (ص)
https://hottg.com/Alabbodi

ليله فاجعه وأحزان 🌸🌸 ظلمه اوحشه هلليله
يرحل سيد الأكـوان 🌸🌸 دم مو دمعــه ابجيله
ابجيلــه 🌸 هلليله 🌸🌸 وهمل دمعة الـعين

يا مولاي * حرت ابهاي شلون ابهل الحياة وتنگظي بدونك
لو حنيت * وشــــتاگيت منهو الي يعوض شوفه اعيونك
وجبيـــره * هـــــــلحيره صعبه أولادي يا خويه يفكدونك
تبجي العين *والحسنين زينب والحسن وحسين يبجونك

حيــدر انه يا مولاي 🌸🌸 اون لمصابك بحسره
وتــون فاطمه وياي 🌸🌸 وتبجي بغصه وبعبره
وتسألني🌸 جاوبني🌸🌸 هـم ننسى يبو حسين

يل أيـــه * وروايه مصلايه يبو القاسم جنت عدنه
والزهره * والحره تكول وبعد ابويه الموت اتمنه
خيمتنه * كعبتنه لو رحت انته توكع عمد خيمتنه
لا نهده * ولا ننسى نار مصابك وما تطفى لوعتنه

ويـــن بيا زمن مكتوب 🌸🌸 مسموم النبي يقتل
والطالب صبح مطلوب 🌸🌸 والاخــر صبح اول
يا ويلــــه 🌸شباقيلــه 🌸🌸 مــــن الله يفر وين

يالصابر * وتكابر من بعدك ترى تبدي مصيبتنه
تبدي النار * والبسمار أول كسر يصبح ضلع زهرتنه
وبني يطيح * وأمه تصيح محسن ياعلي هالراح من عدنه
حرك الباب * والمحراب محراب الصلا مقصود مو احنه

ما يكفيها حرك الدار 🌸🌸 كسرو ضلع للزهره
وبمحسن غـداً تحتار 🌸🌸 بجــو مدمع الحره
بجوها 🌸واذوها 🌸🌸 صفت مكسوره ضلعين

لو احجي * متكفي كلمات القصيده تقصر هوايه
شحجيلك * شرويلك علظيم الاشوفه ويجري ويايه
من الطبره * ما ابره ثلث ايام ينزف راسي ادمايه
ويتيتمون * وينحرمون اطفال التربوا حدر يمنايه

فزتو ابهل عزم ناديت 🌸🌸 ربي يشهد اعليه
فرض النافله اديت 🌸🌸ابگلب ضَل صافي النيه
وبدمعي 🌸 ضَل يهمي 🌸🌸 ومصلي ركعتين

والاعظم * مايسلم جبد الحسن وحسين السبط مظلوم
عالسبطين * تبجي العين احسين انذبح والحسن هل مسموم
والحره * متيسره وعلى الشاطي الكفلها مگطع ومهضوم
ضحه بعين * والجفين غدر غدرو گمرنه السوه بيها اعلوم

ومگيد عليل احسين 🌸🌸 زينب لليسر تطلع
ناصر ماكو لاكو معين🌸لو هضموها من يفزع
والكافل 🌸 ماقابل 🌸🌸 ضَل مكطوع اليدين


عباس العبودي الواسطي

استشهاد الرسول الأعظم (ص)
https://hottg.com/Alabbodi

ذكرى استشهاد الإمام الحسن العسكري عليه السلام
https://hottg.com/Alabbodi