Қозоғистон энергетика вазири Алмасадам Саткалиевнинг маълум қилишича, Қозоғистонда атом электр станцияси қуриш масаласи умумхалқ референдумига қўйилади.

@AdolatFarzandi

📝 Саҳар тонг соат 3 га қадар суҳбат қурган Путин Тошкентдан қайтиб кетган куннинг эртасига Ўзбекистон раҳбарига яна телеграмма ҳам юборди.

@AdolatFarzandi

Франция ва Германия раҳбарларининг хотинлари Берлиндаги хотира-қабристонида бўлиб ўтган Холокост қурбонлари хотирасига бағишланган маросимда ўзини тутиши муҳокама қилинмоқда.

Bildнинг ёзишича, Брижит Макрон ва Элке Бюденбендер хонимлар «урушда ўлдириб юборилган яҳудийларга бағишлаб ўрнатилган қабртошнинг ёнгинасидан ўтаётганларида росса бир-бирига хингиллаб кулишган».

Хонимларнинг нима сабабдан қабристонда бу қадар чақ-чақлашганининг сабаби маълум эмас.

@AdolatFarzandi

ТУНГИ МУТОЛАА 🕯

АВВАЛЛАРИ...

Товуқнинг тухуми катта эди,
Майдалашиб кетди ҳозир.
Аввал қуёш ҳам ёрқинроқ эди,
Чангдан хиралашди ҳозир.

Аввал Янги йил қорли эди, иссиқлашиб кетди ҳозир.
Кўнгил кўчалари тоза эди,
Кирлашиб кетди ҳозир.

Аввал инсон бағри кенг эди, торлашиб кетди ҳозир.
Бола-чақа ҳам кўп эди, камайиб кетди ҳозир.

Хайр-хўш, учрашув кўп эди, телефонлашиш кўпайди ҳозир.
Тўйга таклифнома кўп эди, смслашиш кўпайди ҳозир.

Бензин кўп, машина кам эди,
Бензин камайиб, машина кўпайди ҳозир.
Доллар йўқ, сўм бор эди,
Сўм йўқолиб, доллар кўпайди ҳозир.

Телевизор кам, томошабин кўп эди,
Телевизор кўпайиб, томошабин йўқолди ҳозир.
Ҳофиз кам, қўшиқ кўп эди,
Қўшиқ камайиб, ҳофиз кўпайди ҳозир.

Аввал хотин битта, оила кўп эди,
Хотин тўртта, оила йўқолди ҳозир.
Авваллари таниш кам, дўстлар кўп эди.
Дўстлар камайиб, таниш кўпайди ҳозир.

Аввал бозор кам харидор кўп эди,
Харидор камайиб, бозорчи кўпайди ҳозир.

Аввал даромад кам, барака кўп эди,
Даромад кўпайиб, барака йўқолди ҳозир.

Авваллари ўғри битта, тўғри кўп эди,
Ўғрибоши кўпайиб, тўғри йўқолди ҳозир.

Аввал ўқиган кам, уққан кўп эди.
Ўқиган кўп, уққан камайди ҳозир.
Одам кам, оқибат кўп эди.
Одам кўпайиб, оқибат йўқолди ҳозир...

© Ғ.Хакимов. «Ёзилмаган асар» 📚

@AdolatFarzandi

Москвага бу йил ёзги жазирама жуда эрта келди.

Ҳаво ўта исиб кетганидан кўчаларга сув сепиб салқинлатиш ишлари амалга оширилмоқда. Ҳадемай ёзнинг оловли ҳарорати бизда ҳам бошланиб қолади.

@AdolatFarzandi

Идоралараро мутахассис-кинологлар ўртасида илк маротаба «Хизмат итлари кўргазмаси» мусобақаси бўлиб ўтди.

@AdolatFarzandi

Кўпчиликка «Менинг ажойиб энагам» («Моя прекрасная няня») сериали орқали яхши таниш бўлган россиялик актриса Анастасия Заворотнюк оғир хасталикдан сўнг 53 ёшида вафот этибди.

@AdolatFarzandi

ПАЙШАНБА ЭЪЛОНИ:

«Уят, ор-номус, виждон деган нарсаларимни йўқотиб қўйдим. Агар топиб олсангиз, уларни менга қайтараман, деб овора бўлиб юрманг.

Виждонсиз яшаш анча қулай ва яхши экан.»

@AdolatFarzandi

Шухрат Хайтовнинг «Sharaf Rashidov - the Inspirer for the Development of Mirzachul» («Шароф Рашидов – Мирзачўл тараққиётининг илҳомчиси») номли ҳужжатли фильми VI Британия халқаро кинофорумида ўттизга яқин мамлакатдан тақдим этилган кинофильмлар орасида ғолиб деб топилиб, махсус мукофотга сазовор бўлди.

@AdolatFarzandi

Дональд Трамп мабодо президент этиб сайлангудек бўлса, ўзига Илон Маскни маслаҳатчи этиб тайинлашини эълон қилди.

@AdolatFarzandi

ТОПГИН-ТОПАЛОҚ

Чеченистон раҳбари Рамзан Қодиров Тошкентдаги учрашувда у, Путин ва Ўзбекистон президенти ўзаро пинҳона нима ҳақида гаплашишганини топган кишига миллион рубль ваъда қилибди.

@AdolatFarzandi

Ўзбекистон 2026 йилда аъзо бўлишни режалаштираётган Жаҳон савдо ташкилотига Қирғизистон 1998 йилда, Тожикистон 2013 йилда, Қозоғистон эса 2015 йилда аъзо бўлишга улгурган.

@AdolatFarzandi

Кеча «Ўрикзор» бозорга тушган эдим. Айтишганича бор экан, харидорлар анча саёз.

Дўконлар оралаб борар эканман, савдо сустлигидан бир четга тўпланволиб ўтирган беш-олтита дўкондорнинг суҳбатига ногоҳ қулоғим чалиниб қолди.

- Кеча Путин келганида Ўзбекистонни рублга ўтишга келишиб кетибди. Энди сўм йўқолиб рубл бўлармиш.

- Йўғе, қўйсангчи. Қаёқдан олдинг бу гапни?

- Рост, шунақа эмиш...

Шартта ортимга қайрилиб бунақа гап-сўз йўқ, биз рублга ўтмаймиз, деб уларга уқтираймикин деб ўйладиму кейин ҳай майли, ўзи шундоқ ҳам сўмимиз дунёда энг қадрсиз валюталардан бири бўлса, бу гап-сўзлар унинг олдида нима бўпти, деб йўлимда давом этдим...

@AdolatFarzandi

ТУНГИ МУТОЛАА 🕯

«Бу ҳаёт сўқмоғида йиқилганингда - ҳеч бўлмаганда "омонмисан", деб ҳол-аҳвол сўрагувчи ҳамроҳинг бўлсин».

© Ғ.Хакимов. «Ёзилмаган асар» 📚

@AdolatFarzandi

1991 йилда Қувайтга ҳужум қилгани учун Ироқ армияси БМТ ва АҚШ қўшинлари томонидан қақшатқич зарбага учрайди.

Ироқ армияси катта талафот кўргани учун қарши ҳужумга ўтишнинг ҳам имкони йўқ эди. Шунда аламидан нима қилишни билмаган Саддам Хусайн боплаб хумордан чиқишнинг ўзига хос йўлини ўйлаб топади.

У хорижий меҳмонлар ва асосан дипломатлар қўним топадиган Ироқдаги машҳур ва ҳашамдор «Ал-Рашид» меҳмонхонасига кираверишдаги фойенинг полига Америка президенти катта Жорж Бушнинг портретини мозаика усулида чиздиради.

Антиқа декор шундай жойлашган эдики, ундаги суратни босмасдан ичкарига киришнинг сира имкони йўқ эди. Ва ҳар бир Ироққа ташриф буюрган америкалик меҳмон ўз президентининг портретини тепкилаб ичкарига кирар эди.

Гарчи ўша вақтларда бундай ҳолга америкаликларнинг ўзлари истеҳзо билан қараган бўлсалар-да, 2003 йилда Ироққа бостириб кирган АҚШ ҳарбийлари мозаикани меҳмонхонаси билан бирга қўшиб вайрон қилиб ташлаган эдилар.

Хайрли тонг, Азизлар!

@AdolatFarzandi

Россия Давлат Думасига жазирамада иш вақтини қисқартиришни назарда тутувчи қонун лойиҳаси киритилиши режалаштирилмоқда.

Унга кўра, 28,5 градус иссиқда - иш вақтини бир соатга, 29 градусда - 2 соатга, 30,5 градус иссиқда - нақ тўрт соатга қисқартирилади!!!

Қойилмисиз? Модомики Россия билан ҳамкор давлат эканмиз, улар билан оламшумул лойиҳаларни амалга оширишни кўзлаётган эканмиз, келинг, мана шундай инсон манфаатига, роҳатига хизмат қилувчи тажрибаларни ҳам ўзлаштирайлик.

Нима, ёмонми? Меҳнат қонунчилигини яна ҳам либераллаштирадиган, уни замон, макон ва ИНСОН талабига мослаштирадиган вақт етиб келди. Ҳатто Қозоғистон 4 кунлик иш ҳафтасига ўтганига бир йил бўлди. Натижа ёмон эмас, иш ҳам, дам олиш ҳам, ривожланиш ҳам ўз маромида кетяпти.

@AdolatFarzandi

АҚШнинг собиқ Президенти Доналд Трамп жиноятда айбдор деб топилди.

Нью-Йорк суди ҳакамлар ҳайъати Доналд Трампни 2016 йилги сайловлар олдидан актриса Сторми Даниелсга сукут учун амалга оширган тўловни расмий ҳужжатларни сохталаштиришда айбдор деб топди.

Трамп Америка тарихида жиноятда айбдор деб топилган биринчи президентга айланди. Икки кунлик мунозаралардан сўнг ҳакамлар ҳайъати Трампни барча 34 та банд бўйича айбдор деб топди.

@AdolatFarzandi